يعنى ايه الرموز 4G,3G,H+,H,E,G ؟

يعنى ايه الرموز 4G,3G,H+,H,E,G ؟!

كلنا بنشوف الكلام ده وفى منا كثير ميعرفش ايه معناه 
ده ببساطة الرموز الى بتظهر قوة وسرعة اتصالك بشبكة الانترنت من خلال الداتا
طيب ايه رئيكم نتعرف على معنى كل حاجة فيهم واحدة واحدة 

رموز الشبكة 3G,4G,H,H+

لما تلاقى الرمز الى ظاهرلك اثناء اتصالك بالشبكة G :


ده معناك انك متصل على ال GPRS او (General Packet Radio Service) وده مش حاجة هتعجبك اوى لان ده بيعتب من ضمن تكنولوجيا ال 2G واحد اقدم التكنولوجيا المستخدمة فى نقل الداتا فبالتالى هتكون على اقل سرعة نقل بيانات مستخدمة يعنى صعب جدا انه يفيدك غير مثلا اثناء استخدام ال WhatsApp مش اكثر مجرد مراسلات نصية

لما تلاقى الرمز الى ظاهرلك اثناء اتصالك بالشبكة E :


هيكون ساعتها حالتك افضل شوية من ال G لانك حاليا تقريبا بتستخدم تكنولوجيا بعض الناس بيقولو عليها 2.5G وده لانها اعلى من ال 2G ولكن اقل من ال 3G وال E هنا اختصار ل EDGE او (Enhanced Data Rates for GSM Evolution) طبعا السرعة هنا هتكون افضل من ال GPRS ولكن مش هتكون كافية بالنسبالك انك تاخد راحتك فى التصفح

لما تلاقى الرمز الى ظاهرلك اثناء اتصالك بالشبكة 3G :


كده انت متصل بتكنولوجيا الجيل الثالث او ال (third generation) انت كده اسرع اكيد من الى فات وهتقدر تتصفح بسهولة افضل من الى كان متاح ليك سواء فى ال G او ال E

لما تلاقى الرمز الى ظاهرلك اثناء اتصالك بالشبكة H :


ال H هنا المقصود بيها HSPA او (High Speed Packet Access) وهى تكنولوجيا ايضا من الجيل الثالث ولكنها تعطيك سرعة اكثر من العلامة 3G وانت كده السرعة عندك كويسة جدا وتقدر تسمع موسيقى او تتفرج على فيديوهات 

لما تلاقى الرمز الى ظاهرلك اثناء اتصالك بالشبكة +H :


كده ده افضل سرعة تقدر توصلها خلال الجيل الثالث ومش هتوصل لاكثر من كده الا لو عندنا جيل رابع وللاسف لسة مش متوفر فى مصر تكنولوجيا الجيل الرابع طبعا اسرع من الى فاتت اكيد وهتقدر تشتغل فيها من غير اى تهنيج

لما يكون الرمز 4G او LTE ( الجيل الرابع ) :

ملحوظة هناك ايضا ال 4G وده الى داخل مصر ان شاء الله قريبا ال 4g السرعات فيه اعلى من سرعات الجيل الثالث وتابع الجدول الى جاى عشان تعرف مقدار السرعات الى ممكن يوصلها

بمناسبة وجودال  4G الجيل الرابع فى مصر لازم تعرف الاتي:

* ال 4G مش مدعوم فى كافة الهواتف تقدر تتاكد هل مدعوم ولا لا فى هاتفك تقدر تتفقد مواصفات هاتفك .. ولو هاتفك من خارج مصر حاول تتاكد من انه بيدعم الترددات الى هيتم تطبيقها من خلال الشركات المصرية
* ال 3G موجود فى اغلب الهواتف الموجودة حاليا بالفعل .. لكن فى كتير من الهواتف خاصة الى مش من ضمن الهواتف الذكية مبتدعمش الجيل الثالث 
* الهواتف الى بتدعم لحد ال 4G مش معناه انها مش هتشتغل غير على 4G فقط لكن بتشغل افضل المتاح حسب المنطقة والتغطية الى انت فيها 


العالم حاليا ابتدى بالفعل فى تطوير خدمات ال 5g وده يديلك نبذة عن كم التطور الهائل الى بيحصل فى العالم حاليا 

الجدول التالى يوضح اقصى السرعات لكل رمز من الى تم ذكرهم فى هذا المقال 
سرعات كل جيل من الجيل الثانى الى الرابع

لو عاوز دايما تثقف نفسك بمعلومات مفيدة عن الهواتف متنساش تقرا المقال ده (يعنى ايه رباعى او ثمانى النواة ؟! معلومات لازم تكون عارفها عن معالج الجهاز)




مراجع 
1
************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة

شارك الموضوع

مواضيع ذات صلة