تعرف يعنى ايه Android One ؟

تعرف يعنى ايه Android One  ؟

فى الفترة الاخيرة فى مصر ابتدت تتسمع الكلمة ده كتير فى مصر بسبب نزول احد الشركات بجهاز فى مصر كانت الدعاية الاساسية بالنسباله هى Android One وكل الناس فهمت الخلاصة بتاعته وهى ان شركة جوجل بتبعت التحديثات اول باول ليه .
طب تيجى نفهم الموضوع بشكل كامل ببساطة ؟!

نبذة تعريفية عن Android One  :

حسب احصائيات شركة جوجل فان شخص من كل 4 اشخاص بيستخدم هاتف ذكى فجوجل فكرت ليه ميكونش كل واحد معاه هاتف ذكى لان كل واحد هيفرق كتير من هنا جه تسمية Android One لانهم عاوزين ان يكون الاندرويد موجود مع كل فرد . Android One  هى نسخة بتشتغل باندرويد (خام) وبتحصل على تحديثاتها مباشرة من شركة جوجل من دون اى تعديلات خاصة بالشركات وده بيساهم ان مع كل تحديث جوجل بتنزله بيساهم فى رفع الاداء وطول عمر البطارية وسرعة الجهاز .

Android One  مشروع موجه بالاساس للمستخدمين الى اول مرة يستخدمو هاتف ذكرى وبالاخص فى الدول النامية وطبعا السوفت وير بيتم ادارته وتحسينه وتحديثه شركة جوجل نفسها بالمجان لاصحاب الاجهزة الى بتشتغل ب Android One وده بيختلف عن الشركات الكبيرة الى بالنسبالها الدعم للاجهزة بيكون فترة معينة لان بيستهلك منهم الموارد سواء البشرية او المادية

المشروع ابتدى يطبق فى الهند سنة 2014 ومن اول الشركات الى دعمته هى شركة media tech واول الشركات ال عملت على تصنيع الاجهزة كانت من الهند وهم  Micromax, Spice , Karbonn وابتدى الموضوع ينتشر فى بعض دول جنوب اسيا ثم تم تطبيقه فى نيجيريا من قبل شركة infinix وطبعا من هنا يبتدى يوضح ليه سمعنا الكلمة ده فى مصر . ولسة الموضوع قاعد بيكبر وشركات كثير بتدعمه حاليا وشركات كتير بتنضم للمشروع ده 

احد اسباب وجود المشروع انه بيحاول يوفر الهواتف الذكية باسعار اقتصادية

ازاى ابتدى ؟!

اول واحد فكر فى المشروع ده هو مشرف انتاج والرئيس التنفيذى المنتظر لشركة جوجل وهو Sundar Pichai



معلومة ع السريع وانا بحضر للمقال ده لقيت ان الشخص ده مكتوب جمب تعريفه Designated CEO  لما دورت عن معنى الكلمة عرفت ان الفرق بينها وبين ال CEO   ان ال CEO   معين بالفعل لكن ال Designated CEO  هو المقرر تعيينه بعد الى موجود


الراجل ده من الهند اصلا وكده ابتدينا نعرف ليه طبق فى الهند اول دولة بجانب انها دولة نامية والراجل ده قال

( Android One بهذا المشروع قدرنا نحقق نظام عظيم وجهاز رائع وان احنا بنامل بيه اننا نوصل للناس الى ممسكوش هاتف ذكى قبل كده )

الدول الى فيها المشروع ده 

الهند وبنجلاديش و اندونسيا و بورما و الفلبين و تركيا و وباكستان واسبانيا والبرتغال
وطبعا نيجيريا فى الاساس وبالتبعية ( مصر والمغرب ) لوجود هاتف infinix hot 2 بهم 

خلص المقال بنتمنى اننا نكون وفقنا فى الشرح شكرا ليكم ولمتابعتكم 

شوف مراجعتنا لهاتف hot 2 pro الذى يعمل ضمن مشروع  Android One
المراجع
1
2


************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة

شارك الموضوع

مواضيع ذات صلة