يعنى ايه OTG ببساطة

بسم الله الرحمن الرحيم
موضوعنا النهاردة هو

يعنى ايه OTG ببساطة 

يعنى ايه OTG ببساطة 
كابل ال otg

الملخص

طيب ببساطة للناس الى مش مهتمة بالتفاصيل ده خاصية بتمكنك انك تستخدم الكابل الى فى الصورة ده عشان توصل keyboard او mouse او فلاش ميمورى او اغلب الاشياء الى بتشتغل بمخرج usb خلال جهازك الخاص بيك سواء الفون او التاب وتقدر من خلال الخاصية ده تستخدمها فى نقل البيانات بطريقة مباشرة وسريعة من دون اللجوء لجهاز الحاسب وده بيوفر عليك وقت وجهد وكمان بيفيد كتير جدا فى الشغل او الدراسة كون ان يبقى جهازك يقدر يقرا البيانات مباشرة من الفلاش ميمورى و حت فى بعض الاحيان الاجهزة الى بتدعم ال OTG بتكون ايضا بتدعم خاصية ال reverse charging وده بتخليك تستخدم موبايلك ك باور بانك عند الحاجة ... عشان كده انا شخصيا واعتقد فى ناس كتير ممكن توافقنى فى الراى ده انها من اهم المواصفات الى تحاول تتاكد منها قبل ما تشترى جهازك لان كتير منا بيستخدم التليفون فى شغله او دراسته فبيحتاج ينجز مهماته بسرعة من خلال فلاش ميمورى خارجى مثلا ... وحاليا فى بعض الفلاشات الى بتقدر تشتريها ليها مخرج خاص بالموبايل بحيث انك متحتجش الكابل ده ويكون اسهل فى الاستخدام .

كمان فى حاليا الهواتف الحديثة بتكون usb type c بيكون ليها قطعة خاصة مختلفة نوعا ما عن الصورة الى فوق وبتدعم نقل ملفات بشكل اسرع
كابل otg usb type c

ملحوظة ال OTG اختصار ل USB On-The-Go

بالنسبة للناس الى حابة تفهم الموضوع بشكل اكبر شوية فتابعو معانا 

الاول لازم نكون عارفين ان الاساس فى الاجهزة الى بتكون متوصلة مع بعض master/slave او مضيف ومستضاف ده ابسط معنى ليها يعنى فى جهاز بيكون هو المتحكم فى العملية والتانى بيكون دخيل لاداء العملية زى مثلا جهاز الكمبيوتر ده بيكون مضيف او master لكن الاجهزة الى بتكون متصلة بيه طابعة او ماوس او keyboard او غيره بتكون تابعة او مستضافة . 

طيب فكرة ال otg هو ان بيخلى نفس الجهاز يكون مضيف / مستضاف فى حالات مختلفة وده بيعتبر تحسين لوظائف ال usb .. مثال انت لو وصلت التليفون بالكمبيوتر بيكون ( مستضاف / slave / تابع ) الاجهزة الى بتدعم ال otg بس هى الى ممكن تخلى جهاز التليفون الخاص بيك (master / مستضيف) عن طريق كابل ال otg الى تقدر تشتريه من اى مكان باسعار تتراوح ما بين 5 ج مصرى الى 25 ج مصرى فى حالة الكابل العادى زى الى فى الصورة اعلاه .

خلاصة الفقرة الى فاتت ده : ( يعنى جهاز التليفون الى بيدعم ال otg يقدر يكون مضيف او مستضاف  لكن الى مبيدعمش بيكون مستضاف فقط)

طيب فى حاجة زى خاصية ال reverse charging مين الى بيكون مضيف ومين الى مستضاف؟

 الجهاز الى متصل بيه طرف كابل ال otg الاساسى هو الى بيكون المضيف والاخر هو المستضيف عشان كده هو الى بيشحن لكن الاخر بيتم شحنه وليس اى هاتف يدعم ال otg بالضرورة يدعم ال reverse charging

طيب هل معنى ان الجهاز الى بيدعم ال otg يقدر يشغل اى جهاز تانى سواء فلاش ميمورى او ماوس او غيره او حتى الاتنين فى نفس الوقت ؟!

الحقيقة لا لان فى عنصر تانى بيحدد الموضوع ده .. هو ان يكون الجهاز يقدر يمد الباور الى محتاجها الجهاز الى هيشتغل عليه سواء كان ماوس او كيبورد او غيره لو ميقدر احيانا بيكون سهل التعامل معاها من خلال powered usb hub لانها بتساعد فى مد الطاقة اللازمة لتشغيل الجهاز الاخر

ال otg ده جديد ؟! 

هتتفاجئ لو عرفت انه تم تطبيقه فى اجهزة قديمة نوعا ما يمكن مكنش بنفس الكفائة او مسمعناش عنه بسبب انه مكنش منتشر ساعتها الا انه مطبق مثلا فى blackberry z30 ونوكيا n8 وغيرها من بعض الموبايلات القديمة نسبيا

اما فى الاجهزة الى بتشتغل بنظام الاندرويد فتم تطبيقه بداية من الاصدار 3.1 ولكن مش معنى كده ان كل الموبايلات اعلى من الاصدار ده بتدعمه لانه بيعتمد هل الشركة المصنعة برده بتدعمه ولا لا وده هتقدر تعرفه من خلال بعض المواقع الشهيرة الى بتقدملك مواصفات الاجهزة الكاملة زى مثلا gsmarena والى هتلاقى لينك دخوله فى اسفل المقال فى لينكات تهمك

بالنسبة للهواتف التى تعمل ب usb type c

مفيش اى اختلاف يذكر بالنسبة للاساسيات مع الشرح الى فات لكن يفرق ان ال usb type c اسرع بفرق ملحوظة فى نقل البيانات والوصلات بتاعته الخاصة بال otg هى بتكون من type c وده يمكن الفرق الوحيد فى الموضوع ده .

ازاى تشوف جهازك يدعم ال otg ولا لا

لو مقدرتش توصل بالطرق التقليدية او حابب تتاكد بنسبة اكبر نسبيا تقدر تخش على ال play store وتحمل برنامج باسم
USB OTG Check Compatibilité
تقدر تحمله مباشرة من خلال اللينك التالى
لو جالك الصورة ده يبقى الفون بيدعم اما لو جالك رسالة اخرى ده معناه ان هاتفك للاسف لا يدعم هذه الخاصية
نجاح اختبار دعم ال otg
روابط مهمة

موقع gsmarena والى تقدر تعرف من خلاله كل مواصفات الهاتف بما فيهم توفر خاصية ال otg
اسعار كابلات ال OTG والمنتجات التى تدعم OTG
من هنا
*********
فى النهاية بتمنى انى اكون وفقت فى الشرح واكون قدرت افيدكم 
ومتنسوش تعليقاتكم للتشجيع على تقديم كل ما هو جديد
المصادر


كلمات دلالية : ما هو ال otg , يعنى ايه otg , ايه فايدة ال otg 
************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة

شارك الموضوع

مواضيع ذات صلة