ايه الى تعرفه عن شركة oneclick وليه مش موجودة عالميا

بسم الله الرحمن الرحيم

النهاردة معانا تقرير كامل عن

ايه الى تعرفه عن شركة oneclick وليه مش موجودة عالميا

شعار شركة oneclick

****

مبدئيا الموضوع مش لمهاجمة شركة oneclick او الوكيل لان كل الاراء عن خدمات ما بعد البيع كانت جيدة للغاية.. لكن بس المقال لتوضيح ليه الشركة ملهاش وجود غير فى مصر وفقط وملهاش اى وجود فى الخارج وايه مصدر اجهزتها

****

مين هى شركة oneclick ؟!

من خلال موقع الشركة فى مصر هتعرف ان تم اطلاق شركة oneclick مصر فى عام 2010 وانهم وكيل حصرى لمنتجات oneclick فى مصر والشرق الاوسط ... الا انه مع البحث مفيش وجود فعلى لاى براند عالمى مشهور او جديد قد يكون له شهرة بالاسم ده وبعد البحث اكتر عن الاجهزة هتلاقى انها مش موجودة غير فى مصر .. طب هل ده براند مصرى والشركات بتصنعله زى sico .. لا برده وجدنا ان اغلب اعتماد الشركة على rebranding بمعنى ان الشركة ملهاش اجهزة وملهاش مصانع ولا بتعمل تصاميم هى بس مجرد بتسوق فى مصر لهواتف معينة من براندات مختلفة تحت اسمها هى بالاتفاق مع الشركة الام .. على سبيل المثال

1- هاتف pop one من oneclick :

والى كان بداية نجاح فعلى للشركة فى مصر --- ما هو الا هاتف من شركة صينية باسم x-bo o1 بنفس المواصفات فقط مع تغيير العلامة التجارية الى شركة oneclick وحقق مبيعات اكتر من ممتازة لشركة oneclick فى السوق المصري والى اتكلمنا عنه فى مقالنا التالى "النظرة الشاملة لهاتف وان كليك بوب وان - oneclick Pop One"

2- هاتفى pop 2 و pop 2 pro من شركة oneclick :

والى كان دليل على استمرارية الشركة فى السوق وفى وقتها كان ارخص هاتف ببصمة فى سعره وبعده اتبعه اطلاق pop 2 pro برام اعلى و 4g اما الهاتفين فهم من شركتي افضل نسبيا وذات سمعة عن x-bo فالهاتفين من شركة doogee وهم x5 max و x5 max pro
حتى الان يظل الهاتف ضمن قائمة الاكثر مبيعا فى الفئة الاقتصادية من خلال شركة جوميا والى بيحقق قيمة ممتازة مقابل سعره لكن للاسف مبنقدرش نرشح اى هاتف فى الفئة الاقتصادية للغاية لان 1 جيجا رام اصبحت غير مناسبة مع بداية عام 2018 لكن وبشكل عام تحافظ شركة oneclick على استمراريتها فى السوق المصري .
كمان اتكلمنا قبل كده عن هاتف oneclick pop 2 من مراجعتنا الكاملة الى تقدر تشوفها من هنا "مواصفات وسعر هاتف ون كليك بوب 2 - OneClick POP II"

تقدر تشتر هاتف oneclick pop 2 من جوميا
من هنا

فى حين تم اطلاق الهاتف الاصلى فى شهر6 لعام 2016 نزل ال pop 2 فى مصر فى شهر 11 لعام 2016
محدث : الان شركة DOOGEE متواجدة رسميا فى مصر ... لمعرفة المزيد تصفح المقال التالى "من هى شركة DOOGEE"

3- هاتف pop 3 :

وهو احدث هواتف الشركة فى مصر وكان بذاكرة داخلية 32 ورام 3 جيجا وفى تسعير رائع .. الهاتف من شركة uhans واسمه H5000

4- هاتف x music 2 pro من شركة oneclick :

من شركة uhans ايضا وهو ونوعه A101

طيب مغزى المقال هنا ان مفيش شركة بتقدم هواتف بشكل فعلى باسم one click وهي بس بتعمل rebranding لهواتف من شركات اخرى والله اعلم هل الشركات وافقت بالاتفاق ده للتخلص من شحنات مباعتش من الجهاز ولا ده اتفاق روتينى مع الشركة عشان كده وده المهم ... مينفعش تحكم ابدا على جهاز من الشركة حلو ولا لا بناء على استخدامك لاجهزة سابقة منها لان زي ما انت شايف انها اصلا هواتفها من شركات مختلفة ولازم تاخد رئيك فى الجهاز يا اما من خلال مراجع جربه بنفسه او تحاول تجيب اسم الهاتف الاصلى وتبحثله عن مراجعات او المميزات والعيوب الى المستخدمين قابلوه فيه

وزى ما قولنا حتى الان اداء شركة oneclick فى مصر محترم لكن وجب التنويه ومش من هدفنا كصفحة وموقع Egyptian Reviewer نوقع كيان قدر يقوم بالفعل زي oneclick فى السوق المصرى فشركة oneclick اصبح ليها وجود فعلى فى سوق الهواتف كما ان لشركة onecick مركز متقدم فى احصائيات السوق المصرى الى تقدر تتعرف عليها من هنا "شركات الهواتف الاعلى مبيعا فى السوق المصرى ؟! هل يتبع نفس الاحصائيات العالمية ؟!"

وزى ما بلغنا فى مقالنا السابق انه متخليش البراند هو دايما الاساس على حكمك قبل الامكانيات فلو الجهاز بيقدملك امكانيات افضل مقابل سعر معقول على عكس البراند المشهور يبقى نفضل الجهاز ده مع المحافظة على انك تشوف تجربة المستخدمين السابقين ليه عشان تعرف اكتر اقرا مقالنا (ما هو افضل براند او ماركة موبايل ؟!)

المراجع:

************

فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا

ولا تنسى الاعجاب بالصفحة

آخبار الموقع

ايه الى تعرفه عن شركة oneclick وليه مش موجودة عالميا