من هى شركة VIWA

بسم الله الرحمن الرحيم
موضوعنا النهاردة عن

من هى شركة VIWA


شركة viwa

شركة viwa شركة سمعنا عنها فى السوق المصرى من فترة مش كبيرة الا ان كان ليها وجود فى حصة السوق المصرى فى احصائيات الربع الاول من عام 2017 والى تقدر تشوف مقال عنه عشان تعرف تشوف الشركات المتسيدة السوق من هنا (شركات الهواتف الاعلى مبيعا فى السوق المصرى ؟! هل يتبع نفس الاحصائيات العالمية ؟!) .

مين هى شركة VIWA

شركة حديثة العهد تاسست فى عام 2009 وجود viwa mobile كان تحت اسم viwa smart والشركة تتكون من مجموعة من المؤسسات والشركات متصلة ببعضها والى بتتولى امور التصميم والتصنيع والمبيعات وغيره .

تخطى عدد العمال فى شركة viwa اكثر 1000 عامل على مستوي العالم حتى الان ولها فروع فى كلا من مصر والامارات وكينيا وتنزانيا وايران وغانا والسنغال ورواندا وغيرها حيث تنتشر الشركة فى 10 دول .

الشركة بتخطط انها فى الفترة الجاية تبتدى تنتشر فى اوروبا وشمال امريكا وفتح اسواق جديدة فى الشرق الاوسط وافريقيا .


اماكن تواجد شركة viwa

تاريخ شركة VIWA

 حسب موقع الشركة فى مقتطفات سريعة
 -سنة 2012 تم انشاء فرع دبى واطلاق الشركة رسميا فى الشرق الاوسط وافريقيا .
- سنة 2013 الشركة دخلت غانا والسنغال وبعض الدول الاخري فى افريقيا وقدر تحقق مبيعات تصل الى 20 % من حصة البيع .
-واستمر الحال فى فتح اسواق جديدة فى السوق فى 2014 وابتدى التحضير لوجود الشركة رسميا فى مصر والى كان وجودها بشكل رسمي واعتفد على ذاكرتى الشخصية اول تعامل وظهور لاسم الشركة بشكل رسمي فى مصر كان شهر 4 سنة 2016 .

اجهزة شركة VIWA

الشركة ليها عدد كبير من الاجهزة المتوفرة فى السوق المصرى وتوافر اجهزتها يتراوح ما بين الفئة السعرية الاقتصادية الدنيا والاقتصادية عندها برده موديلات لاجهزة عادية واجهزة سمارت يمكن المميز حاليا والى ظاهر بشكل قوي viwa i3 كارخص الهواتف الذكية المتوفرة وجهاز viwa x1 كهاتف معقول فى فئة ال 1000 جنيه وهاتف viwa x5 والى نقطة تسويقه البصمة وفى اعلى فئة بالنسبة للشركة فى مصر هاتف viwa pro f6 بسعر 3000 جنيه والى بيركز بشكل اساسي على التصميم والى كان لينا تغطية خاصة فى حفل اطلاقه تقدر تشوفها من هنا (التغطية الشاملة لحفل اطلاق هاتف viwa pro f6).

تجربتنا مع شركة VIWA 

كان لينا تجربة من فترة لهاتف viwa pixel وجربناه تقدر تشوفه من خلال اللينك التالى (مراجعة مختصرة لهاتف فيوا بيكسل - viwa pixel review) .. بشكل عام كانت الخامات جيدة وكان اداءه معقول فى المجمل وكنت بصراحة متفاجئ من الكاميرا بالنسبة لفئته السعرية فى التصوير العادى يمكن فى الفيديو كان بيبقى فى شوية لاج لكن التجربة المميزة بحق كانت فى التصوير العادى كان اعتقد ممكن ينافس هواتف اعلى كتير من تمنه لكنه مبقاش متاح حاليا .

على ذكر الهاتف ده مكانش معايا لفترة طويلة الحقيقة لانه كان لشخص صديق ليا ومع مرور الوقت مر بمشكلة مع الهاتف وهى كان تهنيج واعادة تشغيل مع الهاتف والى نقلتنا للجزء الى جاى من كلامنا خدمة ما بعد البيع والوكيل بالنسبة للشركة

خدمة ما بعد البيع ووكيل شركة VIWA

نصحت صديقى بانه يشوف الضمان وراح فعلا فى الاول مكنش التشخيص الامثل بانه كان سوفت وير فقط واستلمه فى خلال نصف ساعة فقط من تسليمه لكن ظلت المشكلة فى الهاتف وعلى اثرها راح تانى بعد اسبوع وسلم الجهاز وفى خلال فترة اسبوع كانه مبلغينه انه يقدر يستلم الجهاز وانه تم صيانته وتغيير البوردة بشكل كامل . والى على اثرها اتحلت المشكلة وكان تقييمه جيد بالنسبة لمركز الخدمة بحسب كلامي معاه سواء المكان او المعاملة او الوقت الخاص بالتسليم .

يمكن التعليق الوحيد كان على عدم انتشار مراكز الخدمة والى توفيرا ليكم هنكتب عناوينها .

عناوين مراكز خدمة وككيل شركة VIWA لخدمة ما بعد البيع 

القاهرة:
4 شارع النصر – مدينه نصر محل رقم 4 – القاهرة
طنطا:
شارع الكورنيش اتجاه الاستاد تقاطع شارع البندارى عماره محمد بسيونى
المنصورة:
٣٦ ش سيدى حالة ش العباسى
الإسكندرية:
49 شارع بهاء الدين الغــتـورى – ميدان 15مايو - سموحه
وايضا يمكنك التواصل مع خدمة ما بعد البيع على رقم : 01016833068 من السبت الى الخميس من الساعة 10 صباحا حتى 6 مساء

اماكن شراء هواتف شركة VIWA

الشركة حاليا اجهزتها متوفرة فى معظم محلات الهواتف وتقدر برده تشترى اجهزتها من خلال
جوميا
من هنا
 سوق
من هنا


************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة

شارك الموضوع

مواضيع ذات صلة