مراجعة Huawei y5 prime 2018 واهم المواصفات والمميزات والعيوب والسعر

مراجعة Huawei y5 prime 2018 واهم المواصفات والمميزات والعيوب والسعر

مراجعة Huawei y5 prime 2018 واهم المواصفات والمميزات والعيوب والسعر

شركة هواوي- huawei قامت باطلاق هاتف huawei y5 prime 2018 كارخص هاتف بالابعاد الجديدة ب 2 جيجا رام فى السوق المصرى فهل يستحق الشراء او لا وايه هى ابرز المواصفات والمميزات والعيوب واماكن شراء الجهاز كل ده هنعرفه فى مقالنا "مراجعة Huawei y5 prime 2018 واهم المواصفات والمميزات والعيوب والسعر"

مواصفات Huawei y5 prime 2018 :

1. الجهاز بييجى بشاشة 5.45 بوصة 1440*720 بالابعاد الجديدة 18:9 HD+ 
2. الجهاز بييجى بمعالج MT 7639 مع معالج رسومي PowerVR GE8100
3. y5 prime 2018 بييجى ب 2 جيجا بايت ذاكرة عشوائية - RAM و 16 جيجا ذاكرة داخلية - ROM
4. كاميرا خلفية 13 ميجا بيكسل مع فلاش وامامية 5 ميجا بيكسل مع فلاش مكون من 6 درجات
5. يدعم خدمات الجيل الرابع
6. بطارية 3020 ملى امبير 

بين وبين فى Huawei y5 prime 2018 :

فى بعض النقط هتذكر بين مميزات وعيوب فى الغالب هتبقى سلاح ذو حدين او لها جانب من الافضلية مع جانب اخر سلبي ابرزها هيكون الاتى :

1. السماعة : السماعة ادائها مش قوى او ضعيف فى المجمل متوسطة السماعة الخارجية هى نفسها سماعة المكالمات والجانب السلبي على الرغم من ادائها فى المجمل متوسط الا ان الجودة مش هى الافضل اما الجانب الايجابى فانها مواجهة مباشرة للمستخدم فى حال الالعاب او الفيديوهات فمع تجربة المشاهدة بتدى احساس افضل بشكل نسبى كمان مش هتتكتم فى حال وضعها على سطح مستوي .

   

   سماعة HUAWEI Y5 PRIME 2018

2. الكاميرا الخلفية : بدقة 13 ميجا بيكسل وفلاش قوي هيكون عندنا جانبين اولهم الجانب الايجابى وهو تشبع الالوان الجيد جدا والى لاول مرة بعد الصورة هيكون انطباعك عنها ان الصوورة ممتازة وده ينفع اكتر مع تصوير الاشخاص والاماكن العامة والمظاهر الطبيعية اما الجانب السلبى ان التفاصيل بتكون اقل من المتوقع والتركيز بياخد وقت وممكن تضطر تعيد الصورة اكتر من مرة خاصة فى المستندات وفى المجمل فى الفئة ده صعب الحصول على جودة مبهرة . 
3. الاداء : الجانب الايجابي انه اكتر من مناسب فى فئته السعرية للاستخدامات الاساسية والالعاب البسيطة وتطبيقات ال social media الجانب السلبى ان قد يكون فى خيارات افضل نسبيا فى الفئة السعرية بسبب حرق الاسعار فى السوق المصري لعدد من االجهزة القديمة.

مميزات huawei y5 prime 2018 :

1. شاشة بالابعاد الجديدة 18:9 لاول مرة من براند كبير فى الفئة السعرية 2000 جنيه مع 2 جيجا رام والشاشة يمكن هى الحاجة الى الشركة ركزت عليها بشكل كبير من خلال تجربتى للشاشة كانت اكتر من ممتازة الوانها رائعة وزوايا الرؤية ممتازة والسطوع جيد وتجربة المشاهدة عليها مناسبة جدا .. فكرة ان الجودة مش full hd+ غير مؤثرة اطلاقا لسببين الاول هو الفئة السعرية للهاتف والاخر ان الشاة 5.45 بوصة وكثافة البيكسلات فيها معقولة للغاية ومش هتحس بمشاكل فى الرؤية.
2. بطارية فى مجملها جيدة جدا. 
3. براند ذو شعبية فى السوق .
4. التوازن : الجهاز متوازن بشكل كبير فى سعره مفيهوش تنازلات صارخة فى جزء من الاجزاء على حساب الاخر .
5. سماحية وجود شريحتين اتصال + كارت ذاكرة

عيوب huawei y5 prime 2018 :

1. الجهاز بييجى بمجموعة المستشعرات الاساسية فقط بدون اضافات مش ده العيب فى حد ذاته بقدر كونه نقص امام المنافسين.
2. الجهاز بييجى بدون مستشعر البصمة الى موجود فى اكتر من جهاز فى الفئة ده ولكن الشركة بتوعد باحتمالية بوجود خاصية face unlock خلال الفترة الى جاية .

اماكن شراء جهاز Huawei y5 prime 2018 :

تقدر تشترى الجهاز من خلال سوق . كوم - souq "من هنا"

تقدر تشترى الجهاز من خلال جوميا - jumia "من هنا"

المراجعة المصورة لجهاز  Huawei y5 prime 2018 :

شاهد ايضا:

• يعنى ايه نسبة عرض 18:9 وايه الفرق بينها وبين 16:9
• امبراطوريات الهواتف - شركات اصلها واحد

مراجعة موسع النطاق - TP Link wifi Range extender TL-WA850RE

بسم لله الرحمن الرحيم

مراجعة موسع النطاق - TP Link wifi Range extender TL-WA850RE

مراجعة موسع النطاق - TP Link wifi Range extender TL-WA850RE

كتير جدا بتقابلنا مشاكل ضعف شبكة ال wifi ومبيكنش فى حلول واضحة ليها ومن هنا موضوعنا النهاردة عنا " مراجعة موسع النطاق - TP Link wifi Range extender TL-WA850RE " والى بيعتبر الحل الامثل فى هذه الحالة .. بشكل عام كمان تقدر تعرف ايه اسباب ضعف شبكة ال wifi وحلولها المحتملة من هنا "ضعف اشارة ال wifi الاسباب والحلول" .

لو حابب تتفرج على نفس المراجعة فيديو بدل المراجعة المقالية هتلاقيها فى اخر المقال .

ايه هو اصلا ال range extender :

بص يا سيدى ده عبارة عن جهاز بيقوم باعادة ارسال اشارة ال wifi الاساسية الخاصة بيك يعنى هو مش راوتر هو مجرد موزع او repeater بياخد الاشارة الاصلية ويعيد توزيعها فهو بيتحط فىنهاية المنطقة النغطاة وفى اقرب نقطة للمنطقة الى مش مغطاه واترك الجهاز يقوم بعمله .

ايه هو اصلا ال range extender

تصميم جهاز TP Link wifi Range extender TL-WA850RE : 

الجهاز بشكل عام بسيط جدا وزنه خفيف وشكله مش وحش 

شكل جهاز TP Link wifi Range extender TL-WA850RE من الامام :

هتلاقى شعار شركة tp link وتحتيه هتلاقى زر وبحوله مجموعة من ال leds هنعرف عنهم كمان شوية 

شكل جهاز TP Link wifi Range extender TL-WA850RE من الخلف :

مدخل الجهاز بمصدر الكهرباء

شكل جهاز TP Link wifi Range extender TL-WA850RE من الجوانب:

لا يوجد اى شئ

شكل جهاز TP Link wifi Range extender TL-WA850RE من الاسفل:

مدخل ال ethernet وزر ال reset

طريقة اعداد جهاز TP Link wifi Range extender TL-WA850RE : 

بشكل عام اعداد الجهاز ده بسيط جدا جدا مش محتاج تعب او متخصص لاعداده .. فهو جهاز سهل فى الاعداد والستخدام وفى اكتر من طريقة للاعداد هنستعرضهم مع بعض دلوقت

• اعداد جهاز TP Link wifi Range extender TL-WA850RE عن طريق ال wps :

بسهولة جدا هتقدر تعمل اعداد للجهاز عن طريق ال wps لو جهاز الراوتر الخاص بيك فيه خاصية ال wps يبقى بسهولة هتقدر تعمل اعداد مباشر للجهاز من خلال الضغط على زر ال wps فى الراوتر الخاص بيك وبعدين تضغط على الزر الامامى فى الجهاز وبكده هيكون تمت عملية الاتصال ما بين الشبكة الاساسية والجهاز وتقدر تستخدم شبكة الجهاز الممددة لاستخدام الانترنت مش هيتبقى غير انك بس تغير اسم وباسورد password الشبكة الخاصة بال range extender .

اعداد جهاز TP Link wifi Range extender TL-WA850RE عن طريق ال wps

• اعداد جهاز TP Link wifi Range extender TL-WA850RE عن طريق ال wifi او كابل ال ethernet :

تقدر تعمل اتصال مباشر من اللاب الخاص بيك او التليفون بالشبكة الى بينشاها ال wifi range extender وتدخل على صفحة الاعدادات الى هتلاقى عنوانها فى د\ليل الاعدا السريع وتبتدى تختار شبكة الراوتر الاساسية فى منزلك او عملك وتدخل بياناتها بعد ما هتعمل كده هيكونو الجهازين انشاو الاتصال مع بعض يبقى فقط تعديل بيانات شبكة ال range extender .

او من خلال كابل ال ethernet باتصاله باللاب توب او جهاز الكمبيوتر والقيام بنفس الخطوات السابقة .

تحديث هام : فى اخر اصدار للجهاز عند التحديث اليه تم اضافة خاصية access point او نقطة الوصول وهى خاصية اضافية للجهاز فبجانب استخدمه كموسع نطاق لا سلكيا يمكن استخدامه كموزع للشبكة من خلال كابل انترنت سلكى - ethernet من مميزات هذه الخاصية فعلى الرغم من انك هتخسر ميزة اللاسلكية الا ان سرعة الانترنت بتكون افضل لانه موصل مباشرة بالراوتر والجهاز مبيتعرضش لانقطاعات مفاجئة . وفى كل الاحوال وجودها كميزة اضافية تتيح لك الاختيار بين الطريقتين ايهما انسب كمان ان يزداد الترشيح للجهاز دونا عن غيره لامكانية استخدامه باكثر من طريقة فى توسيع نطاق شبكة ال wifi او كنقطة وصول .

اعداد جهاز TP Link wifi Range extender TL-WA850RE عن طريق ال wifi او كابل ال ethernet

اداء جهاز TP Link wifi Range extender TL-WA850RE :

بشكل عام اداء الجهاز محترم جدا وتغطيته معقولة جدا مش هقدر اديلك رقم دقيق لمدى التغطية لانه بيعتمد على عوامل كتير جدا وبيتغير حسب العوائق ما بين الجهاز واستقباله فقط انصح للحصول على افضل نتيجة من الجهاز انك تحطه فى منطقة مفتوحة لاستقبال اشارة جيدة فى نهاية منطقة التغطية وفى منطقة وسطي بين جميع المناطق الغير مغطاة . والنقطة ده بالذات هتبان معاك بتجربة الهاز فى اكتر من مكان وتوصيله باكثر من مصدر للكهرباء .

انا بشكل عام بنصح بالجهاز ده كحل جيد جدا لمشكلة عدم تغطية كل الاماكن .

منين تشترى جهاز TP Link wifi Range extender TL-WA850RE:

تقدر تشتري الجهاز من جوميا 

من هنا

او من سوق 

من هنا

مراجعة جهاز TP Link wifi Range extender TL-WA850RE فيديو :

سعر ومواصفات وعيوب ومميزات هاتف انفينكس زيرو 5 - infinix zero 5

بسم الله الرحمن الرحيم 

سعر ومواصفات وعيوب ومميزات هاتف انفينكس زيرو 5 - infinix zero 5

سعر ومواصفات وعيوب ومميزات هاتف انفينكس زيرو 5 - infinix zero 5

طلت علينا شركة infinix برائدها الجديد هاتف infinix zero 5 والى كتير قالو عليه انه طفرة نوعية فى تاريخ الشركة فتعالو نعرف كل حاجة عنه فى مقالنا "سعر ومواصفات وعيوب ومميزات هاتف انفينكس زيرو 5 - infinix zero 5"

مواصفات هاتف انفينكس زيرو 5 - infinix zero 5 :

• انفينكس زيرو 5 - infinix zero 5 بييجى بشاشة 5.89 بدقة full hd 1920*1080 16:9 . 
• الهاتف بييجى بمعالج Helio P25 MT6757 ثمانى الانوية مع معالج رسوميات MALI-T880 MP2 .
• انفينكس زيرو 5 - infinix zero 5 بييجى بنسختين احدهما المتواجدة فى مصر بمساحة داخلية 64 و 6 جيجا رام ومن المتوقع وجود النسخة الاخري ب 128 ذاكرة داخللية قريبا فى مصر .
• ياتى بكاميرا خلفية مزدوجة 12M+13M مع خاصية optical zoom وكاميرا امامية بدقة 16 M.
• الهاتف ياتى ببطارية 4350 ملى امبير .
• الهاتف يدعم ال otg و usb type c والعديد من المستشعرات من ضمنهم مستشعر الجيروسكوب لتشغيل نظارات الواقع الافتراضي 

مميزات هاتف انفينكس زيرو 5 - infinix zero 5 :

انفينككس بالفعل ابدعت فى تصنيع وتصميم الهاتف ليصبح الهاتف الاكثر ملائمة لفئته السعرية بدون منازع ومن الملحوظ تطور كبير فى خامات تصنيع الهاتف وافضل المميزات بالنسبة لفئته السعرية هى الاتى 

•  6 جيجا رام لاول مرة فى الفئة السعرية 
• المعالج الافضل فى الفئة السعرية وبالتالى متوقع ان يكون الاداء الافضل 
• ذاكرة داخلية كبيرة وكاميرا منافسة فى فئته السعرية 
• يعد ابرز الهواتف فى فئة سعره ترشيحا

عيوب هاتف انفينكس زيرو 5 - infinix zero 5 :

• الشاشة ليست بالابعاد الجديدة كابرز المنافسين huawei mate 10 lite و oppo f5 الى قارناهم ببعض فى المقال ده "ايهما افضل OPPO f5 vs Huawei mate 10 lite"
• نقطة الضعف الابرز هى خدمة ما بعد البيع ولكن قيل انها تطورت بالفعل ولكن تجربتى معهم مفصلة هحكيها هنا  وللامانة  اكنت من 6 شهور تقريبا فلا اعلم ما وصلت الامور اليه الان 

"خدمة ما بعد البيع احد اسوء الخدمات الى شوفتها فى كلام انها اتطورت او بتطور الكلام ده صح ولا لا الله اعلم .. الا انى المرة الوحيدة الى كنت فى الفرع العقيم بتاع carlcare وكمية المشاكل الى شوفتها مع الناس من ال 3 شركات infinix , tecno , itel تخلينى اخاف ارشحه بشكل مباشر !! .. فى فترة نص ساعة هناك شوفت عدد بيستلم اجهزته كان الرد الدائم تليفونك طلع برة الضمان عشان عليه سائل وطبيعة الموقف تخلينى اشك ان كل العدد ده كان عيب استخدام مش تهرب من الوكيل .. لو مستخدم لبس بسببي مش هبقى سعيد .. ما هو محدش اد دعوة مظلوم .. لكن زي ما ذكرت هو الافضل فى سعره كامكانيات."

احنا اسفين يا صلاح اقصد يا infinix :

بعد كتابتنا للمقال ده بايام اعلن استاذ عبد الله مدير التسويق فى شركة infinix عن بدء التعامل الرسمي مع شركة i2 فى خدمات ما بعد البيع فى مصر في بداية السنة الجديدة وهكذا قد تتحول ابرز نقاط الضعف الى نقطة قوة كبيرة فى مسيرة الشركة فى مصر ويدخل رسميا الهاتف ضمن قائمة ترشيحاتنا الرسمية . اقرا اكتر عن التعاون ده من هنا "تعاقد شركة i2 مع شركة infinix - انفينكس لتكون وكيل لخدمات ما بعد البيع"

التسويق الاعلانى لهاتف انفينكس زيرو 5 - infinix zero 5:

اهتمت شركة انفينكس بعمل حملات اعلانية ضخمة على مواقع التواصل الاجتماعي للترويج للهاتف وحملات اعلانية ضخمة على ارض الواقع وفى المحلات واقامت احتفالين فى مولين شهيرين فى القاهرة والاسكندرية انفينكس تريد ان تبرز وجود الهاتف على انه طفرة للشكة وهو واضح للعيان بالفعل ولكن هل يتم توجيه بعض الاهتمام لخدمات ما بعد البيع اعتقد ان ده هو ابرز سؤال ممكن طرحه .. انت ايه رئيك الباب مفتوح للمناقشة .

سعر واماكن شراء  هاتف انفينكس زيرو 5 - infinix zero 5 :

تسعير الهاتف جيد بالنسبة للمنافسين فهو يعطى قيمة كبيرة مقابل السعر وتعد الفئة من 5 ل 6 الاف جنيه هى الفئة الابرز فى المنافسة ما بين مجموعة من الهواتف الجيدة والتى يقدم كل من فيها ميزة على الاخر infinix zero 5 - oppo f5 - mate 10 lite
الهاتف ياتى بسعر 5555 جنيه مصري ويمكن شرائه من خلال 

سوق 

من هنا

كمان انفينكس - infinix من ضمن احد اكثر امبراطوريات الهواتف شهرة فى مصر لو عاوز تعرف مين هم ممكن تقرا المقال التالى "امبراطوريات الهواتف - شركات اصلها واحد"

ممكن كمان تقرا المقالات التالية عن هواتف شركة infinix - انفينكس الجديدة 

• يهمك تقرا مقال كامل عن تاريخ شركة infinix من هنا "من هى شركة infinix - انفينكس"
• سعر ومواصفات ومميزات هاتف انفينكس نوت 4 برو - Infinix Note 4 pro
• سعر ومواصفات ومميزات هاتف انفينكس هوت 5 - Infinix Hot 5

سعر ومواصفات ومميزات وعيوب هاتف xiaomi MI A1

بسم الله الرحمن الرحيم

سعر ومواصفات ومميزات هاتف xiaomi MI A1

سعر ومواصفات ومميزات وعيوب هاتف xiaomi MI A1

شركة شاومي حديثة العهد فى مصر قامت باطلاق هاتف MI A1 فى مصر من فترة ليست بعيدة ... عشان نعرف ايه هى مواصفات وعيوب الهاتف تابع معانا المقال ده .. ولو عاوز تعرف معلومات اكتر عن شركة xiaomi اقرا المقال ده "مين هى شركة شاومي xiaomi ومكانها فين عالميا"

مواصفات xiaomi MI A1 :

• ياتى الهاتف بشاشة 5.5 بوصة full HD 1920*1080 .
• ياتى الهاتف بكاميرا خلفية مزدوجة 12 ميجا بيكسل احدهما بفتحة عدسة 2.2 والاخري بفتحة عدسة 2.6 بتصور لحد 4k وفيها خاصية العزل .
• وكاميرا امامية 5 ميجا بيكسل.
• ذاكرة داخلية 64 جيجا بايت ورام 4 جيجا بايت .
• معالج ثمانى الانوية Snapdragon 625 ومعالج رسوميات Adreno 506 .
• بطارية 3080 ملي امبير.
• usb type c
• الهاتف بييجى بنظام Android 7.1.2 من العلبة ومخطط تحديثه لاندرويد 8 اوريو وواجهة تشغيل غير معدلة ضمن برنامج android one .
• يدعم شبكات الجيل الرابع .
• الهاتف يحتوي على بصمة الاصبع .

مميزات هاتف xiaomi MI A1 :

1. كاميرا xiaomi MI A1 : يمكن ناس كتير تسال نفسها كاميرا و xiaomi لا يتفقو لكن الغريب ان فعلا كاميرا الهاتف اقل ما يقال عنها انها ممتازة وبتقدم صور معقولة جدا مش كده وبس ده بتنافس هواتف اعلى منها فى السعر بكتير وكانت مفاجئة حقيقية لكل المتابعين خاصة فى الاضائة القوية . طبعا كلامنا هنا عن الكاميرا الخلفية .
2. واجهة النظام لهاتف xiaomi MI A1 : مش عارف فى ناس ممكن تعتبرها ميزة او عيب لانه بييجى بواجهة نظام اندرويد خام ضمن مشروع xiaomi mi a1 الى هتقدملك يجد اداء فوق الخيال بحبتين تلاتة وسلالسة فى اداء المهمات بشكل كبير جدا وram management اكتر من محترم فلو اتكلمنا عن اداء انت بتنافس اجهزة اعلى بكتير فى السعر ولكن بتفقد مميزات الواجهة المعدلة الخاصة بشركة xiaomi وهى واجهة "miui" والى بتحتوى على الكثير من المميزات المحترمة زي نسخ التطبيقات مثلا وال second space الى بتخليك كانك شايل موبايلين مختلفين تماما .
3. وجود usb type c فى هاتف xiaomi MI A1 الى هيبتدى يتوجهله العالم بعد كده لسرعة نقل البيانات من خلاله .
4. كلنا عارفين ان شاومي مش بخيلة فى المستشعرات فكل المستشعرات الى محتاجها والى مش محتاجها هتلاقيها والهاتف كمان فيه مستشعر ال ir blaster والى بيخليك تتحكم فى اى جهاز فى البيت عن طريقه لانه يعمل كريموت . وممكن تقرا اكتر عن ايه هو المستشعر ده من هنا  "ما هو ال Infrared blaster ؟! وكيف يستخدم الهاتف كريموت" 

بداية اطلاق xiaomi MI A1 :

متكلمناش عنه نهائي فى البداية لاكتر من سبب ... السبب الاساسي ان الشركة مكنتش اعلنت عنه بشكل رسمي رغم مبيعاته مؤقتا في السوق " بالونة اختبار " ثانيا لحد منشوف نهاية مشكلة ال play store .
الموبايل مع وجوده ب android one الي فيكم مسك الهوت ٢ بروم android one هيعرف ان كان في نفس المشكلة ومتحلتش .
المشكلة ده كانت هتفرق مع مبيعات الفون ده فرق السما والارض لو متحلتش .. الموبايل الي المفروض انه قاتل فئته السعرية كان هيتحول من انه الخيار الاول للمستخدم العادي في السعر ده الي انه يبقي موبايل ال geeks وده مش هدف شاومي من الموب ده .
المشكلة اتحلت فبالتالي تم الاعلان عنه رسمي على الصفحة الرسمية

عيوب xiaomi MI A1 :

مشكلة ال play store ان مكنش بيحمل من خلاله سواء من الباقة او من ال wifi ولكن تم حل المشكلة ومتوقع انها ترجع بعد التحديثات احيانا لكنها هتتحل مرة اخري عن طريق الشركة فى مصر  .

1. فى صوت بيظهر فى اثناء تصوير الفيديو فى الاماكن المزدحمة والى بيكون فيها ضجيج كتير حواليك متوقع حلها عن طريق تحديث .
2. كاميرا امامية ضعيفة .. ولكن تفى بالغرض 

تعليقنا على هاتف xiaomi MI A1 : 

الهاتف طفرة لا ينكرها احد فى السوق المصري ومناسب تماما فى فئته السعرية وعلى اوائل ترشيحاتنا للهواتف فى هذه الفئة فببساطة حتى الان لا يوجد منافس وفى انتظار meizu m6 note .

سعر واماكن شراء هاتف xiaomi MI A1 : 

سعر الهاتف الرسمي هو 4333

وممكن تشتريه من خلال jumia

من هنا

يهمك برده انك تقرا " تجربتى مع الصافى وكيل xiaomi فى مصر " و "افضل هاتف بسعر 4000 جنيه Xiaomi Mi A1 vs Meizu M6 Note vs Xiaomi Redmi 5 Plus"

لو عاوز تعرف اكتر عن هواتف شركة شاومي ازاى تقدر تشتريها اقرا المقال ده " منين تشترى منتجات شاومي فى مصر - xiaomi"

تجربتى مع الصافى وكيل شاومي - xiaomi فى مصر

بسم الله الرحمن الرحيم

موضوعنا النهاردة بعنوان 

تجربتى مع الصافى وكيل شاومي - xiaomi فى مصر

تجربتى مع الصافى وكيل شاومي - xiaomi فى مصر

فى الفترة الاخيرة مع وجود شركة شاومي - xiaomi فى مصر ابتدت الاسئلة تكتر عن مين هو وكيل شركة شاومي وهل هو كويس ولا وحش وبما ان كان لينا تجربة شخصية معاه حبينا نذكرها هنا بكل مساوئها ومميزاتها

فى الاول يهمك تقرا المقال التالية :
1- مين هى شركة شاومي xiaomi ومكانها فين عالميا
2- منين تشترى منتجات شاومي فى مصر - xiaomi

بعد ما قرينا المقالات ده وعرفنا قوة الشركة عالميا .. كان لازم ولا بد عشان تحافظ الشركة على اسمها وسمعتها من وجود وكيل قوى وجيد فى السوق المصرى وفشل نوعا ما الوكيل فى بداية وجود الشركة فى مصر فى الدعايا والتسعير بشكل كبير الا انه رجع بشكل قوى من خلال عروض وحملات اعلانية ممكن تشوفها وتقولنا رئيك فيها من هنا ( رئيك فى حملة شاومي - xiaomi الاعلانية فى رمضان ؟)

لكن الى يهمنا كمستخدمين عاديين مش قوة الدعايا ولا غيره يهمنا فى المقام الاول توفر قطع الغيار و الاحترام المتبادل مع الوكيل وتوفير الاكسسوارات وسرعة صيانة الهواتف وده الى هنجاوب عنه فى مقالنا النهاردة باذن الله فى ملخص تجربتى مع عدم معرفة الوكيل بما هية شخصيتى وكونى مدون تقنى ومراجع.

- اشتريت هاتف xiaomi mi5 من عروض جوميا للاستخدام كهاتف شخصي وكعادتى لا استخدم اى جهاز خاص بى من دون توفر اكسسواراته والتى كنت طلبتها ايضا لكن وصلت متاخر اسبوع .. بعد اول اسبوع ووصول الاكسسوارات ابتديت اعتمد على الجهاز بشكل دائم ولكن قابلت مشكلة وهى ان الجهاز بيعمل restart كل فترة بشكل عشوائى لوحده من دون ميكون فيه ترتيب معين او اعتماد على حاجة .. ابتديت اتخذ الخطوات التقليدية من اعادة ظبط المصنع وغيره ولكن لعشوائية الامر لم يلاحظ الا بعد يومين اخرين .. توقعت ان يكون الموضوع مجرد سوفت وهو امر مقدور عليه بالنسبة لى فتركت المر لمرورى بفترة امتحانات .. بعد انتهاء الاسبوع بحثت فى الامر فوجدت انه قد لا تكون مشكلة سوفت فهناك عيب منتشر فى بعض اجهزة ال mi5 وهو اعادة التشغيل المتكررة وانه عيب صناعة .ومن هنا قررت التوجه للوكيل ولكن بعد فوات 20 يوم .

- ذهبت للفرع الرئيسي وسلمت الجهاز واخذت ايصال الاستلام واجد ان الوصل مكتوب فيه ان الجهاز خارج الضمان لاقوم بابلاغ المسؤل ويبلغنى انه غلطة فى السيستم وهيتم اضافته وقد كان .. ( السلبية الاولى)
- تم تحديد موعد اقصى لاستلام الجهاز فى خلال 72 ساعة ( الايجابية الاولى ) على عكس الوكلاء فى مصر كانت مدة سريعة للغاية .

- بعد 48 ساعة تم الاتصال بى ليتم ابلاغى انه تم تغيير سوفت من قبل ممثلة الوكيل وغالبا من المبيعات وليس الصيانة والى كان تناقشى معها غير مجدى لانه غير مختص وتم التاكيد بان المشكلة فى الغالب هاردوير وليست سوفت وير ولكن تم ابلاغى بانه تم تجربة الجهاز ومفيش مشاكل ( السلبية الثانية : عدم القدرة على تحديد العيب من المرة الاولى )

- تم تجربة الجهاز ووجدت به نفس المشكلة تم التواصل مع احد المسؤلين المحترمين الذى كان على متابعة دائمة معى بتوقيتات الفصل وبلغنى انه ينتظرنى تانى يوم فى الفرع المسؤل عن الصيانة وليس الفرع الرئيسي .. وروحت فعلا وقابلت استاذ انطونيوس الشخص المحترم للغاية .. والى استلم الجهاز منه بنفسى وجرب الجهاز الا ان رئي العيب برغم طول مدة تجربته وتم التواصل معى انى اقدر استلمه تانى يوم وتم تغيير اللوحة الام (الايجابية الثانية : مراعاة المشكلة وسرعة الانجاز)

- طلبت تبديل الجهاز وليست فقط صيانته ولكن تم رفض الامر لانه تعدى مدة ال 14 يوم .. وللاسف ده حقهم القانوني وتم تجاهل وجود فترة اجازات فى هذه المدة بالنسبة لفروع الوكيل تصل ل 9 ايام كاملة يعنى فعليا مكنش 14 يوم عمل ! (السلبية الثالثة: عدم الحفاظ على تجربة العميل العامة فى بداية شركة ناشئة فى مصر )

التقييم العام 4/5
- سرعة الصيانة 72 ساعة فقط
- توافر قطع الغيار
- مراعاة الضمير المهنى ووجود موظفين محترمين يهمهم مصلحة العميل
- اسلوب التعامل المحترم
- السلبية الاساسية : تمسكهم بالقانون بغض النظر عن تجربة المستخدم
تقييم الوكيل ب 4 ليس لجودته بافضل شكل ممكن ولكن لمقارنته مع باقى الوكلاء الى فى اغلب الظن لن يتعدى تقييمهم ال 3/5 خاصة فى مدة التسليم والتبديل

تحديث هام للمقال :
بناء على تجارب المستخدمين هناك تعديلات وجب ذكرها .
- سرعة الصيانة اصبحت خلال 7 ايام وليس 72 ساعة .
- للامانة اخر تجربة ليا هناك كان فى زحام فى غره توكيل شاومي-xiaomi وعدم تنظيم ((فرع عمارات العبور))


**********************
مع تجارب متابعينا مع الوكيل اثناء ظهور مشكلة ال dead pixels فى النوت 4 كانت جيدة بشكل كبير وتم استبدال الاجهزة فى نفس الوقت من دون اى مشاكل ..
تجارب الوكيل فى بعض مشاكل النوت 2 كان استبدال مباشر من دون مشاكل او تاخير
**********************
الخلاصة الوكيل حتى الان اعتبره شخصيا من افضل من تعاملت معهم بشكل شخصي برغم عدم رضائى التام عن تجربتى معه

**********************

عناوين توكيل شاومي فى مصر :

فروع توكيل الصافى
العناوين :
1- القاهرة١ - 17ب عمارات العبور محل رقم 4 - صلاح سالم
القاهرة٢ - 37 شارع عبد العزيز - العتبة
2- فرع بنها - أبراج الأمل - الدور الثانى - خلف مديرية أمن بنها
3- فرع طنطا - 7 ش المعتصم مع حسان بن ثابت
4- فرع الإسكندرية - شارع مسجد حاتم محل رقم ٥ ابراج الصيادله خلف مديرية الامن
5- فرع المنصورة - شارع قناة السويس - عمارة أبناء ربيع أعلى مطعم كابتشينو
6- اسماعيليه - ٥٠ شارع شبين الكوم
7- اسوان - شارع ابطال التحرير عماره الاوقاف ( 76)
بجوار البنك الاهلى فرع العقاد العقاد - الدور الثانى
مواعيد العمل :
كل الفروع من 10 صباحاً الي 6 مساءاً
ماعدا فرع العتبة من 10 صباحاً ل 9 مساءاً
فرع عمارات العبور من 10 الي 7.5 مساءاً

الأجازة الاسبوعية يومى الجمعة والسبت
************************

تعامل وكيل شاومي فى بعض المشاكل المنتشرة :

فى بعض المشاكل المنتشرة فى بعض الهواتف من الشركة مثل مشكلة عطل ازرار التحكم فى الشاشة فى xiaomi note 2 كان التبديل المباشر .

هناك ايضا بعض المشاكل فى التى ظهرت فى جهاز شاومي ريدمي نوت 4 xiaomi redmi note 4 ومنها بعض ال stuck pixels الى كانت بتظهر لو فى اول 14 يوم من تاريخ الشراء وكان العدد اكثر من 3 او واحدة فقط ظاهرة بجميع الالون من حق العميل استبدال الجهاز اما بعد مرور 14 يوم فسيقوم الوكيل باستبدال الشاشة فقط .

رقم شركة شاومي فى مصر : 19954

مواصفات وسعر ومراجعة HUAWEI GR3 2017

بسم الله الرحمن الرحيم

مواصفات وسعر ومراجعة HUAWEI GR3 2017

مراجعة هاتف HUAWEI GR3 2017

علبة هاتف HUAWEI GR3 2017

هاتف HUAWEI GR3 2017

اهم مواصفات هاتف HUAWEI GR3 2017

شاشة 5.2 بوصة ips lcd بدقة 1920*1080 

معالج HiSilicon Kirin 655 ثمانى النواة (4x2.1 GHz Cortex-A53 & 4x1.7 GHz Cortex-A53)

معالج رسوميات Mali-T830MP2

16 جيجا ذاكرة داخلية و 3 جيجا بايت رام 

كاميرا خلفية 12 ميجا بيكسل بفلاش احادى وفتحة عدسة  f/2.0

وكاميرا امامية 8 ميجا بيكسل  بفتحة عدسة  f/2.0

يحتوى على مستشعر بصمة

عينات الصور

من هنا

فتح الصندوق

المراجعة

ملخص المراجعة الكتابى لاصحاب الباقات
- التصميم : ببساطة فى اعتقادى افضل تصميم فى الفئة ده
- الشاشة ادائها ممتاز والوانها ممتازة وادائها جيد فى اشعة الشمس
-الجهاز هيديك اداء ممتاز فى السعر ده مع معالج من الفئة المتوسطة ورام 3 جيجا بايت متبقى ليك حوالى 2.2 جيجا بايت واداءه فى الالعاب المتوسطة ممتاز وحتى مع الالعاب الى بتحتاج جرافيك عالى نسبيا جيد 
البطارية : من 4 ل 5 ساعات screen on time وزمن الشحن من 2.45 ل 3 ساعات 
السماعات : سماعة ومايك المكالمات مفيهومش اى مشكلة من جهة الوضوح والسماعة الخارجية كونها من تحت ده مش بيخليها بتتكتم بسهولة لو اتحطت على سطح مستوى وصوتها جيد جدا
الكاميرا : تشبع الالوان فى الكاميرا كان ممتاز جدا وتقدر تشوف عينات الصور سواء للكاميرا الخلفية الى بدقة 12 ميجا بيكسل او الامامية الى بتديلك صور جيدة جدا فى السلفى .
الجهاز بييجى باندرويد 7 وواجهة EMUI 5 وفى بعض الاضافات الجيدة زى انك تقدر تضيف زر خاص للتطبيقات للناس الى مكنش بيعجبها عدم وجود ده فى اجهزة HUAWEI وفى برده اضافات جيدة على البصمة زي السحب من فوق لتحت هتنزل قائمة الاشعارات او من اليمين للشمال فى ال gallery عشان تقلب الصور وكمان تقدر تقسم الشاشة نصفين لبرنامجين مختلفين والجهاز بيدعم otg وبيدعم الجيروسكوب .
ملحوظتنا على الجهاز : 
تتمثل ملحوظتنا على الجهاز فى 3 حاجات لا غير 
1- الفلاش فى الكاميرا الخلفية احادى وليس ثنائي زى اغلب الاجهزة الى فى الفئة ده حاليا بالتالى الاجهزة الثانية ممكن توفرلك اداء افضل خاصة فى الاضائة الضعيفة لكن ده لا يعنى ان الكاميرا فى الاضائة الخفيفة وحشة .. اطلاقا
2- الذاكرة الداخلية 16 جيجا بايت ومتوفر منها 8 جيجا بايت فقط للمستخدم وانت تقدر تحط اما شريحتين او شريحة وكارت .. ببساطة لو هتحط شريحتين المساحة ممكن تتعبك فى المستقبل
3- على قد ما التصميم مميز على قد ما يجب انك تكون حريص جدا مع الجهاز وتشوف اكسسوارات تقدر تحمى الجهاز لان حتى الجراب الى موفراه الشركة مش بيوفرلك القدر الادنى من الحماية

الهاتف ضمن ترشيحتنا بقوة تابع مقالة ترشيحاتنا قريبا

لشراء الهاتف 

من جوميا بسعر 3640

من هنا

من سوق بسعر 3895

من هنا