بسم الله الرحمن الرحيم
النهاردة هنتكلم عن
ما هو ال Infrared blaster ؟! وكيف يستخدم الهاتف كريموت
 |
| ما هو ال Infrared blaster ؟! وكيف يستخدم الهاتف كريموت |
طيب المختصر المفيد الاول للناس الى عاوزة الخلاصة وبعدين نتعمق فى موضوع ال Infrared blaster او ال IR blaster
فى طريقتين عشان تقدر تستخدم الموبايل الو الهاتف كريموت اولهم سوفتوير والتانية لازملها يكون موجود هاردوير
الطريقة الاولى: بتكون عن طريق ال wifi connection يعنى لازم اتصال ما بين الجهاز نفسه والتليفون وطبعا هيكون محتاج ان الجهاز التانى نفسه smart وبيقدر ي access wifi ولو مش سمارت يبقى مش هينفع
الطريقة الثانية: وده معتمدة على قطعة هاردوير لازم تكون موجودة فى تليفونك بتمكنك من استخدام التليفون كريموت بشرط وجود تعريفات الريموت ده موجودة وبيكون فى اكتر من app على Google play بيتيحلك عدد كبير من تعريفات الريموت الىى موجودة ومتسجلة بتختار منهم المناسب لجهازك وبتقدر تستخدم التليفون كريموت بشكل طبيعى جدا وده لازم يكون الجهاز بتاعك فيه IR blaster لكن عدد الاجهزة الى بيدعمها للاسف مش كبير
***********
طيب كلمنا النهاردة عن ال IR blaster لانها الطريقة المباشرة والصحيحة والعامة
ايه هو ال IR blaster ؟!
هو ببساطة جهاز محاكى لريموت التحكم الاساسي بتاعك وبيقدر يتعامل مع الجهاز كانه ريموت كنترول بارسال ترددات معينة بتساوي نفس الترددات فى الريموت الاساسي الفكرة ان انت بتقدر تغيرها مش هتكون ثابتة لريموت واحد بيتم استخدام التقنية ده عامت او الجهاز ده فى التليفونات بشكل كبير وكمان فى الريموت الذكي والى هنتكلم عنه برده تحت شوية .
من امتى وتم استخدام ال IR blaster فى الهواتف ؟!
ال infrared بشكل عام كانت بتستخدم فى الهواتف ابتداء من سنة 2002 لسنة 2008 لكن مش بشكلها الحالى او لاستخدامها فى التحكم بالاجهزة بالعكس كانت موجودة ساعتها بغرض نقل الملفات لو تفتكر زمان كان فى طريقة لنقل الملفات البسيطة فى اجهزة النوكيا وكان لازم تقرب السينسور فى الجهازين ويبقو جمب بعض بالظبط واى هزة كان الفايل ميتنقلش وده لانها تقنية عامتا محاجة توجيه مباشر ومش بتحتاج اعاقة .. طبعا التقنية ده انتهت تماما بعد وجود ال Bluetooth والى اصبح مهمة نقل الملفات فيه ليسر بكتير وظهر بعده ال NFC وغيره وابتدا بقى استخدامها بالطريقة الحالية بعد استخدام ال android كنظام ذكي بيتيح ده وكانت ميزة دعائية للشركات الى استخدمت نظام الاندرويد وده طبيعى لكثرة المتنافسين فى الشركات الى اعتمادها على android عكس ال ios الى مفيش غير apple الى بتطوره ومهتمة بيه ومستخدمتش التقنية ده هى وغيرها كتير للاسف من التقنيات المهمة الى ما اتشافتش فيه فى 2013 بالذات كانت بداية كثرة الهواتف وده كانت قائمة بالهواتف الى استخدمته فى السنة ده وهتلاقى تحت فى المصادر قائمة بكامل الاجهزة الى استخدمت التقنية ده
المفروض اي تقنية جديدة ومهمة تبقى فى ازدياد ليه ال IR blaster بيقل ؟!
الشركات ابتدت تشوف ان اصلا العالم فى تطور يوم عن يوم واغلب الاجهزة بتكون سمارت يوم عن يوم ومن هنا الموضوع ماصبحش بنفس اهمية زمان لان اغلب الاجهزة فى الفترة الجاية هتقدر ت access الانترنت وهو ده المستقبل الفعلى ده غير ان فى اضافات كتير بتتباع بتيحلك اضافة ال ir decice عن طريق منفذ ال 3.5 ملى او ال usb فابتدت تقل الشركات الى بتستخدم التقنية ده وشركة سامسونج الاعلى مبيعا استغنت عنها بعد ال s6 edge الا ان فى صحوة جديدة حاليا من الشركات الصينية الى بتستغل الاضافات الى الشركات التانية مش شايفاها مهمة huawei من 2016 ابتدت تعتمد عليه فى بعض الاجهزة ونزلت الجبار Huawei P10 Plus كمان الشركة الجديدة على السوق المصرى المعروفة عالميا والى مش بخيلة ابدا فى المستشعرات الى فى اجهزتها وهى xiaomi يكاد يكون اغلب اجهزتها مزودة بيه وكل الاجهزة الى اتاحتها فى مصر من خلال الصافى موجودة فيه على اختلاف فئاتها السعرية .. فانا بعتقد انه لسة منتهاش وهيعود بقوة السنة ده فى الاجهزة
هل ده استخدامه الوحيد ؟!
لا ابتدى يظهر ال smart remote وده حاجة زي جهازريموت موحد لجميع الاجهزة بيكون معاه hub وموسع نطاق ومقوى اشارة لل ir وده فايدته انه بيبقى جهاز واحد ليه ريموت واحد الجهاز ده بيعمل اتصال عن طريق ال ir لحد 15 جهاز فى نفس المكان او اكتر او اقل حسب النوع وبيكون ليه applicaton بتقدر من خلاله تختار الاجهزة وهو نفسه بيكون قادر على عمل اتصال مع هاتفك وده بيتيح انك تتحكم فى عدد الاجهزة ده سواء من الريموت الذكي فقط او من تليفونك عن طريق الاتصال مع الجهاز التابع للريموت وطبعا بيكون متوافق مع اى نظام تشغيل ذكى سواء ios او ويندوز او android لكنه فى الاخر جهاز اضافي
ازاى بتتعرف تعريفات ترددات الريموتات وبتتسجل ؟!
فى اجهزة بيكون فى مش ميزة فقط التحكم لا كمان تعليم ال ir وفى اجهزة خاصة بالتعلم والتعلم هنا بمعنى تسجيل الترددات المناسبة لكل ريموت ولكل زرار من الريموت ده بيعمل ايه وزي ما قولنا ان فى الاف الاجهزة مضافة هتلاقى الاجهزة الى من براند مش مشهور خاصة فى مصر فى اكتر من براند فى الاجهزة المنزلية مش معروف عالميا فممكن متلاقيش التعريف الخاص بيك فى وسط ال apps الى موجودة لكن يوم عن يوم القاعدة ده بتطور واعتقد ان قريب هيكون فى اغلب الاجهزة فى السوق .
* رئيى انا انها ميزة جيدة جدا طبيعى انها تكون فى الاجهزة حاليا ممكن تكون ميزة رفاهية لكنها لما ممكن تكون موجودة بدليل توفرها فى اجهزة اقتصادية من xiaomi وسهولة تطبيقها بجهاز خارجى فليه منشوفهاش ! انت رئيك ايه ؟!
واى طريقة من دول بتستخدم فيها الهاتف كريموت ؟!
المصادر : 1 2 3 4 5 6