الفرق بين dual standby و dual active ببساطة - ليه تليفونك احيانا بيبقى غير متاح

بسم الله الرحمن الرحيم 

موضوعنا النهاردة مهم جدا وبنتكلم فيه عن الفرق بين dual standby و dual active

وانت بتشترى اى فون مزدوج الشريحة لازم تكون عارف النقطة ده كويس جدا 

لانك وانت بتدور فى المواصفات هتلاقى فيه هل هو dual standby ولا dual active وبناء عليه تحدد اختيارك واحنا هنتكلم عن النقطة ده بكل بساطة بحيث انها تكون سهلة للفهم للمستخدم العادى 

** جديد : فيديو لشرح المسالة بشكل مبسط فى نهاية المقال لو مش حابب تقرا **

نبدا بال dual standby:

وده ببساطة معناها ان الفون بتاعك شغال بشريحتين والشريحتين شغالين عادى لكن وقت ما تستخدم احدى الشريحتين الشريحة الثانية بتفصل يعنى لو عملت مكالمة او جالك مكالمة على شريحة رقم 1 يبقى الشريحة رقم 2 فى اللحظة ده مش شغالة ولو جه على الشريحة رقم 2 مكالمة اثناء مكالمتك فى الشريحة الاولى المتصل هيسمع ( هذا الرقم غير متاح حاليا ) والعكس صحيح .

بس ده وجه واحد من اوجه الاستخدام طب فى حالة انك فاتح data وشغال تصفح غالبا مش هتحس بالمشكلة ده اوى لان الفون مش بيكون عامل كونكت طول الوقت لكن هتحس بسها لو شغلت stream واتفرجت على فيديو اون لاين او عملت تحميل لملف كبير نسبيا على شريحة 1 وجالك مكالمة على الشريحة 2 هيبقى بنفس الطريقة .

يجب ان نلاحظ ان الوضع ده متوفر بشكل كبير جدا فى التيلفونات متوسطة التكلفة وقليلة التكلفة 

الوضع الثانى dual active:

الوضع ده على عكس الوضع السابق الشريحتين فى الموبايل بيفضلو شغالين حتى لو مستخدم احد الشريحتين يعنى لو حد كلمك وانت معاك مكالمة تانية تقدر تعلق المكالمة وترد على الشخص الاخر عادى جدا وواضح للعيان انه اكثر عملية من الوضع الاول لذلك دائما يتوفر هذا الوضع فى التيلفونات ذات التكلفة العليا نسبيا ومش دايما يمكن فى معظم هواتف 2016 و 2017 من كبار المصنعين تجاهلوا الموضوع ده فاصبحت اغلب الهواتف حاليا dual standby فقط.

وضع ال passive:

وده كان فى الهواتف الاقدم نسبيا والى كان من خلاله بتختار شريحة رقم واحد تكون شغالة فقط ومتستقبلش مكالمات على الشريحة الاخرى غير لما تحول بنفسك.

ناس كتير كانت فاكرة ان لما يكون الهاتف غير متاح فى اوقات معينة ده مشكلة فالمقال لتوضيح ان ده مش مشكلة نهائيا لو كانت فى اثناء مكالمتك او اثناء استخدامك للداتا بشكل مكثف فى شريحة معينة .

تكون عرفت فى النهاية ليه تليفونك بيبقى غير متاح؟!

الفيديو

لو انت مهتم بالمقالات المفيدة متنساش تتابعنا دايما وبنرشحلك مقالة ( يعنى ايه رباعى او ثمانى النواة ؟! معلومات لازم تكون عارفها عن معالج الجهاز)

وفى نهاية هذا المقال نتمنى اننا نكون افدناكم مع كالم الاحترام والتقدير  egyptian reviewer

************

فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا

ولا تنسى الاعجاب بالصفحة

الكاتب : Egyptian Reviewer

شارك الموضوع

مواضيع ذات صلة