تجربتى مع الصافى وكيل شاومي - xiaomi فى مصر

Egyptian Reviewer 11:00:00 م
بسم الله الرحمن الرحيم
موضوعنا النهاردة بعنوان 

تجربتى مع الصافى وكيل شاومي - xiaomi فى مصر


تجربتى مع الصافى وكيل شاومي - xiaomi فى مصر


فى الفترة الاخيرة مع وجود شركة شاومي - xiaomi فى مصر ابتدت الاسئلة تكتر عن مين هو وكيل شركة شاومي وهل هو كويس ولا وحش وبما ان كان لينا تجربة شخصية معاه حبينا نذكرها هنا بكل مساوئها ومميزاتها

فى الاول يهمك تقرا المقال التالية :
1- مين هى شركة شاومي xiaomi ومكانها فين عالميا
2- منين تشترى منتجات شاومي فى مصر - xiaomi

بعد ما قرينا المقالات ده وعرفنا قوة الشركة عالميا .. كان لازم ولا بد عشان تحافظ الشركة على اسمها وسمعتها من وجود وكيل قوى وجيد فى السوق المصرى وفشل نوعا ما الوكيل فى بداية وجود الشركة فى مصر فى الدعايا والتسعير بشكل كبير الا انه رجع بشكل قوى من خلال عروض وحملات اعلانية ممكن تشوفها وتقولنا رئيك فيها من هنا ( رئيك فى حملة شاومي - xiaomi الاعلانية فى رمضان ؟)

لكن الى يهمنا كمستخدمين عاديين مش قوة الدعايا ولا غيره يهمنا فى المقام الاول توفر قطع الغيار و الاحترام المتبادل مع الوكيل وتوفير الاكسسوارات وسرعة صيانة الهواتف وده الى هنجاوب عنه فى مقالنا النهاردة باذن الله فى ملخص تجربتى مع عدم معرفة الوكيل بما هية شخصيتى وكونى مدون تقنى ومراجع.

- اشتريت هاتف xiaomi mi5 من عروض جوميا للاستخدام كهاتف شخصي وكعادتى لا استخدم اى جهاز خاص بى من دون توفر اكسسواراته والتى كنت طلبتها ايضا لكن وصلت متاخر اسبوع .. بعد اول اسبوع ووصول الاكسسوارات ابتديت اعتمد على الجهاز بشكل دائم ولكن قابلت مشكلة وهى ان الجهاز بيعمل restart كل فترة بشكل عشوائى لوحده من دون ميكون فيه ترتيب معين او اعتماد على حاجة .. ابتديت اتخذ الخطوات التقليدية من اعادة ظبط المصنع وغيره ولكن لعشوائية الامر لم يلاحظ الا بعد يومين اخرين .. توقعت ان يكون الموضوع مجرد سوفت وهو امر مقدور عليه بالنسبة لى فتركت المر لمرورى بفترة امتحانات .. بعد انتهاء الاسبوع بحثت فى الامر فوجدت انه قد لا تكون مشكلة سوفت فهناك عيب منتشر فى بعض اجهزة ال mi5 وهو اعادة التشغيل المتكررة وانه عيب صناعة .ومن هنا قررت التوجه للوكيل ولكن بعد فوات 20 يوم .

- ذهبت للفرع الرئيسي وسلمت الجهاز واخذت ايصال الاستلام واجد ان الوصل مكتوب فيه ان الجهاز خارج الضمان لاقوم بابلاغ المسؤل ويبلغنى انه غلطة فى السيستم وهيتم اضافته وقد كان .. ( السلبية الاولى)
- تم تحديد موعد اقصى لاستلام الجهاز فى خلال 72 ساعة ( الايجابية الاولى ) على عكس الوكلاء فى مصر كانت مدة سريعة للغاية .

- بعد 48 ساعة تم الاتصال بى ليتم ابلاغى انه تم تغيير سوفت من قبل ممثلة الوكيل وغالبا من المبيعات وليس الصيانة والى كان تناقشى معها غير مجدى لانه غير مختص وتم التاكيد بان المشكلة فى الغالب هاردوير وليست سوفت وير ولكن تم ابلاغى بانه تم تجربة الجهاز ومفيش مشاكل ( السلبية الثانية : عدم القدرة على تحديد العيب من المرة الاولى )

- تم تجربة الجهاز ووجدت به نفس المشكلة تم التواصل مع احد المسؤلين المحترمين الذى كان على متابعة دائمة معى بتوقيتات الفصل وبلغنى انه ينتظرنى تانى يوم فى الفرع المسؤل عن الصيانة وليس الفرع الرئيسي .. وروحت فعلا وقابلت استاذ انطونيوس الشخص المحترم للغاية .. والى استلم الجهاز منه بنفسى وجرب الجهاز الا ان رئي العيب برغم طول مدة تجربته وتم التواصل معى انى اقدر استلمه تانى يوم وتم تغيير اللوحة الام (الايجابية الثانية : مراعاة المشكلة وسرعة الانجاز)

- طلبت تبديل الجهاز وليست فقط صيانته ولكن تم رفض الامر لانه تعدى مدة ال 14 يوم .. وللاسف ده حقهم القانوني وتم تجاهل وجود فترة اجازات فى هذه المدة بالنسبة لفروع الوكيل تصل ل 9 ايام كاملة يعنى فعليا مكنش 14 يوم عمل ! (السلبية الثالثة: عدم الحفاظ على تجربة العميل العامة فى بداية شركة ناشئة فى مصر )

التقييم العام 4/5
- سرعة الصيانة 72 ساعة فقط
- توافر قطع الغيار
- مراعاة الضمير المهنى ووجود موظفين محترمين يهمهم مصلحة العميل
- اسلوب التعامل المحترم
- السلبية الاساسية : تمسكهم بالقانون بغض النظر عن تجربة المستخدم
تقييم الوكيل ب 4 ليس لجودته بافضل شكل ممكن ولكن لمقارنته مع باقى الوكلاء الى فى اغلب الظن لن يتعدى تقييمهم ال 3/5 خاصة فى مدة التسليم والتبديل

تحديث هام للمقال :
بناء على تجارب المستخدمين هناك تعديلات وجب ذكرها .
- سرعة الصيانة اصبحت خلال 7 ايام وليس 72 ساعة .
- للامانة اخر تجربة ليا هناك كان فى زحام فى غره توكيل شاومي-xiaomi وعدم تنظيم ((فرع عمارات العبور))


**********************
مع تجارب متابعينا مع الوكيل اثناء ظهور مشكلة ال dead pixels فى النوت 4 كانت جيدة بشكل كبير وتم استبدال الاجهزة فى نفس الوقت من دون اى مشاكل ..
تجارب الوكيل فى بعض مشاكل النوت 2 كان استبدال مباشر من دون مشاكل او تاخير
**********************
الخلاصة الوكيل حتى الان اعتبره شخصيا من افضل من تعاملت معهم بشكل شخصي برغم عدم رضائى التام عن تجربتى معه

**********************

عناوين توكيل شاومي فى مصر :

فروع توكيل الصافى
العناوين :
1- القاهرة١ - 17ب عمارات العبور محل رقم 4 - صلاح سالم
القاهرة٢ - 37 شارع عبد العزيز - العتبة
2- فرع بنها - أبراج الأمل - الدور الثانى - خلف مديرية أمن بنها
3- فرع طنطا - 7 ش المعتصم مع حسان بن ثابت
4- فرع الإسكندرية - شارع مسجد حاتم محل رقم ٥ ابراج الصيادله خلف مديرية الامن
5- فرع المنصورة - شارع قناة السويس - عمارة أبناء ربيع أعلى مطعم كابتشينو
6- اسماعيليه - ٥٠ شارع شبين الكوم
7- اسوان - شارع ابطال التحرير عماره الاوقاف ( 76)
بجوار البنك الاهلى فرع العقاد العقاد - الدور الثانى
مواعيد العمل :
كل الفروع من 10 صباحاً الي 6 مساءاً
ماعدا فرع العتبة من 10 صباحاً ل 9 مساءاً
فرع عمارات العبور من 10 الي 7.5 مساءاً

الأجازة الاسبوعية يومى الجمعة والسبت
************************

تعامل وكيل شاومي فى بعض المشاكل المنتشرة :

فى بعض المشاكل المنتشرة فى بعض الهواتف من الشركة مثل مشكلة عطل ازرار التحكم فى الشاشة فى xiaomi note 2 كان التبديل المباشر .
هناك ايضا بعض المشاكل فى التى ظهرت فى جهاز شاومي ريدمي نوت 4 xiaomi redmi note 4 ومنها بعض ال stuck pixels الى كانت بتظهر لو فى اول 14 يوم من تاريخ الشراء وكان العدد اكثر من 3 او واحدة فقط ظاهرة بجميع الالون من حق العميل استبدال الجهاز اما بعد مرور 14 يوم فسيقوم الوكيل باستبدال الشاشة فقط .

رقم شركة شاومي فى مصر : 19954

************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة

شارك الموضوع

مواضيع ذات صلة

64 التعليقات

التعليقات
27 يوليو 2017 10:10 ص حذف

للاسف اشتريت جهاز شاومى وبعد يوم واحد من استخدامه سخن جدا بعد استعماله بنصف ساعة وعندما توجهت لشركة الغزاوى بالزقازيق التى اشتريت منها الجهاز وطلبت تغيير الجهاز للعيب الذى به رفضت وقالت سنرسله للشركة للصيانة ووافقت وبعد مرور اسبوع أخذته وجربته مرة أخري ونفس العيب موجد وكما كان أول مرة رفضت شركة الغزاوى بالزقازيق وصاحبها ا/ عادل رفض تغيير الجهاز وقال انه سيرسله للشركة مرة أخرى وعندما اعترضت لاننى فى فترة الضمان ومن حقى تغييره للاسف ما وجدت الا سوء معاملة من صاحب الشركة وبعض العاملين
وهذا كله يعنى عدم المصداقية

رد
avatar
28 يوليو 2017 2:54 م حذف

كأنك بتتكلم عن مشكلتي انا معايا Mi Max بقاله أكثر من تسعة أشهر ابتدي يعمل ريستارت بشكل عشوائي عملت ضبط مصنع مع نفسي اشتغل تمام بعد 3 أشهر رجع تاني يعمل ريستارت كل شوية وخصوصا وسط المكالمات وصل انه بيعمل كده كل ساعه تقريبا عملت ضبط مصنع مع نفسي تاني بس مجبش نتيجة المرة دي رحت فرع العبور وقابلت استاذ أنطونيوس نزل لي سوفتوير وانا قاعد وكان بعد مواعيد العمل كمان لما عرفوا اني جاي من 6 أكتوبر وخد الجهاز ومشيت اشتغل كويس يوم ونص ورجع تاني يعمل ريستارت كل شوية كان اجازة العيد اضطررت استنى بعد العيد ورجعت لهم تانى المرة دي سبت الجهاز 72 ساعة اتصلوا بيا رحت قالوا لي تم الكشف على الجهاز ومفيهوش حاجة المشكلة من عندك في حاجة انت بتنزلها هي اللي بتعمل كده خدت الجهاز وانا مش مقتنع وقررت اسمع الكلام بدأت امسح بعد الابلكيشن ال apx اللي مش من على البلاي ستور وبعض اللي مش محتاجه حوالي 12 ابلكيشن كل ما امسح ابلكيشن الريستارت يقل لحد ما بطل خالص
الخلاصة اللي وصلت لها لاني مش مقتنع بردو ال MIUI روم ضعيف هتدوس عليه وتملاه برامج وألعاب هيهنج معاك هتعامله بالراحة وشغل متوسط هيديك عموماً هوا جهاز كويس جداً على قد فلوسه وده كل الصيني عموما واللي زيه في سامسونج ضعف التمن تقريبا فخد صاحبك على عيبه

رد
avatar
20 أغسطس 2017 10:43 ص حذف

للامانة العيب هنا مش عيب الفون او الشركة الطبيعى جدا ان ميتمش تنزيل تطبيقات من برة المتجر وطبيعى انها تضر الجهاز بشكل او باخر عكس التطبيقات من المتجر الى بتكون امنة تماما بفحص دوري من google

رد
avatar
20 أغسطس 2017 10:45 ص حذف

السخونية فى احيانا كتيرة مش بتكون عيب فى الجهاز خاصة فى مصر فى موجة الحر السابقة طبيعى جدا ان الفون مع الاستعمال يسخن وتظهر سخونيته الشديدة خاصة ان الجهاز معدن

رد
avatar
26 أغسطس 2017 2:40 م حذف

طب انا عوز الموبيل دا بس بسعره الرسمى انا من المنوفيه ....لو سمحت عاوز اعرف السعر

رد
avatar
متعب
3 سبتمبر 2017 9:54 ص حذف

انا من السعودية عندي جهاز شاومي ردمي نوت 4 الشاشة مكسورة تحتاج استبدال وأيضا مشكلة في منفذ AUX
للأسف لايوحد له وكيل او صيانة في السعودية
هل ممكن اشحن لهم الجهاز ويعملوا له صيانة؟

رد
avatar
4 سبتمبر 2017 6:34 م حذف

يا جماعه معايه 4x لما بوقع الجهاز وقعه بسيطه خالص بلاقي صوت خروشه من اعلي البصمه. حد يفيدني يا جماعه

رد
avatar
8 سبتمبر 2017 3:41 م حذف

ممكن تشتري القطع المتضررة من المواقع الصينية وتقوم بصيانته فى اي مركز صيانة

رد
avatar
8 سبتمبر 2017 3:42 م حذف

الصوت ده طبيعى متقلقش لكن تقصد تخبط ع الجهاز لكن توقعه ليه :)

رد
avatar
8 سبتمبر 2017 3:44 م حذف

راحع اسعاره من المقال الى لينكه فى الاسفل ... لو ملقتهوش بنفس الاسعار فى المحلات حاول تجيبه من الوكيل او من جوميا
http://www.egyptionreviewer.com/2017/05/xiaomi.html

رد
avatar
غير معرف
8 سبتمبر 2017 5:44 م حذف

أنا جهازى مى ماكس وحصلت فيه مشكلة فى البطارية أن الجهاز بيفصل عند 50 % وبعدها بشهر حصل مسافة بين الشاشة والشاسيه من الجانب الايسر من أسفل الجهاز ورحت مركز الصيانة فى عمارات العبور "وياريت ما روحت" ولقيت أسوأ مقابلة ممكن تحصل مع واحد من موظف إستقبال وحصلت مشاكل كتير بعدها انتهت أنهم بوزوا الجهاز وخرجوه من الضمان ومطلوب منى 2000 جنيه عشان يتصلح يا إما أستلمه ميت حتة
دى أسوأ تحربة عشتها فى حياتى مع وكيل شركة وطبعا مش محتاج أقول إنى عمرى ما هشترى أى جهاز شاومى تانى مع أنه كان عاجبنى جدا بسبب الوكيل اللى صيانته فاشلة جدا

رد
avatar
2 أكتوبر 2017 11:53 م حذف

السلام عليكم ورحمة الله وبركاته
معي جهاز شاومى نوت4
قمت بشراء الجهاز من القاهره وانا اسكن بالاسكندريه
وبعد فتره وجت الجهاز به الديد بيكسل وهي نقط بيضاء صغيره وزنه وشه في السماعه عند المكالمه
ممكن حد يفيدني ممكن اروح توكيل الاسكندريه
ومعي فاتورة الشراء من موبايل شوب

رد
avatar
3 أكتوبر 2017 4:44 م حذف

لو اكتر من 3 روخ التوكيل

رد
avatar
8 أكتوبر 2017 4:58 م حذف

السلام عليكم معايا نوت 4 وقع مني اتكسر في البلاغه ال فوق التاتش لو هتتغير هتكلف كام واقرب فرع ليا انا في أكتوبر النخيل/ العجمي / الاسكندريه

رد
avatar
8 أكتوبر 2017 5:00 م حذف

السلام عليكم معايا نوت 4 وقع مني اتكسر في الباغه ال فوق التاتش لو هتتغير هتكلف كام واقرب فرع ليا انا في أكتوبر النخيل/ العجمي / الاسكندريه

رد
avatar
9 أكتوبر 2017 7:32 ص حذف

اتصل بالخط الساخن 19954

رد
avatar
10 أكتوبر 2017 12:13 م حذف

لو سمحت معايا نوت 4 بطلع السيم كارد اتكسر منها قطعة بلاستيك داخل السوكت و كسرت ريشه من اللى بتقرا السيم كارد ...تصليحه يتكلف كام

رد
avatar
10 أكتوبر 2017 12:15 م حذف

لو سمحت معايا نوت 4 بطلع السيم كارد اتكسر منها قطعة بلاستيك داخل السوكت و كسرت ريشه من اللى بتقرا السيم كارد ...تصليحه يتكلف كام

رد
avatar
11 أكتوبر 2017 7:22 ص حذف

اتصل بالخط الساخن 19954 التكلفة بالظبط هتحتاج زيارة للفرع

رد
avatar
11 أكتوبر 2017 8:36 ص حذف

السلام عليكم ورحمة الله
انا سلمت جهاز شاومي نوت ٤ برو للفرع بالاسكندريه والجهاز به عيب صناعه وهو الديد بيكسل ووالله الجهاز ليس به اي خدش نهائي والجهاز بحالةزيرووو بمعني الكلمه فجالي مكالمه ان الجهاز به خدش بالشاشه والظهر وسف يتم تغير الشاشه وتكلفتها ١٢٠٠ وسف اتحمل ٤٠٠ جنيه وهذا الكلام غير صحيح لان الجهاز بالضمان ووالله ليس به اي خدش وللاسف هناك سوء معامله وتجاهل مما سجعلني ان اعمل علي تحرير محضر شرطه ولكن بعد ٤٨ ساعه فهل هذا حقي ام لا

رد
avatar
6 نوفمبر 2017 4:05 م حذف

انا عندي نفس المشكله خروشه جمب البصمه لو خبط خلطه بسيطه من فوق

رد
avatar
19 نوفمبر 2017 8:40 ص حذف

السلام عليكم معايا 4x وقع في حلة مليانه مياه ممكن يصلح او يستبدل

رد
avatar
19 نوفمبر 2017 8:40 ص حذف

السلام عليكم معايا 4x وقع في حلة مليانه مياه ممكن يصلح او يستبدل

رد
avatar
15 ديسمبر 2017 2:34 ص حذف أزال المؤلف هذا التعليق.
avatar
8 يناير 2018 11:03 ص حذف

حضرتك ده نفس مشكلتي وهو نفس الجهاز .الجهاز من نفسه بيفصل لوحده والبطاريه 40% ولاحظت بأن الشاشه خرجت من مكانها بالفعل . ومش عارف اعمل اه

رد
avatar
8 يناير 2018 11:10 ص حذف

بصراحه اجهزه شاومي طلعت مقلب كبير وميلئه بعيوب صناعه وضعيفه جدا ولا انصح بشراءها

رد
avatar
غير معرف
5 فبراير 2018 6:37 م حذف

متعب
شو المشكلة يلي عندك بمنفذ AUX ؟
لانو انا معي جهاز شاومي جديد
والمنفذ AUX خربان
الجكة تبع السماعة مش راضية تدخل للآخر

رد
avatar
19 أبريل 2018 5:53 ص حذف

خد بالك علشان أنا حصل معايا كده والجهاز اتقوس وفى الأخر قالولى دا سوء إستخدام ومرضيوش يعملوا حاجة مع إن الوقت اللى كنت فيه كان موجود أربعة عندهم نفس المشكلة

رد
avatar
غير معرف
5 مايو 2018 2:06 ص حذف

عايز الغي حمايه الغأء القفل الفون وقف تمام ارجو الرد

رد
avatar
غير معرف
5 مايو 2018 2:08 ص حذف

عايز الغي حمايه الغأء القفل الفون وقف تمام ارجو الرد

رد
avatar
غير معرف
5 مايو 2018 2:10 ص حذف

عايز الغي حمايه الغأء القفل الفون وقف تمام ارجو الرد

رد
avatar
22 مايو 2018 11:34 م حذف

ياجماعه محدش يشترى منتجات شاومي عشان معندهمش ضمير فى منتج و لا في صيانة انا تلفونى روحت توكيل الاسكندريه اللي في سموحة فاشل روحت اغير شاشة و تاش أتصل بيا بعديها قالي بصمة مش شغاله طيب ازاى و هو مستلمو كل حاجة شغالة وعلي صدق كلمي شوفو توكيل و ناس بتخنق هناك و حتلقي اللي حيستلم من تلفون اسمو محمد جود

رد
avatar
6 يونيو 2018 5:44 م حذف

انا اتجربتى مع الوكيل الى فىةالعتبه الله واكبر حاجه زى الزفت الجهةز اعد معايا ١٠ ايام وبعد كدة ابتديت الاحظ وجود تلامس كربائ فى ظهر الجهاز اثناء الشحن بخلاف ذالك لا يوجد اى شئ توجهت للوكيل الى فى العتبه بوضحله المشكله وكنت فى اليوم ال١٤ من شراء الهاتف الاستاذ استلم منى الهاتف بص عليه وقالى مفيهوش حاجه وكٱنى عيل صغير داخل اهزر معاه اتكلمت معاه وقلتله جربه جربه تجربه بالبلدى كدة اى كلام وقالى انا مش شايف مشكله ملحوظه (لم يتم عرض الجهاز على مسؤل الصيانه او الكشف عليه من قبل الكمبيوتر او الاجهزة المعنيه للكشف ) انا سكت وتوجهت لقسم الموسكى لعمل محضر اثبات حاله وتم ارسال امين شرطه معى للتوكيل وبما اننا فى مصر الوكيل طبعا عارفين الناس الى جوا القسم ومظبطين حالهم تم التكتم على الموضوع باستخراج ورقه بتقول انى داخل اشتى من عيب تسريب كهربائى وبالكشف عليه تبين انه لايوجد اى مشاكل مع العلم انه لم يتم الكشف اطلاقا انا دلوبتى عايز اطمن على الجهاز اعرف المشكله دى هتاثر على الجهاز فيما بعد ولا لاء دة شئ عادى لان ظهر الجهاز معدن

رد
avatar
محمد جابر
16 يونيو 2018 10:49 م حذف

اشتريت شاومى A5 البطاريه ضعيفه جدا بعد الشحن 100/100 ودلوقتى الشاحن مش شغال يعلم أنه بيشحن ويفضل واقف على الشحن على 10%وميكملش شحن تانى ولسه ساريه من اربع شهور فقط وسامع انى صيانه بتعتهم مش تمام هروح النهارده التوكيل وربنا يسهل وميكنوش ما موتعبين

رد
avatar
27 يونيو 2018 5:19 م حذف

باختصار الجهاز تشاومي ريد مي 4Aروحت غيرت البطاريه وبعد ما استلمت الجهاز الاقي الجهاز فيه كسر في الكفر من الزاويه من فوق ومن تحت وبتاع الصيانه مصمم ان الكسر مش منه ومني انا طلبت اقابل المدير قالوا مش موجود اخر حاجة اتصلت برقم الشكاوي وقدمت شكوي وقالوا في خلال48ساعه مندوبنا هيكلمك وأما اشوف

رد
avatar
3 يوليو 2018 5:17 ص حذف

لو سمحت انا اشتريت ريدمى 5 بلس وبالنسبة لمحتويات العلبة لماذا ورقة الضمان غير موجودة داخل العلبة معنى كدة أن الهاتف خارج الضمان ولسيادتكم جزيل الشكر

رد
avatar
18 يوليو 2018 12:18 ص حذف

يا جماعه التحديثالجديد والباطريه بقيت زفت والهاتف بيسخن جدا ايه الحل والله انا زهقت

رد
avatar
28 يوليو 2018 6:36 ص حذف

لو سمحتو التلفون مره واحده مش راضي يقبل شحن مع أنه لسه جديد وفي الضمان وهو نوت 5a نرجو الرد

رد
avatar
8 أغسطس 2018 5:51 ص حذف

لو سمحت انا معايا ريدمي 5plus وبيشحن لحد 97 في المائه

رد
avatar
14 أغسطس 2018 5:11 ص حذف

للاسف تعاملت مع موبايل شاومى بكل احترام على اساس انه منتج محترم
لكن للاسف الوكيل مستغل ومحتكر واسعاره سرقة
اشتريت اكثر من تليفون لى ولاولادى وعملت دعاية للتليفون واسف عليها الان
حدث بالتليفون نوت 3 كسر بالشاشة وهى تعمل لكن الشكل غير مقبول وذهبت لفرع سموحة بالاسكندرية وبدأت الكارثة
تغير الشاشة 1400 فى حين ثمن التليفون 2700
ومع ذلك دفعت لانهاء ذن ابنى على دائما
واذا بالتليفون بعد مدة قليلة ينفلت من يد ابنى على حرف حمام سباحة ولم ينزل بالماء
وذهبت اليهم وبسؤالى اجبت الحقيقة
حيث ان التليفون لايعمل وحدث شرخ بالشاشة ولكن اسمع صوت التليفون ان احد اتصل بى والشاشة معتمة
استلموا التليفون منى ودخلوا للصيانه وبعد دقيقة خرجت الى الانسة لتصعقنى
مطلوب 2400
كيف وثمن التليفون 2700
ولما ذلك المبلغ وكيف عرف سبب العطل بدون فتحة وتحديد مبلغ الاصلاح
وردت على ثمن للشاشة والبردة لانه اكيد وقع بالماء
كيف عرفت وانا الذى اقول لم ينزل بالماء
وبعدين انا اشترى جديد احسن
وردت على طبعا عشان كدة بنقول ثمن التصليح غالى
خرجت من عندهم وذهبت لاحد محلات صيانه الموبايل
وسألنى مالسبب
وحكيت له
فتح التليفون وعمله بالهوت اير وقال لى لايوجد به شئ مجرد سوكيت مهزوز لذا الشاشة لاتضئ
واخد منى 25 جنيه
25
25
25
25
25
25
ياناس 25 جنيه
ورجعت ليهم لاقول لهم ماحدث
وردوا على بطريقة مستفزة نحن لانصلح شئ نحن نغير فقط
وطبعا الاسعار سرقة للاحتكار
وبعد سنه اواكثر ذهبت لهم لتغير الشاشة فقالوا لى اسفين اتفتح بالخارج
طيب انا عايز شاشتين وبسعركم
لانبيع قطع غيار
بالزمة ده وكيل
والان لاأنصح احد بشراء شاومى وسأبلغ اصدقائى وعلى مواقع التواصل جميعا وعل جوجل حتى عندما احد يبحث عن مشاكل شاومى يقرأ البوست
وحسبى الله ونعم الوكيل

رد
avatar
30 أغسطس 2018 5:16 م حذف

تحس ان توكيل الصافي دول نصابين ايوه نصابين ومفيش وجه مقارنه بين توكيل تشاومي وسامسونج وبتاع الصيانه اللي عندنا في المنصورة تحس أنه عجلاتي
لما يجي يفتح جهاز يكسر الكفر يبقي عجلاتي مع الاعتذار للعجلاتي

رد
avatar
2 سبتمبر 2018 7:53 ص حذف

ايه الحاجات المطلوبه عشان الموبايل يتصلح في التوكيل انا اشتريته من جوميا ومبعتوش الفاتوره هل الفاتوره مهمه في التوكيل ولا كفايه العلبه

رد
avatar
غير معرف
3 سبتمبر 2018 12:10 ص حذف

انا معايا موبايل شاومي نوت5 الشاشه اتكسرت ومعرفش اعمل اي واسعار قطع الغيار اي

رد
avatar
21 سبتمبر 2018 12:21 م حذف

احذر احذر ان تشترى موبايل شاومى التوكيل وحش جدا وغالى و الموبايل ضعيف جدا ورق بمعنى اصح.....طلبوا منى 1650 جنيه عشان اصلح موبايل للاسف اشتريته من 20 يوم فقط وفى فرع صلاح سالم طلبت اقابل المدير محمود طه قالولى هيكلمك ولا حد عبرنى لحد دلوقتى
الحكاية: من 20 يوم دخلت على النت عشان اشترى موبايل فى حدود 4000 ..لقيت براند مكسر الدتيا واسمه xiaomi red mi note 5 وللاسف نزلت واشتريته رغم انه صينى وكان فى اختيارات تانيه هايله من ماركات محترمة زى سامسونج وهاواوى...لكن لقيت يوتيوبر كتير بيشكروا فيه_ يضللوا الناس ويضحكوا عليهم لكن محدش بيتعلم ببلاش ....الكل مستقيد ما عدا حضرتك... المهم وانا نازل من العربية ونظرا لان الموبايل بعد ايام قليلة اكتشفت انه ضعيف جدا مع انى حطه فى جراب الا انى خفت اسيبه جنبى فى العربية فحطيته فى شنطتى وحطيتها على الكرسى ... باطلع الموبايل الشاومى الجميل اعمل مكالمة لقيته سخن مولع والشاشة مشروخة 5 شروخ ...المهم روحت جرى على توكيل شاومى 17 ب عمارات العبور صلاح سالم ...اول ما لقيت النوكيل زحمة موت عرفت اللى فيها ..قابلنى موظف الاستقبال وقالى قبل ما يشوف الموبايل ادام كسر يبقى سؤ استخدام ...يا فندم سؤ استخدام ازاى والله والله العظيم ما وقع ...حتى شوف بنفسك ..طيب خلينى اقابل المدير
_مش هنا والتصليح هيتكلف 1650 جنيه
_طب معلش انا عايز اقابل المدير
_ا محمود طه مدير فرع شاومى مش موجود دلوقتى
_طب اكلم مين لوسمحت
-مانا قولتلك 1650
_ده انا كده ها بعت شكوى للشركة الام فى الصين اقولهم ان توكيل شاومى هنا غير مؤهل وغير كفء
_الاجراء اللى يريح حضرتك اعمله
_طب ممكن حضرتك تاخد رقمى وياريت لو المدير جه تقوله على كل اللى حصل _حاضر ان شاء الله هيكلمك بكره
وعدى بكره وبعده وبعده ولا حد اتصل ولا حد اهتم ...مش مشكلة الفلوس لو كان وقع كنت قولت فداهية ...لكن الواحد حاسس انه اتضحك غليه فى السن ده وعدم الاهتمام ةالامبالاه واسلوب اعلى ما فى خيلك اركبه ده اسلوب يضايق اى حد
جارى ارسال شكوى للشركة الام فى الصين وحد قالى ان فى نكان فى مجلس الوزراء للشكاوى اللى زى كده .ممكن لو حد عنده معلومة يقولى اعمل ايه؟؟

رد
avatar
23 سبتمبر 2018 12:07 م حذف

تليفوني شاومي for x مابيشحن على اي شاحن بشحن بس علي الكمبيوتر اعمل ايه

رد
avatar
7 أكتوبر 2018 1:32 ص حذف

المندره ش جمال ععبد الناصر

رد
avatar
7 أكتوبر 2018 10:17 ص حذف

تجربتي مع الصافى وحشة جدا
اشتريت هاتف شاومى ريدمى نوت5
وبعد 4ايام من شراؤه واجهت مشكلة (مى اكونت) فكلمت الشركة وقالولى ابعتوا لنقطة تجميع دمياط من يوم 5/9/2018 والحهاز معاهم وكل اما اكلموا ميردش او يقولى معرفش خدمة سيئة جدا جدا

رد
avatar
14 أكتوبر 2018 10:15 ص حذف

انا معايا اتنين تليفون شاومي mi A1 والكاميرا بتاعتهم فيها مشكله في الصور ارجو الافاده والحل
ارجو الرد والمصدقيه

رد
avatar
14 أكتوبر 2018 4:08 م حذف

لو سمحتم انا جايب شاومى s2 ماكملش 3شهور وبيفصل لوحده واحيانا بحاول تشغله مش بيشتغل غير بعد وقت كتير

رد
avatar
20 أكتوبر 2018 12:44 ص حذف

لو سمحت عاوز اعرف سعر بوردة تليفون 4x عاملة كام وارجوا الرد والافادة ضرورى لو سمحتم

رد
avatar
28 أكتوبر 2018 3:29 ص حذف

شركه الصافى وشركه شاومى زباله

رد
avatar
29 أكتوبر 2018 11:54 ص حذف

في مشكله لما اتصل على حد وهو انتظار المفروض يظهر عندي قيد الانتظار وده مش بيظهر خالص وجربت ده في اكتر من جهاز شاومي ارجو الافاده

رد
avatar
29 أكتوبر 2018 11:19 م حذف

انا معايا ريدمي نوت 5 ورأس الشاحن فصلت لوحدها مع اني لسة شارياه مكملش شهر ممكن اعرف اشتري شاحن اصلي منين وبكام ويا ريت محدش يقولي جوميا وسوق كوم لاني مش بحب اشتري اون لاين او بمعني اصح مش بثق في الشراء اونلاين

رد
avatar
2 نوفمبر 2018 7:18 م حذف

مركز خدمة البيع الخاص بشاومي موجود مراكز بيع كتيرة او من التوكيل بشكل عام عشان تعرف اقرب فرع لشاومي - xiaomi من هنا 19954

رد
avatar
2 نوفمبر 2018 7:20 م حذف

الخاصية ده مش متوفرة فى شاومي يقال انها بشكل عام لاسباب تتعلق بالخصوصية ... تقليدا لشركة apple ولكن فى اكتر من كلام اثير الفترة الى فاتت انها ممكن تضاف خلال التحديثات القادمة فى حال تم تقديم الكثير من الطلبات من المستخدمين باضافة هذه الخاصية

رد
avatar
2 نوفمبر 2018 7:21 م حذف

يا ريت تحكى الموقف الى حصل معاك بشكل عام من خلال شركة شاومي او توكيل الصافى

رد
avatar
2 نوفمبر 2018 7:22 م حذف

اعتقد صعب تلاقيه جديد حاليا ... الشركة نزلت كتر من جهاز بعده ى نفس افئة السعرية

رد
avatar
2 نوفمبر 2018 7:24 م حذف

اعتقد لا مجال للحل لو المشكلة هاردوير غير بالذهاب للتوكيل ممكن تعرف اقرب فرع لتوكيلات شركة شاومي - الصافي من هنا 19954 اما لو سوفت وير ممكن من خلال اجراء ظبط مصنع ... او تنزل من play store تطبيق اخر للكاميرا للفحص ... ويرجى ايضا توضيح المشكلة بتفاصيل اكثر

رد
avatar
2 نوفمبر 2018 7:25 م حذف

حاول تنشر مشكلتك على جروب مستخدمي شاومي اعتقد فى هناك بعض الاعضاء المنتسبين للشركة الى يقدرو يساعدو فى حل مشكلتك

رد
avatar
2 نوفمبر 2018 7:26 م حذف

فى كل الاحوال هتضطر تتوجه لاقرب فرع للتوكيل سواء لشراء شاحن او الصيانة لو فى مشكلة تقدر تعرف اقرب فرع من هنا 19954

رد
avatar
7 نوفمبر 2018 2:03 م حذف

شـاومــــــــــــــي

للاسف من اسواء الشركات بمصر او بمعني اوضح التوكيل مش كويس
التوكيل بيوفر علي حساب قطع الغيار انا عايز افهم ازي بيقولوا غيروا بطارية جديدة والمشكلة مازالت موجودة
مشكلتي معهم ان جهازي يادوب من شهرين الموبايل طراز Mi A2 Lite البطارية كانت بتفرغ شحن بشريع والجهاز بطيئ وكل حاجة فيه ثقلية ذهبت بالجهاز الي التوكيل شركة الصافي فرع صلاح سالم القاهرة وسلمت الجهاز يوم السبت الموافق 27/10/2018 فاتصلت يوم الأثنين 29/10 بال hot line فقالت لي الموظفة ممكن حضرتك تروح تسلم الجهاز وبالفعل توجهت الي الفرع يوم الثلاثاء 30/10/2018 لاستلام الجهاز فلاحظت ان الجهاز زي ماسملته للصيانة ونفس البرنامج وكل حاجة موجودة فاستغربت وسالت الموظف ماذا تم ف الجهاز فقالي تم تغير بطارية ف الضمان فقالت له مايثبت انك غيرت بطارية فقالي لي انهم شركة محترمة مش محل في الشارع فقالت له هللا يوجد تقرير بذلك فقال لي بعد 24 ممكن تجيئ تستمله وللاسف استلمت الجهاز ومشيت وعند احساس انه لم يتم عمل اي شئ بالجهاز وبالفعل مشكلة البطارية موجودة والجهاز حالته زي الزفت للاسف كرهت حاجة اسمها شاومي للاسف حسبنا الله ونعم الوكيل لاتوجد مصداقية ف التعامل مع الناس هو الواحد بيدفع فلوس لشراء موبايل لراحته والا بيدفع فلوس ليه لبهدته ؟ للاسف كنت متحمس جداً لشراء شاومي بناءاً لنصحية بعض الزملاء لكن بعد استخدام شاومي كرهني ف الموبيلات ومع ذلك لن اترك حقي بالشركة حتي ولو وصلت الامور لرفع قضية ع الشركة م/مظهر همام 01066614902/01110999792

رد
avatar
16 نوفمبر 2018 3:11 م حذف

مساء الخير انا اشتريت جهاز .شاومى نوت 6 برو وليس به شهاده ضمان هل التليفون ليس له شهادة ضمان الرجاء الرد

رد
avatar
16 نوفمبر 2018 3:17 م حذف

مساء الخير انا اشتريت جهاز .شاومى نوت 6 برو وليس به شهاده ضمان هل التليفون ليس له شهادة ضمان الرجاء الرد

رد
avatar