بسم الله الرحمن الرحيم
موضوعنا النهاردة بعنوان
تجربتى مع الصافى وكيل شاومي - xiaomi فى مصر
تجربتى مع الصافى وكيل شاومي - xiaomi فى مصر |
فى الفترة الاخيرة مع وجود شركة شاومي - xiaomi فى مصر ابتدت الاسئلة تكتر عن مين هو وكيل شركة شاومي وهل هو كويس ولا وحش وبما ان كان لينا تجربة شخصية معاه حبينا نذكرها هنا بكل مساوئها ومميزاتها
فى الاول يهمك تقرا المقال التالية :
1- مين هى شركة شاومي xiaomi ومكانها فين عالميا
2- منين تشترى منتجات شاومي فى مصر - xiaomi
بعد ما قرينا المقالات ده وعرفنا قوة الشركة عالميا .. كان لازم ولا بد عشان تحافظ الشركة على اسمها وسمعتها من وجود وكيل قوى وجيد فى السوق المصرى وفشل نوعا ما الوكيل فى بداية وجود الشركة فى مصر فى الدعايا والتسعير بشكل كبير الا انه رجع بشكل قوى من خلال عروض وحملات اعلانية ممكن تشوفها وتقولنا رئيك فيها من هنا ( رئيك فى حملة شاومي - xiaomi الاعلانية فى رمضان ؟ )
لكن الى يهمنا كمستخدمين عاديين مش قوة الدعايا ولا غيره يهمنا فى المقام الاول توفر قطع الغيار و الاحترام المتبادل مع الوكيل وتوفير الاكسسوارات وسرعة صيانة الهواتف وده الى هنجاوب عنه فى مقالنا النهاردة باذن الله فى ملخص تجربتى مع عدم معرفة الوكيل بما هية شخصيتى وكونى مدون تقنى ومراجع.
- اشتريت هاتف xiaomi mi5 من عروض جوميا للاستخدام كهاتف شخصي وكعادتى لا استخدم اى جهاز خاص بى من دون توفر اكسسواراته والتى كنت طلبتها ايضا لكن وصلت متاخر اسبوع .. بعد اول اسبوع ووصول الاكسسوارات ابتديت اعتمد على الجهاز بشكل دائم ولكن قابلت مشكلة وهى ان الجهاز بيعمل restart كل فترة بشكل عشوائى لوحده من دون ميكون فيه ترتيب معين او اعتماد على حاجة .. ابتديت اتخذ الخطوات التقليدية من اعادة ظبط المصنع وغيره ولكن لعشوائية الامر لم يلاحظ الا بعد يومين اخرين .. توقعت ان يكون الموضوع مجرد سوفت وهو امر مقدور عليه بالنسبة لى فتركت المر لمرورى بفترة امتحانات .. بعد انتهاء الاسبوع بحثت فى الامر فوجدت انه قد لا تكون مشكلة سوفت فهناك عيب منتشر فى بعض اجهزة ال mi5 وهو اعادة التشغيل المتكررة وانه عيب صناعة .ومن هنا قررت التوجه للوكيل ولكن بعد فوات 20 يوم .
- ذهبت للفرع الرئيسي وسلمت الجهاز واخذت ايصال الاستلام واجد ان الوصل مكتوب فيه ان الجهاز خارج الضمان لاقوم بابلاغ المسؤل ويبلغنى انه غلطة فى السيستم وهيتم اضافته وقد كان .. ( السلبية الاولى)
- تم تحديد موعد اقصى لاستلام الجهاز فى خلال 72 ساعة ( الايجابية الاولى ) على عكس الوكلاء فى مصر كانت مدة سريعة للغاية .
- بعد 48 ساعة تم الاتصال بى ليتم ابلاغى انه تم تغيير سوفت من قبل ممثلة الوكيل وغالبا من المبيعات وليس الصيانة والى كان تناقشى معها غير مجدى لانه غير مختص وتم التاكيد بان المشكلة فى الغالب هاردوير وليست سوفت وير ولكن تم ابلاغى بانه تم تجربة الجهاز ومفيش مشاكل ( السلبية الثانية : عدم القدرة على تحديد العيب من المرة الاولى )
- تم تجربة الجهاز ووجدت به نفس المشكلة تم التواصل مع احد المسؤلين المحترمين الذى كان على متابعة دائمة معى بتوقيتات الفصل وبلغنى انه ينتظرنى تانى يوم فى الفرع المسؤل عن الصيانة وليس الفرع الرئيسي .. وروحت فعلا وقابلت استاذ انطونيوس الشخص المحترم للغاية .. والى استلم الجهاز منه بنفسى وجرب الجهاز الا ان رئي العيب برغم طول مدة تجربته وتم التواصل معى انى اقدر استلمه تانى يوم وتم تغيير اللوحة الام (الايجابية الثانية : مراعاة المشكلة وسرعة الانجاز)
- طلبت تبديل الجهاز وليست فقط صيانته ولكن تم رفض الامر لانه تعدى مدة ال 14 يوم .. وللاسف ده حقهم القانوني وتم تجاهل وجود فترة اجازات فى هذه المدة بالنسبة لفروع الوكيل تصل ل 9 ايام كاملة يعنى فعليا مكنش 14 يوم عمل ! (السلبية الثالثة: عدم الحفاظ على تجربة العميل العامة فى بداية شركة ناشئة فى مصر )
التقييم العام 4/5
- سرعة الصيانة 72 ساعة فقط
- توافر قطع الغيار
- مراعاة الضمير المهنى ووجود موظفين محترمين يهمهم مصلحة العميل
- اسلوب التعامل المحترم
- السلبية الاساسية : تمسكهم بالقانون بغض النظر عن تجربة المستخدم
تقييم الوكيل ب 4 ليس لجودته بافضل شكل ممكن ولكن لمقارنته مع باقى الوكلاء الى فى اغلب الظن لن يتعدى تقييمهم ال 3/5 خاصة فى مدة التسليم والتبديل
تحديث هام للمقال :
بناء على تجارب المستخدمين هناك تعديلات وجب ذكرها .
- سرعة الصيانة اصبحت خلال 7 ايام وليس 72 ساعة .
- للامانة اخر تجربة ليا هناك كان فى زحام فى غره توكيل شاومي-xiaomi وعدم تنظيم ((فرع عمارات العبور))
**********************
مع تجارب متابعينا مع الوكيل اثناء ظهور مشكلة ال dead pixels فى النوت 4 كانت جيدة بشكل كبير وتم استبدال الاجهزة فى نفس الوقت من دون اى مشاكل ..
تجارب الوكيل فى بعض مشاكل النوت 2 كان استبدال مباشر من دون مشاكل او تاخير
**********************
الخلاصة الوكيل حتى الان اعتبره شخصيا من افضل من تعاملت معهم بشكل شخصي برغم عدم رضائى التام عن تجربتى معه
**********************
عناوين توكيل شاومي فى مصر :
فروع توكيل الصافىالعناوين :
1- القاهرة١ - 17ب عمارات العبور محل رقم 4 - صلاح سالم
القاهرة٢ - 37 شارع عبد العزيز - العتبة
2- فرع بنها - أبراج الأمل - الدور الثانى - خلف مديرية أمن بنها
3- فرع طنطا - 7 ش المعتصم مع حسان بن ثابت
4- فرع الإسكندرية - شارع مسجد حاتم محل رقم ٥ ابراج الصيادله خلف مديرية الامن
5- فرع المنصورة - شارع قناة السويس - عمارة أبناء ربيع أعلى مطعم كابتشينو
6- اسماعيليه - ٥٠ شارع شبين الكوم
7- اسوان - شارع ابطال التحرير عماره الاوقاف ( 76)
بجوار البنك الاهلى فرع العقاد العقاد - الدور الثانى
مواعيد العمل :
كل الفروع من 10 صباحاً الي 6 مساءاً
ماعدا فرع العتبة من 10 صباحاً ل 9 مساءاً
فرع عمارات العبور من 10 الي 7.5 مساءاً
الأجازة الاسبوعية يومى الجمعة والسبت
************************
تعامل وكيل شاومي فى بعض المشاكل المنتشرة :
فى بعض المشاكل المنتشرة فى بعض الهواتف من الشركة مثل مشكلة عطل ازرار التحكم فى الشاشة فى xiaomi note 2 كان التبديل المباشر .
هناك ايضا بعض المشاكل فى التى ظهرت فى جهاز شاومي ريدمي نوت 4 xiaomi redmi note 4 ومنها بعض ال stuck pixels الى كانت بتظهر لو فى اول 14 يوم من تاريخ الشراء وكان العدد اكثر من 3 او واحدة فقط ظاهرة بجميع الالون من حق العميل استبدال الجهاز اما بعد مرور 14 يوم فسيقوم الوكيل باستبدال الشاشة فقط .
رقم شركة شاومي فى مصر : 19954
************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف
من هنا
او
من هنا
ولا تنسى الاعجاب بالصفحة
86 التعليقات
التعليقاتللاسف اشتريت جهاز شاومى وبعد يوم واحد من استخدامه سخن جدا بعد استعماله بنصف ساعة وعندما توجهت لشركة الغزاوى بالزقازيق التى اشتريت منها الجهاز وطلبت تغيير الجهاز للعيب الذى به رفضت وقالت سنرسله للشركة للصيانة ووافقت وبعد مرور اسبوع أخذته وجربته مرة أخري ونفس العيب موجد وكما كان أول مرة رفضت شركة الغزاوى بالزقازيق وصاحبها ا/ عادل رفض تغيير الجهاز وقال انه سيرسله للشركة مرة أخرى وعندما اعترضت لاننى فى فترة الضمان ومن حقى تغييره للاسف ما وجدت الا سوء معاملة من صاحب الشركة وبعض العاملين
ردوهذا كله يعنى عدم المصداقية
كأنك بتتكلم عن مشكلتي انا معايا Mi Max بقاله أكثر من تسعة أشهر ابتدي يعمل ريستارت بشكل عشوائي عملت ضبط مصنع مع نفسي اشتغل تمام بعد 3 أشهر رجع تاني يعمل ريستارت كل شوية وخصوصا وسط المكالمات وصل انه بيعمل كده كل ساعه تقريبا عملت ضبط مصنع مع نفسي تاني بس مجبش نتيجة المرة دي رحت فرع العبور وقابلت استاذ أنطونيوس نزل لي سوفتوير وانا قاعد وكان بعد مواعيد العمل كمان لما عرفوا اني جاي من 6 أكتوبر وخد الجهاز ومشيت اشتغل كويس يوم ونص ورجع تاني يعمل ريستارت كل شوية كان اجازة العيد اضطررت استنى بعد العيد ورجعت لهم تانى المرة دي سبت الجهاز 72 ساعة اتصلوا بيا رحت قالوا لي تم الكشف على الجهاز ومفيهوش حاجة المشكلة من عندك في حاجة انت بتنزلها هي اللي بتعمل كده خدت الجهاز وانا مش مقتنع وقررت اسمع الكلام بدأت امسح بعد الابلكيشن ال apx اللي مش من على البلاي ستور وبعض اللي مش محتاجه حوالي 12 ابلكيشن كل ما امسح ابلكيشن الريستارت يقل لحد ما بطل خالص
ردالخلاصة اللي وصلت لها لاني مش مقتنع بردو ال MIUI روم ضعيف هتدوس عليه وتملاه برامج وألعاب هيهنج معاك هتعامله بالراحة وشغل متوسط هيديك عموماً هوا جهاز كويس جداً على قد فلوسه وده كل الصيني عموما واللي زيه في سامسونج ضعف التمن تقريبا فخد صاحبك على عيبه
للامانة العيب هنا مش عيب الفون او الشركة الطبيعى جدا ان ميتمش تنزيل تطبيقات من برة المتجر وطبيعى انها تضر الجهاز بشكل او باخر عكس التطبيقات من المتجر الى بتكون امنة تماما بفحص دوري من google
ردالسخونية فى احيانا كتيرة مش بتكون عيب فى الجهاز خاصة فى مصر فى موجة الحر السابقة طبيعى جدا ان الفون مع الاستعمال يسخن وتظهر سخونيته الشديدة خاصة ان الجهاز معدن
ردطب انا عوز الموبيل دا بس بسعره الرسمى انا من المنوفيه ....لو سمحت عاوز اعرف السعر
ردانا من السعودية عندي جهاز شاومي ردمي نوت 4 الشاشة مكسورة تحتاج استبدال وأيضا مشكلة في منفذ AUX
ردللأسف لايوحد له وكيل او صيانة في السعودية
هل ممكن اشحن لهم الجهاز ويعملوا له صيانة؟
يا جماعه معايه 4x لما بوقع الجهاز وقعه بسيطه خالص بلاقي صوت خروشه من اعلي البصمه. حد يفيدني يا جماعه
ردممكن تشتري القطع المتضررة من المواقع الصينية وتقوم بصيانته فى اي مركز صيانة
ردالصوت ده طبيعى متقلقش لكن تقصد تخبط ع الجهاز لكن توقعه ليه :)
ردراحع اسعاره من المقال الى لينكه فى الاسفل ... لو ملقتهوش بنفس الاسعار فى المحلات حاول تجيبه من الوكيل او من جوميا
ردhttp://www.egyptionreviewer.com/2017/05/xiaomi.html
أنا جهازى مى ماكس وحصلت فيه مشكلة فى البطارية أن الجهاز بيفصل عند 50 % وبعدها بشهر حصل مسافة بين الشاشة والشاسيه من الجانب الايسر من أسفل الجهاز ورحت مركز الصيانة فى عمارات العبور "وياريت ما روحت" ولقيت أسوأ مقابلة ممكن تحصل مع واحد من موظف إستقبال وحصلت مشاكل كتير بعدها انتهت أنهم بوزوا الجهاز وخرجوه من الضمان ومطلوب منى 2000 جنيه عشان يتصلح يا إما أستلمه ميت حتة
رددى أسوأ تحربة عشتها فى حياتى مع وكيل شركة وطبعا مش محتاج أقول إنى عمرى ما هشترى أى جهاز شاومى تانى مع أنه كان عاجبنى جدا بسبب الوكيل اللى صيانته فاشلة جدا
السلام عليكم ورحمة الله وبركاته
ردمعي جهاز شاومى نوت4
قمت بشراء الجهاز من القاهره وانا اسكن بالاسكندريه
وبعد فتره وجت الجهاز به الديد بيكسل وهي نقط بيضاء صغيره وزنه وشه في السماعه عند المكالمه
ممكن حد يفيدني ممكن اروح توكيل الاسكندريه
ومعي فاتورة الشراء من موبايل شوب
لو اكتر من 3 روخ التوكيل
ردالسلام عليكم معايا نوت 4 وقع مني اتكسر في البلاغه ال فوق التاتش لو هتتغير هتكلف كام واقرب فرع ليا انا في أكتوبر النخيل/ العجمي / الاسكندريه
ردالباغه
ردالسلام عليكم معايا نوت 4 وقع مني اتكسر في الباغه ال فوق التاتش لو هتتغير هتكلف كام واقرب فرع ليا انا في أكتوبر النخيل/ العجمي / الاسكندريه
رداتصل بالخط الساخن 19954
ردلو سمحت معايا نوت 4 بطلع السيم كارد اتكسر منها قطعة بلاستيك داخل السوكت و كسرت ريشه من اللى بتقرا السيم كارد ...تصليحه يتكلف كام
ردلو سمحت معايا نوت 4 بطلع السيم كارد اتكسر منها قطعة بلاستيك داخل السوكت و كسرت ريشه من اللى بتقرا السيم كارد ...تصليحه يتكلف كام
رداتصل بالخط الساخن 19954 التكلفة بالظبط هتحتاج زيارة للفرع
ردالسلام عليكم ورحمة الله
ردانا سلمت جهاز شاومي نوت ٤ برو للفرع بالاسكندريه والجهاز به عيب صناعه وهو الديد بيكسل ووالله الجهاز ليس به اي خدش نهائي والجهاز بحالةزيرووو بمعني الكلمه فجالي مكالمه ان الجهاز به خدش بالشاشه والظهر وسف يتم تغير الشاشه وتكلفتها ١٢٠٠ وسف اتحمل ٤٠٠ جنيه وهذا الكلام غير صحيح لان الجهاز بالضمان ووالله ليس به اي خدش وللاسف هناك سوء معامله وتجاهل مما سجعلني ان اعمل علي تحرير محضر شرطه ولكن بعد ٤٨ ساعه فهل هذا حقي ام لا
انا عندي نفس المشكله خروشه جمب البصمه لو خبط خلطه بسيطه من فوق
ردالسلام عليكم معايا 4x وقع في حلة مليانه مياه ممكن يصلح او يستبدل
ردالسلام عليكم معايا 4x وقع في حلة مليانه مياه ممكن يصلح او يستبدل
ردحضرتك ده نفس مشكلتي وهو نفس الجهاز .الجهاز من نفسه بيفصل لوحده والبطاريه 40% ولاحظت بأن الشاشه خرجت من مكانها بالفعل . ومش عارف اعمل اه
ردبصراحه اجهزه شاومي طلعت مقلب كبير وميلئه بعيوب صناعه وضعيفه جدا ولا انصح بشراءها
ردمتعب
ردشو المشكلة يلي عندك بمنفذ AUX ؟
لانو انا معي جهاز شاومي جديد
والمنفذ AUX خربان
الجكة تبع السماعة مش راضية تدخل للآخر
خد بالك علشان أنا حصل معايا كده والجهاز اتقوس وفى الأخر قالولى دا سوء إستخدام ومرضيوش يعملوا حاجة مع إن الوقت اللى كنت فيه كان موجود أربعة عندهم نفس المشكلة
ردعايز الغي حمايه الغأء القفل الفون وقف تمام ارجو الرد
ردعايز الغي حمايه الغأء القفل الفون وقف تمام ارجو الرد
ردعايز الغي حمايه الغأء القفل الفون وقف تمام ارجو الرد
ردياجماعه محدش يشترى منتجات شاومي عشان معندهمش ضمير فى منتج و لا في صيانة انا تلفونى روحت توكيل الاسكندريه اللي في سموحة فاشل روحت اغير شاشة و تاش أتصل بيا بعديها قالي بصمة مش شغاله طيب ازاى و هو مستلمو كل حاجة شغالة وعلي صدق كلمي شوفو توكيل و ناس بتخنق هناك و حتلقي اللي حيستلم من تلفون اسمو محمد جود
ردانا اتجربتى مع الوكيل الى فىةالعتبه الله واكبر حاجه زى الزفت الجهةز اعد معايا ١٠ ايام وبعد كدة ابتديت الاحظ وجود تلامس كربائ فى ظهر الجهاز اثناء الشحن بخلاف ذالك لا يوجد اى شئ توجهت للوكيل الى فى العتبه بوضحله المشكله وكنت فى اليوم ال١٤ من شراء الهاتف الاستاذ استلم منى الهاتف بص عليه وقالى مفيهوش حاجه وكٱنى عيل صغير داخل اهزر معاه اتكلمت معاه وقلتله جربه جربه تجربه بالبلدى كدة اى كلام وقالى انا مش شايف مشكله ملحوظه (لم يتم عرض الجهاز على مسؤل الصيانه او الكشف عليه من قبل الكمبيوتر او الاجهزة المعنيه للكشف ) انا سكت وتوجهت لقسم الموسكى لعمل محضر اثبات حاله وتم ارسال امين شرطه معى للتوكيل وبما اننا فى مصر الوكيل طبعا عارفين الناس الى جوا القسم ومظبطين حالهم تم التكتم على الموضوع باستخراج ورقه بتقول انى داخل اشتى من عيب تسريب كهربائى وبالكشف عليه تبين انه لايوجد اى مشاكل مع العلم انه لم يتم الكشف اطلاقا انا دلوبتى عايز اطمن على الجهاز اعرف المشكله دى هتاثر على الجهاز فيما بعد ولا لاء دة شئ عادى لان ظهر الجهاز معدن
رداشتريت شاومى A5 البطاريه ضعيفه جدا بعد الشحن 100/100 ودلوقتى الشاحن مش شغال يعلم أنه بيشحن ويفضل واقف على الشحن على 10%وميكملش شحن تانى ولسه ساريه من اربع شهور فقط وسامع انى صيانه بتعتهم مش تمام هروح النهارده التوكيل وربنا يسهل وميكنوش ما موتعبين
ردباختصار الجهاز تشاومي ريد مي 4Aروحت غيرت البطاريه وبعد ما استلمت الجهاز الاقي الجهاز فيه كسر في الكفر من الزاويه من فوق ومن تحت وبتاع الصيانه مصمم ان الكسر مش منه ومني انا طلبت اقابل المدير قالوا مش موجود اخر حاجة اتصلت برقم الشكاوي وقدمت شكوي وقالوا في خلال48ساعه مندوبنا هيكلمك وأما اشوف
ردلو سمحت انا اشتريت ريدمى 5 بلس وبالنسبة لمحتويات العلبة لماذا ورقة الضمان غير موجودة داخل العلبة معنى كدة أن الهاتف خارج الضمان ولسيادتكم جزيل الشكر
رديا جماعه التحديثالجديد والباطريه بقيت زفت والهاتف بيسخن جدا ايه الحل والله انا زهقت
ردلو سمحتو التلفون مره واحده مش راضي يقبل شحن مع أنه لسه جديد وفي الضمان وهو نوت 5a نرجو الرد
ردلو سمحت انا معايا ريدمي 5plus وبيشحن لحد 97 في المائه
ردللاسف تعاملت مع موبايل شاومى بكل احترام على اساس انه منتج محترم
ردلكن للاسف الوكيل مستغل ومحتكر واسعاره سرقة
اشتريت اكثر من تليفون لى ولاولادى وعملت دعاية للتليفون واسف عليها الان
حدث بالتليفون نوت 3 كسر بالشاشة وهى تعمل لكن الشكل غير مقبول وذهبت لفرع سموحة بالاسكندرية وبدأت الكارثة
تغير الشاشة 1400 فى حين ثمن التليفون 2700
ومع ذلك دفعت لانهاء ذن ابنى على دائما
واذا بالتليفون بعد مدة قليلة ينفلت من يد ابنى على حرف حمام سباحة ولم ينزل بالماء
وذهبت اليهم وبسؤالى اجبت الحقيقة
حيث ان التليفون لايعمل وحدث شرخ بالشاشة ولكن اسمع صوت التليفون ان احد اتصل بى والشاشة معتمة
استلموا التليفون منى ودخلوا للصيانه وبعد دقيقة خرجت الى الانسة لتصعقنى
مطلوب 2400
كيف وثمن التليفون 2700
ولما ذلك المبلغ وكيف عرف سبب العطل بدون فتحة وتحديد مبلغ الاصلاح
وردت على ثمن للشاشة والبردة لانه اكيد وقع بالماء
كيف عرفت وانا الذى اقول لم ينزل بالماء
وبعدين انا اشترى جديد احسن
وردت على طبعا عشان كدة بنقول ثمن التصليح غالى
خرجت من عندهم وذهبت لاحد محلات صيانه الموبايل
وسألنى مالسبب
وحكيت له
فتح التليفون وعمله بالهوت اير وقال لى لايوجد به شئ مجرد سوكيت مهزوز لذا الشاشة لاتضئ
واخد منى 25 جنيه
25
25
25
25
25
25
ياناس 25 جنيه
ورجعت ليهم لاقول لهم ماحدث
وردوا على بطريقة مستفزة نحن لانصلح شئ نحن نغير فقط
وطبعا الاسعار سرقة للاحتكار
وبعد سنه اواكثر ذهبت لهم لتغير الشاشة فقالوا لى اسفين اتفتح بالخارج
طيب انا عايز شاشتين وبسعركم
لانبيع قطع غيار
بالزمة ده وكيل
والان لاأنصح احد بشراء شاومى وسأبلغ اصدقائى وعلى مواقع التواصل جميعا وعل جوجل حتى عندما احد يبحث عن مشاكل شاومى يقرأ البوست
وحسبى الله ونعم الوكيل
تحس ان توكيل الصافي دول نصابين ايوه نصابين ومفيش وجه مقارنه بين توكيل تشاومي وسامسونج وبتاع الصيانه اللي عندنا في المنصورة تحس أنه عجلاتي
ردلما يجي يفتح جهاز يكسر الكفر يبقي عجلاتي مع الاعتذار للعجلاتي
ايه الحاجات المطلوبه عشان الموبايل يتصلح في التوكيل انا اشتريته من جوميا ومبعتوش الفاتوره هل الفاتوره مهمه في التوكيل ولا كفايه العلبه
ردانا معايا موبايل شاومي نوت5 الشاشه اتكسرت ومعرفش اعمل اي واسعار قطع الغيار اي
رداحذر احذر ان تشترى موبايل شاومى التوكيل وحش جدا وغالى و الموبايل ضعيف جدا ورق بمعنى اصح.....طلبوا منى 1650 جنيه عشان اصلح موبايل للاسف اشتريته من 20 يوم فقط وفى فرع صلاح سالم طلبت اقابل المدير محمود طه قالولى هيكلمك ولا حد عبرنى لحد دلوقتى
ردالحكاية: من 20 يوم دخلت على النت عشان اشترى موبايل فى حدود 4000 ..لقيت براند مكسر الدتيا واسمه xiaomi red mi note 5 وللاسف نزلت واشتريته رغم انه صينى وكان فى اختيارات تانيه هايله من ماركات محترمة زى سامسونج وهاواوى...لكن لقيت يوتيوبر كتير بيشكروا فيه_ يضللوا الناس ويضحكوا عليهم لكن محدش بيتعلم ببلاش ....الكل مستقيد ما عدا حضرتك... المهم وانا نازل من العربية ونظرا لان الموبايل بعد ايام قليلة اكتشفت انه ضعيف جدا مع انى حطه فى جراب الا انى خفت اسيبه جنبى فى العربية فحطيته فى شنطتى وحطيتها على الكرسى ... باطلع الموبايل الشاومى الجميل اعمل مكالمة لقيته سخن مولع والشاشة مشروخة 5 شروخ ...المهم روحت جرى على توكيل شاومى 17 ب عمارات العبور صلاح سالم ...اول ما لقيت النوكيل زحمة موت عرفت اللى فيها ..قابلنى موظف الاستقبال وقالى قبل ما يشوف الموبايل ادام كسر يبقى سؤ استخدام ...يا فندم سؤ استخدام ازاى والله والله العظيم ما وقع ...حتى شوف بنفسك ..طيب خلينى اقابل المدير
_مش هنا والتصليح هيتكلف 1650 جنيه
_طب معلش انا عايز اقابل المدير
_ا محمود طه مدير فرع شاومى مش موجود دلوقتى
_طب اكلم مين لوسمحت
-مانا قولتلك 1650
_ده انا كده ها بعت شكوى للشركة الام فى الصين اقولهم ان توكيل شاومى هنا غير مؤهل وغير كفء
_الاجراء اللى يريح حضرتك اعمله
_طب ممكن حضرتك تاخد رقمى وياريت لو المدير جه تقوله على كل اللى حصل _حاضر ان شاء الله هيكلمك بكره
وعدى بكره وبعده وبعده ولا حد اتصل ولا حد اهتم ...مش مشكلة الفلوس لو كان وقع كنت قولت فداهية ...لكن الواحد حاسس انه اتضحك غليه فى السن ده وعدم الاهتمام ةالامبالاه واسلوب اعلى ما فى خيلك اركبه ده اسلوب يضايق اى حد
جارى ارسال شكوى للشركة الام فى الصين وحد قالى ان فى نكان فى مجلس الوزراء للشكاوى اللى زى كده .ممكن لو حد عنده معلومة يقولى اعمل ايه؟؟
تليفوني شاومي for x مابيشحن على اي شاحن بشحن بس علي الكمبيوتر اعمل ايه
ردالمندره ش جمال ععبد الناصر
ردتجربتي مع الصافى وحشة جدا
رداشتريت هاتف شاومى ريدمى نوت5
وبعد 4ايام من شراؤه واجهت مشكلة (مى اكونت) فكلمت الشركة وقالولى ابعتوا لنقطة تجميع دمياط من يوم 5/9/2018 والحهاز معاهم وكل اما اكلموا ميردش او يقولى معرفش خدمة سيئة جدا جدا
انا معايا اتنين تليفون شاومي mi A1 والكاميرا بتاعتهم فيها مشكله في الصور ارجو الافاده والحل
ردارجو الرد والمصدقيه
لو سمحتم انا جايب شاومى s2 ماكملش 3شهور وبيفصل لوحده واحيانا بحاول تشغله مش بيشتغل غير بعد وقت كتير
ردلو سمحت عاوز اعرف سعر بوردة تليفون 4x عاملة كام وارجوا الرد والافادة ضرورى لو سمحتم
ردشركه الصافى وشركه شاومى زباله
ردفي مشكله لما اتصل على حد وهو انتظار المفروض يظهر عندي قيد الانتظار وده مش بيظهر خالص وجربت ده في اكتر من جهاز شاومي ارجو الافاده
ردانا معايا ريدمي نوت 5 ورأس الشاحن فصلت لوحدها مع اني لسة شارياه مكملش شهر ممكن اعرف اشتري شاحن اصلي منين وبكام ويا ريت محدش يقولي جوميا وسوق كوم لاني مش بحب اشتري اون لاين او بمعني اصح مش بثق في الشراء اونلاين
ردمركز خدمة البيع الخاص بشاومي موجود مراكز بيع كتيرة او من التوكيل بشكل عام عشان تعرف اقرب فرع لشاومي - xiaomi من هنا 19954
ردالخاصية ده مش متوفرة فى شاومي يقال انها بشكل عام لاسباب تتعلق بالخصوصية ... تقليدا لشركة apple ولكن فى اكتر من كلام اثير الفترة الى فاتت انها ممكن تضاف خلال التحديثات القادمة فى حال تم تقديم الكثير من الطلبات من المستخدمين باضافة هذه الخاصية
رديا ريت تحكى الموقف الى حصل معاك بشكل عام من خلال شركة شاومي او توكيل الصافى
رداعتقد صعب تلاقيه جديد حاليا ... الشركة نزلت كتر من جهاز بعده ى نفس افئة السعرية
رداعتقد لا مجال للحل لو المشكلة هاردوير غير بالذهاب للتوكيل ممكن تعرف اقرب فرع لتوكيلات شركة شاومي - الصافي من هنا 19954 اما لو سوفت وير ممكن من خلال اجراء ظبط مصنع ... او تنزل من play store تطبيق اخر للكاميرا للفحص ... ويرجى ايضا توضيح المشكلة بتفاصيل اكثر
ردحاول تنشر مشكلتك على جروب مستخدمي شاومي اعتقد فى هناك بعض الاعضاء المنتسبين للشركة الى يقدرو يساعدو فى حل مشكلتك
ردفى كل الاحوال هتضطر تتوجه لاقرب فرع للتوكيل سواء لشراء شاحن او الصيانة لو فى مشكلة تقدر تعرف اقرب فرع من هنا 19954
ردشـاومــــــــــــــي
ردللاسف من اسواء الشركات بمصر او بمعني اوضح التوكيل مش كويس
التوكيل بيوفر علي حساب قطع الغيار انا عايز افهم ازي بيقولوا غيروا بطارية جديدة والمشكلة مازالت موجودة
مشكلتي معهم ان جهازي يادوب من شهرين الموبايل طراز Mi A2 Lite البطارية كانت بتفرغ شحن بشريع والجهاز بطيئ وكل حاجة فيه ثقلية ذهبت بالجهاز الي التوكيل شركة الصافي فرع صلاح سالم القاهرة وسلمت الجهاز يوم السبت الموافق 27/10/2018 فاتصلت يوم الأثنين 29/10 بال hot line فقالت لي الموظفة ممكن حضرتك تروح تسلم الجهاز وبالفعل توجهت الي الفرع يوم الثلاثاء 30/10/2018 لاستلام الجهاز فلاحظت ان الجهاز زي ماسملته للصيانة ونفس البرنامج وكل حاجة موجودة فاستغربت وسالت الموظف ماذا تم ف الجهاز فقالي تم تغير بطارية ف الضمان فقالت له مايثبت انك غيرت بطارية فقالي لي انهم شركة محترمة مش محل في الشارع فقالت له هللا يوجد تقرير بذلك فقال لي بعد 24 ممكن تجيئ تستمله وللاسف استلمت الجهاز ومشيت وعند احساس انه لم يتم عمل اي شئ بالجهاز وبالفعل مشكلة البطارية موجودة والجهاز حالته زي الزفت للاسف كرهت حاجة اسمها شاومي للاسف حسبنا الله ونعم الوكيل لاتوجد مصداقية ف التعامل مع الناس هو الواحد بيدفع فلوس لشراء موبايل لراحته والا بيدفع فلوس ليه لبهدته ؟ للاسف كنت متحمس جداً لشراء شاومي بناءاً لنصحية بعض الزملاء لكن بعد استخدام شاومي كرهني ف الموبيلات ومع ذلك لن اترك حقي بالشركة حتي ولو وصلت الامور لرفع قضية ع الشركة م/مظهر همام 01066614902/01110999792
مساء الخير انا اشتريت جهاز .شاومى نوت 6 برو وليس به شهاده ضمان هل التليفون ليس له شهادة ضمان الرجاء الرد
ردمساء الخير انا اشتريت جهاز .شاومى نوت 6 برو وليس به شهاده ضمان هل التليفون ليس له شهادة ضمان الرجاء الرد
ردانا اشتريت موبيل ريد مى نوع 5
ردالواتس والمسنجر بيشتغلوا على الواى فاى بس
مش بيشتغل على باقه الموبيل
ما الحلج
انا اشتريت جهاز .شاومى نوت 6 برو وليس به شهاده ضمان هل التليفون ليس له شهادة ضمان الرجاء الرد
ردعندي جهاز s2 ومحتاج تغيير بورده
ردعلما انه خارج الضمان
اقدر اشترى بورده منكم
لان توكيل طنطا ابلغنى انه لا يقوموا بتغيير البورده
الا للاجهزه الموجوده فى الضمان
لو سمحتوا انا لسه شاري نوت ٧ والشبكه بتعته ضعيفه ايه الحل ؟؟؟؟ ارجو الرد
غير راضي بالمره عن المنتج او الوكيل وتعاملت مع الوكيل لمرتين متتاليين لعيب ف الصناعه وتم تغير الشاشه لي في المرتين وعادت المشكله من جديد وفعلا انا بندم جدا اني اتعاملت مع شركه غير مسئوله وبها عيوب كثيره في الصناعه ولا انصح باستخدام اي موديل من انتاجهم ... فعلا شاومي سيئه جدااااااااااااااااا
ردانا معايه تليفون شاومي Mi9T ودرج الخط وقع مني روحت فرع العتبه وعماير العبور بيقوله مش موجود وانا علي الحال ده من يوم ٨/٢٨ وانهرضه بيقولي بعد شهر ها يبقا يجي ورحت اكتر من خمس مرات يقولي بعد اسبوع وبعد كده شهر انشاء الله يقولي بعد سنه هو في ايه الفون حديث
ردانا معايا شاومي REDMI S2 بعد 10 اشهر وبعد التحديث الاخير بدأ يهنج والتاتش لا يستجيب وفي يوم فقدت التحكم فيه تماما لان الشاشة لاتستجيب لاي تفاعل والتاتش مش شغال خالص كنت شاكك انه سوفت وير روحت به توكيل عمارات العبور وبعد حوالي 4 أيام بعتوا رسالة تعالي استلم تليفونك روحت فعلا استلمته قالوا غيرنا له شاشة فقط وبعد اسبوع حصل نفس العطل وصادف انه يوم جمعة اللي هو النهاردة ومش عارف اعمل ايه وهم اجازة النهاردة وبكرة
ردالتعليقات دي كانت فين ياجدعان !؟ اليوتيوب ابن الجزمة كل اللي عليه قابضين واحنا اللي بنلبس في الاخر .. جبت امبارح شومي نوت ٨ .. التاتش خرااااااا حرفيا وان شاء الله هاامشي في سكة حماية المستهلك
ردكله طلع مضروب للاسف
تعالوا انا هعمل هشتاج
ردقاطعوا شاومي
توكيل زبالة
خدمة سيئة
شاومي نصابين
هعمل هاشتاج علي فيسبوك وتويتر ياريت تدعموني كل متضرر منهم يجمع معايا وننزلهم في بلاك ليست ودونت شوب هير
انا جايبة الموبايل من اقل من شهرين والمطر مطرت وانا بتكلم فيه رحت لهم يقولي عيب بوردة وتتكلف 3500
انا مش هسكت عن حقي وهقلب الدنيا
انا اشتريت جهاز شاومى نوت 7 من الموزع وهو جايبهم من شركه الصافى المهم اخد الجهاز بشغلو لقيت الزر بتاع الصوت مش شغال بكلم البائع قالى مليش دعوه الشركه منزلاه كده يعنى ايه تلفونات بايزه وتبعوها ومش عايز يبدل الجهاز او يرجعلى فلوسى وطلع العيب عندى ان دت سوء استخدام والتلفون مشتغلش اصلا غير تجربه فقط وقالى هحاول اغيرو انا مش عارفه اعمل ايه حرام ادفع فلوس ع الارض حسبى الله ونعمه الوكيل
ردللاسف اشتريت جهاز شاومي ووقع مني والشاشه اتكسرت ذهبت للوكيل بعمارات العبور واستلمه مني وقالي ان التكلفه 1520 جنيه وفترة الاصلاح 7 ايام ووافقت وبعد 15 يوم جاتلي رساله اني اروح استلم الجهاز وهناك اتفاجت بعدم الاصلاح وقالولي الجهاز اتفتح بره مع اني موددهوش الا ليهم علطول ... ولو بفرض انه اتفتح بره ايه المشكله لما تصلحه وتاخد الاجر المتفق عليه للاسف خدمة ما بعد البيع زي الزفت ومنصحش حد بالتعامل مع هذا التوكيل ... وحسبي الله ونعم الوكيل فيهم
ردللاسف الشديد اسؤ توكيل اتعاملت معاه بيبعوا اجهزه من غير توفير قطع الغيار اللازمه للاصلاح يعني تشتري موبايل بملغ كبير وبعد كده لو حصله حاجه تبقي راحت عليك فلوسك
ردتوكيل فااااااشل انصحكم بالابتعاد عن منتجاتهم وخصوصا شاومي
ردتوكيل زباله خدمه زي الزفت
ردعن تجربه سامسونج واوبو افضل منهم بكتيييير قوي انصحكم بلاش شاومي غير متوفر قطع الغيار
ردتوكيل الصافي زفت وحراميه ومعندهمش ولا ذمه ولا ضمير وموبايل شاومي جهاز ضعيف جدا ميستهلش الفلوس
ردتوكيل الصافي شاومي شارع عبدالعزيز سئ جدا ومواعيدهم سيئه اروح بالجهاز في عيب يعوز يشيلك أي عيب تاني عشان زيادة الدفع فعلا عن تجربه بلاش حد يتعامل معاهم
رديا جماعه أنا اشتريت جهاز شاومي نوت 8وقالو وأنا بشتري الجهاز في ضمان للشاشة وبعد شهرين بالضبط الشاشة فصلت ورجعت تاني لضمان اللي في شارع شبين في الاسماعيليه بيقول العرض اتلغى ومش عارف اعمل ايه أنا اشتريت الجهاز 4/5وان اشتريت الجهاز من الفرع اللي في شبين الاسماعيليها
ردتوكيل شاومي زباله أوسخ توكيل في مصر
ردتوكيل شاومي زباله أوسخ توكيل في مصر
ردانا حصل معايه حاجه غريبه شويه انا معايه Mi 11 Lite جبته جديد وبعد شهرين بصمه الاصبع مش موجوده ولا في الاعدادات وقعه من الموبيل اصلان بدأت اشتغل عادي بالموبايل شهرين وا زوزاز البور بيعلق مش شغال تقريبن روحت التوكيل الموظف اخد من الموبيل خرج التليفون من الجراب وشال ال الاسكرينه وكتب بينات الموبيل وتمام اوك ... قلي أمضي علي إيصال استلام الجهاز الورقه دي هتستلمي بيها جهازك تاني مضيت ومشيت اروح ألقي مكتوب أن الموبيل كله خدوش الكامره والشاشه والظهر والجوانب وانا اصلان مخرجتش الموبيل من الجراب خالص ولا شيلت الاسكرينا اوك كلموني المشكله في زرار البور في جربوش غاده لغير البصمه اوك عاوزين ايه عوزين 250جنيه اوك
رداروح استلم التليفون ألقي الشاشه وخده خدش طويل بعرض الموبيل كنت هموت لأن انا وانا مش وخده بالي ماضيه علي ورقه أن الموبيل كله خدوش
خلو بالكم بيخليكم توقعه علي حاجات مش موجوده علشان ميكونش عندك الحق في الشكوي وكماان انا داخل الضمان وده عيب صيانه عملت كده علشان ادفع تمن الصيانه
خده وحشه جدا جدا واسلبهم سوقي ده فرع سليم
فك اميل شاومي بكام لان نسيت كلمه السر
رد