الخلاصة : المقارنة الكاملة y5 prime 2018 vs Redmi Note 5A vs Grand Prime Pro 2018 تحت سعر ال 2000 جنيه

الخلاصة : المقارنة الكاملة y5 prime 2018 vs  Redmi Note 5A vs  Grand Prime Pro 2018

الخلاصة : المقارنة الكاملة y5 prime 2018 vs  Redmi Note 5A vs  Grand Prime Pro 2018

الفئة الاقتصادية فى مصر واحدة من اكثر فئات الهواتف مبيعا لكن ايه هو معيار اختيارك لافضل الهواتف فى الفئة ده على الرغم من وجود العديد من الاجهزة من الفئة الالعى بتخفيض الاسعار بشكل عروض مؤقتة الا ان ال 3 اجهزة دول يمكن من الافضل فى الفئة السعرية ده بسعر ثابت عشان كده هنشوف مقارنة ما بين  y5 prime 2018 vs  Redmi Note 5A vs  Grand Prime Pro 2018 .

الشاشة y5 prime 2018 vs  Redmi Note 5A vs  Grand Prime Pro 2018 :

y5 prime 2018 : الترشيح هيكون للجهاز ده بسبب جودة الشاشة المقبولة فى السعر 1440*720 بجودة HD+ بالابعاد الجديدة 18:9 وجزئية الابعاد الجديدة من العوامل الهامة الى بترجح كفة الجهاز .
Redmi Note 5A : جودة شاشة مقبولة فى المجمل HD 1280*720
Grand Prime Pro 2018 : جودة اقل من الجهازين السابقين 960*540 ولكن الشاشة هنا من نوع Super AMOLED والى معروفة بتميزها فى تشبع الالوان بشكل خاص لكن فكرة الجودة الاقل فى السعر ده مزعجة وكثافة البيكسلات اقل من الاجهزة السابقة.

التصميم :

التصميم فى كل الاحوال هو خيار اساسي للمستخدم ولكن هيكون فى ترشيح ل y5 prime 2018 بسبب الابعاد الجديدة للشاشة والى هى يمكن التوجه لجميع الشركات فى الوقت الحال وهتستمر لفترة طويلة ويمكن الجهاز من اقل الاجهزة فى فئته السعرية المتوفر بها الابعاد الجديدة .

الذاكرة وال RAM :

y5 prime 2018 : ذاكرة 16 جيجا بايت متوفر منها فى حدود ال 10 جيجا للمستخدم + 2 جيجا رام.
Redmi Note 5A : ذاكرة 16 جيجا بايت متوفر منها فى حدود ال 10 جيجا للمستخدم + 2 جيجا رام.
Grand Prime Pro 2018 : ذاكرة 16 جيجا بايت متوفر منها فى حدود ال 10 جيجا للمستخدم + 1.5 جيجا رام. ((الاقل))

الاداء : 

خلينا نكون متفقين ان الاجهزة الاقتصادية مهمتها الاساسية توفير اداء مناسب للاستخدامات الاساسية البسيطة و الالعاب الخفيفة لكن مش هتديلك الاداء الجبار فمش هيكون فى تمييز لجهاز على اخر وان كان فى رئيى فى تفوق نسبي بسيط ل Redmi Note 5A .

الكاميرا الخلفية : 

الفئة السعرية فى النقطة ده حاكمة بشكل كبير مفيش جهاز بيدى كاميرا قوية فى السعر ده لكن الاجهزة ال 3 بيدوك اداء مقبول فى الفئة السعرية ومن تجربتى ل y5 prime 2018 يمكن يكون ليه افضلية نسبية يمكن تشبع الالوان الاكثر ن اللازم احيانا فى الصور الخاصة بالكاميرا الخلفية بيعطى شكل نوعا ما جذاب اكثر للصورة رغم ضعف التفاصيل الى اتكلمنا عليه فى الاساس والى مناسب للسعر ده .

الكاميرا الامامية :

نفس الكلام السابق ينطبق على الكاميرا الامامية لكن هيكون فى افضلية لكل من y5 prime 2018 و Grand Prime Pro 2018 نظرا لتوفر فلاش امامى فى الجهازين .

البطارية :

البطارية هيكون فيها افضلية لكل من  y5 prime 2018 و  Redmi Note 5A

الاضافات :

y5 prime 2018 : اضافات بسيطة متواجد لمبة اشعارات و otg ومجموعة المستشعرات الاساسية فقط .
Redmi Note 5A : الجهاز الافضل من حيث الاضافات سواء من خلال واجهة المستخدم او المستشعرات الاضافية .
Grand Prime Pro 2018 : اقل جهاز من حيث المستشعرات حيث يفتقد مستشعر الاضائة وهو مستشعر اساسي .

البراند  - brand :

مش من المقبول بالنسبالى ان يكون قوة البراند او شهرته فى سوق معين من ضمن خيارات الاختيار لكن لان كتير من الناس فى مصر بتتجه لده فالافضل من حيث الشعبية هو جهاز y5 prime 2018 من huawei و Grand Prime Pro 2018 من samsung .

الخلاصة : المقارنة الكاملة y5 prime 2018 vs  Redmi Note 5A vs  Grand Prime Pro 2018

المقارنة المصورة y5 prime 2018 vs  Redmi Note 5A vs  Grand Prime Pro 2018 :

المقارنة الكاملة بين Huawei Y5 Prime 2018 vs Samsung Galaxy J4 المتقاربين فى المواصفات

المقارنة الكاملة بين  Huawei Y5 Prime 2018 vs Samsung Galaxy J4

المقارنة الكاملة بين  Huawei Y5 Prime 2018 vs Samsung Galaxy J4

اثنين من احدث اصدارات الشركتين فى السوق المصري وعلى الرغم من التقارب فى المواصفات العامة للجهازين الا ان كل منهما فى فئة سعرية مختلفة فهاتف huawei y5 prime 2018 فى فئة اقل من 2000 جنيه و samsung galaxy j4 فى سعر 3000 جنيه ومن خلالنا هتلاقى المقارنة الكاملة المقالية للجهازين وتقدر تشوف المقارنة المصورة فى نهاية المقال .

الشاشة y5 prime 2018 vs galaxy j4:

1. جهاز huawei y5 prime 2018 بييجى بشاشة 5.45 بوصة 1440*720 بدقة HD+ بالابعاد الجديدة 18:9 
2. جهاز samsung galaxy j4 بشاشة 5.5 بوصة 1280*720 بدقة HD من نوع Super AMOLED 

فى كل الاحوال الشاشة كفتها لازم تكون فى اتجاه جهاز samsung galaxy j4 من نوع Super AMOLED الفارق كان واضح بشكل كبير فى تشبع الالوان فى الشاشة الاكثر من ممتاز .

فارق الشاشة  Huawei Y5 Prime 2018 vs Samsung Galaxy J4

التصميم :

بسبب الابعاد الجديدة 18:9 والى هى التوجه العالمى الجديد فى ابعادد الشاشات من جميع الشركات ويمكن الجهاز هنا من ارخص الاجهزة الاقتصادية بالابعاد الجديدة فهيكون التصميم فى صالح huawei y5 prime 2018 بشكل كبير عن الشكل التقليدى والتصميم المعتاد فى galaxy j4 .

الذاكرة وال RAM :

كلا من GALAXY J4 و HUAWEI Y5 PRIME 2018 بييجو بذاكرة داخلية 16 جيجا بايت متاح منها للمستخد حوالى ال 10 جيجا بايت . وكلا من الجهازين بييجى ب 2 جيجا بايت رام .

الاداء :

كلا من الجهازين المعالجات فيهم اقتصادية وادئها متقارب بشكل عم والهدف الاساسي ليهم توفير تجربة جيدة للاستخدامات الاساسية والالعاب والتطبيقات البسيطة مش اكتر فبالتالى الاداء مش هيكون نقطة قوة سواء ل Y5 PRIME 2018 او GALAXY J4 .

واجهة المستخدم :

الحقيقة من خلال تجربتى لكل من الجهازين اتوجه بشكل كبير ل samsung galaxy j4 من حيث الااء الفعلى وحركات التنقل وسلاسة التنقل فى النظام كان فى فارق لصالحه .

النظام الصوتى :

النقطة ده هتكون بشكل مباشر لاختيار المستخدم ففى جهاز y5 prime 2018 سماعة الجهاز هى نفسها سماعة المكالمات الصوت فيها مش قوى الحقيقة ولا مجسم ولكن مكان السماعة هو نقطة تميز بحيث انها بتكون موجهة بشكل مباشر للمستخدم نفسه اما فى جهاز سامسونج galaxy j4 الصوت فيه افضل نسبيا من حيث الجودة لكن مكان السماعة الخارجية بيكون معرض الجهاز للكتمان .

الكاميرا :

من خلال التجربة الفعلية للجهازين فهم قريبين جدا من حيث الصور ولكن هيكون فى تفضيل لصالح galaxy j4  لسرعة التركيز بعكس y5 prime 2018 الى التركيز من خلاله بياخد فترة اطول نسبيا.
الكاميرا الامامية فى الجهازين 5 ميجا بيكسل مزودة بفلاش امامى لكن التوجه ايضا هيكون ل galaxy j4 لقوة الفلاش الامامى وجودة الكاميرا الامامية بشكل عام .

البطارية :

الجهازين متقاربين جدا فى اداء البطارية فمفيش تواجد لافضلية لجهاز على الاخر فى النقطة ده على الرغم من ان شوية جهاز galaxy j4 بياخد وقت اكبر نسبيا فى الشحن عن y5 prime 2018 .

الاضافات :

الجهازين بيكتفوا باضافات بسيطة ومجموعة المستشعرات الاساسية فقط والجهازين بيدعمو ال OTG لكن التفوق ل y5 prime 2018 لان ال samsung galaxy j4 يفتقد لكلا من مستشعر الاضائة ولمبة الاشعارات .

التسعير واماكن الشراء : 

1. huawei y5 prime 2018 ياتى بسعر 2000 جنيه وممكن تشتريه من هنا
2. samsung galaxy j4 سعره بيتراوح من 2700 ل 3000 جنيه وممكن تشتريه من هنا او من هنا

الخلاصة  Huawei Y5 Prime 2018 vs Samsung Galaxy J4

المقارنة المصورة ل Huawei Y5 Prime 2018 vs Samsung Galaxy J4 : 

مقالات تهمك :

مراجعة Huawei y5 prime 2018 واهم المواصفات والمميزات والعيوب والسعر
يعنى ايه نسبة عرض 18:9 وايه الفرق بينها وبين 16:9
يعنى ايه OTG ببساطة

افضل الهواتف بسعر 3000 جنيه ايهما افضل redmi 5 plus vs infinix hot s3 vs Y7 Prime 2018

بسم الله الرحمن الرحيم

افضل الهواتف بسعر 3000 جنيه ايهما افضل redmi 5 plus vs infinix hot s3 vs Y7 Prime 2018

افضل هواتف بسعر 3000 جنيه ايهما افضل redmi 5 plus vs infinix hot s3 vs Y7 Prime 2018

فى سعر الفئة المتوسطة والهواتف الامثر مبيعا مع عام 2018 ظهر اكتر من منافس قوي جدا فى سعره من 3 شركات محققين نجاح قوي على ارض الواقع فى الفترة الاخيرة وهم huawei و infinix و xiaomi عشان كده هنقارن اجهزتهم الى كلهم فى حدود سعر 3100 جنيه مصري من خلال مقالنا "افضل هواتف بسعر 3000 جنيه ايهما افضل redmi 5 plus vs infinix hot s3 vs Y7 Prime 2018" .

تعريف بالخلاصة : المقارنة هنا ابسط من المعتاد مقارنة مختصرة ملخصة بشكل خفيف يوصل للمستهلك مش مجرد بنسرد مواصفات لو عاوز تعرف كل حاججة عن كل جهاز فيهم بالتفصيل هتلاقي مقال لكل واحد اسفل المقال ده وكمان هتلاقى لينكات الشراء فى الموصفات الكاملة لكل هاتف .

الشاشة redmi 5 plus vs infinix hot s3 vs Y7 Prime 2018 :

بدون منازع هيكون عندنا اكتساح لهاتف redmi 5 plus من شاومي الى بيوفرلنا شاشة 5.99 بوصة بدقة full hd+ بعكس بقية الهواتف الى بتديك دقة hd+ فقط كمان شاشة ال redmi 5 plus عليها طبقة حماية غير محدد نوعها بعكس باقي المنافسين وطبعا كل الهواتف بالابعاد الجديدة الى هنسيبلك مقال عنها اسفل المقال ده .

الاداء redmi 5 plus vs infinix hot s3 vs Y7 Prime 2018 :

للمرة التانية بيحسم redmi 5 plus من شركة شاومي الافضلية فى النقطة ده معالج snapdragon 625 مع 3 جيجا بايت رام بيدولك اداء اكتر من ممتاز فى حين ان الجهازين الاخرين hot s3 او y7 prime بييجوا بمعالج snapdragon 430 .

الكاميرا الخلفية redmi 5 plus vs infinix hot s3 vs Y7 Prime 2018 :

هناهيكون فى افضلية للهاتف الى ب 2 كاميرا وهو Y7 Prime 2018 وبيتفوق على الاقل فى خاصية العزل عن منافسيه وبعديه ييجى infinix hot s3 الى بيديك اداء جيد للكاميرا الخلفية وبعديه redmi 5 plus .

الكاميرا الامامية redmi 5 plus vs infinix hot s3 vs Y7 Prime 2018 :

بدون نقاش ملك السيلفي فى الفئة ده هو infinix hot s3 والى بيديلك اداء اكتر من رائع فى سعره للكاميرا الامامية وييجي بعديه بالتساوي Y7 Prime 2018 و redmi 5 plus .

البطارية redmi 5 plus vs infinix hot s3 vs Y7 Prime 2018 :

بطارية 4000 ملى امبير بيدوك اداء ممتاز فى كل من redmi 5 plus , infinix hot s3  وبيتفوقوا بشكل ملحوظ على huawei y7 prime 2018 .

التصميم redmi 5 plus vs infinix hot s3 vs Y7 Prime 2018 :

دايما بنقول التصميم هو نقطة خاصة بالمستخدم ولكن ممكن ننوه ان فى كل من redmi 5 plus و infinix hot s3 التصميم معدنى بعكس Y7 Prime 2018 .

الاضافات redmi 5 plus vs infinix hot s3 vs Y7 Prime 2018 :

شاومي شركة مش بتقبل التنازل فى جزء الاضافات والمستشعرات صعب تلاقى حاجة ناقصة فبالتالى تفوق واضح ل xiaomi redmi 5 plus بكتفة المستشعر واضافة مستشعر ال ir كالعادة الى بيتيحلك استخدام الهاتف كريموت وهتلاقي ليه شرح اسفل المقال .

ونعيب على huawei فى جهازها Y7 Prime 2018 ان ميكونش فى تقنية ال vr بسبب عدم توفر مستشعر الجيروسكوب.

مقالات مرتبطة :

• يعنى ايه نسبة عرض 18:9 وايه الفرق بينها وبين 16:9
• ما هو ال Infrared blaster ؟! وكيف يستخدم الهاتف كريموت
• مواصفات ومميزات وعيوب وسعر شاومي ريدمى 5 بلس - xiaomi redmi 5 plus
• مواصفات ومميزات وعيوب وسعر Huawei Y7 Prime 2018
• مواصفات ومميزات وعيوب وسعر انفينكس هوت اس 3 - Infinix Hot S3

افضل هاتف بسعر 4000 جنيه Xiaomi Mi A1 vs Meizu M6 Note vs Xiaomi Redmi 5 Plus

بسم الله الرحمن الرحيم

افضل هاتف بسعر 4000 جنيه Xiaomi Mi A1 vs Meizu M6 Note vs Xiaomi Redmi 5 Plus

افضل هاتف بسعر 4000 جنيه Xiaomi Mi A1 vs Meizu M6 Note vs Xiaomi Redmi 5 Plus

فئة 4000 جنيه من فئات السعر المشتعلة والى فيها منافسة قوية ما بين عدد ن الموبايلات وحاليا ده مقارنة ما بين هم هذه الهواتف وابرز نقاط المقرنة والتفضيل فى مقالنا بعنوان "افضل هاتف بسعر 4000 جنيه Xiaomi Mi A1 vs Meizu M6 Note vs Xiaomi Redmi 5 Plus" . هتلاقى نفس المقارنة ده فيديو لو مش بتحب تقرا كتير تحت وكمان هتلاقى تفاصيل كل هاتف منفردا فى مقالات مفصلة اسفل المقال لان هنا احنا بنذكر خلاصة المقارنة مش كامل تفاصيل الهاتف .

الشاشة Xiaomi Mi A1 vs Meizu M6 Note vs Xiaomi Redmi 5 Plus :

كل الهواتف بتديلك جودة ممتازة xiaomi mi a1 و meizu m6 note الاتنين بييجو بشاشة 5.5 بوصة full hd وال redmi 5 plus بييجى بشاشة 5.99 بوصة بابعاد الشاشة الجديدة 18:9 full hd + فكل الهواتف بتدى نفس الجودة لكن تفضيلنا هنا لشاشة Xiaomi Redmi 5 Plus بسبب ابعاد الشاشة الجديدة العصرية اكتر والى هتفضل بشكل عام تريند منتشر لفترة قدام .

الكاميرا الخلفية Xiaomi Mi A1 vs Meizu M6 Note vs Xiaomi Redmi 5 Plus :

الكاميرا الخلفية فى كل من xiaomi mi a1 و Meizu M6 Note بيدولك اداء اكتر من رائع وفى كل الاحوال هيتفوقو على كاميرا Xiaomi Redmi 5 Plus خاصة بسبب خاصية العزل بسبب الكاميرا المزدوجة فى كل من الهاتفين على عكس ريدمي 5 بلس .

الكاميرا الامامية Xiaomi Mi A1 vs Meizu M6 Note vs Xiaomi Redmi 5 Plus :

الكااميرا الامامية هتكون افضل بشكل كبير فى ال Meizu M6 Note  ممكن بعديها ييجى redmi 5 plus بسس الفلاش الامامي وبعديه هتكون اقل كاميرا ل xiaomi mi a1 .

الاداء Xiaomi Mi A1 vs Meizu M6 Note vs Xiaomi Redmi 5 Plus :

فى ال 3 هواتف هيكون الاداء متساوي خاصة لو خدنا كما فى المقارنة الهواتف الى ب 64 جيجا ذاكرة داخلية و 4 جيجا رام فهناقى تساوي فى كل شئ نفس المعالج snapdragon 625 ونفس الذاكرة الداخلية 64 جيجا بايت و نفس الرام 4 جيجا بايت فمش هيكون فى افضلية لهاتف على التانى فى النقطة ده .

البطارية Xiaomi Mi A1 vs Meizu M6 Note vs Xiaomi Redmi 5 Plus :

هيكون الافضل فى البطارية هو meizu m6 note ببطارية 4000 ملى امبير وهو الجهاز الوحيد من ال 3 الى بيدعم الخاصية ده بشكل رسمي من الشركة على الرغم من ان ال 3 اجهزة بنفس المعالج وبعديها ييجى ال redmi 5 plus ببطارية 4000 ملى امبير وبعديها ييجى xiaomi mi a1 ببطارية 3030 ملى امبير .

المستشعرات Xiaomi Mi A1 vs Meizu M6 Note vs Xiaomi Redmi 5 Plus : 

كل الاجهزة هتديلك كل المستشعرات الاساسية فى الجهاز الان ان بالاخص اجهزة xiaomi مش بتتنازل فى النقطة ده فهتلاقى كل المستشعرات الى محتاجها وزيادة زي مثلا مستشعر ال ir blaster الى بيخليك تستخدم الهاتف كريموت كنترول عشان كده هيكون الافضلية لكل من Xiaomi Mi A1 و Xiaomi Redmi 5 Plus .

التصميم Xiaomi Mi A1 vs Meizu M6 Note vs Xiaomi Redmi 5 Plus :

النقطة ده بالذات بتخضع لاختيارات المستخدم ولكن اساسيات بشكل عام التصميم الاكثر عصرية هو Xiaomi Redmi 5 Plus بسبب الابعاد الجديدة والى هتلاقى مقال عنها فى الاسفل .. ولكن يتفوق ايضا كلا من mi a1 و meizu m6 note فى التصميم المعدنى بالكامل بعكس ريدمى 5 بلس الى الفريم فيه بلاستيكي .

واجهة المستخدم Xiaomi Mi A1 vs Meizu M6 Note vs Xiaomi Redmi 5 Plus :

برده النقطة ده تخضع للمستخددم نفسه ب3 واجهات مختلفة اندرويد وان - android one : الشكل الخام للاندرويد فى هاتف xiaomi mi a1 والى بيديى سلاسة فى الاداء اكتر ولا miui فى redmi 5 plus والى بيديلك واجهة معدلة بالكامل عليها اضافات ممتازة فى الاغلب ولا flyme os فى  meizu m6 note الواجهة المعتدلة . 

بشكل عام مفيش خسارة لو اخترت اى هاتف من الهواتف ده لكن رتب اولوياتك وعلى اساسها حدد اختيارك 

فيديو المقارنة Xiaomi Mi A1 vs Meizu M6 Note vs Xiaomi Redmi 5 Plus :

مقالات متعلقة بالموضوع وتفاصيل كل هاتف واماكن شرائه :

• ما هو ال Infrared blaster ؟! وكيف يستخدم الهاتف كريموت
• يعنى ايه نسبة عرض 18:9 وايه الفرق بينها وبين 16:9
• مواصفات ومميزات وعيوب وسعر شاومي ريدمى 5 بلس - xiaomi redmi 5 plus
• سعر ومواصفات ومميزات وعيوب هاتف xiaomi MI A1
• مواصفات ومميزات وعيوب وسعر ميزو ام 6 نوت - Meizu M6 Note

ايهما افضل OPPO f5 vs Huawei mate 10 lite

بسم الله الرحمن الرحيم

النهاردة معادنا مع مقال جديد فى مقالات الخلاصة 

ايهما افضل OPPO f5 vs Huawei mate 10 lite

OPPO f5 vs Huawei mate 10 lite

حاليا يمكن ولاول مرة oppo بتقدم هاتف oppo f5 والى اتفق الجميع انه احد افضل الهواتف مناسبة لفئته السعرية الى قدمتها oppo ولكنه يواجه منافسة شرسة جدا من Huawei mate 10 lite ..فالنهاردة هنشوف مع بعض المقارنة الشرسة OPPO f5 vs Huawei mate 10 lite .

الناس الى بتمل من القرائة الخلاصة فيديو اخر المقال

OPPO f5 vs Huawei mate 10 lite بالنسبة للشاشة :

بسهولة جدا نقدر نقول ان الشاشة من الحاجات الى غالبا نقدر نتجاهلها بسهولة فى المقارنة ده الشاشتين هيدولك اداء رائع .. الشاشتين بيدولك 18:9 ratio لاول مرة فى السعر ده ! .. الاتنين هيحققولك الاداء المنتظر الفرق الطفيف الوحيد
ان Huawei mate 10 lite حجمة الشاشة 5.9 بوصة لكن OPPO f5 بحجم شاشة 6 بوصة
فلا مش هى ده النقطة الفارقة .

OPPO f5 vs Huawei mate 10 lite بالنسبة الذاكرة الداخلية وحجم الرام او الذاكرة العشوائية:

فى تفوق نسبى هنا بالنسبة ل Huawei mate 10 lite لانه بيجى ب64 جيجا ذاكرة داخلية و 4 جيجا رام .

لكن OPPO f5 ب 32 جيجا ذاكرة داخلية و 4 جيجا رام .

*جدير بالذكر ان فى نسخة اخري ب 64 جيجا ذاكرة داخلية و 6 جيجا رام لكن متوقع وجودها بفارق سعري كبير *

OPPO f5 vs Huawei mate 10 lite بالنسبة للكاميرا :

هتستمر الحيرة والمعاناة هنا على الرغم من ان الاجابة بالنسبة للمستخدم الى اول مرة يشوف الجهازين يعتقد انها محسومة للهاتف ذو الاربع كاميرات لاول مرة فى الفئة السعرية .. لكن هتتفاجئ انها مش دايما محسومة 

الكاميرا الخلفية اداء الكاميرا ممتاز ل Huawei mate 10 lite وبيتفوق على oppo f5 خاصة مع خاصية العزل .

الكاميرا الامامية على الرغم من ان ال Huawei mate 10 lite به 2 كاميرا الا ان فائدة الكاميرا التانية بتقتصر على العزل الى بيدى شكل جيد الا ان الجودة نفسها للصورة هتروح بشكل كبير لل oppo f5

OPPO f5 vs Huawei mate 10 lite بالنسبة للمعالج والاداء : 

Huawei mate 10 lite ياتى بمعالج HiSilicon Kirin 659

OPPO f5 ياتى بمعالج Mediatek MT6763T Helio P23 

الاداء هيكون قريب بشكل كبير حتى لو فى تفوق نسبى لواحد على الاخر ببساطة يمكن تجاهله .. الحكم مش فى النقطة ده المعالجين معالجات فئة متوسطة بتدى اداء محترم بشكل كبير هيقابلك نوعا ما لاج مع الضغط عليهم فى بعض الالعاب الى بتشتغل بجرافيك عالى نسبيا .

OPPO f5 vs Huawei mate 10 lite بالنسبة للبطارية :

الى بيكتب المقال نفسه تعب من كتر ما قال انها مش النقطة الفاصلة لكن البطارية فى الجهازين فعلا قريبين مع بعض مع تفوق نسبي ل oppo f5 على الرغم من ان سعة البطارية فيه 3200 اقل من  Huawei mate 10 lite الى سعة بطاريته 3340 ملى امبير كمان فى اختبرات سرعة الشحن فى تفوق نسبى ل oppo f5 

OPPO f5 vs Huawei mate 10 lite بالنسبة للاضافات :

1- Huawei mate 10 lite يعنى هاتف فيه 4 كاميرات وامكانيات جذابة فعلا للمستخدم مفيهوش مستشعر ال gyroscope ليه رغم انه ميزة اساسية حاليا لكتير من الناس وكمان احد المميزات المهمة مستقبلا والعالم كله بيخدم على الميزة ده !! نقطة تحسب ل oppo 

2- واجهة التشغيل فى الجهازين جيدة يعيب شركة oppo بالنسباى ويمكن بيميزها لاخرين نها زي ما بتنقل تصميماتها من apple فواجهة المستخدم متقلدة بشكل حرفى من ال ios بدون ادنى ابتكار .

3- جدير بالذكر ان فى تفوق نسبى لل oppo f5 ان الشاشة عليها طبقة حماية Corning Gorilla Glass 5 

على اساس ايه تختار ما بين OPPO f5 او Huawei mate 10 lite :

الموضوع محير شوية .. بس سهل للشخص الى منظم اولوياته اقرا المقارنة بهدوء ورتب اولوياتك 

ابرز الفروقات هتكون 

1- عامل الابهار ب 4 كاميرات  وخاصية العزل لل mate 10 lite

2- الكاميرا الامامية لل oppo f5

3- طبقة الحماية والجيروسكوب الى مسؤل عن تشغيل الجهاز على نظارات الواقع الافتراضى لل oppo f5

4- الذاكرة الداخلية لل Huawei mate 10 lite
5- مكان منفصل لاضافة كارت الذاكرة الخارجى ب oppo f5 عكس ال mate 10 lite الى لازم تختار ما بين خطين او يكون خط وكارت ذاكرة خارجى

الباقى قربهم ميخلكش تحطه فى اعتبارك وده هو الاساس

منين تشترى وايه هو سعر Huawei mate 10 lite :

من سوق . كوم  

من هنا

او من جوميا 

من هنا

منين تشترى وايه هو سعر oppo f5 :

من جوميا بسعر 5125
من هنا

المقارنة فيديوايهما افضل OPPO f5 vs Huawei mate 10 lite :

فى هاتفين اخرين ليهم وجود قوي ممكن تفكروا معايا لو حبينا ندخلهم المقارنة وهم infinix zero 5 و xiaomi a1

الشركتين من ضمن امبراطوريات الهواتف الى اتكلمنا عنهم فى المقال ده لو حابب تعرف عنهم اكتر "امبراطوريات الهواتف - شركات اصلها واحد"

الخلاصة: Xiaomi Redmi 4x vs Xiaomi Redmi Note 3 pro

بسم الله الرحمن الرحيم

النهاردة معانا الخلاصة  ... الى ميعرفش ايه هى الخلاصة هى مجموعة مقارنات بين اجهزة فى نفس الفئة السعرية تساعدك تختار ايه حسب احتياجاتك

الخلاصة: Xiaomi Redmi 4x vs Xiaomi Redmi Note 3 pro

شاومي اطلقت جهازXiaomi Redmi 4x فى السوق المصري فى سعر 2666 جنيه وقريب جدا من سعر جهاز Xiaomi Redmi Note 3 وكانها بتنافس نفسها فى الفئة الى امتلكتها.

ناس كتير اتكلمت عن انه لازم النوت 3 يتشال لانه هياخد من سوق ال 4X بس الحقيقة بختلف معاهم فى النقطة ده لو جيت فكرت كويس هتلاقى ان الجهازين تقريبا موجهين لفئات مختلفة من الناس وده الى هنعرفه فى الجزء ده من الخلاصة .

النوت 3 هيتفوق فى الشاشة والاداء العام للجهاز (والكاميرا بشكل طفيف) 

الا ان النوت 4X هيتفوق فى المساحة الداخلية والرام (والبطارية بشكل بسيط)

النوت 3 مناسب اكثر للاستخدام العالى الألعاب وال apps  الى هتحتاج شغل جرافيك اعلى بشرط الاستغناء عن احدى الشرائح لاجل استخدام كارت ذاكرة خارجي

النوت 4X مناسب اكثر للاستخدام العادى والمتوسط والسوشيال ميديا والاستخدام اليومي

فى ترشيحى انا ال 4X هو الجهاز الاكثر توازنا لكن النوت 3 جهاز مهمات شاقة

عشان تشتري الجهازين

Redmi 4X

سعر 2666
من سوق
http://souq.link/2q65FGO

xiaomi note 3 pro

بسعر 2777 جنيه

من جوميا

/2pzzoY7

من سوق

http://souq.link/2q3pNMr


عشان تعرف اماكن تواجدباقى اجهزة شاومي والاكسسوارات اقراالمقال التالي ( منين تشترى منتجات شاومي فى مصر - xiaomi )
عشان تعرف معلومات اكترعن الشركة اقرا المقال التالى ( مين هى شركة شاومي xiaomi ومكانها فين عالميا )

كلمات دلالية : شاومي , xiaomi , redmi4x , redmi note3 pro