مراجعة Huawei y5 prime 2018 واهم المواصفات والمميزات والعيوب والسعر

مراجعة Huawei y5 prime 2018 واهم المواصفات والمميزات والعيوب والسعر

مراجعة Huawei y5 prime 2018 واهم المواصفات والمميزات والعيوب والسعر

شركة هواوي- huawei قامت باطلاق هاتف huawei y5 prime 2018 كارخص هاتف بالابعاد الجديدة ب 2 جيجا رام فى السوق المصرى فهل يستحق الشراء او لا وايه هى ابرز المواصفات والمميزات والعيوب واماكن شراء الجهاز كل ده هنعرفه فى مقالنا "مراجعة Huawei y5 prime 2018 واهم المواصفات والمميزات والعيوب والسعر"

مواصفات Huawei y5 prime 2018 :

1. الجهاز بييجى بشاشة 5.45 بوصة 1440*720 بالابعاد الجديدة 18:9 HD+ 
2. الجهاز بييجى بمعالج MT 7639 مع معالج رسومي PowerVR GE8100
3. y5 prime 2018 بييجى ب 2 جيجا بايت ذاكرة عشوائية - RAM و 16 جيجا ذاكرة داخلية - ROM
4. كاميرا خلفية 13 ميجا بيكسل مع فلاش وامامية 5 ميجا بيكسل مع فلاش مكون من 6 درجات
5. يدعم خدمات الجيل الرابع
6. بطارية 3020 ملى امبير 

بين وبين فى Huawei y5 prime 2018 :

فى بعض النقط هتذكر بين مميزات وعيوب فى الغالب هتبقى سلاح ذو حدين او لها جانب من الافضلية مع جانب اخر سلبي ابرزها هيكون الاتى :

1. السماعة : السماعة ادائها مش قوى او ضعيف فى المجمل متوسطة السماعة الخارجية هى نفسها سماعة المكالمات والجانب السلبي على الرغم من ادائها فى المجمل متوسط الا ان الجودة مش هى الافضل اما الجانب الايجابى فانها مواجهة مباشرة للمستخدم فى حال الالعاب او الفيديوهات فمع تجربة المشاهدة بتدى احساس افضل بشكل نسبى كمان مش هتتكتم فى حال وضعها على سطح مستوي .

   

   سماعة HUAWEI Y5 PRIME 2018

2. الكاميرا الخلفية : بدقة 13 ميجا بيكسل وفلاش قوي هيكون عندنا جانبين اولهم الجانب الايجابى وهو تشبع الالوان الجيد جدا والى لاول مرة بعد الصورة هيكون انطباعك عنها ان الصوورة ممتازة وده ينفع اكتر مع تصوير الاشخاص والاماكن العامة والمظاهر الطبيعية اما الجانب السلبى ان التفاصيل بتكون اقل من المتوقع والتركيز بياخد وقت وممكن تضطر تعيد الصورة اكتر من مرة خاصة فى المستندات وفى المجمل فى الفئة ده صعب الحصول على جودة مبهرة . 
3. الاداء : الجانب الايجابي انه اكتر من مناسب فى فئته السعرية للاستخدامات الاساسية والالعاب البسيطة وتطبيقات ال social media الجانب السلبى ان قد يكون فى خيارات افضل نسبيا فى الفئة السعرية بسبب حرق الاسعار فى السوق المصري لعدد من االجهزة القديمة.

مميزات huawei y5 prime 2018 :

1. شاشة بالابعاد الجديدة 18:9 لاول مرة من براند كبير فى الفئة السعرية 2000 جنيه مع 2 جيجا رام والشاشة يمكن هى الحاجة الى الشركة ركزت عليها بشكل كبير من خلال تجربتى للشاشة كانت اكتر من ممتازة الوانها رائعة وزوايا الرؤية ممتازة والسطوع جيد وتجربة المشاهدة عليها مناسبة جدا .. فكرة ان الجودة مش full hd+ غير مؤثرة اطلاقا لسببين الاول هو الفئة السعرية للهاتف والاخر ان الشاة 5.45 بوصة وكثافة البيكسلات فيها معقولة للغاية ومش هتحس بمشاكل فى الرؤية.
2. بطارية فى مجملها جيدة جدا. 
3. براند ذو شعبية فى السوق .
4. التوازن : الجهاز متوازن بشكل كبير فى سعره مفيهوش تنازلات صارخة فى جزء من الاجزاء على حساب الاخر .
5. سماحية وجود شريحتين اتصال + كارت ذاكرة

عيوب huawei y5 prime 2018 :

1. الجهاز بييجى بمجموعة المستشعرات الاساسية فقط بدون اضافات مش ده العيب فى حد ذاته بقدر كونه نقص امام المنافسين.
2. الجهاز بييجى بدون مستشعر البصمة الى موجود فى اكتر من جهاز فى الفئة ده ولكن الشركة بتوعد باحتمالية بوجود خاصية face unlock خلال الفترة الى جاية .

اماكن شراء جهاز Huawei y5 prime 2018 :

تقدر تشترى الجهاز من خلال سوق . كوم - souq "من هنا"

تقدر تشترى الجهاز من خلال جوميا - jumia "من هنا"

المراجعة المصورة لجهاز  Huawei y5 prime 2018 :

شاهد ايضا:

• يعنى ايه نسبة عرض 18:9 وايه الفرق بينها وبين 16:9
• امبراطوريات الهواتف - شركات اصلها واحد

كيفية تشغيل الهاتف على التلفاز ومراجعة Anycast M2 Plus

بسم الله الرحمن الرحيم

كيفية تشغيل الهاتف على التلفاز ومراجعة Anycast M2 Plus

كيفية تشغيل الهاتف على التلفاز ومراجعة Anycast M2 Plus 

كتير وصلتنا اسالة ايه هى طريقة عرض المحتوي الى على التليفون على التليفزيون سواء كان المحتوي ده فيديوهات او صور او موسيقي او اى شئ هل الموضوع مستيل وهل فى كبلات معينة لعمل ده وده هو موضوع مقالنا النهاردة عن "كيفية تشغيل الهاتف على التلفاز ومراجعة Anycast M2 Plus " .

لو مش بتحب تقرا كتير هتلاقى فيديو فى اخر المقال شارح الفكرة .

ازاى اشغل فيديو من الهاتف على التليفزيون مباشرة ؟!

ببساطة شديدة الهواتف مش بتدعم ده بشكل اتصال الكابلات زي منافذ ال hdmi وغيره عشان كده الموضوع بيتم عن طريق اتصال لا سلكي ما بين الهاتف ولتلفاز مباشرة (( فى حال كان التلفاز ذكي ويدعم الاتصال اللاسلكي )) اما ان كان لا يدعم فالحل الاخر هو استخدام جهاز وسيط وفى هذه الحالة هيكون الجهاز الى هنتكلم عنه هو Anycast M2 Plus.

ايه هى فايدة جهاز Anycast M2 Plus ؟

الجهاز فايدته الاساسية عرض المحتوي الفيديو او الصوت او الصور من التليفون الى اى جهاز به منفذ hdmi حتى لو كان غير ذكي سواء بطريقة مباشرة او بطريقة العرض فقط .

كيفية عمل جهاز Anycast M2 Plus ؟

بيتم توصيل كابل ال usb الخاص بال anycast بمصدر للكهرباء فى حالة التلفاز يمكنك استخدام منفذ ال usb الخاص بالتلفاز ويتم توصيل القطعة مباشرة بمنفذ ال hdmi فى التلفاز .. سوف تقوم الشبكة بانشاء الشبكة الخاصة بها تلقائيا وهنا يمكنك نسخ ال qr code عن طريق الهاتف وتدخل على صفحة الاعدادات وتصلها بالشبكة العامة للراوتر الخاص بك .
يعمل جهز ال anycast بطريقتين

airplay / DLNA وهو الوضع الاساسي : 

ومن خلاله يمكنك الاستمتاع بمشاهدة معروضاتك المفضلة من جهاز التليفون او اللابتوب او التابلت على ال anycast مباشرة ولكنه يعرض المحتوى عن طريق برامج وسيطة افضلها برنامج localcast ويمكنك تحميله ((من هنا)) من خلال ال android ومن خلال ال windows بكل بساطة تضغط right click على المحتوي الذى تريد عرضه ثم تضغط cast to device ثم تختار ال anycast .

وضع ال miracast :

وهو وضع يدعم البث المباشر لاى محتوي على الهاتف سواؤ كان العاب او غيره من المحتوي او  التصفح على النترنت ببساطة بث مباشر لكل شئ على جهازك ولكن للاسف ليست كل الهواتف مدعمة بهذا الامر ولكنها متاحة على العديد من الهواتف تحت اسماء مختلفة فعلى سبيل المثال على هواتف xiaomi تسمي ((cast)) ولكن فى هواتف samsung تسمي ((screen mirroring)) .
هل تستحق قطعة ال Anycast M2 Plus الشراء ؟!
القطعة تستحق الشراء فادائها جيد بشكل كبير ومنافسة وارخص من الحلول الاخرى ك chromecast مثلا لذلك ننصح بشرائها فهى توفر ربط الهاتف بالتلفاز بطريقة سهلة وجودة عالية وريحة وهذا هو الهدف من التطور الائم فى التقنية .

فيديو بعنوان "كيفية توصيل الهاتف بالتليفزيون - Anycast M2 Plus Review" :

منين ممكن تشتري  Anycast M2 Plus :

ممكن تشتريها online من خلال جوميا

من هنا

مقالات متعلقة بموضوع "كيفية تشغيل الهاتف على التلفاز ومراجعة Anycast M2 Plus " :

• ضعف اشارة ال wifi الاسباب والحلول
• مراجعة موسع النطاق - TP Link wifi Range extender TL-WA850RE
• مراجعة ID107 Heart Rate Smart band

مراجعة موسع النطاق - TP Link wifi Range extender TL-WA850RE

بسم لله الرحمن الرحيم

مراجعة موسع النطاق - TP Link wifi Range extender TL-WA850RE

مراجعة موسع النطاق - TP Link wifi Range extender TL-WA850RE

كتير جدا بتقابلنا مشاكل ضعف شبكة ال wifi ومبيكنش فى حلول واضحة ليها ومن هنا موضوعنا النهاردة عنا " مراجعة موسع النطاق - TP Link wifi Range extender TL-WA850RE " والى بيعتبر الحل الامثل فى هذه الحالة .. بشكل عام كمان تقدر تعرف ايه اسباب ضعف شبكة ال wifi وحلولها المحتملة من هنا "ضعف اشارة ال wifi الاسباب والحلول" .

لو حابب تتفرج على نفس المراجعة فيديو بدل المراجعة المقالية هتلاقيها فى اخر المقال .

ايه هو اصلا ال range extender :

بص يا سيدى ده عبارة عن جهاز بيقوم باعادة ارسال اشارة ال wifi الاساسية الخاصة بيك يعنى هو مش راوتر هو مجرد موزع او repeater بياخد الاشارة الاصلية ويعيد توزيعها فهو بيتحط فىنهاية المنطقة النغطاة وفى اقرب نقطة للمنطقة الى مش مغطاه واترك الجهاز يقوم بعمله .

ايه هو اصلا ال range extender

تصميم جهاز TP Link wifi Range extender TL-WA850RE : 

الجهاز بشكل عام بسيط جدا وزنه خفيف وشكله مش وحش 

شكل جهاز TP Link wifi Range extender TL-WA850RE من الامام :

هتلاقى شعار شركة tp link وتحتيه هتلاقى زر وبحوله مجموعة من ال leds هنعرف عنهم كمان شوية 

شكل جهاز TP Link wifi Range extender TL-WA850RE من الخلف :

مدخل الجهاز بمصدر الكهرباء

شكل جهاز TP Link wifi Range extender TL-WA850RE من الجوانب:

لا يوجد اى شئ

شكل جهاز TP Link wifi Range extender TL-WA850RE من الاسفل:

مدخل ال ethernet وزر ال reset

طريقة اعداد جهاز TP Link wifi Range extender TL-WA850RE : 

بشكل عام اعداد الجهاز ده بسيط جدا جدا مش محتاج تعب او متخصص لاعداده .. فهو جهاز سهل فى الاعداد والستخدام وفى اكتر من طريقة للاعداد هنستعرضهم مع بعض دلوقت

• اعداد جهاز TP Link wifi Range extender TL-WA850RE عن طريق ال wps :

بسهولة جدا هتقدر تعمل اعداد للجهاز عن طريق ال wps لو جهاز الراوتر الخاص بيك فيه خاصية ال wps يبقى بسهولة هتقدر تعمل اعداد مباشر للجهاز من خلال الضغط على زر ال wps فى الراوتر الخاص بيك وبعدين تضغط على الزر الامامى فى الجهاز وبكده هيكون تمت عملية الاتصال ما بين الشبكة الاساسية والجهاز وتقدر تستخدم شبكة الجهاز الممددة لاستخدام الانترنت مش هيتبقى غير انك بس تغير اسم وباسورد password الشبكة الخاصة بال range extender .

اعداد جهاز TP Link wifi Range extender TL-WA850RE عن طريق ال wps

• اعداد جهاز TP Link wifi Range extender TL-WA850RE عن طريق ال wifi او كابل ال ethernet :

تقدر تعمل اتصال مباشر من اللاب الخاص بيك او التليفون بالشبكة الى بينشاها ال wifi range extender وتدخل على صفحة الاعدادات الى هتلاقى عنوانها فى د\ليل الاعدا السريع وتبتدى تختار شبكة الراوتر الاساسية فى منزلك او عملك وتدخل بياناتها بعد ما هتعمل كده هيكونو الجهازين انشاو الاتصال مع بعض يبقى فقط تعديل بيانات شبكة ال range extender .

او من خلال كابل ال ethernet باتصاله باللاب توب او جهاز الكمبيوتر والقيام بنفس الخطوات السابقة .

تحديث هام : فى اخر اصدار للجهاز عند التحديث اليه تم اضافة خاصية access point او نقطة الوصول وهى خاصية اضافية للجهاز فبجانب استخدمه كموسع نطاق لا سلكيا يمكن استخدامه كموزع للشبكة من خلال كابل انترنت سلكى - ethernet من مميزات هذه الخاصية فعلى الرغم من انك هتخسر ميزة اللاسلكية الا ان سرعة الانترنت بتكون افضل لانه موصل مباشرة بالراوتر والجهاز مبيتعرضش لانقطاعات مفاجئة . وفى كل الاحوال وجودها كميزة اضافية تتيح لك الاختيار بين الطريقتين ايهما انسب كمان ان يزداد الترشيح للجهاز دونا عن غيره لامكانية استخدامه باكثر من طريقة فى توسيع نطاق شبكة ال wifi او كنقطة وصول .

اعداد جهاز TP Link wifi Range extender TL-WA850RE عن طريق ال wifi او كابل ال ethernet

اداء جهاز TP Link wifi Range extender TL-WA850RE :

بشكل عام اداء الجهاز محترم جدا وتغطيته معقولة جدا مش هقدر اديلك رقم دقيق لمدى التغطية لانه بيعتمد على عوامل كتير جدا وبيتغير حسب العوائق ما بين الجهاز واستقباله فقط انصح للحصول على افضل نتيجة من الجهاز انك تحطه فى منطقة مفتوحة لاستقبال اشارة جيدة فى نهاية منطقة التغطية وفى منطقة وسطي بين جميع المناطق الغير مغطاة . والنقطة ده بالذات هتبان معاك بتجربة الهاز فى اكتر من مكان وتوصيله باكثر من مصدر للكهرباء .

انا بشكل عام بنصح بالجهاز ده كحل جيد جدا لمشكلة عدم تغطية كل الاماكن .

منين تشترى جهاز TP Link wifi Range extender TL-WA850RE:

تقدر تشتري الجهاز من جوميا 

من هنا

او من سوق 

من هنا

مراجعة جهاز TP Link wifi Range extender TL-WA850RE فيديو :

مراجعة ارخص هاتف 4G فى مصر - IKU curvy C50L 4G

بسم الله الرحمن الرحيم

مراجعة ارخص هاتف 4G فى مصر - IKU curvy C50L 4G

مراجعة ارخص هاتف 4G فى مصر - IKU curvy C50L 4G

بعد بدء تشغيل خدمات الجيل الرابع فى مصر .. بقى فى كتير من الناس بتسال على ارخص الهواتف الى بتدعم 4G فى مصر فموضوعنا النهاردة عن واحد من الهواتف ده بعنوان " مراجعة ارخص هاتف 4G فى مصر - IKU curvy C50L 4G " لو حابب تتفرج على المراجعة فيديو هتلاقيها فى اخر المقال .. لكن مقالنا هو المراجعة المقالية للهاتف .

محتويات صندوق ارخص هاتف 4G فى مصر - IKU curvy C50L 4G :

الهاتف بييجى معاه المحتويات الاتية ( الضمان - دليل المستخدم - الشاحن - السماعة - كروت متابعة الضمان من شركة I2 - جراب سيليكون - سكرين بلاستيك عادية اضافية).

تصميم ارخص هاتف 4G فى مصر - IKU curvy C50L 4G :

من الجهة الامامية : 

بالترتيب من تحت لفوق هتلاقى من تحت ازرار التحكم وفوقيهم شاشة 5 بوصة بدقة HD منحنية الاطارف 2.5D وفوقيهم سماعة المكالمات ومستشعر الاضائة .

من الجهة اليمنى : 

موجود ازرار ال POWER والصوت

من الجهة اليسري :

 مفيش اى شئ

من اعلى : 

 هتلاقى منفذ السماعات

من اسفل :

 هتلاقى مدخل micro usb للشحن ومايك المكالمات

من الخلف : 

موجود سماعة المكالمات وشعار الشركة والكاميرا الخلفية بدقة 8 MP مع فلاش

وزن الجهاز خفيف والتصميم بشكل عام جيد خاصة مع انحناء اطراف الهاتف تقييمنا 8/10

شاشة ارخص هاتف 4G فى مصر - IKU curvy C50L 4G :

الهاتف بييجى بشاشة بدقة HD 1280*720 وده دقة مش بنشوفها كتير فى الفئة الاقتصادية مع انحناء بسيط فى الاطراف 2.5D والى بيدى شكل جمالى بشكل عام للجهاز والوانها وسطوعها جيد وبصراحة كانت افضل حاجة فى الموبايل التعليق الوحيد عليها انها MULTI TOUCH لحد اصبعين فقط وده ممكن ياثر لو سرعتك فى الكتابة كبيرة نوعا ما .

لو نقيمها هتكون 9/10

صوت ارخص هاتف 4G فى مصر - IKU curvy C50L 4G :

السماعة الخارجية :

الصوت فى الهاتف فى السماعة الخارجية كان متوسط واقل من المتوقع الحقيقة ولازم تشغل الاهتزاز مع المكالمات لان لو فى الشارع مع الزحمة مش هيكون مسموع نديلها 6/10

سماعة المكالمات : 

اما سماعة المكالمات كانت جيدة وتاخد 8/10

كاميرا ارخص هاتف 4G فى مصر - IKU curvy C50L 4G :

الكاميرا الخلفية :

بدقة 8 ميجا بيكسل كانت ممتازة لابعد الحدود مقارنة بفئتها السعرية بتطلع صور مقبولة للغاية فى الاضائة القوية والمتوسطة وتفاصيلها واضحة وتشبع الوان جيد ولكن فى الاضائة الضعيفة بيبان النويز فى الصورة لكن كده كده صعب نطلب منها انها تكون افضل من كده فى فئتها السعرية فهتاخد 8/10

الكاميرا الامامية : 

بدقة 2 ميجا بيكسل وجودها بكل صراحة كان بيادى الغرض فقط لا اكثر وبرده ده مقبول فى سعر الجهاز 

اداء ارخص هاتف 4G فى مصر - IKU curvy C50L 4G :

برغم ان واجهة الجهاز بتيجى بواجهة اقرب الى الاندرويد الخام الان ان الاداء مع 1 جيجا رام و معالج MT 6735 كان مزعج بصراحة وده غالبا هيكون حال اى جهاز ب 1 جيجا رام حاليا .. فى الالعاب البسيطة والمتوسطة مكنش فى مشكلة فى الجهاز وان كان مش بيشغل الالعاب على الدقة العالية ولكن كان فى المجمل جيد . الا ان المشاكل بتبان فى ال multitasking بشكل كبير فكان بيحصل تهنيج احيانا فى الجهاز مع الضغط عليه .

الذاكرة الداخلية للجهاز 8 جيجا بايت متاح منه للمستخد فى حدود ال 4 جيجا بايت فقط ولكن متاح اضافة كارت ذاكرة خارجى فى مكان منفصل عن الشريحتين 

ال sensors الى فى الجهاز هى الاساسية فقط .

الجهاز لا يدعم ال otg .

الجهاز حقق معيا على antutu benchmark فى حدود ال 24 الف نقطة .

طبعا نقطة التسويق الاساسية فى الموبايل ده هو دعمه لخدمات الجيل الرابع 4G ولكن للامانة جربه على اكتر من خط اشتغل معايا على خطوط المصرية للاتصالات واتصالات ومشتغلش على فودافون ومجربتش موبينيل لان مكنش متاح معايا .

بطارية ارخص هاتف 4G فى مصر - IKU curvy C50L 4G :

الجهاز بييجى ببطارية 2300 MA وكانت ادائها معقول فى الاستخدام المتواصل المتوسط بتديلك من 5 ل6 ساعات لكن لو شغلت WIFI او داتا هيقل الرقم ل4 ساعات فقط لا غير معنديش تعليق على ادائها ولكن تعليقى ان شحنها بياخد ساعتين ونص وده رقم كبير .

تعليقنا على ارخص هاتف 4G فى مصر - IKU curvy C50L 4G :

الهاتف بشكل عام متوسط المستوي بس احنا بشكل عام منقدرش نرشح فى بداية 2018 جهاز ب 1 جيجا رام واقل حاجة ممكن نرشحها ان يكون الموبايل ب 2 جيجا رام لان كل ما الدنيا بتطور كل ما التطبيقات بتحتاج استهلاك رام اعلى  عشان تقدملك خدمات افضل وده طبعا غير مناسب اطلاقا مع هواتف ال 1 جيجا رام وخاصة ان فى تليفونات قريبة ب 2 جيجا رام زي MEIZU M5C بسعر 1700 جنيه ولكن مرشحش الهاتف ده غير فى حالتين الاولى ان يكون اقصى مبلغ متاح معاك هو  1200 جنيه او ان يكون هاتف ثانوي للعمل لا اكثر لان التعامل اليومي العادى فى موبايلات ال 1 جيجا رام هيقابلك تهنيج ولاج بشكل كبير فى الاستخدام البسيط حتى .

مراجعة فيديو ارخص هاتف 4G فى مصر - IKU curvy C50L 4G :

منين تشتري ارخص هاتف 4G فى مصر - IKU curvy C50L 4G :

تقدر تشترى الهاتف من جوميا

من هنا

او من سوق

من هنا

لمعلومات اكتر عن الشركة المصنعة للهاتف ممكن تقرا المقال التالى "معلومات عن شركة IKU" 

مراجعة ID107 Heart Rate Smart band

بسم الله الرحمن الرحيم

اهلا بيكم معانا

النهاردة هنتكلم مع بعض عن

ID107 Heart Rate Smart band

الساعة الذكية او السوار الذكى اصبح مهم حاليا عشان تتابع باستمرار حالتك الصحية والرياضية  ده فيديو ومراجعة مقالية عن الباند لو شغال باقة وكمان اماكن الشراء هتلاقيها تحت

فيديو المراجعة:

المراجعة المقالية:

من مميزات الباند ده: انه بيقيس سرعة ضربات القلب والمسافة الى مشيتها وعدد الخطوات والسعرات الى فقدتها وبيعرض اسم المتصل واشعارات البرامج. بطارية بتكون كافية من 3 ل5 أيام عمل وتشحن في حدود ساعة واحدة ومضاد للمياه

محتويات العلبة: عبارة عن السوار والشاحن ودليل المستخدم

بالنسبة للتصميم: فالسوار شكله رائع ومن جهة اليمين هتلاقى زرار وحد فقط  ومن الامام هتلاقى شاشاة OLED  بقياس .49 بوصة وزرار يعمل باللمس اسفلها للتنقل .. الساعة بتناسب جميع القياسات وبتعدل المقاس حسب احتياجك ومن الشمال مفيش اى حاجة  ومن اسفل هتلاقى sensor قياس ضربات القلب وتحتيه مكان الى بيتثبت فيه الشاحن.

من خلال التنقل سواء من الزر الجانبى او من زر اللمس هيبتدى يغير معاك من اول حالة البطارية للساعة دلوقت لعدد الخطوات والمسافة الى مشيتها والسعرات الحرارية والمنبه او الإضافات الى بتضيفها من خلال البرنامج والى هيكون ليه شرح منفصل في الاخر بالنسبة للى يهم ناس كتير وهو الى واضح من اسمها الاوهو سينسور قياس ضربات القلب ... جيد في القياس بشكل كبير وغالبا هيديك نتائج معقولة ودقيقة .. ده غير ان في الوضع الاوتماتيك بيتيحلك انه يقيس سرعة ضربات القلب كل 5 دقايق وبيكون في جراف وضاح في البرنامج وده مفيد عشان تقدر تعرف حالتك خلال اليوم ومع المجهود وممكن يفيد المرضى لكن اكيد مش هو الحل العملى الدقيق خاصة لمرضى القلب لكنه بيديلك مؤشر جيد ومتوسط لحالتك خلال اليوم

بالنسبة للربنامج:

البرنامج ليه اكتر من نسخة واحنا بنستخدم Veryfit pro  متوفر من خلال المتجر

بمجرد ما بتفتحه بيكون في 3 تبويبات رئيسة واحد لنشاطك خلال اليوم وواحد لمعدل النوم وواحد لمعدل سرعة ضربات القلب بمجرد ما بتسحب لاسفل بيبتدى البرنامج يعمل كونكت مع الباند عشان يحصل على اخر التجسلات خلا اليوم ويسجلها تقدر تدوس على التاريخ عشان تشوف تسجيلاتك في يوم معين من الى فات وتقدر تشوف كل البيانات وفى تبويب ضربات القلب مجرد ما تضغط ضغطة هتقدر تشوف الجراف لمعدل السرعة خلال اليوم ولو وقفت في مكان معين هتقدر تعرف امتى كان عالى او قليل بالدقيقة لانها بتسجل كل 5 دقائق زي ما قولنا بالنسبة لمعدل النوم بيقسملك نومك ل3 درجات وبيحسبهملك واعتقد دقيق نوعا ما من خلال تبويب ال Details بيديلك احصائيات أسبوعية وتقدر تغيرها تحليها شهرية او سنوية من خلال تبويب ال Device  بتقدر تشوف معلومات الباند وسعة البطارية لو كانت متصلة بيها وبتديلك اختيارات تانية من ضمنها مثلا انك تظهر اسم المتصل في اول خيار او انه ينبهك انك متحركتش بقالك فترة من تانى خيار او انك تظبط منبه او تفعل الاشعارات عشان تظهرلك ع الباند لكن كل ده محتاج اتصال دائم مع الباند وفى خيار الكاميرا لو عاوز تصور عن بعد عن طريق الضغط ع الباند وخيارات إضافية زى إيجاد الهاتف والتنبيه من الفقدان وانك تحدد المناطق الطبيعية لضربات القلب غير الى البرنامج بيثبتها او انك ترستر الباند من ال USER  بتعدل معلوماتك الشخصية وبتقدر من خلالها تربط الباند ب Google Fit

الخلاصة:

 الى عجبنى في الباند ده التصميم الممتاز والبرنامج الرائع الى بيديلك القدرة انك تشوف جراف لسرعة ضربات القلب والى ممكن يكون مفيد جدا طبيا وإظهار اسم المتصل والاشعارات

الى معجبنيش في الباند الشاشة الفعلية صغيرة جدا للباند السوار مبيتغيرش وقياس سرعة ضربات القلب مش الادق خاصة فى حالتى لانى كنت بستخدمه استخدام طبى كان فى احيانا كتيرة مبيكونش مظبوط.

 لكن في المجمل بالنسبة لسعرها تستحق الشراء الباند عالميا سعره 15 $  فقط

تقدر تشتريه عالميا من gearbest بسعر 15$ من هنا

/2qUN5F2

ولو عاوز تعرف اكتر عن gearbest اقرا المقال ده ( تعرف ايه عن GearBest ).

تقدر تشتريه من داخل مصر من جروب الاستاذ ايمن المحترم بسعر 425 جنيه

/2oMkt0C

مواصفات وسعر ومراجعة HUAWEI GR3 2017

بسم الله الرحمن الرحيم

مواصفات وسعر ومراجعة HUAWEI GR3 2017

مراجعة هاتف HUAWEI GR3 2017

علبة هاتف HUAWEI GR3 2017

هاتف HUAWEI GR3 2017

اهم مواصفات هاتف HUAWEI GR3 2017

شاشة 5.2 بوصة ips lcd بدقة 1920*1080 

معالج HiSilicon Kirin 655 ثمانى النواة (4x2.1 GHz Cortex-A53 & 4x1.7 GHz Cortex-A53)

معالج رسوميات Mali-T830MP2

16 جيجا ذاكرة داخلية و 3 جيجا بايت رام 

كاميرا خلفية 12 ميجا بيكسل بفلاش احادى وفتحة عدسة  f/2.0

وكاميرا امامية 8 ميجا بيكسل  بفتحة عدسة  f/2.0

يحتوى على مستشعر بصمة

عينات الصور

من هنا

فتح الصندوق

المراجعة

ملخص المراجعة الكتابى لاصحاب الباقات
- التصميم : ببساطة فى اعتقادى افضل تصميم فى الفئة ده
- الشاشة ادائها ممتاز والوانها ممتازة وادائها جيد فى اشعة الشمس
-الجهاز هيديك اداء ممتاز فى السعر ده مع معالج من الفئة المتوسطة ورام 3 جيجا بايت متبقى ليك حوالى 2.2 جيجا بايت واداءه فى الالعاب المتوسطة ممتاز وحتى مع الالعاب الى بتحتاج جرافيك عالى نسبيا جيد 
البطارية : من 4 ل 5 ساعات screen on time وزمن الشحن من 2.45 ل 3 ساعات 
السماعات : سماعة ومايك المكالمات مفيهومش اى مشكلة من جهة الوضوح والسماعة الخارجية كونها من تحت ده مش بيخليها بتتكتم بسهولة لو اتحطت على سطح مستوى وصوتها جيد جدا
الكاميرا : تشبع الالوان فى الكاميرا كان ممتاز جدا وتقدر تشوف عينات الصور سواء للكاميرا الخلفية الى بدقة 12 ميجا بيكسل او الامامية الى بتديلك صور جيدة جدا فى السلفى .
الجهاز بييجى باندرويد 7 وواجهة EMUI 5 وفى بعض الاضافات الجيدة زى انك تقدر تضيف زر خاص للتطبيقات للناس الى مكنش بيعجبها عدم وجود ده فى اجهزة HUAWEI وفى برده اضافات جيدة على البصمة زي السحب من فوق لتحت هتنزل قائمة الاشعارات او من اليمين للشمال فى ال gallery عشان تقلب الصور وكمان تقدر تقسم الشاشة نصفين لبرنامجين مختلفين والجهاز بيدعم otg وبيدعم الجيروسكوب .
ملحوظتنا على الجهاز : 
تتمثل ملحوظتنا على الجهاز فى 3 حاجات لا غير 
1- الفلاش فى الكاميرا الخلفية احادى وليس ثنائي زى اغلب الاجهزة الى فى الفئة ده حاليا بالتالى الاجهزة الثانية ممكن توفرلك اداء افضل خاصة فى الاضائة الضعيفة لكن ده لا يعنى ان الكاميرا فى الاضائة الخفيفة وحشة .. اطلاقا
2- الذاكرة الداخلية 16 جيجا بايت ومتوفر منها 8 جيجا بايت فقط للمستخدم وانت تقدر تحط اما شريحتين او شريحة وكارت .. ببساطة لو هتحط شريحتين المساحة ممكن تتعبك فى المستقبل
3- على قد ما التصميم مميز على قد ما يجب انك تكون حريص جدا مع الجهاز وتشوف اكسسوارات تقدر تحمى الجهاز لان حتى الجراب الى موفراه الشركة مش بيوفرلك القدر الادنى من الحماية

الهاتف ضمن ترشيحتنا بقوة تابع مقالة ترشيحاتنا قريبا

لشراء الهاتف 

من جوميا بسعر 3640

من هنا

من سوق بسعر 3895

من هنا