من هى شركة ILA - ايلا

من هى شركة ILA - ايلا

من هى شركة ILA - ايلا

السوق المصرى للهواتف الذكية اصبح سوق شرس جدا وجذاب لشركات كتير جدا انها تخش السوق المصري وده الى حصل بالفعل مع الشركة الى هنتكلم عنها النهاردة فى مقالنا "من هى شركة ILA - ايلا" هنتكلم عن تاريخ شركة ILA ومستواها العالمى وضمانها فى مصر وغيرها من التفاصيل الى تهم العميل .

شركة ILA - ايلا .. من اين اتى الاسم وما علاقة الاسم بالفلفل فى شعار الاجهزة ؟!

عشان نعرف الاسم جه منين هنضطر نرجع شوية بتاريخ الشركة ... شركة Xiaolajiao هى احدى الشركات الصينية للهواتف المحمولة انشأت عام 2012 تعد الشركة من شركات الصف الثانى فى السوق الصينى للهواتف الذكية ومعنى اسم Xiaolajiao هو الفلفل الصغير ومن هنا جاء شعار الشركة ! .. الشركة ادت بشكل محترم فى السوق الصينى وبتقرب بشكل كبير من العشر شركات الاكثر مبيعا فى الصين لكن انطلاقها للسوق العالمى كان عقبة كبيرة بسبب صعوبة الاسم الصينى لذلك كان الاتفاق على اطلاق براند فرعي تحت اسم ILA - ايلا مخصص للاطلاق فى السوق العالمي.

---*** ملحوظة لازم تقرا مقالنا بخصوص البراندات الفرعية للاجهزة وليه الشركات بتعمل براندات فرعية ليها "لماذا تتجه الشركات لفكرة البراند الفرعى pocophone و realme و honor وغيرهم ؟!" كمان ممكن يهمك المقال ده "امبراطوريات الهواتف - شركات اصلها واحد"***---

تم اطلاق البراند الفرعي عام 2016 وتم اطلاق براند ILA ايلا رسميا فى مصر شهر 11 عام 2018.

دخول شركة شركة ILA - ايلا السوق المصرى والحملة الاعلانية:

زى ما ذكرنا ان شركة ILA - ايلا دخلت السوق المصرى اواخر عام 2018 بالتحديد فى شهر 11 تحت توكيل مبيعات شركة سبيد تك للتجارة ودخلت الشركة بحملة قوية جدا بالنسبة لشركة جديدة فى السوق المصرى والى فى رئيى مناسبة جدا للفئة المستهدفة من قبل الشركة .. الشركة بشكل عام بتركز على الفئة الاقتصادية وده كان اساس الاعلان ورغم ذلك تم تنفيذه بشكل راقي وده بيدل ان فى اتجاه وفهم للسوق المصري من قبل المسؤلين عن شركة ILA - ايلا فى مصر .

فيديو الحملة الاعلانية لشركة ILA - ايلا:

اصدارات شركة ILA - ايلا المتاحة فى مصر :

تم البدا باعلان هاتف ILA X1 والى اهم مواصفاته 

- ذاكرة عشوائية RAM قدرها 3 جيجا بايت 

ذاكرة داخلية 32 جيجا بايت 

كاميرا خلفية مزدوجة 13 ميجا بيكسل 

كاميرا امامية 5 ميجا بيكسل 

مستشعر بصمة

شاشة بالابعاد الجديدة بنوتش (( ممكن تعرف اكتر عن الابعاد الجديدة من خلال المقال التالى "يعنى ايه نسبة عرض 18:9 وايه الفرق بينها وبين 16:9").

تسعير الهاتف لم يعلن بعد 

توكيل شركة ILA - ايلا فى مصر :

توكيل صيانة شركة ILA - ايلا فى مصر هو شركة I2 وهى شركة عاملة فى مصر من فترة طويلة وتعد من افضل شركات الصيانة المتوفرة على الرغم من ان بشكل عام لا يوجد توكيل صيانة فى مصر لاى شركة هواتف يحصل من قبل موقعنا على العلامة الكاملة ولكن على الاقل صقة المصرين فى توكيل I2 كبيرة خاصة مع عمل التوكيل مع شركة NOKIA .. كما حصل ايضا مؤخرا التوكيل على صيانة توكيلات انفينكس - infinix ويمكنك مراجعة المقال التالي "تعاقد شركة i2 مع شركة infinix - انفينكس لتكون وكيل لخدمات ما بعد البيع" 

الرقم المختصر للاستفسار عن اقرب الفروع هو 19606

فروع توكيل I2 فى مصر : 

فرع i2 وكيل ILA - ايلا فى القاهرة : الفرع الاول 10 عمارات العبور - صلاح سالم

فرع i2 وكيل ILA - ايلا فى القاهرة : الفرع الثانى 78 شارع المنيل - القصر العينى - القاهرة

فرع i2 وكيل ILA - ايلا فى الجيزة: 62 شارع مصدق - الدقى - الجيزة 

فرع i2 وكيل ILA - ايلا  فى الاقصر : شارع التليفزيون بجوار فودافون

من اين تشترى منتجات ILA - ايلا فى مصر:

يمكنك شراء منتجات ILA - ايلا فى مصر من خلال موقع جوميا مصر من خلال اللينك التالى "من هنا"

نصيحة موقعنا بخصوص براند ILA - ايلا :

دايما مش بنشجع الناس انها تشترى الهواتف فى بداية وجود البراند فى مصر خاصة لما يكون براند ليس ذو صيت قوى عالميا ننصح دائما بانتظار تجارب المستخدمين او على الاقل المراجعات الخاصو بالهواتف ... نقطة القوة المنتظرة من براند ILA - ايلا فى مصر هى التسعير فى حال فقدها فلا مجال للمنافسة وسط عمالقة السوق المصري ولكن سؤالنا لك هل تتوقع نجاح براند ILA - ايلا فى مصر ؟!

مصادر: 1

لماذا تتجه الشركات لفكرة البراند الفرعى pocophone و realme و honor وغيرهم ؟!

لماذا تتجه الشركات لفكرة البراند الفرعى  pocophone و realme و honor وغيرهم ؟!

العديد من شركات الهواتف العالمية تتجه الى انشاء براند فرعى بخط انتاج اخر لهواتفها ويتم الامر بتسعير هواتفها باسعار اقل من نظيرتها فى الشركة الام !! اول من بدا الفكرة فى الغالب هى شركة Huawei عندما قامت بانشاء براند فرعى بسم Honor ثم اتبعها العديد من الشركات الاخرى .. اذا "لماذا تتجه الشركات لفكرة البراند الفرعى  pocophone و realme و honor وغيرهم ؟!" 

نبدا بمقالنا بسؤال : ما هو البراند الفرعي ؟!

البراند الفرعى هو براند لاحد شركات الهواتف يكون تابع لنفس الشركة الام ولكن باهداف واسعار مختلفة كما يتجه الى سوق الهواتف الذكية بشكل مختلف ويزاحم فى السوق مع الشركة الاصلية .. احيانا تكون الشركة الام نفسها مؤسسة وهذا ما تكلمنا عنه فى المقال التالى "امبراطوريات الهواتف - شركات اصلها واحد"

من هى الشركات التى قامت بانشاء براند فرعى ؟!

دعنا ننظر للسوق المحلى بشكل خاص فى مصر والشركات المتواجدة بالفعل سنجد Huawei متواجدة والبراند الفرعي الخاص بها هو شركة Honor وستجد ايضا شركة Xiaomi والبراند الفرعى الخاص بها pocophone واول اصدار له هو pocophone f1 و شركة OPPO والتى اعلنت مؤخرا عن وجود البراند الفرعى الخاص بها realme فى مصر خلال الايام القليلة القادمة .

لماذا تقوم الشركات بانشاء براند فرعى خاص بها ؟!

هناك عدة اسباب وتختلف من شركة لاخرى حسب سياساتها الداخلية والخارجية والتسويقية ونظرتها لسوق الهواتف منها:

• معظم الاسباب خاصة مع الشركات ذات الصيت العالى ويمكننا ان نقول ان الثلاث شركات المتواجدة فى قائمتنا اليوم وهما OPPO و Xiaomi و Huawei اصبح لهم صيت كبير ومراكز متقدمة فى المبيعات فى السوق العالمى مما يجعل جزء من سياستهم التسعيرية ((اسم البراند)) كمكون اساسى فى التسعير فوجود براند فرعي يعفى الحرج الخاص بجزء التسعير مما يتيح لهم تقديم هواتف باسعار اقل ومميزات مشابهة .
• وجود العديد من الشركات المتواجدة فى السوق خاصة المنشأة حديثا من فترات قريبة او ما يسمى بشركات الصف الثانى والثالث والتى تركز مبيعتها بشكل اخص على online stores مما يعفى هذه الشركات من العديد من المصاريف مثل مصاريف التوزيع والتى تقلل بشكل ايضا فى الخامات الخاصة باجهزتها وتنافس بشكل خاص على هواتف الافئة الاقتصادية والمتوسطة مما يجعل بعض اصدارت هواتف الشركات الام على المحك بسبب وجود هواتف باسعار اقل بنفس العتاد . 
• بناء على النقطة السابقة يتيح وجود براند فرعى نزول هواتف بخامات اقل جودة باسعار منافسة لشركات الصف الثانى والاول مع تفادى الاقاويل عن سوء خامات او غيره من المشاكل البسيطة التى قد تنتج نتيجة توفير اسعار بعض المكونات او ربط هذه المشاكل باسم الشركة الام نفسه .
• احيانا قد لا يكون الاسم مناسب للانتشار العالمي على سبيل المثال الشركة المنطلقة حديثا فى مصر ILA - ايلا والى الشركة الام بالنسبة ليها هى شركة اسمها Xiaolajiao ولان الاسم كان صعب يطلعوا بيه من السوق الصينى لجأو لاسم ILA - ايلا لو عاوز تعرف اكتر عن شركة ILA شوف المقال ده "من هى شركة ILA - ايلا"

حتى بعد هذه الاسباب قد يردك سؤال لماذ ايضا لا تقدم هذه الهواتف تحت اسم نفس الشركة ؟!

لك ان تتخيل ان شركة مثل OPPO او Xiaomi او Huawei يقدمون هاتفين تقريبا بنفس المواصفات احدهما بسعر اقل حتى مع معرفتك باستراتيجية التوفير فى المكونات المستخدمة على سبيل المثال هاتف مثل xiaomi mi 8 و pocophone f1 تقريبا هناك تشابه كبير فى العتاد الداخلى اذا ما استبعدنا بعض المكونات الخفيفة التى قد يكون التوفير بها مثل الشاشة او التصميم الخارجى على سبيل المثال لو كان هذين الجهازين تحت اسم xiaomi فللمستخدم سيكون هناك جهازين بنفس المواصفات من نفس الشركة احدهما ارخص بمبلغ وقدره 3 الاف جنيه اذا سوف اشترى الارخص بدون جدال بجانب انه سيؤثر على سوق الفئة المتوسطة لنفس الشركة.. اما فى حال وجوده تحت مسمى بوكوفون - pocophone سيكون هناك تردد لدى المستخدم اذا انا لست تحت شعار الشركة ((البراند)) وسيكون هناك 3 انواع من المستخدمين احدهما من يمتلك المال الكافى .. بدون شك سيكون خياره xiaomi mi 8 واحدهما من لا يمتلك المال الكافى سيكون فرصته التى سيكون سعيد بها هو pocophone هاتف بنفس مواصفات الاغلى وتحت مظلة نفس الشركة ولاخر هو من لا يمتلك المال ولكن يتردد من الاسم اذا قد يكون خياره هو هاتف الفئة المتوسطة من شركة xiaomi مثل xiaomi note 5 اذا شاومي اكتسبت جزء من المستخدمين الذين كانو يتجهون خارج اختيارات البراند ... ولم تخسر عملائها الاساسيين .

من هي شركة سودا - soda

بسم الله الرحمن الرحيم 

من هي شركة سودا - soda

من هي شركة سودا - sodaاشل

فى الفترة الاخيرة وبالاخص فى اسبوع الموبايلات الخاص بجوميا كان فى انطلاق لشركة جديدة فى مصر وهى شركة سودا - Soda والى شبه ملهاش وجود عاليما وكان فى توقعات كتير بارتباطها بشركة gionee لكن تعالو نعرف معلومات رسمية عن شركة سودا - soda فى مقالنا عن "من هي شركة سودا - soda"

من هي شركة سودا - soda ؟!

حسب الموقع الرسمي فان الشركة الام لشركة سودا - soda هى شركة Shenzhen Chenyee ولما بحصنا عن الشركة كانت المعلومات المتوفرة عنها قليلة للغاية .
من خلال موقع الشركة بيتضح ان الشركة موجودة من 2010 وكان الهدف من تاسيسها هو تقديم حلول لشركات الهواتف المحمولة المشهورة بتقديم ليها الديزاين وابحاث السوق وخدمات ا بعد البيع لكن فى عام 2017 ابتدى التوجه من الشركة لانشاء البراند الخاص بيهم والى وقع الاختيار عليه هو سودا - soda .
وزي ما قولنا المعلومات مبهمة للغاية يمكن يكون واحدة من الشركات الى اشتغلت معاهم الشركة هى gionee مثلا لان فى تصميم على موقعهم قريب لاحد تصاميم موبايل gionee ده غير ان تصميمات موبايلات soda بشكل عام فى الشبه برده فى الشكل العام من هواتف gionee .

هدف شركة سودا - soda :

الشركة بشكل عام بتستهدف الشباب وبتقدم تصميمات مميزة وانها بتهدف لتوفير الهواتف باسعار جيدة وبجودة ممتازة وبتهدف للانتشار اكتر فى المستقبل . نبذة الموقع .

شركة سودا - soda فى مصر :

ابتدينا نسمع اسم الشركة فى الاطلاق الحصرى لهواتفها soda e1 / soda s1 على موقع جوميا خلال اسبوع الموبايلات الشركة ملهاش وجود فى السوق العالمى وغالبا انطلاقتها الرئيسية من مصر والوكيل الخاص بالشركة هو raya

تشترى هواتف سودا - soda ؟

على الرغم من ان الوكيل الخاص بالشركة هو وكيل قوي وله سمعة جيدة فى مصر الا اننا مش بنرجح شراء منتج غير معروف فى بدايته لازم يتم الانتظار اراء المستخدمين كمان الهواتف نوعا ما مش مشجعة بالنسبة لسعرها فى افضل ومن شركات عالميا افضل .

منين تشتري منتجات شركة سودا - soda :

منتجات شركة سودا - soda من سوق 

من هنا 

منتجات شركة سودا - soda من جوميا 

من هنا 

رقم توكيل شركة سودا - soda :

الخط الساخن المخصص للشركة هو 19397

مقالات مرتبطة بموضوع المقال "من هي شركة سودا - soda":

• من هي شركة جيوني - GIONEE

المراجع 1 2

من هي شركة جيوني - GIONEE

بسم الله الرحمن الرحيم

من هي شركة جيوني - GIONEE

من هي شركة جيوني - GIONEE

الغزو لصينى للسوق المصري يستمر مع شركة من اهم الشركات الصينية فى مجال خدمات الموبايل وهى شركة جيوني - GIONEE والى موجودة فى مصر من فترة وحاليا بتقوم بانطلاقة جديدة من خلال وكيلها speed tech فتعالو نتعرف مع بعض على موضوعنا النهاردة "من هي شركة جيوني - GIONEE"

من هي شركة جيوني - GIONEE :

شركة جيوني - GIONEE هى شركة صينية انشأت عام 2002 وابتدت فى مجال الهواتف المحمولة والموبايلات من عام 2005 حيث كانت تنتج هواتف الجيل الثانى واستمر تطور الشركة الى وقتنا هذا واصبحت احد اكبر الشركات الصينية فى انتاج ال smartphones .
الشركة بيعمل فيها اكتر من 1500 موظف تحت سن ال 30 وهدفها الاساسي هو التطوير واستخدام الحس الابداعى فى تصاميم الهوتف الخاصة بها .
فى سنة 2012 كانت حصتها من السوق المحلى فى الصين هو 4.7 % .وحسب تصنيف 2017 كان مركز الشركة هو المركز السابع العالمي .. (( شركات الهواتف الصينية فى مصر ومركزها العالمي ))
الشركة بتنتشر عالميا ولتوفير احتياجاتها ابتدت الاتفاق على انشاء مصنع خاص بيها فى الهند .
الشركة بالاتفاق مع شركة BLU بتنشر الهواتف تحت اسمها فى الولايات المتحدة الامريكية .
وموجودة الشركة حاليا فى عدد كبير من الدول من ضمنها الصين والهند ومصر ونيجيريا وفيتنام والعديد من الدول فى شرق اسيا والشرق الاوسط وافريقيا .

شركة جيوني - GIONEE فى مصر :

الشركة موجودة فى مصر من شهر 4 عام 2016 يعنى من سنتين لكن للاسف مكنش فى الالتزام الكافي من قبل الشركة تجاه المستخدمين ومحققتش المنتظر منها فى بداية 2018 الشركة اعلنت عن انطلاقة جديدة ليها فهل هنشوف فرق ولا لا ده الى هنعرفه كمان طلعت بعض الاشاعات عن ترابط اسم gionee مع شركة soda الموجودة جديد فى مصر وان شركة soda ما هى الى براند فرعى من شركة GIONEE لسة معندناش علومة اكيدة عن الموضوع ده

هواتف شركة جيوني - GIONEE :

الشركة ليها هواتف فى جميع الفئات السعرية حالها كحال شركات الصف الاول فى الصين بتمتاز بجودة عالية وبتشتغل الهواتف بواجهة معدلة Amigo
تقدر تشتري هواتف الشركة من مصر

هواتف شركة جيوني - GIONEE من سوق

من هنا

هواتف شركة جيوني - GIONEE من جوميا 

من هنا

مقالات متعلقة ب "من هي شركة جيوني - GIONEE" :

• "شركات الهواتف الصينية فى مصر ومركزها العالمي"
• "من هي شركة سودا - soda"

من هى شركة Honor

بسم الله الرحمن الرحيم

من هى شركة Honor

من هى شركة Honor

عرفنا يوم 25 يناير 2018 ان شركة Honor علنت بشكل رسمي وجودها فى مصر عشان كده كان مهم جدا ان يكون موضوعنا النهاردة هو " من هى شركة Honor " .

كلمة Honor بتعنى المجد او الشرف وعشان كده كان التعريف الرئيسي للشركة من خلال موقعهم هو البحث عن المجد بكل تفاصيله انهم يقدموا اجهزة بتقد القيمة الكاملة لكن هل شركة Honor غريبة علينا ؟! ده الى هنعرفه حاليا فى المقال ده

من هى شركة Honor ؟!

شركة Honor هى شركة فرعية للبراند صاحب المركز الثالث فى المبيعات العالمية Huawei طيب ليه البراند ده موجود ؟! فى الحقيقة كتير من شركات الهواتف المشهورة توجهوا للتوجه ده ان يكون للشركة اكتر من براند او شركات فرعية لاسباب مختلفة بالنسبة ل huawei هنا هى شركة مش بتبيع بس امكانيات وخامة كويسة هى كمان بتبيع اسم البراند فى نظرة تسويقية بسيطة البراند كل ما يكون سعره اعلى كل ما بيكون النظرة ليه افضل كمان الشركة بتصرف دعايا كتير جدا على اجهزتها ووجود اجهزتها فى السوق الاساسي offline بيخلى التليفون بيمر باكتر من مرحلة كل مرحلة منهم كفيلة انها تزود سعر المنتج لحد ما يوصل للمستهلك وده الى ادى اهمية لسوق موازى ومتنفس تطلع من خلاله شركات كتيرة تانية زي شاومي - xiaomi و ميزو - meizu انهم ينتشروا بشكل كبير فى السوق بدون دعايا ضخمة فقط لانهم بيقدموا قيمة كبيرة قدام سعر قليل فبتبتدى ترشيحاتهم تزيد بدون دعايا اضافية كمان الشركات ده اغلب شغلها بشكل كبير online من خلال متاجرهم الرسمية وده بيوفر الخدمات الى فى النص من الموزع للتاجر لغيره والى بتخلى السعر يكبر لتحقيق هامش ربح لكل مرحلة فيهم لكن فى سوق الاون لاين بيكون التعامل تقريبا من الشركة للمستهلك .

طيب Huawei كبراند ليه وزنه مش هيقدر ينزل بسعرين مختفين لنفس الجهاز واحد للتجار والتانى لسوق ال online تسويقيا مش هينفع فكان التفكير فى بداية سنة 2011 فى ضرورة وجود براند فرعي تابع للشركة ينافس فى الجزء ده من السوق عشان متسيبش huawei السوق ده شغال بدونها ومن هنا كان البدء فى انشاء الشركة فى عام 2013 باسم شركة Honor .

واضح طبعا من القصة الى قولتها ده ان البراند هدفه تقديم امكانيات عالية بسعر قليل والتركيز بشكل خاص اكتر على سوق ال online .
كمان اجهزة شركة Honor شغالة على واجهة emui المعدلة الخاصة بشركة huawei للاجهزة التى تعمل بنظام ال android - اندرويد .

* يهمك تقرا المقال ده لمعلومات اكتر عن الاجهزة الى ليها اكتر من براند فرعي "امبراطوريات الهواتف - شركات اصلها واحد"

انتشار شركة Honor :

الشركة ابتدت فى الانتشار العالمي الفعلي فى عام 2014 وحاليا الشركة اصبحت متواجدة فى اكتر من 75 دولة ومؤخرا تم اطلاق صفحة رسمية لتواجد الشركة فى مصر .

الفئات المنتجة من شركة Honor :

تنتنج شركة Honor عدد من الفئات فى اجهزتها

• اجهزة الفئات العليا هي سلسلة ال N وال V

فئة ال Honor N :

اصدر فيها اجهزة Honor 7 / Honor  8 / Honor 9 / Honor 9i

فئة ال Honor V : 

وتم اصدار منها Honor V8 / Honor  V9 / Honor V10

• اجهزة الفئات الوسطي فئة ال X وفئة ال lite

فئة الHonor X :

وتم اصدار منها Honor 3X / Honor 4X / Honor 5X / Honor 6X / Honor 7X

فئة الHonor lite :

زي Honor 8 lite / Honor  9 lite

• اجهزة الفئات الاقتصادية 

فئة ال Honor C :

وصدر منها Honor 3C / Honor 4C / Honor 5C / Honor 6C

هل هى اول مرة نرى فيها اجهزة شركة Honor فى مصر ؟!

الاجابة لا .

فى اكتر من جهاز نزل للشركة فى مصر تحت اسمه الاصلى او تحت اسم Huawei زي مثلا من الاجهزة الى نزلت باسمها Honor 4x / Honor 3C

والاجهزة الى نزلت تحت شعار شركة Huawei هم كل من جهاز Huawei gr3 2017 واسمه الاصلى ( Honor 8 lite ) وجهازين huawei gr5 / huawei gr5 2017 هم الجهازين (Honor 5x / Honor 6x ) وتسميتهم جت بالشكل ده لاهداف تسويقية بحتة .

وكيل شركة Honor فى مصر :

جاري التحقق

الاجهزة التى ستوفرها شركة Honor فى السوق المصري :

جاري التحقق

يهمك تقرا المقالات ده ليها علاقة بالمقال

• من هى شركة meizu - ميزو
• مين هى شركة شاومي xiaomi ومكانها فين عالميا
• الشركات الهواتف الصينية فى مصر ومركزها العالمي

المراجع
1

من هى شركة infinix - انفينكس

بسم الله الرحمن الرحيم

من هى شركة infinix - انفينكس

من هى شركة infinix - انفينكس

موضوعنا النهاردة مهم عن احد اهم شركات الهواتف فى مصر والي  صعدت خاصة فى السوق المصري بشكل كبير منذ بدايتها ووصلت للمركز الثالث فى المبيعات فى مصر واكتسبت سمعة جيدة ما بين المصريين ومن هنا ييجى مقالنا النهاردة عن "من هى شركة infinix - انفينكس".

من هى شركة infinix - انفينكس :

شركة انفينكس - infinix تم انشائها عام 2012 وهى شركة صينية تابعة للشركة الام Transsion Holdings ولها مراكز ابحاث وتطوير بكل من باريس وشنغهاي .

الشركة من خلال تقديمها تركز بالاساس على تقديم هواتف تجمع ما بين التصميم المميز والتكنولوجيا الشركة ابتدت تحقق انتشار كبير من بدايتها كان التكيز على الاسواق الافريقية والشرق اسيوية ثم بدات فى الانتشار عالميا فى عدد من الدول فى قارة اوربا واسيا وافريقيا .

من خلال الشركة الام Transsion Holdings المالكة لاكتر من براند متخصص بالهواتف من ضمنهم infinix , tecno , itel وانضم حديثا للشركة الام براند spice الهندي .. كان التركيز من خلال براند انفينكس على استهداف الشباب بشكل خاص من خلال التصميم الجذاب واستخدام التكنولوجيا المبهرة فى فئات سعرية منخفضة .. كان التركيز الاكبر والمستهدف من شركة انفينكس المبيعات اون لاين ولكن وخاصة فى مصر انفينكس حققت انتشارا واسعا فى كل من التسويق على الارض بشكل عام والتسويق الاون لاين فحققت مراكز متقدمة للغاية فى كل من المجالين .

لو عاوز تعرف اكتر عن شركة Transsion Holdings ممكن تقرا المقال ده "امبراطوريات الهواتف - شركات اصلها واحد"

تاريخ شركة infinix - انفينكس :

بدات الشركة فى عام 2012 وكان الاطلاق الرسمي فى عام 2013 ابتدت بفئة alpha وفئة zero وكانت الفئة العليا بالنسبالها وكان الشعار وقتها from zero to hero . 

ابتدت بعد كده الشركة فى عام 2015 فى اطلاق الفئات الاكثر مبيعا ال HOT و NOTE  وكانت اكبر نقلة نوعية فى تاريخ الشركة 

وفى عام 2016 كان اطلاق فئة HOT S .

الانطلاق فى مصر فى بداية 2016 كانت احد اسباب قوة براند انفينكس ففى هذه الفترة لم يكن معتادا وجود اجهزة بسعر رخيص نسبيا وبيقدم قيمة حقيقية زي موبايل infinix hot الاصدار الاول والى كان تمنه فى حدود ال 600 جنيه فقط و انفينكس نوت - infinix note 1 والى كان سعره 900 جنيه اما عام 2017 فهو العام الاسعد فى تاريخ شركة infinix - انفينكس والى الشركة وصلت فيها للمركز الثالث فى حصة السوق المصري

اصدارات شركة infinix - انفينكس :

الاصدارات الاهم لشركة انفينكس 

فئة انفينكس هوت - infinix hot :

هى الفئة الاقتصادية واحد اكثر الفئات مبيعا فى شركة انفينكس بيتم التركيز فيها على السعر الاقتصادى وتقديم ميزة مبهرة بالسعر ده تم اصدار 5 هواتف فى هذه الفئة وهم  infinix hot / infinix hot 2 / infinix hot 3 / infinix hot 4 / infinix hot 5 

انفينكس هوت 2 - infinix hot 2 كان اول موبايل بالتعاون مع جوجل فى مشروع android one فى مصر لو عاوز تعرف اكتر عن الموضوع ده اقرا المقال التالى "تعرف يعنى ايه Android One ؟" . وبداية من هوت 2 كنت بتنزل فئة الهوت باكثر من اصدار ببعض الاختلافات فى الامكانيات .. للاسف اسوء ما فى هذه السلسلة هى انها حتى الان وب 5 اصداراتها كانت بنفس العالج mt 6580 ! 

فئة انفينكس نوت - infinix note :

الفئة الاكثر مبيعا والتركيز على الفئة المتوسطة وتم اصدار 4 اصدارات منها كانت البداية ب infinix hot note / infinix note 2 / inifinix note 3 / infinix not4

وكسبيقتها تماما اسوء ما فيها هو اعتمادها على نفس المعالج mt 6753 فى جميع هواتف الفئة !

فئة الزيرو - infinix zero : 

الفئة الاهم فى الشركة وتم اصدار 5 اصدارات والتركيز على الفئة العليا كامكانيات وكانت اصداراتها infinix zero 1 / infinix zero 2 / infinix zero 3 / infinix zero 4 / infinix zero 5

فئة الهوت اس - infinix hot s :

فئة وسطى تركز خاصة على السيلفي والتصميمات الجديدة تم اصدار حتى الان اصدارين وهما infinix hot s / infinix hot s2

ويصدر قريبا infinix hot s3 كاول هاتف ب معالج من شركة qualcomm الامريكية حيث ياتى الجهاز بمعالج snapdragon 430  وتقدر تعرف مواثفاته من خلال اللينك التالى "مواصفات ومميزات وعيوب وسعر انفينكس هوت اس 3 - Infinix Hot S3"

اماكن انتشار شركة انفينكس - infinix :

شركة انفينكس حققت نمو سريع خاصة فى كل من قارتي افريقيا واسيا فى اكتر من دولة وانتشارها بدا بالزيادة الا ان وصلت الا بعض الدول الاوربية الصورة التالية توضح اهم البلدان المتواجدة بها شركة infinix والتى تعدت ال 30 دولة حتى الان .

اماكن انتشار شركة انفينكس - infinix 

من اهم الدول الانتشار خصيصا هى ( نيجيريا - كينيا - المغرب - مصر - السنغال - اندونسيا - ماليزيا - الفلبين - واخيرا الهند حيث ت اطلاق الشركة فى حفل كبير هناك) 

كما ان للشركة بشكل عام كما هو الحال للشركة الام Transsion Holdings بدبى حيث يتم اطلاق العديد من الهواتف بشكل مخصص وعالمي سواء من منتجات شركة انفينكس - infinix او تكنو - tecno من هناك .

شركة انفينكس - infinix فى مصر :

بدات الشركة فى مصر منذ نهاة عام 2015 وبداية 2016 وانتشار الشركة كان مفاجئ للغاية وقد تكون هى الشركة الاسرع نموا فى مصر والتى فتحت الباب لوجود شركات جديدة فى مصر بعد نجاح الشركة الان وصلت الشركة الى ثالث اكثر الشركات مبيعا فى السوق المصرى والاول فى مبيعات ال online .

يمكنك متابعة احصائية انتشار الشركات بالسوق المصري من هنا "شركات الهواتف الاعلى مبيعا فى السوق المصرى ؟! هل يتبع نفس الاحصائيات العالمية ؟!"

التطوير وتوجه شركة infinix - انفينكس فى مصر فى الفترة المقبلة :

فى حوار خاص مع ا/ عبد الله عبد النبي مؤسس الجروب الرسمي للشركة فى مصر و مدير تسويق الشركة .

الشركة بتسعى فى الفترة الجاية لتطوير وجود الشركة فى مصر وبتسعى لكسب ثقة المستهلك المصرى وانها بتاخد الاراء وردود الافعل بحرص شديد .

فى الفترة الاخيرة كانت خدمة ما بعد البيع احد عوائق التى تمنع المستهلك من اختيار الشركة ولكن استجابة الشركة وبالفعل تم الاتفاق مع شركة i2 التى تحظي بثقة كبيرة لدى المصريين وممكن تقرا اكثر عن الموضوع ده من هنا "تعاقد شركة i2 مع شركة infinix - انفينكس لتكون وكيل لخدمات ما بعد البيع"

كمان كان من اهم المشاكل هو الثبات الكبير على معالجات شركة ميدياتك - mediatek بالعكس بل وعدم التنويع فى انواع المعالجات من نفس الشركة فكما نري فى اصدارات الهوت - infinix hot وفئة النوت - infinix note على نفس اصدارات المعالج منذ بدايتهم ! ولكن تم التاكيد على التعاون مع شركة qualcomm واننا سنري اخيرا هواتف لشركة انفينكس بمعالجات snapdragon , اول الهواتف هو الهاتف المقبل انفينكس هوت اس 3 - infinix hot s3 قريبا  .

الشركة بتسعى لزيادة حصتها فى السوق الفترة الجاية .

وكيل شركة انفينكس : 

اتكلمنا بشكل كبير عن خدمات ما البيع فى شركة انفينكس وانه مع زيادة حصة الشركة فى السوق كان بيقابله بعض المشاكل فى خدمات ما بعد البيع بسبب الوكيل carlcare التابع لنفس الشركة الام  Transsion Holdings ولكن جاء القرار الممتاز بالتعاقد مع شركة i2 لتكون هى وكيل خدمات ما بعد البيع .

لو عاوز تعرف عناوين الوكيل اقرا المقال التالى "عناوين توكيل شركة Infinix - انفينكس i2 و carlcare"

كمان لازم تقرا اماكن شراء منتجات انفينكس من هنا "منين تشترى منتجات انفينكس فى مصر - infinix"

وبكده تكون ده مجمل المعلومات عن الشركة الصينية انفينكس - infinix  الى تهم المستخدم 

المراجع 

1 2 3