اكتب اسم الهاتف لتعرف افضل سعر

من هى شركة ILA - ايلا

من هى شركة ILA - ايلا

من هى شركة ILA - ايلا

السوق المصرى للهواتف الذكية اصبح سوق شرس جدا وجذاب لشركات كتير جدا انها تخش السوق المصري وده الى حصل بالفعل مع الشركة الى هنتكلم عنها النهاردة فى مقالنا "من هى شركة ILA - ايلا" هنتكلم عن تاريخ شركة ILA ومستواها العالمى وضمانها فى مصر وغيرها من التفاصيل الى تهم العميل .

شركة ILA - ايلا .. من اين اتى الاسم وما علاقة الاسم بالفلفل فى شعار الاجهزة ؟!

عشان نعرف الاسم جه منين هنضطر نرجع شوية بتاريخ الشركة ... شركة Xiaolajiao هى احدى الشركات الصينية للهواتف المحمولة انشأت عام 2012 تعد الشركة من شركات الصف الثانى فى السوق الصينى للهواتف الذكية ومعنى اسم Xiaolajiao هو الفلفل الصغير ومن هنا جاء شعار الشركة ! .. الشركة ادت بشكل محترم فى السوق الصينى وبتقرب بشكل كبير من العشر شركات الاكثر مبيعا فى الصين لكن انطلاقها للسوق العالمى كان عقبة كبيرة بسبب صعوبة الاسم الصينى لذلك كان الاتفاق على اطلاق براند فرعي تحت اسم ILA - ايلا مخصص للاطلاق فى السوق العالمي.
---*** ملحوظة لازم تقرا مقالنا بخصوص البراندات الفرعية للاجهزة وليه الشركات بتعمل براندات فرعية ليها "لماذا تتجه الشركات لفكرة البراند الفرعى pocophone و realme و honor وغيرهم ؟!" كمان ممكن يهمك المقال ده "امبراطوريات الهواتف - شركات اصلها واحد"***---
تم اطلاق البراند الفرعي عام 2016 وتم اطلاق براند ILA ايلا رسميا فى مصر شهر 11 عام 2018.

دخول شركة شركة ILA - ايلا السوق المصرى والحملة الاعلانية:

زى ما ذكرنا ان شركة ILA - ايلا دخلت السوق المصرى اواخر عام 2018 بالتحديد فى شهر 11 تحت توكيل مبيعات شركة سبيد تك للتجارة ودخلت الشركة بحملة قوية جدا بالنسبة لشركة جديدة فى السوق المصرى والى فى رئيى مناسبة جدا للفئة المستهدفة من قبل الشركة .. الشركة بشكل عام بتركز على الفئة الاقتصادية وده كان اساس الاعلان ورغم ذلك تم تنفيذه بشكل راقي وده بيدل ان فى اتجاه وفهم للسوق المصري من قبل المسؤلين عن شركة ILA - ايلا فى مصر .

فيديو الحملة الاعلانية لشركة ILA - ايلا:


اصدارات شركة ILA - ايلا المتاحة فى مصر :

تم البدا باعلان هاتف ILA X1 والى اهم مواصفاته 
- ذاكرة عشوائية RAM قدرها 3 جيجا بايت 
ذاكرة داخلية 32 جيجا بايت 
كاميرا خلفية مزدوجة 13 ميجا بيكسل 
كاميرا امامية 5 ميجا بيكسل 
مستشعر بصمة
شاشة بالابعاد الجديدة بنوتش (( ممكن تعرف اكتر عن الابعاد الجديدة من خلال المقال التالى "يعنى ايه نسبة عرض 18:9 وايه الفرق بينها وبين 16:9").
تسعير الهاتف لم يعلن بعد 

توكيل شركة ILA - ايلا فى مصر :

توكيل صيانة شركة ILA - ايلا فى مصر هو شركة I2 وهى شركة عاملة فى مصر من فترة طويلة وتعد من افضل شركات الصيانة المتوفرة على الرغم من ان بشكل عام لا يوجد توكيل صيانة فى مصر لاى شركة هواتف يحصل من قبل موقعنا على العلامة الكاملة ولكن على الاقل صقة المصرين فى توكيل I2 كبيرة خاصة مع عمل التوكيل مع شركة NOKIA .. كما حصل ايضا مؤخرا التوكيل على صيانة توكيلات انفينكس - infinix ويمكنك مراجعة المقال التالي "تعاقد شركة i2 مع شركة infinix - انفينكس لتكون وكيل لخدمات ما بعد البيع

الرقم المختصر للاستفسار عن اقرب الفروع هو 19606

فروع توكيل I2 فى مصر : 

فرع i2 وكيل ILA - ايلا فى القاهرة : الفرع الاول 10 عمارات العبور - صلاح سالم
فرع i2 وكيل ILA - ايلا فى القاهرة : الفرع الثانى 78 شارع المنيل - القصر العينى - القاهرة
فرع i2 وكيل ILA - ايلا فى الجيزة: 62 شارع مصدق - الدقى - الجيزة 
فرع i2 وكيل ILA - ايلا  فى الاقصر : شارع التليفزيون بجوار فودافون

من اين تشترى منتجات ILA - ايلا فى مصر:

يمكنك شراء منتجات ILA - ايلا فى مصر من خلال موقع جوميا مصر من خلال اللينك التالى "من هنا"

نصيحة موقعنا بخصوص براند ILA - ايلا :

دايما مش بنشجع الناس انها تشترى الهواتف فى بداية وجود البراند فى مصر خاصة لما يكون براند ليس ذو صيت قوى عالميا ننصح دائما بانتظار تجارب المستخدمين او على الاقل المراجعات الخاصو بالهواتف ... نقطة القوة المنتظرة من براند ILA - ايلا فى مصر هى التسعير فى حال فقدها فلا مجال للمنافسة وسط عمالقة السوق المصري ولكن سؤالنا لك هل تتوقع نجاح براند ILA - ايلا فى مصر ؟!

مصادر: 1

لماذا تتجه الشركات لفكرة البراند الفرعى pocophone و realme و honor وغيرهم ؟!

لماذا تتجه الشركات لفكرة البراند الفرعى  pocophone و realme و honor وغيرهم ؟!




العديد من شركات الهواتف العالمية تتجه الى انشاء براند فرعى بخط انتاج اخر لهواتفها ويتم الامر بتسعير هواتفها باسعار اقل من نظيرتها فى الشركة الام !! اول من بدا الفكرة فى الغالب هى شركة Huawei عندما قامت بانشاء براند فرعى بسم Honor ثم اتبعها العديد من الشركات الاخرى .. اذا "لماذا تتجه الشركات لفكرة البراند الفرعى  pocophone و realme و honor وغيرهم ؟!" 

نبدا بمقالنا بسؤال : ما هو البراند الفرعي ؟!

البراند الفرعى هو براند لاحد شركات الهواتف يكون تابع لنفس الشركة الام ولكن باهداف واسعار مختلفة كما يتجه الى سوق الهواتف الذكية بشكل مختلف ويزاحم فى السوق مع الشركة الاصلية .. احيانا تكون الشركة الام نفسها مؤسسة وهذا ما تكلمنا عنه فى المقال التالى "امبراطوريات الهواتف - شركات اصلها واحد"

من هى الشركات التى قامت بانشاء براند فرعى ؟!

دعنا ننظر للسوق المحلى بشكل خاص فى مصر والشركات المتواجدة بالفعل سنجد Huawei متواجدة والبراند الفرعي الخاص بها هو شركة Honor وستجد ايضا شركة Xiaomi والبراند الفرعى الخاص بها pocophone واول اصدار له هو pocophone f1 و شركة OPPO والتى اعلنت مؤخرا عن وجود البراند الفرعى الخاص بها realme فى مصر خلال الايام القليلة القادمة .

لماذا تقوم الشركات بانشاء براند فرعى خاص بها ؟!


هناك عدة اسباب وتختلف من شركة لاخرى حسب سياساتها الداخلية والخارجية والتسويقية ونظرتها لسوق الهواتف منها:


  • معظم الاسباب خاصة مع الشركات ذات الصيت العالى ويمكننا ان نقول ان الثلاث شركات المتواجدة فى قائمتنا اليوم وهما OPPO و Xiaomi و Huawei اصبح لهم صيت كبير ومراكز متقدمة فى المبيعات فى السوق العالمى مما يجعل جزء من سياستهم التسعيرية ((اسم البراند)) كمكون اساسى فى التسعير فوجود براند فرعي يعفى الحرج الخاص بجزء التسعير مما يتيح لهم تقديم هواتف باسعار اقل ومميزات مشابهة .
  • وجود العديد من الشركات المتواجدة فى السوق خاصة المنشأة حديثا من فترات قريبة او ما يسمى بشركات الصف الثانى والثالث والتى تركز مبيعتها بشكل اخص على online stores مما يعفى هذه الشركات من العديد من المصاريف مثل مصاريف التوزيع والتى تقلل بشكل ايضا فى الخامات الخاصة باجهزتها وتنافس بشكل خاص على هواتف الافئة الاقتصادية والمتوسطة مما يجعل بعض اصدارت هواتف الشركات الام على المحك بسبب وجود هواتف باسعار اقل بنفس العتاد . 
  • بناء على النقطة السابقة يتيح وجود براند فرعى نزول هواتف بخامات اقل جودة باسعار منافسة لشركات الصف الثانى والاول مع تفادى الاقاويل عن سوء خامات او غيره من المشاكل البسيطة التى قد تنتج نتيجة توفير اسعار بعض المكونات او ربط هذه المشاكل باسم الشركة الام نفسه .
  • احيانا قد لا يكون الاسم مناسب للانتشار العالمي على سبيل المثال الشركة المنطلقة حديثا فى مصر ILA - ايلا والى الشركة الام بالنسبة ليها هى شركة اسمها Xiaolajiao ولان الاسم كان صعب يطلعوا بيه من السوق الصينى لجأو لاسم ILA - ايلا لو عاوز تعرف اكتر عن شركة ILA شوف المقال ده "من هى شركة ILA - ايلا"

حتى بعد هذه الاسباب قد يردك سؤال لماذ ايضا لا تقدم هذه الهواتف تحت اسم نفس الشركة ؟!

لك ان تتخيل ان شركة مثل OPPO او Xiaomi او Huawei يقدمون هاتفين تقريبا بنفس المواصفات احدهما بسعر اقل حتى مع معرفتك باستراتيجية التوفير فى المكونات المستخدمة على سبيل المثال هاتف مثل xiaomi mi 8 و pocophone f1 تقريبا هناك تشابه كبير فى العتاد الداخلى اذا ما استبعدنا بعض المكونات الخفيفة التى قد يكون التوفير بها مثل الشاشة او التصميم الخارجى على سبيل المثال لو كان هذين الجهازين تحت اسم xiaomi فللمستخدم سيكون هناك جهازين بنفس المواصفات من نفس الشركة احدهما ارخص بمبلغ وقدره 3 الاف جنيه اذا سوف اشترى الارخص بدون جدال بجانب انه سيؤثر على سوق الفئة المتوسطة لنفس الشركة.. اما فى حال وجوده تحت مسمى بوكوفون - pocophone سيكون هناك تردد لدى المستخدم اذا انا لست تحت شعار الشركة ((البراند)) وسيكون هناك 3 انواع من المستخدمين احدهما من يمتلك المال الكافى .. بدون شك سيكون خياره xiaomi mi 8 واحدهما من لا يمتلك المال الكافى سيكون فرصته التى سيكون سعيد بها هو pocophone هاتف بنفس مواصفات الاغلى وتحت مظلة نفس الشركة ولاخر هو من لا يمتلك المال ولكن يتردد من الاسم اذا قد يكون خياره هو هاتف الفئة المتوسطة من شركة xiaomi مثل xiaomi note 5 اذا شاومي اكتسبت جزء من المستخدمين الذين كانو يتجهون خارج اختيارات البراند ... ولم تخسر عملائها الاساسيين .

اين ذهبت ميزة cast فى هواتف شاومى - xiaomi بعد تحديث MIUI 10

اين ذهبت ميزة cast فى هواتف شاومى - xiaomi بعد تحديث MIUI 10


ميزة العرض المباشر على اجهزة التلفاز او على شاشات العرض او اجهزة مثل chromecast هى ميزة اكتر من هامة لدى المستخدمين تتوافر الخدمة فى اجهزة شاومي بشكل عام فى الغالب من خلال القائمة العلوية ثم الضغط على cast وينقلك مباشرة لاختيار الجهاز المراد توصيله لكن فوجأ المستخدمين بعدم توفر الميزة فى التحديث الجديد بشكل مباشر فى واجهة مستخدم MIUI 10 وهنا سوف نشرح لك كيف يمكنك تشغيل الميزة مرة اخرى من خلال مقالنا "اين ذهبت ميزة cast فى هواتف شاومى - xiaomi بعد تحديث MIUI 10"


اين ذهبت ميزة cast فى هواتف شاومى - xiaomi بعد تحديث MIUI 10

اين ذهبت ميزة cast فى هواتف شاومى - xiaomi بعد تحديث MIUI 10 ؟!

ببياطة قامت شاومي بنقل تلك الخاصية من القائمة المختصرة بشريط الاشعارات وتم اضافاتها داخل قائمة الاعدادات ويمكنك الموصول اليها من خلال اتباع الاتى .
1- فى حال كان جهازك باللغة العربية 
الاعدادات >> الشبكات >> المزيد >> العرض اللاسلكى
2- فى حال كان جهازك باللغة الانجليزية 
setting >> wireless and networks >> more >>  wireless display

ما هى هذه خاصية ال  cast او ال wireless display فى هواتف شاومي  ؟!

هى الخاصية المسؤلة عن الاتصال باجهزة ال smart tv مباشرة لاسلكيا وعرض محتويات الهاتف من خلال التليفزيون سواء مباشرة او من خلال جهاز وسيط زي cheomecast او الجهاز الى اتكلمنا عنه وتقدر تشوف مقالة لشرحه من هنا
كمان الخاصية ده مش قاصرة على هواتف شاومي فقط .. الخاصية متواجدة من خلال العديد من الاجهزة تحت مسميات مختلفة .

ازمة huawei مصر فى تزييف صور هاتفها nova 3i مع سارة الشامى

ازمة huawei مصر فى تزييف صور هاتفها nova 3i مع سارة الشامى

وقعت شركة هواوى - HUAWEI فى مصر فى ازمة عالمية فى الفترة الاخيرة بسبب احدى حملاتها الاعلانية عن هاتفها الجديد فى السوق المصرى nova 3i .. ومن هنا نقدم لكم من خلال موقعكم المفضل كامل التفاصيل الخاصة بالازمة فى هذا المقال " ازمة huawei مصر فى تزييف صور هاتفها nova 3i مع سارة الشامى "
ازمة huawei مصر فى تزييف صور هاتفها مع سارة الشامى

حملة nova 3i الاعلانية :

من فترة ليست بالبعيدة خلال شهر اغسطس لعام 2018 اطلقت شركة huawei هاتفها الجديد nova 3i فى السوق المصرى وصاحب ذلك الاطلاق حملة دعائية بسمى " سيلفى النجوم " وتم استخدام الممثلة سارة الشامى كالوجه الاعلانى لهذه الحملة ولاقت الحملة اقبال شديد. 
ويمكنك مشاهدة فيديو الحملة من هنا 

بداية ازمة  huawei مصر مع سارة الشامى :

بعد نزول فيديو الحملة الاعلانية بيوم فط قامت الممصلة الشابة المشاركة بالاعلان سارة الشامى بنشر صورة على منصة instagram فخورة بالمشاركة فى العمل ولكن !! يظهر فى الصورة توير مشهد التقاط السيلفى بكاميرا احترافية DSLR وليست كاميرا هاتف nova 3i كما يوجه الاعلان .

نشر صورة السيلفى لسارة الشامى

تصاعد ازمة huawei مصر :

حالة من الدهشة سيطرت على الجميع وتوالى الهجوم على شركة huawei مصر بسبب خداعها للمستهلك فى ازمة لم تكن تحدث لولا تصرف قد يوصف بالغباء للممصلة لشابة سارة الشامى .
وسرعان ما وصل الامر الى الخارج والى اشهر المراجعين والمواقع الاخبارية التقنية بخداع شركة huawei مصر للمستهلكين المصريين من خلال نشر الفيديو الدعائى .

رئينا فى الازمة :

انظر مرة اخرى الى صورة السيلفى المتقطة من خلال الفيديو الدعائى .. بعدما تنظر الى كم التفاصيل وبدون التسريب الذى حدث خطا او عمدا من الممثلة هل من الممكن ان تتوقع للحظة ان لصوة ملتقطة من قبل هاتف ؟! بالطبع لا .
اسلوب التسويق خاطئ ((ولكن)) هذا الاسلوب من التسويق من الواضح والجلى نجاحه الشاسع فى مصر فى حملات لشركات سابقة بنفس الطريقة وخاصة الهواتف التى تركز بشكل اساسى فى نقطة تسويقها على الكاميرا سواء الخلفية او الامامية ((السيلفى)) منها على سبيل المثال لا الحصر tecno camon c , mi a1 , oppo f5 . 
الطبيعة الثقافية المشكلة فى مصر قد تتجه احيانا الى تصديق الاعلانات بشكل فعلى وليست فقط على انها وسيلة دعائية للهاتف ولذلك كان هناك نوع من الجدل .
ليس دفاعا عن الشركة او الاسلوب الدعائى فهو بلا جدال اسلوب خاطئ ولكن بنظرة ترويجية هو اسلوب ناجح وملائم لطبيعة الثقافة المحلية التقنية والتى فى الحقيقة تحتاج الى تطوير كبير واهتمام اكبر.
الضجة الاعلامية ظهرت من العدم ففى حالة عدم ظهور السورة المسربة بالخطأ من سارة الشامى لم يكن هناك جدل من الاساس وكان سيمر الامر مرور الكرام رغم معرفة كل المختصين او المتابعين باستحالة التقاط كاميرا الهاتف لهذا الكم من التفاصيل فى الاضائة الضعيفة .
وننصح دائما بعدم تصديق اى حملات ترويجية للهاتف ونشجع على ضرورة استعمال وتجربة الهاتف بنفسك قبل الشراء من خلال النمازج فى المحلات او مشاهدة المراجعات الموثوق بها للهاتف .

ظروف واسئلة حول ازمة huawei مصر :

هواوى - huawei مصر صعدت للمركز الاول فى حجم المبيعات المحلى خلال الربع الثالث وتخطت للمرة الاولى شركة سامسونج العملاقة .
فهل يكون لهذا التاثر العالمى تاثير ولو بسيط على مركز شركة huawei فى مصر او عالميا وهل سوف تتاثر مبيعات الهاتف محل الجدل هذا ما سنعرفه خلال الايام القادمة ونتمنى مشاركتكم ارائكم فى هذا الامر .

استرجاع الملفات المحذوفة على هاتفك عن طريق EaseUS MobiSaver

استرجاع الملفات المحذوفة على هاتفك عن طريق EaseUS MobiSaver

استرجاع الملفات المحذوفة على هاتفك عن طريق EaseUS MobiSaver
عن طريق الخطا احيانا بيتم حذف بعض الملفات الى ممكن بشكل كبير .. اذاى تقدر ترجع الملفات المحذوفة من خلال هاتفك الذكى بنظام الاندرويد - Android سواء كانت الملفات ده فى صورة جهات الاتصال او الاسماء او الصور والفيديويهات او الملفات المكتوبة او الرسائل ده الى هنعرفه فى مراجعتنا لبرنامج EaseUS MobiSaver فى مقالنا النهاردة "استرجاع الملفات المحذوفة على هاتفك عن طريق EaseUS MobiSaver".

انواع الملفات التى يدعم استرجاعها عن طريق EaseUS MobiSaver :

يتم استرجاع الاسماء وجهات الاتصال الخاصة بالهاتف ومقاطع الفيديو والصور والرسائل والملفات المكتوبة الورد والباور بوينت وغيرها العديد من الملفات .

هل يسترجع البرنامج الملفات بعد ال format او ال factory reset ؟! 

من الممكن استرجاع بعض الملفات بعد عمل ال format او ال factory reset من خلال هاتفك ولكن الفرص لن تكون هى الامثل بكل تاكيد ولكن يظل فرص استرجاع الصور والملفات المكتوبة وجهات الاتصال والرسائل اكبر نسبيا بشكل كبير من مقاطع الفيديو ويعمل الجهاز بشكل امثل فى حال كانت الملفات محذوفة بدون format او factory reset.

متطلبات عمل برنامج EaseUS MobiSaver : 

  • نسخة البرنامج الحالية هى نسخة مكتبية لجهاز اللاب توب او الكمبيتر ال pc الخاص بك تعمل على نظام ويندوز windows ويتوافق مع جميع نسخ ال windows بداية من xp الى windows vista و windows 7 و windows 8 و windows 8.1 و windows 10.
  • يحتاج توصيل الهاتف ب جهازك المكتبى او اللاب توب من خلال كابل عالى الجودة . 
  • يجب ان يكون الهاتف به root .
  • يتوافق البرنامج مع جميع نسخ الاندرويد - Android بدئا من 2.3 

ما هو ال root :

 بشكل مبسط للغاية ال root هو صلاحية التحكم بالهاتف بشكل كامل ومن خلاله بيتم اعطاء بعض الصلاحيات الاضافية لبعض من البرامج الخاصة ومنها هذا البرنامج حتى يقوم باسترجاع الملفات بشكل اكثر دقة هنتكلم اكتر عن مميزات واضرار ال root فى مقال اخر قريبا . وهى عملية بسيطة بشكل عام يمكن القيام بها من خلال ضغطة زر واحدة كما يمكنك حذفها ايضا ومن اشهر البرامج التى تقدم صلاحيات ال root لجهازك هو برنامج kingo root .

خطوات استرجع الملفات عن طريق برنامج EaseUS MobiSaver :


  1. عند فتح البرنامج يطلب منك توصيل الهاتف عن طريق الكابل فى وضع ال MTP
    فتح البرنامج
  2. يطلب منك البرنامج السماح عن طريق الرسائل التى تظهر على هاتفك لمنحه صلاحية ال superuser.
    يطلب الصلاحيات اللازمة
  3. يبدا البحث التلقائى عن  الملفات ويبدا فى عملية الاسترجاع
اتمام عملية استرجاع الملفات

ملخص تجربتى لبرنامج EaseUS MobiSaver : 

سهولة الاستخدام : بالنسبالى كانت واجهة المستخدم بسيطة وسهلة للمستخدم بشكل كبير مفيهاش تعقيدات والخطوات المطلوبة واضحة وبسيطة.
الجودة : البرنامج استرجع كثير من البيانات الهامة خلال التجربة خاصة الاساماء والملفات الكتابية والصور بنسبة نجاح عالية.

تحميل برنامج  EaseUS MobiSaver النسخة التجريبية :


شركة EaseUS:

شركة EaseUS هى شركة انشأت عام 2004 تهتم ببرامج الحماية وتكنولوجيا المعلومات تتعامل مع قاعدة جماهيرية قدرها 200 مليون عميل حول العالم فى اكتر من 160 دولة وقدمت خلال تاريخها العديد من البرامج الهامة فى استعادة الملفات لكل الانظمة سواء الويندوز - windows او الاندرويد - Android او ال ماك - mac او ال ios وخدمات النسخ الاحتياطى وحماية المعلومات وادارة اجهزة التخزين .
 فى احتفاليتها السنوية حاليا شركة EaseUS عاملة مسابقات وتخفيضات وجوائز تصل الى هواتف ايفون وغيرها من الجوائز القيمة اعرف اكتر عنها من هنا .

الخلاصة : المقارنة الكاملة y5 prime 2018 vs Redmi Note 5A vs Grand Prime Pro 2018 تحت سعر ال 2000 جنيه

الخلاصة : المقارنة الكاملة y5 prime 2018 vs  Redmi Note 5A vs  Grand Prime Pro 2018

الخلاصة : المقارنة الكاملة y5 prime 2018 vs  Redmi Note 5A vs  Grand Prime Pro 2018
الفئة الاقتصادية فى مصر واحدة من اكثر فئات الهواتف مبيعا لكن ايه هو معيار اختيارك لافضل الهواتف فى الفئة ده على الرغم من وجود العديد من الاجهزة من الفئة الالعى بتخفيض الاسعار بشكل عروض مؤقتة الا ان ال 3 اجهزة دول يمكن من الافضل فى الفئة السعرية ده بسعر ثابت عشان كده هنشوف مقارنة ما بين  y5 prime 2018 vs  Redmi Note 5A vs  Grand Prime Pro 2018 .

الشاشة y5 prime 2018 vs  Redmi Note 5A vs  Grand Prime Pro 2018 :

y5 prime 2018 : الترشيح هيكون للجهاز ده بسبب جودة الشاشة المقبولة فى السعر 1440*720 بجودة HD+ بالابعاد الجديدة 18:9 وجزئية الابعاد الجديدة من العوامل الهامة الى بترجح كفة الجهاز .
Redmi Note 5A : جودة شاشة مقبولة فى المجمل HD 1280*720
Grand Prime Pro 2018 : جودة اقل من الجهازين السابقين 960*540 ولكن الشاشة هنا من نوع Super AMOLED والى معروفة بتميزها فى تشبع الالوان بشكل خاص لكن فكرة الجودة الاقل فى السعر ده مزعجة وكثافة البيكسلات اقل من الاجهزة السابقة.

التصميم :

التصميم فى كل الاحوال هو خيار اساسي للمستخدم ولكن هيكون فى ترشيح ل y5 prime 2018 بسبب الابعاد الجديدة للشاشة والى هى يمكن التوجه لجميع الشركات فى الوقت الحال وهتستمر لفترة طويلة ويمكن الجهاز من اقل الاجهزة فى فئته السعرية المتوفر بها الابعاد الجديدة .

الذاكرة وال RAM :

y5 prime 2018 : ذاكرة 16 جيجا بايت متوفر منها فى حدود ال 10 جيجا للمستخدم + 2 جيجا رام.
Redmi Note 5A : ذاكرة 16 جيجا بايت متوفر منها فى حدود ال 10 جيجا للمستخدم + 2 جيجا رام.
Grand Prime Pro 2018 : ذاكرة 16 جيجا بايت متوفر منها فى حدود ال 10 جيجا للمستخدم + 1.5 جيجا رام. ((الاقل))

الاداء : 

خلينا نكون متفقين ان الاجهزة الاقتصادية مهمتها الاساسية توفير اداء مناسب للاستخدامات الاساسية البسيطة و الالعاب الخفيفة لكن مش هتديلك الاداء الجبار فمش هيكون فى تمييز لجهاز على اخر وان كان فى رئيى فى تفوق نسبي بسيط ل Redmi Note 5A .

الكاميرا الخلفية : 

الفئة السعرية فى النقطة ده حاكمة بشكل كبير مفيش جهاز بيدى كاميرا قوية فى السعر ده لكن الاجهزة ال 3 بيدوك اداء مقبول فى الفئة السعرية ومن تجربتى ل y5 prime 2018 يمكن يكون ليه افضلية نسبية يمكن تشبع الالوان الاكثر ن اللازم احيانا فى الصور الخاصة بالكاميرا الخلفية بيعطى شكل نوعا ما جذاب اكثر للصورة رغم ضعف التفاصيل الى اتكلمنا عليه فى الاساس والى مناسب للسعر ده .

الكاميرا الامامية :

نفس الكلام السابق ينطبق على الكاميرا الامامية لكن هيكون فى افضلية لكل من y5 prime 2018 و Grand Prime Pro 2018 نظرا لتوفر فلاش امامى فى الجهازين .

البطارية :

البطارية هيكون فيها افضلية لكل من  y5 prime 2018 و  Redmi Note 5A

الاضافات :

y5 prime 2018 : اضافات بسيطة متواجد لمبة اشعارات و otg ومجموعة المستشعرات الاساسية فقط .
Redmi Note 5A : الجهاز الافضل من حيث الاضافات سواء من خلال واجهة المستخدم او المستشعرات الاضافية .
Grand Prime Pro 2018 : اقل جهاز من حيث المستشعرات حيث يفتقد مستشعر الاضائة وهو مستشعر اساسي .

البراند  - brand :

مش من المقبول بالنسبالى ان يكون قوة البراند او شهرته فى سوق معين من ضمن خيارات الاختيار لكن لان كتير من الناس فى مصر بتتجه لده فالافضل من حيث الشعبية هو جهاز y5 prime 2018 من huawei و Grand Prime Pro 2018 من samsung .

الخلاصة : المقارنة الكاملة y5 prime 2018 vs  Redmi Note 5A vs  Grand Prime Pro 2018

المقارنة المصورة y5 prime 2018 vs  Redmi Note 5A vs  Grand Prime Pro 2018 :





المقارنة الكاملة بين Huawei Y5 Prime 2018 vs Samsung Galaxy J4 المتقاربين فى المواصفات

المقارنة الكاملة بين  Huawei Y5 Prime 2018 vs Samsung Galaxy J4

المقارنة الكاملة بين  Huawei Y5 Prime 2018 vs Samsung Galaxy J4
اثنين من احدث اصدارات الشركتين فى السوق المصري وعلى الرغم من التقارب فى المواصفات العامة للجهازين الا ان كل منهما فى فئة سعرية مختلفة فهاتف huawei y5 prime 2018 فى فئة اقل من 2000 جنيه و samsung galaxy j4 فى سعر 3000 جنيه ومن خلالنا هتلاقى المقارنة الكاملة المقالية للجهازين وتقدر تشوف المقارنة المصورة فى نهاية المقال .

الشاشة y5 prime 2018 vs galaxy j4:

  1. جهاز huawei y5 prime 2018 بييجى بشاشة 5.45 بوصة 1440*720 بدقة HD+ بالابعاد الجديدة 18:9 
  2. جهاز samsung galaxy j4 بشاشة 5.5 بوصة 1280*720 بدقة HD من نوع Super AMOLED 

فى كل الاحوال الشاشة كفتها لازم تكون فى اتجاه جهاز samsung galaxy j4 من نوع Super AMOLED الفارق كان واضح بشكل كبير فى تشبع الالوان فى الشاشة الاكثر من ممتاز .
فارق الشاشة  Huawei Y5 Prime 2018 vs Samsung Galaxy J4

التصميم :

بسبب الابعاد الجديدة 18:9 والى هى التوجه العالمى الجديد فى ابعادد الشاشات من جميع الشركات ويمكن الجهاز هنا من ارخص الاجهزة الاقتصادية بالابعاد الجديدة فهيكون التصميم فى صالح huawei y5 prime 2018 بشكل كبير عن الشكل التقليدى والتصميم المعتاد فى galaxy j4 .

الذاكرة وال RAM :

كلا من GALAXY J4 و HUAWEI Y5 PRIME 2018 بييجو بذاكرة داخلية 16 جيجا بايت متاح منها للمستخد حوالى ال 10 جيجا بايت . وكلا من الجهازين بييجى ب 2 جيجا بايت رام .

الاداء :

كلا من الجهازين المعالجات فيهم اقتصادية وادئها متقارب بشكل عم والهدف الاساسي ليهم توفير تجربة جيدة للاستخدامات الاساسية والالعاب والتطبيقات البسيطة مش اكتر فبالتالى الاداء مش هيكون نقطة قوة سواء ل Y5 PRIME 2018 او GALAXY J4 .

واجهة المستخدم :

الحقيقة من خلال تجربتى لكل من الجهازين اتوجه بشكل كبير ل samsung galaxy j4 من حيث الااء الفعلى وحركات التنقل وسلاسة التنقل فى النظام كان فى فارق لصالحه .

النظام الصوتى :

النقطة ده هتكون بشكل مباشر لاختيار المستخدم ففى جهاز y5 prime 2018 سماعة الجهاز هى نفسها سماعة المكالمات الصوت فيها مش قوى الحقيقة ولا مجسم ولكن مكان السماعة هو نقطة تميز بحيث انها بتكون موجهة بشكل مباشر للمستخدم نفسه اما فى جهاز سامسونج galaxy j4 الصوت فيه افضل نسبيا من حيث الجودة لكن مكان السماعة الخارجية بيكون معرض الجهاز للكتمان .

الكاميرا :

من خلال التجربة الفعلية للجهازين فهم قريبين جدا من حيث الصور ولكن هيكون فى تفضيل لصالح galaxy j4  لسرعة التركيز بعكس y5 prime 2018 الى التركيز من خلاله بياخد فترة اطول نسبيا.
الكاميرا الامامية فى الجهازين 5 ميجا بيكسل مزودة بفلاش امامى لكن التوجه ايضا هيكون ل galaxy j4 لقوة الفلاش الامامى وجودة الكاميرا الامامية بشكل عام .

البطارية :

الجهازين متقاربين جدا فى اداء البطارية فمفيش تواجد لافضلية لجهاز على الاخر فى النقطة ده على الرغم من ان شوية جهاز galaxy j4 بياخد وقت اكبر نسبيا فى الشحن عن y5 prime 2018 .

الاضافات :

الجهازين بيكتفوا باضافات بسيطة ومجموعة المستشعرات الاساسية فقط والجهازين بيدعمو ال OTG لكن التفوق ل y5 prime 2018 لان ال samsung galaxy j4 يفتقد لكلا من مستشعر الاضائة ولمبة الاشعارات .

التسعير واماكن الشراء : 


  1. huawei y5 prime 2018 ياتى بسعر 2000 جنيه وممكن تشتريه من هنا
  2. samsung galaxy j4 سعره بيتراوح من 2700 ل 3000 جنيه وممكن تشتريه من هنا او من هنا



الخلاصة  Huawei Y5 Prime 2018 vs Samsung Galaxy J4

المقارنة المصورة ل Huawei Y5 Prime 2018 vs Samsung Galaxy J4 : 


مقالات تهمك :

مراجعة Huawei y5 prime 2018 واهم المواصفات والمميزات والعيوب والسعر
يعنى ايه نسبة عرض 18:9 وايه الفرق بينها وبين 16:9
يعنى ايه OTG ببساطة

مراجعة Huawei y5 prime 2018 واهم المواصفات والمميزات والعيوب والسعر

مراجعة Huawei y5 prime 2018 واهم المواصفات والمميزات والعيوب والسعر

مراجعة Huawei y5 prime 2018 واهم المواصفات والمميزات والعيوب والسعر

شركة هواوي- huawei قامت باطلاق هاتف huawei y5 prime 2018 كارخص هاتف بالابعاد الجديدة ب 2 جيجا رام فى السوق المصرى فهل يستحق الشراء او لا وايه هى ابرز المواصفات والمميزات والعيوب واماكن شراء الجهاز كل ده هنعرفه فى مقالنا "مراجعة Huawei y5 prime 2018 واهم المواصفات والمميزات والعيوب والسعر"

مواصفات Huawei y5 prime 2018 :

  1. الجهاز بييجى بشاشة 5.45 بوصة 1440*720 بالابعاد الجديدة 18:9 HD+ 
  2. الجهاز بييجى بمعالج MT 7639 مع معالج رسومي PowerVR GE8100
  3. y5 prime 2018 بييجى ب 2 جيجا بايت ذاكرة عشوائية - RAM و 16 جيجا ذاكرة داخلية - ROM
  4. كاميرا خلفية 13 ميجا بيكسل مع فلاش وامامية 5 ميجا بيكسل مع فلاش مكون من 6 درجات
  5. يدعم خدمات الجيل الرابع
  6. بطارية 3020 ملى امبير 

بين وبين فى Huawei y5 prime 2018 :

فى بعض النقط هتذكر بين مميزات وعيوب فى الغالب هتبقى سلاح ذو حدين او لها جانب من الافضلية مع جانب اخر سلبي ابرزها هيكون الاتى :
  1. السماعة : السماعة ادائها مش قوى او ضعيف فى المجمل متوسطة السماعة الخارجية هى نفسها سماعة المكالمات والجانب السلبي على الرغم من ادائها فى المجمل متوسط الا ان الجودة مش هى الافضل اما الجانب الايجابى فانها مواجهة مباشرة للمستخدم فى حال الالعاب او الفيديوهات فمع تجربة المشاهدة بتدى احساس افضل بشكل نسبى كمان مش هتتكتم فى حال وضعها على سطح مستوي .
    سماعة HUAWEI Y5 PRIME 2018
  2. الكاميرا الخلفية : بدقة 13 ميجا بيكسل وفلاش قوي هيكون عندنا جانبين اولهم الجانب الايجابى وهو تشبع الالوان الجيد جدا والى لاول مرة بعد الصورة هيكون انطباعك عنها ان الصوورة ممتازة وده ينفع اكتر مع تصوير الاشخاص والاماكن العامة والمظاهر الطبيعية اما الجانب السلبى ان التفاصيل بتكون اقل من المتوقع والتركيز بياخد وقت وممكن تضطر تعيد الصورة اكتر من مرة خاصة فى المستندات وفى المجمل فى الفئة ده صعب الحصول على جودة مبهرة . 
  3. الاداء : الجانب الايجابي انه اكتر من مناسب فى فئته السعرية للاستخدامات الاساسية والالعاب البسيطة وتطبيقات ال social media الجانب السلبى ان قد يكون فى خيارات افضل نسبيا فى الفئة السعرية بسبب حرق الاسعار فى السوق المصري لعدد من االجهزة القديمة.

مميزات huawei y5 prime 2018 :

  1. شاشة بالابعاد الجديدة 18:9 لاول مرة من براند كبير فى الفئة السعرية 2000 جنيه مع 2 جيجا رام والشاشة يمكن هى الحاجة الى الشركة ركزت عليها بشكل كبير من خلال تجربتى للشاشة كانت اكتر من ممتازة الوانها رائعة وزوايا الرؤية ممتازة والسطوع جيد وتجربة المشاهدة عليها مناسبة جدا .. فكرة ان الجودة مش full hd+ غير مؤثرة اطلاقا لسببين الاول هو الفئة السعرية للهاتف والاخر ان الشاة 5.45 بوصة وكثافة البيكسلات فيها معقولة للغاية ومش هتحس بمشاكل فى الرؤية.
  2. بطارية فى مجملها جيدة جدا. 
  3. براند ذو شعبية فى السوق .
  4. التوازن : الجهاز متوازن بشكل كبير فى سعره مفيهوش تنازلات صارخة فى جزء من الاجزاء على حساب الاخر .
  5. سماحية وجود شريحتين اتصال + كارت ذاكرة

عيوب huawei y5 prime 2018 :

  1. الجهاز بييجى بمجموعة المستشعرات الاساسية فقط بدون اضافات مش ده العيب فى حد ذاته بقدر كونه نقص امام المنافسين.
  2. الجهاز بييجى بدون مستشعر البصمة الى موجود فى اكتر من جهاز فى الفئة ده ولكن الشركة بتوعد باحتمالية بوجود خاصية face unlock خلال الفترة الى جاية .

اماكن شراء جهاز Huawei y5 prime 2018 :

تقدر تشترى الجهاز من خلال سوق . كوم - souq "من هنا"
تقدر تشترى الجهاز من خلال جوميا - jumia "من هنا"

المراجعة المصورة لجهاز  Huawei y5 prime 2018 :

شاهد ايضا:

شركتي لينوفو - lenovo و موتو - moto يتركو سوق الهواتف المصري

شركتي لينوفو - lenovo و موتو - moto يتركو سوق الهواتف المصري

شركتي لينوفو - lenovo و موتو - moto يتركو سوق الهواتف المصري

سوق الهواتف فى مصر اصبح سوق صعب للغاية على الشركات بسبب المنافسة الشديدة مع تواجد العديد من الشركات المنافسة فى فئتها السعرية ممى تسبب فى خروج شركتي لينوفو - lenovo و موتو - moto فى الغالب حديثا بعد ترك Asus فى العام الماضى ما هى الاسباب والظروف المؤكدة ؟! .. تابعنا فى المقال التالي "شركتي لينوفو - lenovo و موتو - moto يتركو سوق الهواتف المصري"

شواهد ترك السوق المصري لشركتي لينوفو- lenovo و موتو - moto او موتورولا :

  1. توقفت جيع الحملات الاعلانية فى الميادين التى انطلقت قبل حوالى ال 6 شهور .
  2. صفحة moto - موتو الرسمية اوقفت التحديث الحالات الجديد منذ شهر فبراير 2018 .
  3. صفحة لينوفو الرسمية توقفت عن طرح مستجدات الهواتف الذكية .
  4. فشل lenovo k8 فى تحقيق المبيعات المطلوبة بعد وجود عيوب قاتلة فى الجهاز امام المنافسين لم يكن له فرصة .
  5. خلال الاسابيع السابقة وعروض سوق.كوم - souq خاصة تم حرق اسعار جميع اجهزة الشركة فكان جهاز moto g5 وصل ل 1777 جنيه فقط !

اسباب ترك شركتي لينوفو - lenovo و moto - موتو فى السوق المصري :

فالحقيقة يوجد كثير من الاسباب اهمها صعوبة المنافسة فى السوق والشراسة من قبل الشركات الجديدة فى السوق .. فلا ننسي لعملاق الصيني - xiaomi - شاومي التى كانت من اول الشركات التى حققت الاسعار العالمية العادلة فى السوق المصرى مما اجبر الشركات الاخرى على تخفيض الاسعار للقدرة على المنافسة وحرق الاسعار وهم ما لم يحدث من قبل .
السوق المصري بعد المنافسة اصبح من اصعب الاسواق فى المنافسة لارضاء العميل .

هل يوجد شركات جديدة تلحق بالشركتين فى الخروج من السوق المصرى ؟!

بنسبة كبيرة هناك شركات قد تلحق بهم ولكن للتنويه اولا شركة موتو - moto ولينوفو lenovo هم وجهان لعملة واحدة ف لينوفو lenovo هى التى استحوذت على شركة moto واطلقت جميع اقسام الهواتف الذكية تحت شعار موتو - moto طالع تفاصيل اكتر فى المقالات المتعلقة 
السوق المصرى شهد خروج شركات من قبل مثل Asus - اسوس وجيونى - Gionee ومن الشركات التى لا تبشر باستمرار منافستها فى السوق المصرى هم شركتي Sony - سونى و HTC  - اتش تى سي وايضا الاداء المتواضع من بعض الشركات حديثة العهد مثل soda - سودا .

مقالات متعلقة :

افضل موقع للكوبونات والخصومات والعروض فى مصر - موقع كوبونات مصر


افضل موقع للكوبونات والخصومات والعروض فى مصر - موقع كوبونات مصر

كوبونات مصر
انطلق فى الاول من رمضان فى شهر 5 عام 2018 اول موقع عربس مصري للكوبونات باسم موقع كوبونات مصر فهيا با نتعرف على الموقع واهم ما يميزه !

كيف نحصل على عروض مميزة ؟!

كتير نسال مفسنا السؤال ده ازاى نعرف العروض المتوفرة فى السوق وكوبونات الخصم بحيث اننا نوفر باكبر قدر ممكن الاجابة هى انك تتابع كل متجر على حدي من هنا بنوفرلكم الموقع الى حل المشكلة ده بخاصة فى السوق المصري بشكل احترافى ومهمته الاساسية هي تجميع العروض من كل الاماكن فى مكان واحد !

من هو موقع كوبونات مصر :

يعد موقع كوبونات مصر اول موقع عربي ومسري للكوبنان والعروض والخصومات وقسائم الشراء من مختلف المنصات التجارية الالكترونية والمحلات والسوبر ماركت حيث يعتبر الموقع منصة كاملة للعروض كافة .

مميزات موقع كوبونات مصر : 

يقوم موقع كوبونات مصر بتوفير العديد من العروض والخصومات والقسائم للعديد من المتاجر منها الالكترونية مثل جوميا - jumia وسوق - souq والمحلات على ارض الواقع مثل خير زمان وكارفور وغيرهم الكثير من المحلات كما يوفر الموقع خدمة البحث عن العروض حسب القسم المراد او حسب المتجر او حسب الكوبونات او العروض مما يتيح للمستخدم سهولة الوصول للعرض الذى يحتاجه .
فى حال كانت العروض متاحة لفترة محدودة يقوم الموقع بتحديد المدة المنتظرة لانتهاء العروض كما ان الموقع ايضا يقدم بعض العروض الخاصة من خلال الموقع مباشرة عن طريق البائع الرسمي للموقع "البياع"
يمكنك ايضا زيارة صفحة المعلومات عن الموقع من هنا "كوبونات مصر كيف بدا وما هى المميزات"
كما يمكنك ايضا الاشتراك لتصلك عروض الموقع اول باول حيث يقوم الموقع بتوفير خاصية الاشتراك بالبريد الالكتوني

بعض الصور الخاصة بالموقع :

رئيسية موقع كوبونات مصر


امثلة ليع المتاجر المتوفرة فى الموقع

امثلة صفحة اخر العروض

روابط مهمة فى الموقع :

مواصفات ومميزات وعيوب وسعر OPPO F7

بسم الله الرحمن الرحيم

مواصفات ومميزات وعيوب وسعر OPPO F7

مواصفات ومميزات وعيوب وسعر OPPO F7
بعد نجاح النسخة الاولى من هاتفها OPPO F5 اطلقت شركة OPPO رسميا فى مصر هاتف OPPO F7 فتعالوا نعرف كل حاجة عن الهاتف فى موضوعنا "مواصفات ومميزات وعيوب وسعر OPPO F7

مواصفات اوبو اف 7 - OPPO F7 :

  • شاشة 6.23 بوصة بدقة Full HD + بنسبة 18:9 1080x2160 pixels
  • معالج Mediatek Helio P60 ثمانى الانوية مع معالج رسوميات Mali-G72 MP3
  • مساحة 64 جيجا بايت مع 4 جيجا رام او 128 ذاكرة داخلية مع 6 جيجا رام حسب النسخة
  • كاميرا خلفية بدقة 16 ميجا بيكسل وفتحة عدسة f/1.8 
  • كاميرا امامية مزدوجة بدقة 25 ميجا بيكسل وفتحة عدسة f/2.0
  • اندرويد 8.1 + واجهة مستخدم ColorOS 5.0
  • بطارية 3400 ملى امبير 

مميزات اوبو اف 7 - OPPO F7 :

  • بالنسبة للفئة السعرية مجمل المواصفات الداخلية جيدة
  • نسبة الشاشة لجسم الجهاز 82.5%
  • طبقة حماية Corning Gorilla Glass 5
  • الكاميرا الامامية بالطبع احد افضل الكاميرات فى هذه الفئة 

عيوب اوبو اف 7 - OPPO F7 :

  • النوتش - notch اعلى الجهاز 
  • عدم استخدام usb type c
  • كاميرا خلفية مفردة تفتقد للبورتريه مود عكس اغلب الكاميرات فى هذه الفئة .

تسعير اوبو اف 7 - OPPO F7 :

فى الغالب كان التوجه لطرح النسخة ده بنفس تسعير النسخة السابقة 5500 جنيه لكن كان فى اعتراض من ممتلكين النسخة السابقة للهاتف بسبب التسعير فعشان شركة oppo تشيل الاحراج ده طرحت نسخة 64 و 4 جيجا رام ب 5990 ونسخة 128 و 8 جيجا رام بسعر 7690 جنيه فى رئيي كان ممكن يكون اقل من كده خاصة مع شدة المافسة المتوقعة فى الفئة ده بداية من شهر 4 مع نزول شركة honor وكمان جهاز huawei p 20 lite وجهاز شاومي note 5 pro .

فى كل الاحوال هتلاقى افضل اسعار الهتف من هنا

OPPO F7 من سوق 

OPPO F7 من جوميا 


مقالات مرتبطة بموضوع مقالنا "مواصفات ومميزات وعيوب وسعر OPPO F7" :

افضل الهواتف بسعر 3000 جنيه ايهما افضل redmi 5 plus vs infinix hot s3 vs Y7 Prime 2018

بسم الله الرحمن الرحيم

افضل الهواتف بسعر 3000 جنيه ايهما افضل redmi 5 plus vs infinix hot s3 vs Y7 Prime 2018

افضل هواتف بسعر 3000 جنيه ايهما افضل redmi 5 plus vs infinix hot s3 vs Y7 Prime 2018
فى سعر الفئة المتوسطة والهواتف الامثر مبيعا مع عام 2018 ظهر اكتر من منافس قوي جدا فى سعره من 3 شركات محققين نجاح قوي على ارض الواقع فى الفترة الاخيرة وهم huawei و infinix و xiaomi عشان كده هنقارن اجهزتهم الى كلهم فى حدود سعر 3100 جنيه مصري من خلال مقالنا "افضل هواتف بسعر 3000 جنيه ايهما افضل redmi 5 plus vs infinix hot s3 vs Y7 Prime 2018" .
تعريف بالخلاصة : المقارنة هنا ابسط من المعتاد مقارنة مختصرة ملخصة بشكل خفيف يوصل للمستهلك مش مجرد بنسرد مواصفات لو عاوز تعرف كل حاججة عن كل جهاز فيهم بالتفصيل هتلاقي مقال لكل واحد اسفل المقال ده وكمان هتلاقى لينكات الشراء فى الموصفات الكاملة لكل هاتف .

الشاشة redmi 5 plus vs infinix hot s3 vs Y7 Prime 2018 :

بدون منازع هيكون عندنا اكتساح لهاتف redmi 5 plus من شاومي الى بيوفرلنا شاشة 5.99 بوصة بدقة full hd+ بعكس بقية الهواتف الى بتديك دقة hd+ فقط كمان شاشة ال redmi 5 plus عليها طبقة حماية غير محدد نوعها بعكس باقي المنافسين وطبعا كل الهواتف بالابعاد الجديدة الى هنسيبلك مقال عنها اسفل المقال ده .

الاداء redmi 5 plus vs infinix hot s3 vs Y7 Prime 2018 :

للمرة التانية بيحسم redmi 5 plus من شركة شاومي الافضلية فى النقطة ده معالج snapdragon 625 مع 3 جيجا بايت رام بيدولك اداء اكتر من ممتاز فى حين ان الجهازين الاخرين hot s3 او y7 prime بييجوا بمعالج snapdragon 430 .

الكاميرا الخلفية redmi 5 plus vs infinix hot s3 vs Y7 Prime 2018 :

هناهيكون فى افضلية للهاتف الى ب 2 كاميرا وهو Y7 Prime 2018 وبيتفوق على الاقل فى خاصية العزل عن منافسيه وبعديه ييجى infinix hot s3 الى بيديك اداء جيد للكاميرا الخلفية وبعديه redmi 5 plus .

الكاميرا الامامية redmi 5 plus vs infinix hot s3 vs Y7 Prime 2018 :

بدون نقاش ملك السيلفي فى الفئة ده هو infinix hot s3 والى بيديلك اداء اكتر من رائع فى سعره للكاميرا الامامية وييجي بعديه بالتساوي Y7 Prime 2018 و redmi 5 plus .

البطارية redmi 5 plus vs infinix hot s3 vs Y7 Prime 2018 :

بطارية 4000 ملى امبير بيدوك اداء ممتاز فى كل من redmi 5 plus , infinix hot s3  وبيتفوقوا بشكل ملحوظ على huawei y7 prime 2018 .

التصميم redmi 5 plus vs infinix hot s3 vs Y7 Prime 2018 :

دايما بنقول التصميم هو نقطة خاصة بالمستخدم ولكن ممكن ننوه ان فى كل من redmi 5 plus و infinix hot s3 التصميم معدنى بعكس Y7 Prime 2018 .

الاضافات redmi 5 plus vs infinix hot s3 vs Y7 Prime 2018 :

شاومي شركة مش بتقبل التنازل فى جزء الاضافات والمستشعرات صعب تلاقى حاجة ناقصة فبالتالى تفوق واضح ل xiaomi redmi 5 plus بكتفة المستشعر واضافة مستشعر ال ir كالعادة الى بيتيحلك استخدام الهاتف كريموت وهتلاقي ليه شرح اسفل المقال .
ونعيب على huawei فى جهازها Y7 Prime 2018 ان ميكونش فى تقنية ال vr بسبب عدم توفر مستشعر الجيروسكوب.

مقالات مرتبطة :

من هي شركة سودا - soda

بسم الله الرحمن الرحيم 

من هي شركة سودا - soda

من هي شركة سودا - sodaاشل
فى الفترة الاخيرة وبالاخص فى اسبوع الموبايلات الخاص بجوميا كان فى انطلاق لشركة جديدة فى مصر وهى شركة سودا - Soda والى شبه ملهاش وجود عاليما وكان فى توقعات كتير بارتباطها بشركة gionee لكن تعالو نعرف معلومات رسمية عن شركة سودا - soda فى مقالنا عن "من هي شركة سودا - soda"

من هي شركة سودا - soda ؟!

حسب الموقع الرسمي فان الشركة الام لشركة سودا - soda هى شركة Shenzhen Chenyee ولما بحصنا عن الشركة كانت المعلومات المتوفرة عنها قليلة للغاية .
من خلال موقع الشركة بيتضح ان الشركة موجودة من 2010 وكان الهدف من تاسيسها هو تقديم حلول لشركات الهواتف المحمولة المشهورة بتقديم ليها الديزاين وابحاث السوق وخدمات ا بعد البيع لكن فى عام 2017 ابتدى التوجه من الشركة لانشاء البراند الخاص بيهم والى وقع الاختيار عليه هو سودا - soda .
وزي ما قولنا المعلومات مبهمة للغاية يمكن يكون واحدة من الشركات الى اشتغلت معاهم الشركة هى gionee مثلا لان فى تصميم على موقعهم قريب لاحد تصاميم موبايل gionee ده غير ان تصميمات موبايلات soda بشكل عام فى الشبه برده فى الشكل العام من هواتف gionee .

هدف شركة سودا - soda :

الشركة بشكل عام بتستهدف الشباب وبتقدم تصميمات مميزة وانها بتهدف لتوفير الهواتف باسعار جيدة وبجودة ممتازة وبتهدف للانتشار اكتر فى المستقبل . نبذة الموقع .

شركة سودا - soda فى مصر :

ابتدينا نسمع اسم الشركة فى الاطلاق الحصرى لهواتفها soda e1 / soda s1 على موقع جوميا خلال اسبوع الموبايلات الشركة ملهاش وجود فى السوق العالمى وغالبا انطلاقتها الرئيسية من مصر والوكيل الخاص بالشركة هو raya

تشترى هواتف سودا - soda ؟

على الرغم من ان الوكيل الخاص بالشركة هو وكيل قوي وله سمعة جيدة فى مصر الا اننا مش بنرجح شراء منتج غير معروف فى بدايته لازم يتم الانتظار اراء المستخدمين كمان الهواتف نوعا ما مش مشجعة بالنسبة لسعرها فى افضل ومن شركات عالميا افضل .

منين تشتري منتجات شركة سودا - soda :

منتجات شركة سودا - soda من سوق 

من هنا 

منتجات شركة سودا - soda من جوميا 

رقم توكيل شركة سودا - soda :

الخط الساخن المخصص للشركة هو 19397

مقالات مرتبطة بموضوع المقال "من هي شركة سودا - soda":


المراجع 1 2

مواصفات ومميزات وعيوب وسعر Huawei Y9 2018

بسم الله الرحمن الرحيم 

مواصفات ومميزات وعيوب وسعر Huawei Y9 2018

مواصفات ومميزات وعيوب وسعر Huawei Y9 2018
واضح جدا فى الفترة الاخيرة توجه شركة هواوي - huawei للسيطرة على الفئة المتوسطة بعد ما حست بالخطر من جانب شركتي شاومي - xiaomi و انفينكس - infinix وعشان كده اطلقت هواوي فى مصر هاتف Huawei Y9 2018 بسعر 4350 جنيه فقط فتعالو نشوف مقالنا النهاردة عن "مواصفات ومميزات وعيوب وسعر Huawei Y9 2018"

مواصفات Huawei Y9 2018 :

  • شاشة 5.93 بوصة بدقة Full HD + بنسبة 18:9 1080x2160 pixels
  • معالج HiSilicon Kirin 659 ثمانى الانوية مع معالج رسوميات Mali-T830 MP2
  • مساحة 32 جيجا بايت مع 3 جيجا رام او 64 او 128 ذاكرة داخلية مع 4 جيجا رام حسب النسخة
  • كاميرا خلفية مزدوجة بدقة 16 ميجا بيكسل وفتحة عدسة f/2.2 واخري بدقة 2 ميجا بيكسل
  • كاميرا امامية مزدوجة بدقة 13 ميجا بيكسل وفتحة عدسة f/2.0 واخري بدقة 2 ميجا بيكسل
  • اندرويد 8.0 + واجهة مستخدم EMUI 8
  • بطارية 4000 ملى امبير 

مميزات  Huawei Y9 2018 :

حسب فئته السعرية يتميز بالاتى
  • براند قوي فى مصر 
  • شاشة 18:9 بالابعاد الجديدة 
  • كاميرا خلفية مزدوجة جيدة فى الفئة المتوسطة 
  • كاميرا امامية مزدوجة 
  • تسعير جيد نسبيا 

عيوب Huawei Y9 2018 :

  • المعالج اقل من منافسيه فى الفئة السعرية 

سعر Huawei Y9 2018 :

الجهاز بسعر 4350 جنيه مصري تقدر تشتريه من مصر

Huawei Y9 2018 من سوق 

من هنا

Huawei Y9 2018 من جوميا 

من هنا

مقالات مرتبطة بموضوع مقالنا "مواصفات ومميزات وعيوب وسعر Huawei Y9 2018" :

"يعنى ايه نسبة عرض 18:9 وايه الفرق بينها وبين 16:9"
"مواصفات ومميزات وعيوب وسعر Huawei P20 lite او Nova 3e "
"مواصفات ومميزات وعيوب وسعر Huawei Y7 Prime 2018"
"من هى شركة infinix - انفينكس"
"مين هى شركة شاومي xiaomi ومكانها فين عالميا"

من هي شركة جيوني - GIONEE

Egyptian Reviewer 7:00:00 ص 1 تعليق
بسم الله الرحمن الرحيم

من هي شركة جيوني - GIONEE

من هي شركة جيوني - GIONEE
الغزو لصينى للسوق المصري يستمر مع شركة من اهم الشركات الصينية فى مجال خدمات الموبايل وهى شركة جيوني - GIONEE والى موجودة فى مصر من فترة وحاليا بتقوم بانطلاقة جديدة من خلال وكيلها speed tech فتعالو نتعرف مع بعض على موضوعنا النهاردة "من هي شركة جيوني - GIONEE"

من هي شركة جيوني - GIONEE :

شركة جيوني - GIONEE هى شركة صينية انشأت عام 2002 وابتدت فى مجال الهواتف المحمولة والموبايلات من عام 2005 حيث كانت تنتج هواتف الجيل الثانى واستمر تطور الشركة الى وقتنا هذا واصبحت احد اكبر الشركات الصينية فى انتاج ال smartphones .
الشركة بيعمل فيها اكتر من 1500 موظف تحت سن ال 30 وهدفها الاساسي هو التطوير واستخدام الحس الابداعى فى تصاميم الهوتف الخاصة بها .
فى سنة 2012 كانت حصتها من السوق المحلى فى الصين هو 4.7 % .وحسب تصنيف 2017 كان مركز الشركة هو المركز السابع العالمي .. (( شركات الهواتف الصينية فى مصر ومركزها العالمي ))
الشركة بتنتشر عالميا ولتوفير احتياجاتها ابتدت الاتفاق على انشاء مصنع خاص بيها فى الهند .
الشركة بالاتفاق مع شركة BLU بتنشر الهواتف تحت اسمها فى الولايات المتحدة الامريكية .
وموجودة الشركة حاليا فى عدد كبير من الدول من ضمنها الصين والهند ومصر ونيجيريا وفيتنام والعديد من الدول فى شرق اسيا والشرق الاوسط وافريقيا .

شركة جيوني - GIONEE فى مصر :

الشركة موجودة فى مصر من شهر 4 عام 2016 يعنى من سنتين لكن للاسف مكنش فى الالتزام الكافي من قبل الشركة تجاه المستخدمين ومحققتش المنتظر منها فى بداية 2018 الشركة اعلنت عن انطلاقة جديدة ليها فهل هنشوف فرق ولا لا ده الى هنعرفه كمان طلعت بعض الاشاعات عن ترابط اسم gionee مع شركة soda الموجودة جديد فى مصر وان شركة soda ما هى الى براند فرعى من شركة GIONEE لسة معندناش علومة اكيدة عن الموضوع ده

هواتف شركة جيوني - GIONEE :

الشركة ليها هواتف فى جميع الفئات السعرية حالها كحال شركات الصف الاول فى الصين بتمتاز بجودة عالية وبتشتغل الهواتف بواجهة معدلة Amigo
تقدر تشتري هواتف الشركة من مصر

هواتف شركة جيوني - GIONEE من سوق

من هنا

هواتف شركة جيوني - GIONEE من جوميا 

من هنا

مقالات متعلقة ب "من هي شركة جيوني - GIONEE" :