مين هى شركة شاومي xiaomi ومكانها فين عالميا

بسم الله الرحمن الرحيم

مقالنا النهاردة عن 

مين هى شركة شاومي xiaomi ومكانها فين عالميا

على قدر شهرة شركة xiaomi خارجيا الا انها لحد فترة قريبة كانت مجهولة بشكل كبير فى مصر خاصة بالنسبة للمواطن العادى الى التكنولوجيا بالنسباله عامل مساعد مش هو عالمه الاساسي فبيشوف دايما المتاح مش الى هيدور عليه فى الخارج وفى سنة 2016 فى اواخر شهر 4 ابتدت تاكيدات بان الشركة هتكون متواجدة فى مصر من خلال الصافي وبعد نزولها كانت الاسعار مخيبة للامال بشكل كبير والى مساهمش فى معرفة المصريين بالبراند .. سياسة الشركة فى خلال اخر شهر خاصة بتوفير الهواتف بعروض فى اسعارها بكميات كبيرة واتخاذ منهج لها فى سياسة تسعير محترمة جديدة على السوق المصرى ساهم فى تحقيق انتشار للبراند فى مصر لكن يظل الاسم بعيد بسبب حداثته على السوق المصرى فحبينا نوضح من خلال مقالنا مكان الشركة فين عالميا !

ايه هى شركة شاومي - xiaomi ؟!

تم اطلاق الشركة الصينية فى 6/4/2010 ومن بداية اطلاق اول جهاز ليها xiaomi mi 1 بواجهة مستخدم من تطويرها miui مبنية على نظام Android وكان اول تعاملاتها فى المعالجات مع العملاقة شركة Qualcomm .. ابتدت الشركة تحقق نجاح كبير وتنتشر فى السوق الصينى بشكل ملفت للنظر ومع توالى اصدارتها فى سلسلتها المميزة سنة 2012 mi 2 باعت منه اكتر من 10 مليون جهاز ومع النجاح ده تم الاعلان ان الشركة مش هتكتفى بالهواتف واستغلت الفرصة ده انها توجه فى صناعتها اجهزة التليفزيون وغيره من الاجهزة المنزلية الذكية واستمرت الشركة فى نجاحها المتتالى الى ان وصلنا للعملاق mi 6 الجديد الى اطلق عام 2017 .. الشركة حاليا شغالة ايضا على انتاج معالجتها الخاصة وكمان بتنتج اغلب الاكسسوارات والادوات الالكترونية

ايه هو مركز شركة شاومي - xiaomi عالميا ؟!

مع الانتشار الرهيب الى اتكلمنا عنه فى اول سنتين بس للشركة استمر تزايد حصتها فى السوق الصينى والعالمي وفى 2014 كان من افضل اعوام الشركة ده كانت فى المركز الاوصل فى الصين واطاحت بسامسونج من المقدمة وكمان فى حصتها العالمية كانت فى مركز متقدم جدا فى المركز السادس عالميا وفضلت محافظة على تقدمها ده فى 2015 فى الصين ووصلت عالميا للمركز ال5 فى حصتها فى السوق لحد الا انها للاسف مقدرتش تكمل فى مركزها ده فى عام 2016 وبداية 2017 وتفوق عليها العملاقة الصينية BBL والى بتمتلك شركتين فى السوق الصينى وقدرت تتقدم بيهم على منافسيها وهما oppo و vivo وفى انتظار بقية احصائيات السنة والى متوقع عودة الشركة نوعا ما الى القمة بعد ال mi 6

احصائيات السوق الصينى 2014

احصائيات السوق الصينى 2015

احصائيات السوق الصينى 2016

احصائيات حصة الشركات عالميا من 2012

(على الهامش : لو مستغرب من ان الشركتين دول تابعين لنفس الشركة تابع مقالنا القادم :  امبراطوريات الهواتف - شركات اصلها شركة واحدة )

من اين جاء اسم شركة شاومي - xiaomi ؟! 

اسم الشركة بيعنى الدخن وده نوع من الحبوب صغير جدا .. ال CEO للشركة قال انه المعنى الى بيفضله بتقسيم الاسم الى جزئين وهما xiao و mi والاولى هى الرز وده تعبيرا عن الانتشار و mi عن المهمة الصعبة فى انتاجها لهواتف جدية بسعر مناسب .

ليه كان مهم تواجد شركة شاومي - xiaomi مصر ؟!

الى ليهم علاقة بالمجال التقنى كانوا بيتمنوا وجود الشركة فى مصر لان السبب الرئيسى فى انتشار الشركة عالميا هو انتاجها اجهزة بامكانيات منافسة جدا فى السوق فى جميع الفئات ولكنها بسعر اقل من جميع المنافسين والى كان صدمة فى الاول بسبب التسعير الغلط نوعا ما من الصافى الا انه حاليا بالسياسة الجديدة بيحقق الى بنتمناه فى المجتمع التقنى وزيادة عشان كده لما تكون اغلب ترشيحات المراجعين فى مصر رايحة للاتجاه ده خاصة بعد ارتفاع اسعار الاجهزة ده مش معناه ابدا تطبيل قد ما هو فعليا اصبحت متسيدة جميع الفئات فى مصر !!

الجودة و الوكيل بالنسبة لشركة شاومي - xiaomi ؟!

على الرغم ان الشركة بتستخدم افضل مكونات للجهاز والخامات ممتازة وده الى بيدي الاداء العالى الا ان  وارد جدا زى ما هو موجود فى اى شركة وجود عيوب صناعة وهنا بييجى دور الشركة عالميا فى انها عامتا بتبدل اى منتج بيكون فيه عيوب صناعة يمكن يكون عيوب الصناعة اكثر شوية من البقية وليس لضعف الخامات بقدر قلة الاختبارات الى بتمر بيها الاجهزة لتوفير التكلفة  .. والوكيل فى مصر مخيبش املنا فى الموضوع وبالفعل فى المشاكل الى كانت موجودة قبل كده فى بعض الاجهزة كان بيحل المشكلة انتظروا  تجربتى مع الصافى وكيل xiaomi فى مصر بالكويس والوحش وده تجربة مريت بيها شخصيا مع الوكيل .. الا ان عامتا الصافى بيسعى بشكل كبير لتوفير خدمة جيدة وسريعة وبيوفر الاكسسوارات الخاصة بالاجهزة وحاليا ابتدى يوفر كتير من اجهزة شاومي غير التليفونات فقط والى تقدر تعرفها من خلال مقالنا منين تشترى منتجات شاومي فى مصر - xiaomi

اخر اخبار شركة شاومي - xiaomi "مواصفات ومميزات وعيوب وسعر Xiaomi Mi Mix 2s"

المصادر :

1

2

3

4

كلمات دلالية : مين شاومي ده , xiaomi , حد يعرف شركة اسمها شاومي . شركة شاومي كويسة ولا لا

************

فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا

ولا تنسى الاعجاب بالصفحة

الكاتب : Egyptian Reviewer

شارك الموضوع

مواضيع ذات صلة