بسم الله الرحمن الرحيم
كيفية التاكد من مسح ذاكرة الهاتف
كلنا بيهمنا الخصوصية بتاعتنا وحماية البيانات واحيانا بنتضطر اننا نبيع الموبايل لسبب تجديده او غيره المشكلة هنا هى كيفية مسح البيانات بطريقة كاملة , اغلبية الناس للاسف بتكتفى بعملية اعادة ظبط المصنع فى العملية ده .. بس كتير بنسمع عن ناس بتقدر ترجع بيانات الموبايل او حتى الهارد او غيره حتى لو تم مسحها وده طبيعى لان لما بتمسح حاجة بتبان بالفعل انها ممسوحة الا انه بيظل موجود فرصة انها ترجع تانى طول ما مكانها فاضى !!
عمرك شوفت فى الموبايلات المستعملة موبايلات السيدات بتتباع بشكل اسرع والتعليقات بتكون اكتر نوعا ما عليها ... ده ملهوش علاقة بانها بنت .. مش جروب دفعة هو :) ده بيع وشراء , للاسف فى كتير من معدومى الضمير فى المجال الخاص ببيع وشراء الاجهزة المستعملة بيشتروا موبايلات السيدات خاصة املا انهم يقدروا يسترجعوا البيانات والصور وده واقع فعلا احنا مش بنكبر من موضوع مش كبير وناس كتير حصلت معاهم .
الطريقة الاولى لمسح ذاكرة الهاتف عند البيع نهائيا :
عشان كده المقال ده مهم ليك لو بتفكر تبيع الهاتف الخاص بيك .. واسهل وضامن طريقة للموضوع ده هى انك تعمل الخطوات التالية
1- اعادة ظبط المصنع
2- اعادة الكتابة على المساحة المتاحة على الجهاز بمعنى تملاء الجهاز ببيانات مش ليها لازمة بالنسبة لحضرتك زى مثلا مجموعة من ملفات الفيديو او الافلام وبعدين تشغل الكام على اكبر دقة وتصور فيديو لحين ما تنتهى كافة المساحة .. الموضوع هياخد وقت بس مهم .
3- اعمل اعادة ظبط المصنع للمرة الثانية
كده انت عملت الى المفروض يحصل وكده فى تشويش على كل البيانات بحيث انه من المستبعد انه يتم استرجاعها
الطريقة الثانية لمسح ذاكرة الهاتف عند البيع نهئيا :
فى برده بعض الحاجات التانية الى ممكن تعملها على هاتف الاندرويد الخاص بيك زى تشفير البيانات
ده عملية تقدر تعملها عن طريق التليفون من خلال
الاعدادات**الامان** تشفير البيانات
setting*security**encrypt
بس العملية ده بتاخد وقت كتير حسب حجم البيانات المطلوب تشفيرها على الهاتف فيفضل انك تشحن الموبايل لحد الاخر وتسيبه فى الشحن لحين انتهاء التشفير وبعد ما يتم يبتدى يفتح الفون وهيطلب منك الباسورد الى انت عملته
** لو مش عامل باسورد اعمله الاول
وبعدين بيتم سؤالك ان كنت محتاج ان الباسورد يظهر عند كل فتح كلى للجهاز بمعنى اغلاقه وفتحه start up
*********
فى انواع تانية لتامين الجهاز هنذكرها ان شاء الله فى مقال اخر مفصل عن حماية الهواتف
***
************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة