عناوين توكيل شركة Infinix - انفينكس i2 و carlcare

بسم الله الرحمن الرحيم

عناوين توكيل شركة infinix - انفينكس  i2 و carlcare


عرفنا مع بعض فى المقال الى فات الى ممكن تقراه من هنا "تعاقد شركة i2 مع شركة infinix - انفينكس لتكون وكيل لخدمات ما بعد البيع" عن تعاقد انفينكس - infinix مع شركة i2 ليكون وكيل لخدمات ما بعد البيع للشركة بعد موجة من التححديثات الايجابية فى شركة انفينكس - infinix وعشان كده مقالنا النهاردة هو عناوين توكيل شركة Infinix - انفينكس  i2 و carlcare

شركة انفينكس - Infinix :

شركة انفينكس هى احد الشركات الحديثة الى اثبتت وجودها فى السوق المصري والى وصلت انها حققت مبيعات تخليها فى المركز الثالث على مستوي مصر بعد سامسونج وهواوي وتقدر تعرف الاحصائية كاملة فى المقال ده "شركات الهواتف الاعلى مبيعا فى السوق المصرى ؟! هل يتبع نفس الاحصائيات العالمية ؟!" .
بعد انتشار وتواجد الشركة فى مصر والى قدمت القيمة مقابل السعر فى البداية وخاصة فى الفئات الاقتصادية كانت الخامات مهياش الافضل وهرت بعض المشاكل .. حاليا انفينكس فى الجيل الجديد من الهواتف الى نزلت فى السوق المصري اثبتت انها تقدر تنافس بدون تنازلات عن الخامات ولكن كان فى نوع من فقد الثقة من الناس تجاهه الشركة بسبب توكيل خدمات ما بعد البيع carlcare .

انفينكس - Infinix و carlcare :

علاقة انفينكس - infinix وكارل كير carlcare اكبر من كونهم وكيل صيانة فقط .. للى ميعرفش فانفينكس - infinix و تكنو - tecno و ايتل - itel وكارل كير - carlcare هم كلهم شركات تابعة لنفس الشركة الام وتعد احد اكبر امبراطوريات الهواتف المعروفة فى مصر خاصة وافريقيا بشكل عام .. لو عاوز تفهم اكتر عن امبراطوريات الهواتف اقرا المقال ده "امبراطوريات الهواتف - شركات اصلها واحد"
فطبعا كان الطبيعى ان هيكون وكيل خدمات ما بعد البيع بعد وجود ال 3 شركات فى مصر هو carlcare وبدء الوكيل مع بداية الشركة بداية اكثر من رائعة من عوامل الالتزام ولكن مع الانتشار الكبير الى حققته الشركة وضعف الخامات فى السابق ابتدت تظهر مشاكل كتير للتوكيل ابتدى يكون فى ظلم واقع على العميل وانا عن نفسي شاهدت موقف لما كنت فى الفرع عدد كبير من الاجهزة بترجع لاصحابها بحجة وجود سائل على البوردة العدد ده يخلينى اشك انه عيب استخدام قدر شكي فى انه تهرب من الوكيل وكانت انفينكس عاوزة تحافظ على مركزها الى موجود حليا وتجذب عملاء جدد وعلى الرغم من التاكيدات ان كارل كير - carlcare اتحسن كتير عن الاول الا انه مكنش كافى لان كان الوقت فات .. من هنا اعلنت انفينكس فى نهاية عام 2017 ومع بداية 2018 على لسان رئيس تسويق الشركة عن التعاقد مع وكيل جديد لخدمات ما بعد البيع وهو i2

انفينكس - Infinix و i2 :

i2 هو احد اقدم وكلاء صيانة الهواتف وخدمات ما بعد البيع فى مصر فهو متواجد منذ بداية وجود الهواتف فى مصر وكان المنافس الاوحد لراية مع نوكيا .. وبما ان المصريين بشكل عام محبين للبراند ده فعلاقتهم ب i2 بتصنفه انه فى مكانة اعلى من باقى الوكلاء .. لو جينا للحق انا عن نفسي مقتنع اقتناع تام ان مفيش وكيل فى مصر يرتقى انه يكون وكيل جيد .. ولكن نقدر نقول فى افضل فيهم فالافضلية هنا هتكون بلا شك ل i2 .. بشكل عام الوكلاء وتوكيلات خدمات الصيانة وما بعد البيع فى مصر محتاجة قوانين تنظيمية تحفظ حق العميل فى خدمة افضل .

عناوين توكيل infinix فى مصر :

عناوين كارل كير - carlcare :

الهاتف الموحد للاستفسار عن اقرب عنوان ليك هو 19538
وهنا بعض عناوين الفروع
  • فرع كارل كير - carlcare وكيل انفينكس - infinix فى القاهرة : الفرع الاول عمارة 17 عمارات العبور شارع صلاح سالم القاهرة
  • فرع كارل كير - carlcare وكيل انفينكس - infinix فى القاهرة : الفرع الثانى رقم 15 شارع محمود عصمت حمدي فى مصر الجديدة - مساكن شرتون 
  • فرع كارل كير - carlcare وكيل انفينكس - infinix فى الجيزة: رقم 26 شارع السد العالي متفرع من ميدان فيني بالدقي 
  • فرع كارل كير - carlcare وكيل انفينكس - infinix فى الاسكندرية :  227 برج الذيني - شارع صلاح الدين شعبان - ميامي مصر 
  • فرع كارل كير - carlcare وكيل انفينكس - infinix فى طنطا : عمارة 12 شارع علي بك الكبير تقاطع شارع ناصر

    عناوين i2  :

     (لم يفعل رسميا بعد وينتظر تفعيله مع بداية 2018)

    الرقم المختصر للاستفسار عن اقرب الفروع هو 19606 
    هناك فروع مبيعات وفروع صيانة وسيتم ذكر فروع الصيانة فقط هنا 
    • فرع i2 وكيل infinix فى القاهرة : الفرع الاول 10 عمارات العبور - صلاح سالم
    • فرع i2 وكيل infinix فى القاهرة : الفرع الثانى 78 شارع المنيل - القصر العينى - القاهرة
    • فرع i2 وكيل infinix فى الجيزة: 62 شارع مصدق - الدقى - الجيزة 
    • فرع i2 وكيل infinix فى الاقصر : شارع التليفزيون بجوار فودافون
    يهمك تقرا مقال كامل عن تاريخ شركة infinix من هنا "من هى شركة infinix - انفينكس"
    لو عاوز تعرف منين تقدر تشتري منتجات شركة انفينكس - infinix فى مصر متنساش تقرا المقال ده "منين تشترى منتجات انفينكس فى مصر - infinix"
    رئيك ايه فى انفينكس والتطور الجديد الى بتنفذه بشكل عام ؟!
    ************
    فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
    ولا تنسى الاعجاب بالصفحة

    شارك الموضوع

    مواضيع ذات صلة