بسم الله الرحمن الرحيم
ضعف اشارة ال wifi الاسباب والحلول
 |
| ضعف اشارة ال wifi الاسباب والحلول |
كتير مننا بيعانى حاليا من المشكلة ده الا وهى ضعف شبكة ال wifi ومبيكونش عارف ايه السبب او ايه هو حل المشكلة فحابين نتكلم عنها بشكل عام حاليا بالتفصيل فى المقال ده الى هيكون بعنوان ضعف اشارة ال wifi اسبابه وحلوله
اسباب محتملة لضعف شبكة ال wifi :
فى اسباب كتير للمشكلة ده تعالوا ناخدها بعين الاعتبار عشان نقدر نحدد سبب المشكلة بالظبط فمن الاسباب المحتملة لضعف شبكة ال wifi
- الراوتر نفسه مجاله مش كبير : لو انت بعيد عن الراوتر وشبكة ال wifi ضعيفة ممكن بشكل كبير يكون المشكلة من الراوار router نفسه ان مجال تغطيته قليل او مجاله مش كبير وده لو الوضع على كل الاجهزة المتواجدة فى المكان على نفس البعد وغالبا لو معاك الراوتر الى بيكون هدية من مزود الخدمة هيكون هى ده المشكلة .
- مشكلة من الراوتر - router : لو انت قريب جدا من الراوتر والمشكلة موجودة فى كل الاجهزة مش بعيد يكون ضعف شبكة ال wifi بسبب الراوتر نفسه لانك قريب وكل الاجهزة ظاهر فيها المشكلة
- مشكلة من جهازك : لو كل الاجهزة الى حواليك بتستقبل اشارة ال wifi بشكل كويس والمشكلة فى احد الاجهزة فقط ممكن يكون السبب هو ان جهازك نفسه الجزء الهارد وير - hardware المسءل عن استقبال الشبكة ضعيف بشكل عام فى الجهاز ده او الجهاز نفسه فى مشكلة
- العوائق والحواجز : العوائق من الحوائط وغيرها بيكون ليها تاثير كبير جدا فى اضعاف شبكة ال wifi جدا خاصة بقى لو جزء من العوائق ده كان معدن ساعتها التاثير هيبقى اكبر على شبكة ال wifi
طب ايه هى الحلول لمشاكل ضعف اشارة ال wifi الى قولناها :
- لو الراوتر نفسه مجاله مش كبير ساعتها هيكون قدامك حلين لا ثالث لهما
- الحل الاول : تغيير الراوتر باخر مجال توزيعه افضل .
- الحل الثانى: شراء جهاز range extender ( مراجعة موسع النطاق - TP Link wifi Range extender TL-WA850RE )
- لو المشكلة فى الراوتر نفسه فى كل الاحوال لازم تغير الراوتر - router لان ده عيب فى الراوتر نفسه ومش هيكون فى حل لزيادة اشارة ال wifi غير كده
- لو المشكلة من جهازك فى نوعين من المشكلة
- ان الجهاز نفسه استقباله ضعيف مش عيب من الجهاز ساعتها ممكن يكون الحل المريح هو ال range extender فى المكان الاقرب لجهازك
- ان يكون عيب فى الجهاز بتاعك انت مش فى النوع ه ساعتها لازم تروح لاقرب فرع او وكيل لخدمات ما بعد البيع لحل المشكلة
تحديث :
3- من الحاجات الى ممكن تعتمد عليها برده هى Wifi Adapter وهو usb يستخدم فى العادة لالتقاط اشارة ال wifi للاجهزة الغير مدعمة بها مثل اجهزة الكمبيوتر المكتبية الغير متواجد بها الخاصية او الريسيفر الخاص بالقنوات الداعمة لخدمات الانترنت .. ولكن تعمل بكفائة ايضا كمستقبل اضافى لل wifi فى اللاب توب كشبكة تانية وهنا ال antenna هتلعب دور قوى فى التقاط اشارة افضل ... ويفضل دائما اختيار النوع الذى به antenna خارجية بسهولة التقاط الشبكة بفاعلية . احد الانواع التى تم تجربتها من فريق العمل هو المرفق بالصورة ادناه وسعره من 80 ل 100 جنيه ..
 |
| wifi adapter لحل مشكلة ضعف اشارة ال wifi |
- لو ضعف اشارة ال wifi كان بسبب العوئق والحواجز هيكون الحل الامثل هو ال range extender والى هيقضيلك على النقطة ده تماما والى مراجعته هتلاقيها هنا ( مراجعة موسع النطاق - TP Link wifi Range extender TL-WA850RE ) .
كيفية تحسين وتقوية اشارة ال wifi :
فى مجموعة من النصائح نحاول بقدر الامكان تبعدك عن المشكلة ده وتساعدك على تحسين اشارة ال wifi زي مثلا
- التانى فى اختيار جهاز الراوتر المناسب والى يوفرلك تغطية اوسع حسب المكان الى انت متواجد فيه ورؤيتك للمساحة وبشكل كبير تقدر تعرف ده من اراء الناس على نوع الراوتر ده وتقييمتهم ليه .. عدد الانتنات فى الراوتر بيديلك مؤشر كويس لقوة تغطية الراوتر بشكل عام
- اختيار المكان المناسب لوضع الراوتر .. دائما بنقول ان وضع الراوتر فى منطقة وسط الشقة او المكتب هو الافضل لكن مش لازم ده يكون الافضل .. الكلام ده صحيح جدا لو لمكان الى محطوط فيه الراوتر - router مفتوح لكن لو فى عوائق زي اغلب الشقق والمكاتب والعقارات يبقى تحط الراوتر فى المنطقة الموزعة او الى من خلالها بيكون فى متافذ للمداخل حتى لو المنطقة ده مش فى النص
- اختيار اجهزة الهواتف واللاب توب الى عليها مراجعت جيدة بخصوص استقبال الشبكات وبشكل عام معظم الاجهزة الحديثة جيدة فى النقطة ده مع التفاوت فى القوة لكن مفيش سئ
- لو المنطقة واسعة جدا ومش هتقدر تجيب راوتر واححد يكفيها لتغطية اشارة ال wifi جيب عدد من ال range extenders والى بيعملوا على تجديد الاشارة فى الاماكن الميتة عن التغطية
افضل انواع الراوتر المتواجدة فى مصر لحل وتقوية اشارة الwifi :
اشهر براندات ال routers المتواجدة فى مصر هى ((TP-LINK / D-LINK / TOTO LINK)) دول يمكن اكتر routers رخيصة متواجدة فى مصر ... يفضل اختيار الراوتر الواسعة المجال والتى تحتوي على 2 antenna للمساعدة فى توزيع الاشارة .. كمايفضل البحث عن مراجعات للراوتر قبل الشراء .
ممكن تشوف اسعار مقويات اشارة ال wifi واسعار ال routers الجديدة بافضل الاسعار :
من جوميا
من هنا
من سوق
من هنا
************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة
1 التعليقات:
التعليقاتThe wall thicknesses of an injection molded part typically vary from 2mm – 4mm (0.080" – zero.a hundred and sixty"). Thin wall Pencil Sharpeners injection molding can produce walls as skinny as zero.5mm (0.020"). The chart beneath exhibits recommended wall thicknesses for widespread injection molding resins. The plastic material is heated above its melting level, resulting within the conversion of the solid polymer to a molten fluid with a fairly low viscosity. There, the fabric is cooled until it reverts to a solid, then the mildew is opened and the completed part is extracted.
رد