يعنى ايه رباعى او ثمانى النواة ؟! معلومات لازم تكون عارفها عن معالج الجهاز

بسم الله الرحمن الرحيم
يعنى ايه رباعى النواة او ثمانى النواة ؟!
معلومات لازم تكون عارفها عن معالج الجهاز 



مع كثرة الاجهزة المتوفرة فى السوق بقينا بنسمع ثمانى النواة ورباعى النواة والناس مش قادرة تفهم الموضوع طيب ازاى فى ثمانى النواة ارخص من رباعى النواة وانه الاحسن وهل بالضرورة ان الى عدد الانوية فيه اكثر هو الافضل .
هنحاول فى موضوعنا النهاردة اننا نوضح الموضوع ده بابسط الطرق الممكنة ان شاء الله مع معلومات نحاول نفيدكم بيها ونوصلكم للاختيار الصحيح 

مش بالضرورة ابدا ان المعالج الثمانى النواة لمجرد انه ضعف عدد الانوية عن الرباعى النواة انه احسن ... خالص 

فى المعالج الرباعى النواة مثلا ممكن يكون مخصص لكل نواة لمهمة معينة يعنى بيقسم المهام وده بيسهل من ال multitasking وتشغيل ال 3d جرافيك او سرعة واداء الكاميرا وحاجات تانية كثير عشان كده دايما لازم نكون عارفين ان multitasking بشكل سلس هتحتاج عدد انوية كثير  

اما المعالج الثمانى النواة فهو بيتكون فى الاساس من 2 معالج رباعى النواة فبالتالى بيقسم المهام على عدد اكبر من الانوية فبيتيح لك اداء افضل فى ال multitasking غالبا الى بيكون شغال هو 4 انوية فقط للاستخدام الطبيعى اما فى حالة زاد الاستخدام الجهاز بيشغل الاربع انوية التانيين ولكن ده ليه تاثير ايجابى وسلبى اكيد هياثر ايجابى فى الاداء مفيش كلام لكن استهلاك الطاقة بيكون عالى فى الوقت الى شغال فيه ال 8 انوية فى نفس الوقت . 

طب نستفيد من كده لحد دلوقت ان لو معالج رباعى النواة 1.2 جيجا هرتز ومعالج ثمانى النواة 1.2 جيجا هرتز هيكون الافضل فى اللحظة ده من حيث سرعة الاداء وال multitasking هيكون ثمانى النواة هو الاختيار الامثل 

ملحوظة مهمة : كل نواه هى وحدة cpu يعنى لو  واحدة ترددها 1.7 جيجا هرتز و نواة اخرى ترددها 1.2 جيجا هرتز هيكون ال 1.7 افضل بكثير جدا

ولكن فى حاجة تانية بتحدد اداء الانوية ده وهى التردد الخاص بيها سواء فى البرامج او الالعاب (جيجا هرتز) كل ما كان تردد المعالج اعلى كل ما كان هيديك اداء افضل وجودة اعلى وسرعة اعلى وده بيعتمد على السوفت وير بتاع الابليكيشن الى هتشغله اغلب الالعاب الى الجرافيك بتاعها عالى بتشتغل على 2 نواة عشان تحسن جودة واداء اللعبة والجرافيك بتاعها اثناء اللعب ونقدر نقول ان اى برنامج شغال مش بيستخدم اكثر من 1 او 2 نواة فقط . وزى ما اتفاقنا ان تردد المعالج شئ مهم جدا جدا فى اختيارك لان بيديلك اداء وسرعة اعلى فى تنفيذ المهام وتشغيل البرامج .

نستفيد من الى فوق ده ان لو قدامنا 2 معالج احدهم رباعى النواة 1.7 جيجا هرتز والاخر ثمانى النواة 1.2 جيجا هرتز هيكون اختيارى لل 1.7 لانه هيدينى سرعة واداء اعلى بكثير جدا .

اضافة لايصال الفكرة : لو هتستخدم الفون لالعاب قوية ومحتاج اداء عالى ال 1.7 اقوى هيفرق معاك فى اداء كل برنامج اسرع 
لو هتستخدم الجهاز فى برامج خفيفية ولكن متعددة المالتى تاسكينج فهيكون الثمانى افضلك
الوضع مرتبط ببعضه اكيد لكن الفكرة قوة الاداء اولا ثم ال multitasking لان فى كل الاحوال الرباعى النواة ليس سئ اصلا فى ال multitasking

مش لازم ابدا فى كل الموبايلات ان يكون ثمانى النواة نفس التردد زى مثلا ال p8 ده بيشتغل باتنين معالج رباعى مختلفين واحد 2 جيجا هرتز وواحد 1.5 جيجا هرتز وبيكون ال 2 فائدته هو تشغيل البرامج والالعاب الى بتكون محتاجة اداء قوى وغيره كثير ولكن ده مثال . 

ال 64 بت او 32 بت اكيد ال 64 افضل لكن مش هتفرق معاك كثير لو 32 لان اغلب البرامج والالعاب حاليا بتشتغل على 32 عادى جدا وبامكانيات الاجهزة الموجودة حاليا لو فى العاب 64 ممكن تمثل تقل على الجهاز ولكنها طفرة نوعية كبيرة جدا لقدام مع الاجهزة الجديدة اخص بالذكر الى الرام فيها هتزيد عن 4 جيجا .

single core , dual core , quad core , hexa core , octa core اى حاجة من الاتى تقدر تقيسها بنفس المنطق الى اعتمدنا عليه فى المقال ده . 


حاول دايما قبل ما تشترى اى جهاز تشوف نوع المعالج وتبحث عن مراجعات للمعالج ده وادائه عشان متتفاجئش انه بيسخن بسرعة او غيره من المشاكل الى المستخدم بيواجها وميقدرش يعرفها من الامكانيات على الورق 

الموقع الى هحطه هنا تقدر تبحث برده باسم التشيب سيت بتاعة الموب هيجيلك الاجهزة الى شغال بنفس النوع ده وبعض المعلومات عن البروسيسور ده وادائه 

فى معايير تانية على اساسها بنختار المعالج وهنعمل سلسلة مقالات للموضوع فتابعونا باذن الله

طالما فادك الموضوع ده اعتقد لازم تقرا المقال ده "هل ال megapixel هو المقياس فى اختيارك ؟!"

اما بقى لو عاوز تعرف افضل الهواتف فى كل فئة سعر فشوف المقال متجدد ده
افضل ترشيحات الهواتف فى الاسعار المختلفة
يا رب نكون افدناكم متنساش كومنت وتشجعنا اننا نكمل :) 

المراجع 
1
2
3
4
5
6
************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة

شارك الموضوع

مواضيع ذات صلة

25 التعليقات

التعليقات
10 أكتوبر، 2015 2:13 م حذف

تم التعديل :) وننتظر رئيك بالمقال

رد
avatar
10 أكتوبر، 2015 2:47 م حذف

مقال محترم و مفيد جدا
جزاك الله خيرا
و يا ريت مقال عن الفرق بين اداء العمليات ف ال64 و ال32
و الفرق بين AMD ز الانتل و انواع البروسيسور و الفرق بين كل نوع ؟؟

رد
avatar
2 أبريل، 2016 1:31 ص حذف

الله ينور شغل عالي بصراحة

رد
avatar
7 مايو، 2016 2:37 ص حذف

المعلومات ده مفيده جدا جزاكم الله عنا خير ويا ريت تحديث بالجديد دايما ربنا معاكم ٱن شاء الله

رد
avatar
22 مايو، 2016 4:12 م حذف

مفيد وجزاك الله خير

رد
avatar
26 مايو، 2016 4:22 ص حذف

مفيد جدا.. استمروا😀😀😀😉

رد
avatar
15 يونيو، 2016 8:59 م حذف

جزاك الله خيرا اخي.
حقا موضوعك مفيد جدا.
قمت بطلب جهاز Xiaomi Redmi Note 2
ذو معالج Octa Core 2.0
بمبلغ $130 ^_^

رد
avatar
16 يونيو، 2016 5:48 م حذف

مبارك عليك الجهاز :-bd

رد
avatar
4 أغسطس، 2016 5:17 ص حذف

انا معايا ثماني 1.4 دا كويس وبيغادل كام ف الرباعي

رد
avatar
4 أغسطس، 2016 6:01 ص حذف

اكيد كويس .. بس ملهوش علاقة بيعادل كام فى الرباعى لانه زى الرباعى ال 1.4 فى الاداء لكن افضل منه فى المالتى تاسكينج ... ده غير فى مقالات تكميلية بنحضرلها عن ان نوع المعالج بيلعب دور كبير برده

رد
avatar
28 سبتمبر، 2016 12:20 م حذف

سؤال خارج الموضوع ..
التلفزيون فيه Cpu ??

رد
avatar
28 سبتمبر، 2016 5:28 م حذف

مش كل التليفزيونات حاليا فى حاجة اسمها smart tv بيشتغل على نظام اندرويد بيحتوى على cpu لمعالجة البيانات

رد
avatar
4 ديسمبر، 2016 5:52 م حذف

تقدرون تفيدوني بجهاز A7. 2016

رد
avatar
4 ديسمبر، 2016 5:52 م حذف

تقدرون تفيدوني بجهاز A7. 2016

رد
avatar
4 ديسمبر، 2016 5:52 م حذف

تقدرون تفيدوني بجهاز A7. 2016

رد
avatar
15 فبراير، 2017 2:43 م حذف

ماشاء الله شرح مبسط و واضح جدا 👍 ، جزاك الله خيرًا :)

رد
avatar
5 مارس، 2017 11:48 ص حذف

استمروا بارك الله فيكم حتى لا نحتاج للمواقع الاجنبية لجلب المعلومة

رد
avatar
25 مارس، 2017 4:59 م حذف

شكرا على المعلومات المهمة دى .. جاوبت على أسئلة كتير مكنتش أعرفها .. ربنا يوفقكم

رد
avatar
25 مارس، 2017 5:01 م حذف

شكرا على المعلومات المهمة دى .. جاوبت على أسئلة كتير مكنتش أعرفها .. ربنا يوفقكم

رد
avatar
27 أبريل، 2017 12:10 م حذف

ربنا ينفع بيكم وياريت حد يعرفنا نجربه عمليا ازاي يعني المكتوب عالعلبة نتأكد من صحته فعليا ازاي من ع الموبيل اللي هنشتريه وكده وياريت اللي عنده تجربة بخصوص أي جهاز يذكرها للافاده مثلا Note3 بيجيب بورده بعد سنة استخدام بالظبط عن تجربة مرتين.

رد
avatar
14 سبتمبر، 2017 9:13 ص حذف

اتمنى ان المعلومات تكون صحيحه
فهذه معلومات مفيده جدا
جزاك الله خير

رد
avatar
غير معرف
16 أكتوبر، 2017 1:47 ص حذف

انا محتار في جهازين واحد 32GB رام 3 معالج 2 ثماني النواه
والثاني 32 GB رام 3 معالج 2 رباعي النواه
ايهما الافضل

رد
avatar
16 أكتوبر، 2017 9:49 ص حذف

لو تقدر تبلغنى ايه هم الجهازين او انواع المعالجات فيهم تفصيليا

رد
avatar