اكتب اسم الهاتف لتعرف افضل سعر

سعر ومواصفات وعيوب ومميزات هاتف انفينكس زيرو 5 - infinix zero 5

بسم الله الرحمن الرحيم 

سعر ومواصفات وعيوب ومميزات هاتف انفينكس زيرو 5 - infinix zero 5


سعر ومواصفات وعيوب ومميزات هاتف انفينكس زيرو 5 - infinix zero 5

طلت علينا شركة infinix برائدها الجديد هاتف infinix zero 5 والى كتير قالو عليه انه طفرة نوعية فى تاريخ الشركة فتعالو نعرف كل حاجة عنه فى مقالنا "سعر ومواصفات وعيوب ومميزات هاتف انفينكس زيرو 5 - infinix zero 5"

مواصفات هاتف انفينكس زيرو 5 - infinix zero 5 :


  • انفينكس زيرو 5 - infinix zero 5 بييجى بشاشة 5.89 بدقة full hd 1920*1080 16:9 . 
  • الهاتف بييجى بمعالج Helio P25 MT6757 ثمانى الانوية مع معالج رسوميات MALI-T880 MP2 .
  • انفينكس زيرو 5 - infinix zero 5 بييجى بنسختين احدهما المتواجدة فى مصر بمساحة داخلية 64 و 6 جيجا رام ومن المتوقع وجود النسخة الاخري ب 128 ذاكرة داخللية قريبا فى مصر .
  • ياتى بكاميرا خلفية مزدوجة 12M+13M مع خاصية optical zoom وكاميرا امامية بدقة 16 M.
  • الهاتف ياتى ببطارية 4350 ملى امبير .
  • الهاتف يدعم ال otg و usb type c والعديد من المستشعرات من ضمنهم مستشعر الجيروسكوب لتشغيل نظارات الواقع الافتراضي 

      مميزات هاتف انفينكس زيرو 5 - infinix zero 5 :

      انفينككس بالفعل ابدعت فى تصنيع وتصميم الهاتف ليصبح الهاتف الاكثر ملائمة لفئته السعرية بدون منازع ومن الملحوظ تطور كبير فى خامات تصنيع الهاتف وافضل المميزات بالنسبة لفئته السعرية هى الاتى 
      •  6 جيجا رام لاول مرة فى الفئة السعرية 
      • المعالج الافضل فى الفئة السعرية وبالتالى متوقع ان يكون الاداء الافضل 
      • ذاكرة داخلية كبيرة وكاميرا منافسة فى فئته السعرية 
      • يعد ابرز الهواتف فى فئة سعره ترشيحا

      عيوب هاتف انفينكس زيرو 5 - infinix zero 5 :


      • الشاشة ليست بالابعاد الجديدة كابرز المنافسين huawei mate 10 lite و oppo f5 الى قارناهم ببعض فى المقال ده "ايهما افضل OPPO f5 vs Huawei mate 10 lite"
      • نقطة الضعف الابرز هى خدمة ما بعد البيع ولكن قيل انها تطورت بالفعل ولكن تجربتى معهم مفصلة هحكيها هنا  وللامانة  اكنت من 6 شهور تقريبا فلا اعلم ما وصلت الامور اليه الان 
      "خدمة ما بعد البيع احد اسوء الخدمات الى شوفتها فى كلام انها اتطورت او بتطور الكلام ده صح ولا لا الله اعلم .. الا انى المرة الوحيدة الى كنت فى الفرع العقيم بتاع carlcare وكمية المشاكل الى شوفتها مع الناس من ال 3 شركات infinix , tecno , itel تخلينى اخاف ارشحه بشكل مباشر !! .. فى فترة نص ساعة هناك شوفت عدد بيستلم اجهزته كان الرد الدائم تليفونك طلع برة الضمان عشان عليه سائل وطبيعة الموقف تخلينى اشك ان كل العدد ده كان عيب استخدام مش تهرب من الوكيل .. لو مستخدم لبس بسببي مش هبقى سعيد .. ما هو محدش اد دعوة مظلوم .. لكن زي ما ذكرت هو الافضل فى سعره كامكانيات."

      سعر واماكن شراء  هاتف انفينكس زيرو 5 - infinix zero 5 :

      الهاتف ياتى بسعر 5555 جنيه مصري ويمكن شرائه من خلال 

      سوق 

      كمان انفينكس - infinix من ضمن احد اكثر امبراطوريات الهواتف شهرة فى مصر لو عاوز تعرف مين هم ممكن تقرا المقال التالى "امبراطوريات الهواتف - شركات اصلها واحد"


      مراجعة ارخص هاتف 4G فى مصر - IKU curvy C50L 4G

      بسم الله الرحمن الرحيم

      مراجعة ارخص هاتف 4G فى مصر - IKU curvy C50L 4G

      مراجعة ارخص هاتف 4G فى مصر - IKU curvy C50L 4G

      بعد بدء تشغيل خدمات الجيل الرابع فى مصر .. بقى فى كتير من الناس بتسال على ارخص الهواتف الى بتدعم 4G فى مصر فموضوعنا النهاردة عن واحد من الهواتف ده بعنوان " مراجعة ارخص هاتف 4G فى مصر - IKU curvy C50L 4G " لو حابب تتفرج على المراجعة فيديو هتلاقيها فى اخر المقال .. لكن مقالنا هو المراجعة المقالية للهاتف .

      محتويات صندوق ارخص هاتف 4G فى مصر - IKU curvy C50L 4G :

      الهاتف بييجى معاه المحتويات الاتية ( الضمان - دليل المستخدم - الشاحن - السماعة - كروت متابعة الضمان من شركة I2 - جراب سيليكون - سكرين بلاستيك عادية اضافية).

      تصميم ارخص هاتف 4G فى مصر - IKU curvy C50L 4G :

      من الجهة الامامية : 

      بالترتيب من تحت لفوق هتلاقى من تحت ازرار التحكم وفوقيهم شاشة 5 بوصة بدقة HD منحنية الاطارف 2.5D وفوقيهم سماعة المكالمات ومستشعر الاضائة .

      من الجهة اليمنى : 

      موجود ازرار ال POWER والصوت

      من الجهة اليسري :

       مفيش اى شئ

      من اعلى : 

       هتلاقى منفذ السماعات

      من اسفل :

       هتلاقى مدخل micro usb للشحن ومايك المكالمات

      من الخلف : 

      موجود سماعة المكالمات وشعار الشركة والكاميرا الخلفية بدقة 8 MP مع فلاش

      وزن الجهاز خفيف والتصميم بشكل عام جيد خاصة مع انحناء اطراف الهاتف تقييمنا 8/10

      شاشة ارخص هاتف 4G فى مصر - IKU curvy C50L 4G :

      الهاتف بييجى بشاشة بدقة HD 1280*720 وده دقة مش بنشوفها كتير فى الفئة الاقتصادية مع انحناء بسيط فى الاطراف 2.5D والى بيدى شكل جمالى بشكل عام للجهاز والوانها وسطوعها جيد وبصراحة كانت افضل حاجة فى الموبايل التعليق الوحيد عليها انها MULTI TOUCH لحد اصبعين فقط وده ممكن ياثر لو سرعتك فى الكتابة كبيرة نوعا ما .
      لو نقيمها هتكون 9/10

      صوت ارخص هاتف 4G فى مصر - IKU curvy C50L 4G :

      السماعة الخارجية :

      الصوت فى الهاتف فى السماعة الخارجية كان متوسط واقل من المتوقع الحقيقة ولازم تشغل الاهتزاز مع المكالمات لان لو فى الشارع مع الزحمة مش هيكون مسموع نديلها 6/10

      سماعة المكالمات : 

      اما سماعة المكالمات كانت جيدة وتاخد 8/10

      كاميرا ارخص هاتف 4G فى مصر - IKU curvy C50L 4G :

      الكاميرا الخلفية :

      بدقة 8 ميجا بيكسل كانت ممتازة لابعد الحدود مقارنة بفئتها السعرية بتطلع صور مقبولة للغاية فى الاضائة القوية والمتوسطة وتفاصيلها واضحة وتشبع الوان جيد ولكن فى الاضائة الضعيفة بيبان النويز فى الصورة لكن كده كده صعب نطلب منها انها تكون افضل من كده فى فئتها السعرية فهتاخد 8/10

      الكاميرا الامامية : 

      بدقة 2 ميجا بيكسل وجودها بكل صراحة كان بيادى الغرض فقط لا اكثر وبرده ده مقبول فى سعر الجهاز 

      اداء ارخص هاتف 4G فى مصر - IKU curvy C50L 4G :

      برغم ان واجهة الجهاز بتيجى بواجهة اقرب الى الاندرويد الخام الان ان الاداء مع 1 جيجا رام و معالج MT 6735 كان مزعج بصراحة وده غالبا هيكون حال اى جهاز ب 1 جيجا رام حاليا .. فى الالعاب البسيطة والمتوسطة مكنش فى مشكلة فى الجهاز وان كان مش بيشغل الالعاب على الدقة العالية ولكن كان فى المجمل جيد . الا ان المشاكل بتبان فى ال multitasking بشكل كبير فكان بيحصل تهنيج احيانا فى الجهاز مع الضغط عليه .
      الذاكرة الداخلية للجهاز 8 جيجا بايت متاح منه للمستخد فى حدود ال 4 جيجا بايت فقط ولكن متاح اضافة كارت ذاكرة خارجى فى مكان منفصل عن الشريحتين 
      ال sensors الى فى الجهاز هى الاساسية فقط .
      الجهاز لا يدعم ال otg .
      الجهاز حقق معيا على antutu benchmark فى حدود ال 24 الف نقطة .
      طبعا نقطة التسويق الاساسية فى الموبايل ده هو دعمه لخدمات الجيل الرابع 4G ولكن للامانة جربه على اكتر من خط اشتغل معايا على خطوط المصرية للاتصالات واتصالات ومشتغلش على فودافون ومجربتش موبينيل لان مكنش متاح معايا .

      بطارية ارخص هاتف 4G فى مصر - IKU curvy C50L 4G :

      الجهاز بييجى ببطارية 2300 MA وكانت ادائها معقول فى الاستخدام المتواصل المتوسط بتديلك من 5 ل6 ساعات لكن لو شغلت WIFI او داتا هيقل الرقم ل4 ساعات فقط لا غير معنديش تعليق على ادائها ولكن تعليقى ان شحنها بياخد ساعتين ونص وده رقم كبير .

      تعليقنا على ارخص هاتف 4G فى مصر - IKU curvy C50L 4G :

      الهاتف بشكل عام متوسط المستوي بس احنا بشكل عام منقدرش نرشح فى بداية 2018 جهاز ب 1 جيجا رام واقل حاجة ممكن نرشحها ان يكون الموبايل ب 2 جيجا رام لان كل ما الدنيا بتطور كل ما التطبيقات بتحتاج استهلاك رام اعلى  عشان تقدملك خدمات افضل وده طبعا غير مناسب اطلاقا مع هواتف ال 1 جيجا رام وخاصة ان فى تليفونات قريبة ب 2 جيجا رام زي MEIZU M5C بسعر 1700 جنيه ولكن مرشحش الهاتف ده غير فى حالتين الاولى ان يكون اقصى مبلغ متاح معاك هو  1200 جنيه او ان يكون هاتف ثانوي للعمل لا اكثر لان التعامل اليومي العادى فى موبايلات ال 1 جيجا رام هيقابلك تهنيج ولاج بشكل كبير فى الاستخدام البسيط حتى .

      مراجعة فيديو ارخص هاتف 4G فى مصر - IKU curvy C50L 4G :



      منين تشتري ارخص هاتف 4G فى مصر - IKU curvy C50L 4G :

      تقدر تشترى الهاتف من جوميا
      او من سوق

      هاتف sico nile x الهاتف المصرى ما له وما عليه ومواصفاته وعيوبه

      بسم الله الرحمن الرحيم

      هاتف sico nile x الهاتف المصرى ما له وما عليه ومواصفاته وعيوبه


      هاتف sico nile x الهاتف المصرى ما له وما عليه ومواصفاته وعيوبه
      ظهر من يومين اول هاتف صنع فى مصر هاتف sico nile x وحابين ننتكلم بموضوعية عنه وايه مواصفاته ومميزاته وعيوبه .

      الهاتف من انتاج الشركة المصرية لصناعات السيليكون sico وتنطق "سيكو" مش سايكو اه والله زي ما بقولك كده شعار الشركة فى وقت الدعايا للتابلت من فترة كان سيكو تاب بيقرب الاحباب :) .. تخيل تبقى ماسك تليفون سيكو . طيب نفكنا من الاسم ونتكلم بجد .

      من هى شركة سيكو sico :

      الشركة موجودة هنا فى مصر من سنتين او تلاتة شركة صينية مش منتشرة ومجهولة نوعا ما بتبيع اجهزتها وبتركز على الفئة الاقتصادية الدنيا فى التابلتس والهواتف فهى مش جديدة ولا حاجة .. كان فى فترة وزير الاتصالات اعلن عن منطقة صناعية وعن اتفاقه مع شركات للتصنيع فى مصر بعد ازمة تعويم الدولار وكان من الشركات الى انتهزت الفرصة ده لتفوز بلقب اول هاتف صنع فى مصر كانت شركة sico  .

      هاتف sico nile x  بيصنع بالكامل فى مصر ؟!

      لا الهاتف بمكون محلى بنسبة 45 % وده مش عيب ولا هو مشكلة فكل البراندات بتتكلم تقريبا فى نفس نسبة التصنيع ده ما عدا 3 او 4 شركت نسبة تصنيعهم عالية زي سامسونج وهواوى و apple الى بيصنعوا وبيطوروا المعالجات الخاصة بيهم .. لكن الشركة المصنع بتصمم الهاتف وال board واى شركة فى العالم بتبتدى تستورد المعالجات والشاشات والرامات ومستشعرات الكاميرا والمستشعرات الاخرى apple نفسها فى ال iphone x كانت بتتعاون فى الشاشة مع samsung فالنسبة معقولة جدا جدا كمان وده مش تطبيل اكيد لكن احنا قولنا هنقول ما له وما عليه .

      الاعلان عن هاتف sico nile x :

      الاعلان تم خلال فعاليات معرض القاهرة الدولى للاتصالات من خلال وزير الاتصالات واعلن ايضا ان الشركة هتوفر 8 موديلات حديثة صنعت فى مصر ونصف الكمية مخصصة للتصدير لبعض الدول العربية والافريقية .

      مواصفات هاتف sico nile x :

      • ياتى الهاتف بشاشة 5.7 بوصة HD+  بابعاد 18:9 .
      • ياتى الهاتف بكاميرا خلفية مزدوجة 13 +5 ميجا بيكسل .
      • وكاميرا امامية 8 ميجا بيكسل.
      • ذاكرة داخلية 64 جيجا بايت ورام 4 جيجا بايت .
      • معالج ثمانى الانوية MT6750  ومعالج رسوميات .
      • بطارية 2800 ملي امبير.
      • usb type c
      • الهاتف بييجى بنظام Android 7.1.2 من العلبة
      • يدعم شبكات الجيل الرابع .
      • الهاتف يحتوي على حساس بصمة الاصبع .

      مميزات هاتف sico nile x : 

      ابرز المميزات هتكون معروفة من المواصفات 
      1.  شاشة بنسبة الابعاد الجديدة 18:9
      2. شحن سريع و usb tybe c
      3. كاميرا خلفية مزدوجة 

      عيوب هاتف sico nile x : 

      1. غير مناسب لفئة سعره فالتسعير مبالغ فيه نسبيا بالنسبة لمعالج الهاتف ومواصفاته
      2. ايقونات الواجهة قديمة نسبيا
      3. البطارية غير مناسبة اطلاقا بالنسبة لمواصفات الهاتف ومن غير المتوقع انها تدى اداء جيد .
      4. عيوب اخري او لا هيتم تحديثها باستمرار فى حالة وجودها .

      كلام فى الصميم عن sico nile x :

      • الهاتف نقلة نوعية ممتازة ونسبة جيدة من المكون المحلى  .
      • التليفون مبيطيرش ده مجرد هاتف ليه عيوبه ومميزاته فبلاش اللعب على عقول المصريين ده بالنسبة للاعلام .
      • التليفون اما بيصور من الكاميرا الخلفية وبيتحط فريم فى نفس الوقت للتصوير من الامامية ده مش ميزة خارقة يا عمرو اديب.

      سعر هاتف sico nile x : 

      هو 4200 جنيه مصري اماكن شرائه ستتحدث وقت وجوده الفعلى فى الاسواق

      سعر ومواصفات ومميزات وعيوب هاتف xiaomi MI A1

      بسم الله الرحمن الرحيم

      سعر ومواصفات ومميزات هاتف xiaomi MI A1

      سعر ومواصفات ومميزات وعيوب هاتف xiaomi MI A1

      شركة شاومي حديثة العهد فى مصر قامت باطلاق هاتف MI A1 فى مصر من فترة ليست بعيدة ... عشان نعرف ايه هى مواصفات وعيوب الهاتف تابع معانا المقال ده .. ولو عاوز تعرف معلومات اكتر عن شركة xiaomi اقرا المقال ده "مين هى شركة شاومي xiaomi ومكانها فين عالميا"

      مواصفات xiaomi MI A1 :

      • ياتى الهاتف بشاشة 5.5 بوصة full HD 1920*1080 .
      • ياتى الهاتف بكاميرا خلفية مزدوجة 12 ميجا بيكسل احدهما بفتحة عدسة 2.2 والاخري بفتحة عدسة 2.6 بتصور لحد 4k وفيها خاصية العزل .
      • وكاميرا امامية 5 ميجا بيكسل.
      • ذاكرة داخلية 64 جيجا بايت ورام 4 جيجا بايت .
      • معالج ثمانى الانوية Snapdragon 625 ومعالج رسوميات Adreno 506 .
      • بطارية 3080 ملي امبير.
      • usb type c
      • الهاتف بييجى بنظام Android 7.1.2 من العلبة ومخطط تحديثه لاندرويد 8 اوريو وواجهة تشغيل غير معدلة ضمن برنامج android one .
      • يدعم شبكات الجيل الرابع .
      • الهاتف يحتوي على بصمة الاصبع .

      مميزات هاتف xiaomi MI A1 :


      1. كاميرا xiaomi MI A1 : يمكن ناس كتير تسال نفسها كاميرا و xiaomi لا يتفقو لكن الغريب ان فعلا كاميرا الهاتف اقل ما يقال عنها انها ممتازة وبتقدم صور معقولة جدا مش كده وبس ده بتنافس هواتف اعلى منها فى السعر بكتير وكانت مفاجئة حقيقية لكل المتابعين خاصة فى الاضائة القوية . طبعا كلامنا هنا عن الكاميرا الخلفية .
      2. واجهة النظام لهاتف xiaomi MI A1 : مش عارف فى ناس ممكن تعتبرها ميزة او عيب لانه بييجى بواجهة نظام اندرويد خام ضمن مشروع xiaomi mi a1 الى هتقدملك يجد اداء فوق الخيال بحبتين تلاتة وسلالسة فى اداء المهمات بشكل كبير جدا وram management اكتر من محترم فلو اتكلمنا عن اداء انت بتنافس اجهزة اعلى بكتير فى السعر ولكن بتفقد مميزات الواجهة المعدلة الخاصة بشركة xiaomi وهى واجهة "miui" والى بتحتوى على الكثير من المميزات المحترمة زي نسخ التطبيقات مثلا وال second space الى بتخليك كانك شايل موبايلين مختلفين تماما .
      3. وجود usb type c فى هاتف xiaomi MI A1 الى هيبتدى يتوجهله العالم بعد كده لسرعة نقل البيانات من خلاله .
      4. كلنا عارفين ان شاومي مش بخيلة فى المستشعرات فكل المستشعرات الى محتاجها والى مش محتاجها هتلاقيها والهاتف كمان فيه مستشعر ال ir blaster والى بيخليك تتحكم فى اى جهاز فى البيت عن طريقه لانه يعمل كريموت . وممكن تقرا اكتر عن ايه هو المستشعر ده من هنا  "ما هو ال Infrared blaster ؟! وكيف يستخدم الهاتف كريموت

      بداية اطلاق xiaomi MI A1 :

      متكلمناش عنه نهائي فى البداية لاكتر من سبب ... السبب الاساسي ان الشركة مكنتش اعلنت عنه بشكل رسمي رغم مبيعاته مؤقتا في السوق " بالونة اختبار " ثانيا لحد منشوف نهاية مشكلة ال play store .
      الموبايل مع وجوده ب android one الي فيكم مسك الهوت ٢ بروم android one هيعرف ان كان في نفس المشكلة ومتحلتش .
      المشكلة ده كانت هتفرق مع مبيعات الفون ده فرق السما والارض لو متحلتش .. الموبايل الي المفروض انه قاتل فئته السعرية كان هيتحول من انه الخيار الاول للمستخدم العادي في السعر ده الي انه يبقي موبايل ال geeks وده مش هدف شاومي من الموب ده .
      المشكلة اتحلت فبالتالي تم الاعلان عنه رسمي على الصفحة الرسمية

      عيوب xiaomi MI A1 :

      مشكلة ال play store ان مكنش بيحمل من خلاله سواء من الباقة او من ال wifi ولكن تم حل المشكلة ومتوقع انها ترجع بعد التحديثات احيانا لكنها هتتحل مرة اخري عن طريق الشركة فى مصر  .

      1. فى صوت بيظهر فى اثناء تصوير الفيديو فى الاماكن المزدحمة والى بيكون فيها ضجيج كتير حواليك متوقع حلها عن طريق تحديث .
      2. كاميرا امامية ضعيفة .. ولكن تفى بالغرض 

      تعليقنا على هاتف xiaomi MI A1 : 

      الهاتف طفرة لا ينكرها احد فى السوق المصري ومناسب تماما فى فئته السعرية وعلى اوائل ترشيحاتنا للهواتف فى هذه الفئة فببساطة حتى الان لا يوجد منافس وفى انتظار meizu m6 note .

      سعر واماكن شراء هاتف xiaomi MI A1 : 

      سعر الهاتف الرسمي هو 4333
      وممكن تشتريه من خلال jumia

      يهمك برده انك تقرا تجربتى مع الصافى وكيل xiaomi فى مصر "

      لو عاوز تعرف اكتر عن هواتف شركة شاومي ازاى تقدر تشتريها اقرا المقال ده " منين تشترى منتجات شاومي فى مصر - xiaomi"

      ايهما افضل OPPO f5 vs Huawei mate 10 lite

      بسم الله الرحمن الرحيم
      النهاردة معادنا مع مقال جديد فى مقالات الخلاصة 

      ايهما افضل OPPO f5 vs Huawei mate 10 lite

      OPPO f5 vs Huawei mate 10 lite
      حاليا يمكن ولاول مرة oppo بتقدم هاتف oppo f5 والى اتفق الجميع انه احد افضل الهواتف مناسبة لفئته السعرية الى قدمتها oppo ولكنه يواجه منافسة شرسة جدا من Huawei mate 10 lite ..فالنهاردة هنشوف مع بعض المقارنة الشرسة OPPO f5 vs Huawei mate 10 lite .

      OPPO f5 vs Huawei mate 10 lite بالنسبة للشاشة :

      بسهولة جدا نقدر نقول ان الشاشة من الحاجات الى غالبا نقدر نتجاهلها بسهولة فى المقارنة ده الشاشتين هيدولك اداء رائع .. الشاشتين بيدولك 18:9 ratio لاول مرة فى السعر ده ! .. الاتنين هيحققولك الاداء المنتظر الفرق الطفيف الوحيد
      ان Huawei mate 10 lite حجمة الشاشة 5.9 بوصة لكن OPPO f5 بحجم شاشة 6 بوصة
      فلا مش هى ده النقطة الفارقة .

      OPPO f5 vs Huawei mate 10 lite بالنسبة الذاكرة الداخلية وحجم الرام او الذاكرة العشوائية:

      فى تفوق نسبى هنا بالنسبة ل Huawei mate 10 lite لانه بيجى ب64 جيجا ذاكرة داخلية و 4 جيجا رام .
      لكن OPPO f5 ب 32 جيجا ذاكرة داخلية و 4 جيجا رام .
      *جدير بالذكر ان فى نسخة اخري ب 64 جيجا ذاكرة داخلية و 6 جيجا رام لكن متوقع وجودها بفارق سعري كبير *

      OPPO f5 vs Huawei mate 10 lite بالنسبة للكاميرا :

      هتستمر الحيرة والمعاناة هنا على الرغم من ان الاجابة بالنسبة للمستخدم الى اول مرة يشوف الجهازين يعتقد انها محسومة للهاتف ذو الاربع كاميرات لاول مرة فى الفئة السعرية .. لكن هتتفاجئ انها مش دايما محسومة 
      الكاميرا الخلفية اداء الكاميرا ممتاز ل Huawei mate 10 lite وبيتفوق على oppo f5 خاصة مع خاصية العزل .
      الكاميرا الامامية على الرغم من ان ال Huawei mate 10 lite به 2 كاميرا الا ان فائدة الكاميرا التانية بتقتصر على العزل الى بيدى شكل جيد الا ان الجودة نفسها للصورة هتروح بشكل كبير لل oppo f5

      OPPO f5 vs Huawei mate 10 lite بالنسبة للمعالج والاداء : 

      Huawei mate 10 lite ياتى بمعالج HiSilicon Kirin 659
      OPPO f5 ياتى بمعالج Mediatek MT6763T Helio P23 
      الاداء هيكون قريب بشكل كبير حتى لو فى تفوق نسبى لواحد على الاخر ببساطة يمكن تجاهله .. الحكم مش فى النقطة ده المعالجين معالجات فئة متوسطة بتدى اداء محترم بشكل كبير هيقابلك نوعا ما لاج مع الضغط عليهم فى بعض الالعاب الى بتشتغل بجرافيك عالى نسبيا .

      OPPO f5 vs Huawei mate 10 lite بالنسبة للبطارية :

      الى بيكتب المقال نفسه تعب من كتر ما قال انها مش النقطة الفاصلة لكن البطارية فى الجهازين فعلا قريبين مع بعض مع تفوق نسبي ل oppo f5 على الرغم من ان سعة البطارية فيه 3200 اقل من  Huawei mate 10 lite الى سعة بطاريته 3340 ملى امبير كمان فى اختبرات سرعة الشحن فى تفوق نسبى ل oppo f5 

      OPPO f5 vs Huawei mate 10 lite بالنسبة للاضافات :

      1- Huawei mate 10 lite يعنى هاتف فيه 4 كاميرات وامكانيات جذابة فعلا للمستخدم مفيهوش مستشعر ال gyroscope ليه رغم انه ميزة اساسية حاليا لكتير من الناس وكمان احد المميزات المهمة مستقبلا والعالم كله بيخدم على الميزة ده !! نقطة تحسب ل oppo 
      2- واجهة التشغيل فى الجهازين جيدة يعيب شركة oppo بالنسباى ويمكن بيميزها لاخرين نها زي ما بتنقل تصميماتها من apple فواجهة المستخدم متقلدة بشكل حرفى من ال ios بدون ادنى ابتكار .
      3- جدير بالذكر ان فى تفوق نسبى لل oppo f5 ان الشاشة عليها طبقة حماية Corning Gorilla Glass 5 

      على اساس ايه تختار ما بين OPPO f5 او Huawei mate 10 lite :

      الموضوع محير شوية .. بس سهل للشخص الى منظم اولوياته اقرا المقارنة بهدوء ورتب اولوياتك 
      ابرز الفروقات هتكون 
      1- عامل الابهار ب 4 كاميرات  وخاصية العزل لل mate 10 lite
      2- الكاميرا الامامية لل oppo f5
      3- طبقة الحماية والجيروسكوب الى مسؤل عن تشغيل الجهاز على نظارات الواقع الافتراضى لل oppo f5
      4- الذاكرة الداخلية لل Huawei mate 10 lite
      5- مكان منفصل لاضافة كارت الذاكرة الخارجى ب oppo f5 عكس ال mate 10 lite الى لازم تختار ما بين خطين او يكون خط وكارت ذاكرة خارجى
      الباقى قربهم ميخلكش تحطه فى اعتبارك وده هو الاساس

      منين تشترى وايه هو سعر Huawei mate 10 lite :

      من سوق . كوم  
      او من جوميا 

      منين تشترى وايه هو سعر oppo f5 :

      الهاتف لا زال فى مرحلة الحجز المسبق 

      فى هاتفين اخرين ليهم وجود قوي ممكن تفكروا معايا لو حبينا ندخلهم المقارنة وهم infinix zero 5 و xiaomi a1

      الشركتين من ضمن امبراطوريات الهواتف الى اتكلمنا عنهم فى المقال ده لو حابب تعرف عنهم اكتر "امبراطوريات الهواتف - شركات اصلها واحد"

      يعنى ايه stuck pixels او Dead pixels وايه علاقتهم بشاومي نوت 4 وايه هو حلهم ؟!

      بسم الله الرحمن الرحيم

      يعنى ايه stuck pixels او Dead pixels وايه علاقتهم بشاومي نوت 4 وايه هو حلهم ؟!

      يعنى ايه stuck pixels او Dead pixels

      نبدا م بعض بتعريف ايه هى المشكلة . مع انتشار الشاشات دلوقت كل الاجهزة تقريبا بقى فيها شاشات ومن اكتر عيوب شاشات ال lcd انتشارا هو مشكلة ال dead pixels وال stuck pixels . طيب ايه هو الفرق بينهم وما هو معناهم وهل فى حل ولا لا ومشكلة الشاومي نوت 4 كل ده هنعرفه مع بعض باذن الله وبكل بساطة

      يعنى ايه Dead pixel :

      معنى ال dead pixel انه pixel خامل مش بيوصله باور - power اصلا وده بيكون احد عيوب التصنيع غالبا هيكون لونه معاك اسود وبيكون ظاهر فى كل الالوان وفى بعض الاحوال ممكن يكون ابيض

      يعنى ايه Stuck pixel :

      ده بقى معناه من اسمه كده هو pixel عالق .. يعنى ثابت على لون معين فى اغلب الاحيانا هيكون بلون احد ال 3 الوان الرئيسية ( احمر - ازرق - اخضر ) ممكن يظهر بالالوان ده فى لون معين فقط واحيانا ممكن ملاحظته فى كل الالوان .
      ازاى تعرف لو كان فى شاشة جهاز التليفون او اللاب توب او التليفزيون Dead pixels او stuck pixels ؟!
      ملاحظة المشكلة من اساسها مش سهل اصلا وممكن تكون موجودة معاك من سنين وانت مش واخد بالك طبيعى جدا .. خاصة لو المشكلة ده فى شاشات ال full hd او ال hd لان عدد ال pixels فيها كبير جدا فحجم ال pixel الواحد اصلا صغير فعشان تلاحظ المشكلة هيحتاج منك مجهود .
      لكن لو عاوز تعرف عامتا هتفتح شاشة الجهاز على خلفية بيضاء كاملة مع اضائة شاشة كاملة مع مكان مظلم وده هيعرفك لو كان فى dead pixel هتلاقيه فراغ صغير اسود .
      تغير الخلفية ده لعدة الوان واهمهم اللون الاسود خاصة وتعلى الاضائة على الاخر فى مكان مظلم وتفحص الشاشة وهيبان لو كان فى stuck pixels بلون مغاير . وكمان تجرب على الالوان الاساسية التانية .
      على الرغم من ان يبدو ان ال dead pixel اسهل انك تشوفه فى الحياة العملية عن ال stuck pixel الا ان الى بيحصل هو العكس تماما لن ال dead pixel فى الاساس لونه اسود ففى غالبية الوقت صعب جدا تحس بيه عكس لو معلق على لون مختلف خاصة لو بيظهر فى جميع الاوضاع هيكون مزعج جدا وواضح للعين بسهولة .
      (الخلفية باللون الاسود للمعاينة تجدها اسفل المقال)

      ازاى ممكن تصلح ال dead pixel او ال stuck pixel ؟!

      بالنسبة لل dead pixel فده مستحيل بشكل عام اصلاحه لانه عيب فى الشاشة نفسها لو عاوز تحلها هتضطر تتوجه للوكيل لتغيير الشاشة او اصلاحها .
      اما ال stuck pixel فهو برده صعب جدا اصلاحه لكن هو فى الاول وفى الاخر pixel شغال بس عالق على لون واحد فى بعض الحيل مكن تجربها وقد يكون مع ان الامل ضعيف اصلاحه زي مثلا فيديوهات بتقوم بتغيير الالوان بسرعة كبيرة فى الحالة ده ممكن ال pixel ده يستجيب لتغير الالوان ف الشاشة وهنحط لينك احد الفيديوهات فى حالة حبيت تجرب .
      خلى بالك من الحاجات ده تجنبا لتشخيص خاطئ لل dead pixel او ال stuck pixel :
      الى هيتقال دلوقت ممكن تحسه تافه لكنه فعلا ساعات بيضلل ناس كتير جدا مش بعيد يكون تشخيصك الغلط بسبب ذرة تراب او رمل على الشاشة او حاجة لزقة فى الشاشة فلازم تتاكد ان الشاشة نضيقة جدا اثناء الاختبار .
      هل الوكيل ملزم يغير فى حالة وجود احد المشكلتين دول :
      بالتاكيد ده عيب صناعة ويجب على التوكيل التغيير للمتضرر ولكن لان ده اكتر عيوب الشاشات انتشارا اغلب التوكيلات بيكون ليها سياسة داخلية خاصة بالموضوع ده ولازم تكون معلن عنها ومعروفة للمستهلك وبتختلف من شركة للتانية وغالبية الشركات بتحدد عدد معين من ال pixels لو متخطاش العدد ده منها ميبقاش عيب صناعة .
      نصيحة :
      المقال للفائدة العلمية الموضوع بذاته مش مؤثر وزي ما قولنا صعب ملاحظته فلو انت مش ماثر معاك اصلا متجريش وتدور وراه خاصة لو انت من الناس الى لو عرفت هتضايق بشكل او باخر خاصة ان لو العيب موجود ومجهول مش هتشوفه لكن لو موجود وانت عرفته وعرفت مكانه هيبتدى دايما يبقى فى مجال نظرك .

      فيديو لمحاولة اصلاح ال stuck pixel شغله لفترة طويلة على وضعية full screen "من هنا"
      **************

      ايه علاقة stuck pixels او Dead pixels بالشاومي نوت 4 :

      محدش فينا يقدر ينكر باى شكل من الاشكال ان الجهاز فعلا جبار فى فئته السعرية بكل المقاييس من حيث ادائه ولكن المشكلة ده منتشرة فيه بشكل كبير وزي ما اتفقنا على انها مش مؤثرة ومن رئيى انا فى الاختيار نتغاضي عنها بكل بساطة عشان تكسب باقى المميزات ولكن بما ان فى مستهلكين وده حقهم ميقبلوش اى مشكلة حتى لو كانت غير مؤثرة وده حقه فلازم يعرف ببساطة . 

      الجهاز ده رغم ان لازم نرشحه الا ان اكتر جهاز برشحه وانا مقلق منه وبغض النظر عن ان الوكيل ماكد ان لو فى اكتر من 3 بيتغير الجهاز او لو واحد فقط بس ظاهر فى كل الالوان الا ان مشورة العميل نفسها فى قصة الضمان ممكن تكون مجهدة بالنسباله وعشان كده البوست ده شبه اخلاء مسؤلية مع الترشيح لان اهم حاجة بالنسبالنا دعوة لينا من حد فيدناه واكتر حاجة تضرنا وميبقاش ليها لازمة وجود الصفحة من اساسه هو دعوة علينا !

      لو عاوز تعرف منين ممكن تشترى اجهزة شاومي بالاسعار الرسمية ممكن تقرا المقال ده "منين تشترى منتجات شاومي فى مصر - xiaomi"

      نصيحتنا مع شراء الجهاز لو تقدر تشتريه من الوكيل وتعاين الشاشة هناك بنفسك وقت شرائك .

      لو عاوز تعرف اكتر عن شركة شاومي اقرا المقال ده "مين هى شركة شاومي xiaomi ومكانها فين عالميا"
      لو عاوز تعرف اكتر عن هواتف شركة شاومي ازاى تقدر تشتريها اقرا المقال ده " منين تشترى منتجات شاومي فى مصر - xiaomi"


      خلفيات اختبار ال stuck pixels و Dead pixels :


      خلفية اختبار stuck pixels سوداء

      خلفية اختبار stuck pixels زرقاء

      خلفية اختبار stuck pixels حمراء

      خلفية اختبار Dead pixels  بيضاء

      خلفية اختبار stuck pixels صفراء
      المراجع : 1 2 3 

      للنقاش : متمسكش الطبلة عيوب شركات الهواتف

      بسم الله الرحمن الرحيم

      للنقاش : متمسكش الطبلة عيوب شركات الهواتف

      متمسكش الطبلة : عيوب شركات الهواتف فى مصر
      حاجة عاوز اتكلم عنها من زمان .. انت المستخدم عارف يعنى ايه مستخدم ؟! يعنى الشركة بتجري وراك عاوزاك تشتري منها عاوزاك تكون جزء منها بدونك مفيش شركة انت الملك والشركة هى التابع الى بتحاول ترضيك .
      متتحولش من مكانتك العالية اوى ده وتتحول من من مستخدم له حق الاختيار والانتقاد وتبقى مشجع ولو بقيت مشجع لاقتناعك بالشركة ومعرفتك بعيوبها قبل مميزاتها متتحولش لمحامى قضيته هو انكار اخطاء سواء موجودة او لا .

      تخيل ان فى الفترة الى فاتت كان فى ناس فى جروبات مستخدمى الهواتف بتتحظر من الجروب لوجود مشكلة فى الشركة من مستخدم تانى الى هو المفروض يدافع عنه !! مش معنى ان الفون معاك كويس انه هيبقى كويس مع كله ومش معنى ان فى مشكلة مع حد ان العيب منه او انه بيهاجم الشركة ممكن يكون معاه مشكلة عادي جدا !! وغالبا مش هيبقى فيه شركة تانية دفعاله عشان يحط مشكلته كده :) .

      طيب رغم ان كلامى هيزعل ناس كتير بس خلينا نقوله ونتمنى من الى هيشوفه يتقبله عادي جدا لانك مستخدم من حقك تقارن ومن حقك تعرف 

      عيوب شركة Apple :

       اه هتاخد حماية وتحديثات منتظمة واهتمام من الشركة وخامات ممتازة بس هتدفع سعر كبير وهتتحرم من مميزات تانية كتير بيتيحهالك الشركات التانية الى بتنفاس بعضها فى نظام الاندرويد ولان apple ملهاش منافس بنظامها ios فالى بيحركها هو نفسها وبس وبتستغنى عن مميزات تانية بتدى افضلية للمستخدم  مع انها ارغمت انها تبتدى تشوف غيرها وتنفذ المميزات الى اتحرم منها مستخدميها من سنين (( فخامة التفاحة لا تكفى ))

      عيوب شركة OPPO 

      اه سوفت متوافق مع العتاد وقريب من ال ios "شكلا" وخامات جيدة وخدمة ما بعد البيع الجيدة والتركيز على الكاميرات خاصة السلفي الا ان اسعارها غير مقبولة وبيتحمل عليها مصاريف الدعاية المهولة والامكانيات بالنسبة لمنافسيها فى فئة السعر قليلة   وبتنحت تصاميم ال iphone  لكنها ناجحة بده ومعليهاش لوم .

       عيوب شركة Xiaomi

      اه شركة محترمة مركز متقدم فى المبيعات وامكانيات حرفيا تقدر تقول عليها جبارة فى سعرها الا ان الخامات عندها مهياش الاولوية والكاميرا بتقتصد فيها الا ان نجاحها فى تسعيرها وده برده مقبول جدا .

       عيوب شركة infinix - Tecno :

       شركات ناجحة فى مصر جدا وامكانياتها معقولة على سعرها وكاميرات جيدة فى سعرها وبتهتم بمميزات الى عاوزها المستخدم وبتخدم على الى محتاجه فئة الشباب وبتنقل تجربة من فئات عالية وموفراها فى فئات اقتصادية الا انهم بيقتصدوا فى الخامات واسوء تجربة ما بعد البيع فى مصر حتى الان بامتياز مع carlcare

      عيوب شركة HTC - Sony :

       شركات كبيرة جدا وكانوا مراكز قوية جدا فى اخر 10 سنين وخامات ممتازة وتصميمات جيدة بامتياز الا ان ابتدى انحدار عالمى كبير اخر سنتين فى مبيعاتهم عالميا او حتى فى مصر بسبب فشل تسويقى واسعار مبالغ فيها جدا هنا بالنسبة للمنافسين ومبيعاتهم قائمة فى مصر على قوة البراند لا اكثر .

      عيوب شركة Samsung : 

      شركة مينفعش نتكلم عليها لانها انجح شركة عالميا الا انك فى مصر لاسباب كتيرة جدا من ضمنها التسعير وقيمة الجنيه والمنافسة الشديدة مش هتاخد منها حاجة فى الفئة الاقتصادية وغالبا الوسطى وطبعا لو اتجهنا لفئة الاجهزة العليا فهى ركيزتها الاساسية فيها .

      عيوب شركة Motorola : 

      شركة محترمة جدا خامات وسوفت بسيط وكاميرا بتكون احد المميزين فى الفئة السعرية لكن تسعير مبالغ فيه احيانا و ساعات بينقص حاجات تحسسك ان الطبخة ناقصة ملح :) كمان تقريبا تقدر تعتبر الى ماسك توكيلها تانى اسوء خدمة ما بعد البيع فى مصر .

      عيوب شركة HUAWEI : 

      طبعا شغلها العالمي معروف الا انها بالنسبالنا هنا فى السوق المصرى بتمشى على سطر وتسيب التانى فى موضوع التسعير مش دايما هتكون الافضل فى سعرها .

      عيوب شركة MEIZU

      شركة صاعدة عالميا فى مصر ينقصها التسويق والانتشار وبتعشق MediaTek الا ان الموضوع ابتدى يتغير وساعات تسعيرها بيخونها فى مصر خاصة فى بدايتها .

      ببساطة الخلاصة الى نستشفها من الموضوع ده بالنسبة لشركات الهواتف 
      •  لو كان فى حاجة كاملة مكنش هيبقى فى وجود لكل الشركات ده !
      •  انت بتختار فون مش بتختار شركة .
      • كل تسعير والمنافسة فيه بتختلف عيب لم حد يسالك على فون فى سعره وتقوله اسم شركة حلوة مش لازم الى معاك كويس هيبقى فى سعر تانى برده كويس مش لازم الى معاك اصلا يبقى الافضل فى سعره عادي .
      • مفيش فون ماسك فئة سعره بشكل كامل فى فروقات بين كل فون والتانى ممكن الى يكون كويس اداء ميكنش كويس كاميرا عادي جدا فاولوياتك هى الى هتحدد الى انت محتاجه .

      من هى شركة meizu - ميزو

      بسم الله الرحمن الرحيم 
      النهاردة باذن لله معادنا مع مقال جديد عن

      من هى شركة meizu - ميزو

      من هى شركة meizu
      مع الانتشار الكبير لشركات جديدة فى السوق المصرى الفترة الى فاتت جالنا طلبات كتير بكتابة مقال شامل عن الشركة الصينية الشهيرة شركة meizu وده كانت رغبة لينا فى الموقع فعشان كده موضوعنا النهاردة عن من هى شركة meizu .
      وعلى الرغم من وجود عدد كبير من الشركات الصينية التى توفرت فى السوق الا ان شركة meizu احد اهم الشركات الصينية المتواجدة فى السوق المصري وممكن تقرا المقال ده للمزيد من الاستفادة "شركات الهواتف الصينية فى مصر ومركزها العالمي"

      مين هى شركة meizu :

      شركة meizu هى شركة صينية تاسست عام 2003 عن طريق مؤسسها Jack Wong  فى النبذة التعريفية عنهم كتبت الشركة انها شركة دايما بتحاول توفير تجربة هاتفية سلسة وبسيطة بتتيج للمستخدام استخدام الهاتف ببساطة فى كل ما يحتاجه وان الشركة بتهتم جدا بتصميماتها البسيطة والمريحة مع توفير اعلى جودة ممكنة سواء كان ده فى التجربة الصوتية او الكاميرا ذات الجودة العالية وواجهة المستخدم البسيطة .

      تاريخ شركة meizu :

      زى ما قولنا ان الشركة ابتدت سنة 2003 وكانت بدايتها بتصنيع اجهزة ال mp3 وستمر تطور الشركة وابتدت انتاج اول جهاز mp4 عام 2006 لحد ما جت سنة 2007 شهر 4 بتوفير اول هاتف للشركة وهو هاتف meizu m8 الهاتف ده كن طفرة نوعية بالنسبة للشركة لانه كان اول هاتف تعلن عن الشركة بعد الاجهزة الناجحة التليفون ده جه بعد اعلان اول هاتف iphone فكان جاى بتقليد كبير فى الشكل وده احد اسباب نجاحه فكان احد افضل هواتف التى تعمل باللمس فى وقتها وكان شغال على نظام Mymobile المبنى على نواة  Microsoft Windows CE 6.0
      هاتف meizu m8 اول هات من انتاج شركة meizu

      واستمر تطور الشركة لحد سنة 2011 لما قدمت الشركة جهاز meizu m9 كاول هاتف تصدره الشركة يعمل بنظام ال android وكان يعد احد اكثر الهواتف نجاحا فى الصين وقتها وفى سنة 2012 تم اطلاق هاتف meizu mx وكان اول هاتف بعمل بواجهة النظام Flyme OS الخاصة بشركة meizu واستمر تطور الشركة وابتدى انتشارها خارج الصين بسلسلة من النجاحات لحد وقتنا ده وبداية وجودها فى مصر .

      واجهة المستخدم الخاصة بشركة meizu :

      الشركة بتعتمد فى اجهزتها حاليا على نظام الاندرويد كنظام تشغيل لكن بتعمل بواجهة مستخدمة خاصة بيها معدلة من النظام بتسميها الشركة Flyme OS وهى واجهة فيها تعديلات كبيرة فى الشكل النهائى لواجهة المستخدم عن نظام الاندرويد الخام والى بتعد احد افضل واجهات المستخدم فى سلاسة النظام . واستمر تطور واجهة الستخدم الى ان وصلت لاخ اصدار لها حتى الان وهو اصدار Flyme 6 .

      ما هو موقع شركة meizu بين الشركات الاخري ؟!

      يمكن زي ما قولنا فى اكتر من مقال قبل كده ان السوق المصري للاسف كان معزول وغير مطلع على السوق العالمي من فترة كبيرة فبالنسبالنا اى شركة جديدة هى شركة مش معروفة او مغمورة وبياورنا الشك عنها رغم ان بقليل من الاطلاع ممكن تلاقى مركزها معدي شركات كتير موجود فى ثقة للمصريين فيها !!
      بالنسبة لشركة meizu الشركة فى المركز ال 11 عالميا فى المبيعات وبتعد سادس افضل شركة مبيعا فى الصين خلف شركة xiaomi مباشرة والى اتكلمنا عنها قبل كده وتقدر تشوف مقالنا من هنا "مين هى شركة شاومي xiaomi ومكانها فين عالميا"
      والشركة بتواجه منافسة شديدة فى السوق الصينى مع شركة Gionee وطبعا مفيش كلام ان الشركة هى احد شركات الصف الاول فى الصين واحد افضل الشركات الموجودة على الساحة العالمية .
      افضل شركات الهواتف مبيعا فى السوق الصينى فى عام 2017

      وجود شركة meizu فى مصر :

      فى 9 فبراير 2017 اعلنت شركة kmg وجود شركة meizu فى مصر وان شركة kmg هى الوكيل الحصري ليها وابتدت الشركة فى الانتشار بخطوات معقولة جدا فى السوق المصري .

      تعديل اسعار شركة meizu من خلال الوكيل kmg :

      kmg وكيل meizu - ميزو فى مصر

      معنديش اى مانع من اى نوع ان تتغير الاسعار للاحسن.
      نزول سعر جهاز m3 note خلال سنة حوالى 1000 جنيه عشان يبقى سعره 2000 جنيه على سوق
      كمستخدم ومالك للجهاز اكيد هتضايق لو سعر الجهاز قل خاصة لو القيمة مش قليلة ولكن ..
      كمراجع وكشخص محايد بشجع رئي شركة انها تعدل على اسعارها وانها تشوف السوق بنظرة صحيحة .. وتعيد تعديل اوضاعها طمعا فى حصة من السوق المصري .
      ده حصل قبل كده مع شاومي وشجعناه وبيحصل مع meizu ولازم نشجعه . سواء كن ده بشكل عرض مؤقت او سعر دائم انا معنديش ادني مانع . 
      ده رئيي انت رئيك ايه ؟! هل ضد ان الشركة ترخص السعر لما فيه ضرر على المستخدم الحالى ؟! ولا المصلحة العامة اهم ؟! وايه رئيك لو كنت انت المستخدم الحالى
      وبشكل عام بعد العرض الهاتف هو الافضل في فئته السعرية لو عاوز تشتريه

      منين تشترى منتجات شركة meizu فى مصر :

      هواتف الشركة موجودة بالفعل فى محلات الهواتف وكمان ممكن تشتريها online من خلال جوميا وسوق
      لو عاوز تشترى وتعرف اسعار هواتف شركة meizu من جوميا (من هنا)
      لو عاوز تشترى وتعرف اسعار هواتف شركة meizu من سوق (من هنا)

      اماكن توكيل شركة meizu فى مصر :

      15 شارع محمود عصمت حمدي بجوار فلوريدا مول - مساكن شيراتون - مصر الجديدة

      مراجع : 1 2 

      ما هو ال wifi calling ؟

      بسم الله الرحمن الرحيم
      موضوعنا النهاردة عن

      ما هو ال wifi calling ؟

      ما هو ال wifi calling
      كام مرة وانت فى البيت او الشغل او اماكن كتير مغلقة سيئة التغطية ملقتش شبكة ؟! طب خلاص هتفضل مستنى الشبكة تزود التغطية فى منطقتك !! يمكن لو انت فى القاهرة مش هتحس بيها اوي لكن لو فى الارياف خاصة هتلاقى ان التغطية سيئة للغاية طب هل ده ملهوش حل ؟! لا ليه وحله هو ال wifi calling .

      كل يوم عن التانى الدنيا بتطور بشكل كبير وسريع واحنا كالعادة بيوصلنا التقنيات بعد ما تبقى موجودة فى كل حتة بفترات ! .. العالم كله بيسعى لحل المشاكل اما بالنسبالنا حتى لو الحل موجود مبنسعاش نوفره ! . شوف ال 4g متواجد فى لعالم من امتى ووصلنا هنا امتى .. لكن خلينا فى موضوعنا بما ان اثير كلام ان شركة المحمول الرابعة we بعد اطلاقها بشكل رسمي هتيح خدمة ال wifi calling فتعالوا نعرف ايه هى الخدمة ده مع بعض .

      ما هو ال wifi calling ؟!

      تقنية جديدة متوفرة من فترة فى حدود ال 4 سنوات بتعتمد فى الاساس على حل مشاكل المناطق الغير جيدة التغطية فى الشبكات والمناطق المنعزلة الى متوفر فيها خدمة ال wifi وبيتيح اجراء المكالمات واستقبالها "بخطك ورقمك" على الشبكة من خلال الاتصال بال wifi وبنفس الاسعار كان بالظبط ال wifi هو شبكتك فى اللحظة ده . وتقدر تستخدمه فى جميع خدمات الشبكة سواء رسائل او مكالمات .

      ايه الفرق بين خدمة ال wifi calling وبرامج زي whatsapp وغيرها ؟!

      فى كتير من البرامج الى بتيحلك عمل مكالمت صوتية زى ال messenger و ال whatsapp وال viber وال skype وغيرها كتير وبتادي نفس الغرض !!
      الحقيقة فى عدة اختلافات مهمة للغاية وهنعرفها حال مع بعض

      اهم الاختلافات بين برامج تقديم الخدمة الصوتية وال wifi calling :


      • انت هنا بتعمل المكالمات من خطك انت لكن نقلها فقط عن طريق ال wifi فحتى الى بتكلمه هيوصله كانها مكالمة عادية من الشبكة 
      •  فى برامج الخدمات الصوتية بتشترط ان انتو الاتنين تكونوا فاتحين انترنت وده مختلف تماما عن هنا لان فى ال wifi calling الشخص الى بتكلمه مش محتاج يفتح انترنت .
      •  مش بتحتاج تسجيل او غيره لتفعيل خدمة ال wifi calling لانك عميل عدى على الشبكة عكس البرامج الى بتطلب تسجيل البيانات وعمل اكونت عشان تكون متصل 


      ما هو المطلوب للاشتراك فى خدمة ال wifi calling ؟!

      الخدمة مجانية بشكل كامل " ده الطبيعي " لكن بيكون من متطلبات تشغيلها ان مشغل الشبكة يدعمها وان التليفون الخاص بيك يكون داعم ايضا لخدمة ال wifi calling وتكون سامح بتفعيل الخدمة فيه .

      مين الشركات الى هتقدم خدمة ال wifi calling ده فى مصر ؟!

      الشركة الوحيدة الى بيتم تناقل الاخبار فى تفعيل الخدمة بشدة هى شبكة wi المصرية للاتصالات وهى الشبكة الرابعة المنضمة حديثا فى مصر ويقال ان فى بعض الهواتف الى هيكون عليها عروض والتى تدعم خدمة ال wifi calling بالتعاون مع الشركات المصنعة
      لمعلومات اكتر عن شركة المصرية للاتصالات اقرا المقال ده "الملف الشامل لاسعار شبكة المحمول الرابعة المصرية للاتصالات we وهل هى عروض حقيقية ؟!"

      ايه هى الموبايلات او الهواتف الى بتدعم ال wifi calling ؟!

      الهواتف التى تعمل بنظام ال ios من شركة apple  وتدعم خدمة ال wifi calling من بعد iPhone se وهم

      iPhone SE
      iPhone 6s Plus
      iPhone 6s
      iPhone 6
      iPhone 6 Plus
      iPhone 7
      iPhone 7 Plus
      iPhone 8
      iPhone 8 Plus
      iPhone x

      اشهر الهوتف الى تدعم ال wifi calling و التى تعمل بنظام الاندرويد 

      LG G4
      LG G5
      LG V10
      LG K10
      LG Phoenix 2
      LG G Vista 2
      Galaxy S5
      Galaxy S5 active
      Galaxy S6
      Galaxy S6 edge
      Galaxy S6 + edge
      Galaxy S6 active
      Galaxy S7 edge
      Galaxy S7
      Galaxy S7 active
       Galaxy S8
      Galaxy S8 plus
      Galaxy S8 active
      Galaxy Note 4
      Galaxy Note 5
      Galaxy Note 8

      تقدر ببساطة تعرف اسعار الهواتف ده وتشتريها من اللينك ده ببحثك عن اسم الهاتف " من هنا " او " من هنا "

      مراجع : 1 2

      كيفية شحن رصيد الهاتف ودفع الفواتير بال mastercard وال visa فى مصر

      بسم الله الرحمن الرحيم
      النهاردة موضوعنا مهم عن 

      كيفية شحن رصيد الهاتف ودفع الفواتير بال mastercard وال visa فى مصر 

      كيفية شحن رصيد الهاتف ودفع الفواتير بال mastercard وال visa فى مصر 

      مع الاتجاه لرهيب فى العالم اجمع للانترنت البنكي وان كل شئ يتم فقط بضغطة زر بدون مشاوير او طوابير منذ زمن الا انه كالعادة بدا الاهتمام بهذه الخدمة فى مصر فقط منذ فترة قصيرة فهنا هنقولك اكتر من طريقة هتوفر عليك كتير جدا فى شحن الرصيد او الفواتير بالكريدت كارد او الفيزا بسهولة وامان ومن هنا نتكلم عن موضوعنا" كيفية شحن رصيد الهاتف ودفع الفواتير ب master card وال visa فى مصر ".
      كمان احيانا بتحتاج تشحن فى اقات مبيكونش فى منافذ بيع فاتحة فيها وبيكون لشئ مهم زي لا قدر الله تعب شخص او غيره فده حل سهل وبسيط.
      وهنقدم طرق الشحن من المنزل
      ومنهم 3 طرق يعتمدو على الفيزا كارد او الماستر كارد فى الشحن
      وطريقة واحدة لا تحتاج اي منهم

      1- طرق شحن رصيد الهواتف من تطبيقات الشبكات بالفيزا والماستر كارد:

      ممكن تشحن من خلال بعض التطبيقات الخاصة بمتابعة رصيدك من الشركات المتوفرة فى مصر زي كل من تطبيق

       تطبيق Ana Vodafone :

      برنامج مقدم من شركة vodafone لمتابعة الرصيد اول باول يوميا ومعرفة تفاصيل الاستخدام واختيار الباقات واداءة حساب فودافون كاش وادار جميع خدمات الشركة تطبيق رائع وممتاز وبسيط للمستخدم وتم اضافة فى التحديث الاخير الشحن باستخدام البطاقة الائتمانية زتقدر تشحن باستخدام الخطوات الاتية
      القائمة > رصيدي > شحن الخط > البطاقة الائتمانية
      لتحميل التطبيق (من هنا)

      شحن الرصيد بالبطاقة الائتمانية من خلال تطبيق انا فودافون

      تطبيق My Etisalat :

      برنامج يتيح تقريبا نفس خدمات برنامج ana vodafone ولكن يعيب تصميمه انه ليس بسيط مثل سابقه لمنه يؤدي نفس الاغراض من متابعة الرصيد ومتابعة جميع الخدمات واختيار الباقات فى اخر تحديث للبرنامج تم ايضا اضافة الدفع بالبطاقة الائتمانية بالطريقة التالية .
      اعادة الشحن من الوجهة الرئيسية > اعادة الشحن باستخدام البطاقة الائتمانية 
      Recharge > Recharge using credit card
      لتحميل التطبيق (من هنا)

      شحن الرصيد بالبطاقة الائتمانية من خلال تطبيق My Etisalat

      تطبيق My Orange Egypt :

      يعمل كسابقيه للشحن بالفيزا كارد والماستر كارد او البطاقات الائتمانية وكتابة الرصيد ولكن لم يكن لنا تجربة معه 
      لتحميل التطبيق (من هنا)

      شحن الرصيد بالبطاقة الائتمانية من خلال تطبيق My orange Egypt


      موقع المصرية للاتصالات شبكة we :

      يتيح خدمة شحن خطوط المصرية للاتصالات online عن طريق البطاقات الائتمانية visa card او master card ونظرا لان الشبكة حديثة العهد فهو يوفر خدمات الشحن فى حين عدم توافر كروت الشحن بالمحال التجارية وقد بدا توفرها اول باول من خلال خدمات الدفع مثل فوري و Bee و مصاري وممكن تشوق المقال ده لمعلومات اكتر عن الشبكة "الملف الشامل لاسعار شبكة المحمول الرابعة المصرية للاتصالات we وهل هى عروض حقيقية ؟!"

      وممكن تشحن من خلال اللينك التالى (من هنا)
      شحن الرصيد بالبطاقة الائتمانية من خلال موقع المصرية للاتصالات

      تطبيقات الخدمات الكاملة :

       تطبيق Bee mobile eg :

      هى لشركة الوحيدة الى وفرت خدماتها online لكل الناس ببساطة برغم منافستها من فورى و مصاري الا انها خرجت بره الصندوق .. التطبيق بيتيحلك جميع خدمات الى ممكن تعملها من مكنة bee وهنا انت بتاخد الخدمة بقيمتها الاصلية مش بيزيد عليك حاجة وكان الشركة بتحتفظ بالعمولة ليها لان مفيش تاجر وسيط .. متاح على التطبيق خدمات كتير جدا دفع فواتير التليفون الارضى وال adsl وكروت الشحن والتبرعات وخدمات online وغيرها ومتاح اضافة رصيد للتطبيق عن طريق البطاقة الائتمانية ولكن اثناء الشحن بيبقى فى عمولة على شحن الرصيد الاجمالى على المكنة متغير حسب القيمة وبيكون رسوم رمزية بشكل كبير وبمجر وجود الرصيد فى حسابك مبيكونش فى اى مصاريف اضافية عن سعر الخدمة .
      كمان التطبيق سهل جدا وبسيط فى الاستخدام والتعامل عليه ممتاز وخدمة العملاء جيدة جدا .
      لتحميل التطبيق (من هنا)
      كمان فى اخر تحديث للبرنامج تم دعم الشحن لشركة الاتصالات الرابعة we والى ممكن تشوف مقال شامل عنها من هنا 

      مش معاك بطاقة ائتمانية عادي الخدمة هنا برده متوفرالك .. ازاى ؟!
      هتروح لاى فرع او موزع لشركة Bee فى مصر تطلب نه شح كارت Bee بالقيمة الى انت محتاجها وتاخد الكارت وتشحنه فى التطبيق وهيبقى معاك رصيد تستخدمه وقت ما تحتاجه
      شحن الرصيد ودفع الفواتير عبر تطبيق Bee


      محافظ البنوك :

      خدمة تحويل بالتعاون مع فورى والبنوك وشركات المحمول بتوفر للبنوك المشتركة فى الخدمة تطبيقات لعملائها وكمان لشركت المحمول زي فودفون كاش وفلوسى و orange money بالنسبة لتطبيقات البنوك بيكون بالتعاون مع فوري لشحن الرصيد وبيكون بانتقال مباشر ما بين رصيد الحساب البنكي والمحفظة الخاصة بالبنك وبيكون متوفر خدمات الشحن وغيرها من الخدمات وتعد افضل من الخدمة السابقة فى كونها مرتبطة بالبنك فلا حاجة لمصاريف التحويل ولكن تمر فى الروتين المصر لتفعيل التطبيق بالرقم القومي ورقم الهاتف من خلال البنك نفسه 
      يرجى العلم فى حالة ما كنت مشترك باحدى المحافظ الخاصة بشركات المحمول فلن يتم اشتراكك الا برقم مختلف .
      المحافظ الالكترونية لكل بنك تمكنك من التحويل بينها يعنى ممكن تحول من محفظة بنك مصر لمحفظة qnb او لفودافون كاش او لفلوسي لان المحفظة مرتبطة برقم الموبايل

      تطبيق BM wallet :

      تطبيق مخصص لعملاء بنك مصر
      لتحميل التطبيق (من هنا)
      شحن الرصيد ودفع الفواتير عبر تطبيق BM wallet

      تطبيق NBE-phonecash :

      نفس المميزات السابقة ولكن لعملاء البنك الاهلي 
      لتحميل التطبيق (من هنا)
      شحن الرصيد ودفع الفواتير عبر تطبيق NBE Phonecash

       تطبيق CIB Smart Wallet :

      تطبيق مخصص لعملاء بنك ال CIB
      لتحميل التطبيق (من هنا)
      شحن الرصيد ودفع الفواتير عبر تطبيق CIB smart wallet

       تطبيق ma7fazty :

      تطبيق مخصص لعملاء بنك الاسكندرية
      لتحميل التطبيق (من هنا)
      شحن الرصيد ودفع الفواتير عبر تطبيق ma7fazty

      تطبيق cashati :

      تطبيق مخصص لعملاء بنك saib
      لتحميل التطبيق (من هنا)
      شحن الرصيد ودفع الفواتير عبر تطبيق cashati

      تطبيق qahera cash :

      تطبيق مخصص لعملاء بنك القاهرة 
      لتحميل التطبيق (من هنا)
      شحن الرصيد ودفع الفواتير عبر تطبيق qahera cash

      تطبيق E-wallet :

      تطبيق مخصص لعملاء qnb
      لتحميل التطبيق (من هنا)


      شحن الرصيد ودفع الفواتير عبر تطبيق QNB E-wallet


      الملف الشامل لاسعار شبكة المحمول الرابعة المصرية للاتصالات we وهل هى عروض حقيقية ؟!

      بسم الله الرحمن الرحيم
      النهردة موضوعنا عن

      الملف الشامل لاسعار شبكة المحمول الرابعة المصرية للاتصالات we وهل هى عروض حقيقية ؟!

      الملف الشامل لاسعار شبكة المحمول الرابعة المصرية للاتصالات we وهل هى عروض حقيقية ؟!

      زي ما تابعنا فى الفترة الى فاتت الضجة الى اثيرت حول المصرية للاتصالات  - we ووجودها والاسعار التى تبدو مميزة للوهلة الاولى من النظر فهل ده عروض حقيقية ولا لا وهل تستحق انك تشترى الخط ولا لا ده الى هنعرفه مع بعض النهاردة .

      اسلوب تسعير شبكات الهواتف فى مصر:

      التسعير مش بيكون من خلال الشركات فقط لكن بيتبع تنظيم من النترا او الجهاز القومي لتنظيم الاتصالات وفى قواعد عامة للموضوع ده لما بيكون فى شركة جديدة زى الحالة بتاعتنا هنا بيكون ليها صلاحيات مؤقتة باستقبال العروض الى يوافق عليها جهاز تنظيم الاتصالات والتسعيرات الجديدة قبل الشركات التانية بقترة وده لو تفتكروا كان بيحصل مع شركة اتصالات مع بدء وجوده فى مصر برده .. طبعا اساليب المنافسة ان كل الشركات فى حال وجود تسعيرة جديد هتضطر كل الشركات تلجالها عشان ميكونش فى عامل جذب لشركة على اخري لكن بيتم بقواعد معينة والطبيعى ان المصرية للاتصالات we تكون اولى الشبكات الى هتحصل على التسعيرات الجديدة والعروض والموافقة عليه قبل باقى الشركات .

      اعلان شركة المصرية للاتصالات شبكة we :

      قدمت شبكة المصرية للاتصالات الشبكة الرابعة التى تقدم خدمات الهاتف لتصبح اول مشغل متكامل حملة اعلانية على جميع القنوات الفضائية المصرية للاعلان عن شبكة we حيث يقوم الاعلان بعرض مقطع صوتي ببعض الفيديوهات المميزة للمصريين والاماكن المميزة لتاكيد على معنى كلمة we وهو ان الشبكة من والى  الشعب المصري

      هل وجود شركة المصرية للاتصالات شبكة  we مفيد فى الفترة الحالية ؟

      بالرغم من كل شئ وجود الشركة مفيد لزيادة شدة التنافس بين الاربع شركات وده فى النهاية فى صالح المستخدم خاصة بعد تطبيق الضرائب فى الفترة الى فاتت على خدمات المحمول

      المميزات الى ممكن تخليك تشترك فى المصرية للاتصالات شبكة we ?!

      - الاستفادة من عروض الشركة فى بدايتها
      - احتمالية وجود باقات شاملة التليفون الارضى والموبايل وال adsl مجمعة لاول مرة فى مصر بسبب وجود الشركة فى جميع الخدمات .
      - وجود ارقام مميزة متاحة فى بداية حجز الشركة حيث ان جميع الارقام متاحة
      -الشركة تعمل على اتفاقات مع اكثر من شركة هواتف لاتاحة عروض على هواتف معينة بشكل حصرى منها شركة tecno


      وجب الذكر ان خطوط الشركة تبدا ب 015
      سعر الخط الجديد 15 جنيه

      تابع باقى الموضوع لاستفادة اكثر .

      التسعير الاساسي .. اسعار خدمات شبكة المصرية للاتصالات we : 


      التسعير الاساسي .. اسعار خدمات شبكة المصرية للاتصالات 
      الاسعار الاساسية هنا دائمة وموحدة بالنسبة لشركة المصرية للاتصالات شبكة we هتكون 12 قرش للدقيقة والرسالة والميجا بايت  وبما ان ده سعر ثابت فالطبيعى والمتوقع ان كل الشركات هتوصل للتسعير ده لكن بعد فترة وقيود معينة بحيث تجذب عملاء فى بداية الامر وبعدين تبدا تخش باقى الشركات بنفس السعر تحت تنظيم الجهاز القومى لتنظيم الاتصالات ..زى انظمة 14 قرش الى كل لشركات دخلتلها تدريجيا .

      اسعار باقات الانترنت فى شبكة المصرية للاتصالات - we : 
      اسعار باقات الانترنت فى شبكة المصرية للاتصالات - we 
      كما واضخ ان بالفعل عروض شركة المصرية للاتصالات - we هى عروض مغرية جدا وتعد ارخص عروض للانترنت موجودة ومتاحة فى مصر بالعكس الاسعار مش بس ضعف الى بتيحه الشركات الاخري لا تعدى الضعف بنسبة بسيطة (ولكن) العروض هنا بنظام ضعف الباقة لمدة مؤقتة بعد كده هتكون الاسعار ده لنصف سعة التحميل فقط والى هيكون قريب من سعر باقى الشركات ده اذا مدخلتش باقى الشركات بنفس التسعير.

      اسعار باقات المكالمات فى شبكة المصرية للاتصالات - we :
      اسعار باقات المكالمات فى شبكة المصرية للاتصالات - we
      كلامنا هنا بالنسبة لاسعار باقات المكالمات فى المصرية للاتصالات شبكة we بنطبق على نفس الكلام الى قولناه فى باقات الانترنت فهى عروض مؤقتة لضعف الباقة لدة 6 شهور وبعديت هتكون الاسعار لنصف الوحدات فقط الا ان الامر الى لازم تاخد بالك منه ان اغلب استخدامك فى باقات المكالمات مش هيكون بوحدة واحدة بل ب 5 وحدات وده نظرا لان عدد مشتركين فى المصرية للاتصالات شبكة we لسة قليل جدا فى بداية انتشار الشركة فمعتقدش هيكون اختيارك الامثل لنظام الباقات مع بداية وجود الشركة القيمة الفعلية للباقة الصغري قد تكون 320 دقيقة فقط بما ان معظم المكالمات لخارج الشبكة .


      خدمات جديدة تقدمها الشرة لاول مرة فى مصر :
      الشركة سوف تقدم خدة ال wifi calling لاول مرة فى مصر والى هتحل كتير من لمشاكل المتعلقة بالشبكة فى المناطق البعيدة عن التغطية لو عاوز تعرف اكتر عن الخدمة ده من هنا "ما هو ال wifi calling ؟"

      تجربتنا فى شراء الخط الجديد لشركة المصرية للاتصالات شبكة we :              

      ببساطة مكنتش التجربة الامثل نهائيا لسة الموضوع بتاريخ 25/ 9 مش منظم نهائيا ففى اليوم السابق توجهت الى سنترال مصر الجديدة وكان رقمي هو 695 فى حين ان الكاونتر شغال على رقم 300 وده قبل انتهاء مواعيد العمل الرسمية فى الشركة فقررت الودة مرة اخري .. شكاوي العملاء كثير بسبب عدم تفعيل بعض الخطوط ويوجد خطوط لا تفعل اصلا وتلجأ الى تغيير الخط باخر مدة التفعيل تصل الى 48 ساعة وبعض الاحيان تضطر للتوجه الى السنترال مرة اخري .. الخطوط غير متوفرة فى كامل السنترالات اما اليوم التالى توجهت الى فرع عين شمس الساعة ال 4 عصرا حيث وجدت تجمع للحديث مع مدير الفرع لافاجئ ان لا يوجد تسجيل خطوط بسبب ان السيستم واقع وينصح المتواجدين بالتوجه لفروع اخري !! وعندما استفسرت عن ميعاد وقوع السيستم قال من امباح الساعة 7 يعنى ما يقترب من 24 ساعة مع عدم حل مشكلة السيستم فى سنترال رئيسي !! من المتوقع حدوث بعض المشاكل فى بداية التشغيل لكن لا اعلم لماذا تزيد هذه المشاكل عندما يكون الموزع تابع للحكومة على الرغم من رغبتنا فى دعم شبكة وطنية !! وسنطلعكم على جديد التجربة .
      تحديث بتاريخ 1/10/2017 :
      سنترال عين شمس كالعادة الحجة السيستم واقع
       تم بفضل الله شراء الخطوط من فرع مصر الجديدة برده للاسف مكنش فى نظام وكان فى زحمة كبيرة لدرجة ان فى ناس من 12 الظهر ومستلمتش الخطوط حتى 12 مساء انا توجهت للسنترال الساعة السادسة وكنت حريص جدا على انى استلم الخطوط اليوم باى شكل من الاشكال لقيت قدامى 400 رقم روحت مشوار ورجعت الساعة 9 الا ربع قبل معاد غلق السنترال واستلمت الخط كاخر شخص يستلم فى السنترال الساعة 12 مساء .
      الموظفين كانوا شغالين بصراحة مقدرش الومهم كانو قليلين لكن لما باقى الاقسام خلصت شغل ساعدوا فى تسجيل الخطوط .. والحقيقة مكسلوش وهربو من مسؤليتهم رغم ان كان ممكن ده يحصل وكانوا محترمين جدا فى التعامل مع الناس .
      عقليات المصريين لاسف مشكلة كان بيحصل هجوم على الخطوط لدرجة ان كل شخص بيشترى بال 10 خطوط كاملين !!! وطبعا فترة التسجيل بتاخد معه فوق الساعة وهو لوحده !!
      كمان الناس فكرة ان الوحدات لكل الشبكات يعنى ال 1600 هتستفيد بيهم كلهم وللاسف فى ناس متعرفش المعلومة وبتضلل الناس بمعلومات خطا ان المكالمة للخطوط التانية ب 2 وحدة من ال 1600 مش ب 5 !! حاولن نعدل المعلومة للناس .
      اثناء تسجيل العقد الساعة عدت 12 فالسيستم مقبلش التفعيل لانه مرتبط بالسجل المدنى ففعلته بنفسي تانى يوم عن طريق تركيب الخط والاتصال بخدمة العملاء والى كانوا برده محترمين جدا الخط خد نص ساعة عشان يتفعل تقريبا وبيبقى في 50 قرش لاجراء المكالمات اول ما تستلم الخط .

      ازاى تشحن خط المصرية للاتصالات الشبكة الرابعة we : 

      ممكن تشحن خطك من السنترال نفسه لان لسة كروت الشبكة مش متوفرة بكثرة .
      او ممكن تشحن من اى محل عنده فورى او bee او مصاري متواجد الشحن من خلالهم حاليا
      او ممكن تشحن online بالبطاقة الائتمانية للمزيد من المعلومات اقري الموضوع ده "كيفية شحن رصيد الهاتف ودفع الفواتير بال mastercard وال visa فى مصر"

      جدير بالذكر ان شركة المصرية للاتصالات we عاملة عرض مؤقت حاليا الاستفادة بكامل رصيد الشحن يعنى هتشحن ب 10 جنيه يديلك 7 جنيه و 3 جنيه كوحدات تستفاد بيها وده بعد ما للاسف اسعار الكروت اضاف عليها ضريبة تصل الى 36 % يعنى الكارت ب 10 هتستفاد ب7 جنيه فقط من قيمته .