اكتب اسم الهاتف لتعرف افضل سعر

من هى شركة meizu - ميزو

بسم الله الرحمن الرحيم 
النهاردة باذن لله معادنا مع مقال جديد عن

من هى شركة meizu - ميزو

من هى شركة meizu
مع الانتشار الكبير لشركات جديدة فى السوق المصرى الفترة الى فاتت جالنا طلبات كتير بكتابة مقال شامل عن الشركة الصينية الشهيرة شركة meizu وده كانت رغبة لينا فى الموقع فعشان كده موضوعنا النهاردة عن من هى شركة meizu .
وعلى الرغم من وجود عدد كبير من الشركات الصينية التى توفرت فى السوق الا ان شركة meizu احد اهم الشركات الصينية المتواجدة فى السوق المصري وممكن تقرا المقال ده للمزيد من الاستفادة "شركات الهواتف الصينية فى مصر ومركزها العالمي"

مين هى شركة meizu :

شركة meizu هى شركة صينية تاسست عام 2003 عن طريق مؤسسها Jack Wong  فى النبذة التعريفية عنهم كتبت الشركة انها شركة دايما بتحاول توفير تجربة هاتفية سلسة وبسيطة بتتيج للمستخدام استخدام الهاتف ببساطة فى كل ما يحتاجه وان الشركة بتهتم جدا بتصميماتها البسيطة والمريحة مع توفير اعلى جودة ممكنة سواء كان ده فى التجربة الصوتية او الكاميرا ذات الجودة العالية وواجهة المستخدم البسيطة .

تاريخ شركة meizu :

زى ما قولنا ان الشركة ابتدت سنة 2003 وكانت بدايتها بتصنيع اجهزة ال mp3 وستمر تطور الشركة وابتدت انتاج اول جهاز mp4 عام 2006 لحد ما جت سنة 2007 شهر 4 بتوفير اول هاتف للشركة وهو هاتف meizu m8 الهاتف ده كن طفرة نوعية بالنسبة للشركة لانه كان اول هاتف تعلن عن الشركة بعد الاجهزة الناجحة التليفون ده جه بعد اعلان اول هاتف iphone فكان جاى بتقليد كبير فى الشكل وده احد اسباب نجاحه فكان احد افضل هواتف التى تعمل باللمس فى وقتها وكان شغال على نظام Mymobile المبنى على نواة  Microsoft Windows CE 6.0
هاتف meizu m8 اول هات من انتاج شركة meizu

واستمر تطور الشركة لحد سنة 2011 لما قدمت الشركة جهاز meizu m9 كاول هاتف تصدره الشركة يعمل بنظام ال android وكان يعد احد اكثر الهواتف نجاحا فى الصين وقتها وفى سنة 2012 تم اطلاق هاتف meizu mx وكان اول هاتف بعمل بواجهة النظام Flyme OS الخاصة بشركة meizu واستمر تطور الشركة وابتدى انتشارها خارج الصين بسلسلة من النجاحات لحد وقتنا ده وبداية وجودها فى مصر .

واجهة المستخدم الخاصة بشركة meizu :

الشركة بتعتمد فى اجهزتها حاليا على نظام الاندرويد كنظام تشغيل لكن بتعمل بواجهة مستخدمة خاصة بيها معدلة من النظام بتسميها الشركة Flyme OS وهى واجهة فيها تعديلات كبيرة فى الشكل النهائى لواجهة المستخدم عن نظام الاندرويد الخام والى بتعد احد افضل واجهات المستخدم فى سلاسة النظام . واستمر تطور واجهة الستخدم الى ان وصلت لاخ اصدار لها حتى الان وهو اصدار Flyme 6 .

ما هو موقع شركة meizu بين الشركات الاخري ؟!

يمكن زي ما قولنا فى اكتر من مقال قبل كده ان السوق المصري للاسف كان معزول وغير مطلع على السوق العالمي من فترة كبيرة فبالنسبالنا اى شركة جديدة هى شركة مش معروفة او مغمورة وبياورنا الشك عنها رغم ان بقليل من الاطلاع ممكن تلاقى مركزها معدي شركات كتير موجود فى ثقة للمصريين فيها !!
بالنسبة لشركة meizu الشركة فى المركز ال 11 عالميا فى المبيعات وبتعد سادس افضل شركة مبيعا فى الصين خلف شركة xiaomi مباشرة والى اتكلمنا عنها قبل كده وتقدر تشوف مقالنا من هنا "مين هى شركة شاومي xiaomi ومكانها فين عالميا"
والشركة بتواجه منافسة شديدة فى السوق الصينى مع شركة Gionee وطبعا مفيش كلام ان الشركة هى احد شركات الصف الاول فى الصين واحد افضل الشركات الموجودة على الساحة العالمية .
افضل شركات الهواتف مبيعا فى السوق الصينى فى عام 2017

وجود شركة meizu فى مصر :

فى 9 فبراير 2017 اعلنت شركة kmg وجود شركة meizu فى مصر وان شركة kmg هى الوكيل الحصري ليها وابتدت الشركة فى الانتشار بخطوات معقولة جدا فى السوق المصري .

منين تشترى منتجات شركة meizu فى مصر :

هواتف الشركة موجودة بالفعل فى محلات الهواتف وكمان ممكن تشتريها online من خلال جوميا وسوق
لو عاوز تشترى وتعرف اسعار هواتف شركة meizu من جوميا (من هنا)
لو عاوز تشترى وتعرف اسعار هواتف شركة meizu من سوق (من هنا)

اماكن توكيل شركة meizu فى مصر :

15 شارع محمود عصمت حمدي بجوار فلوريدا مول - مساكن شيراتون - مصر الجديدة

مراجع : 1 2 

ما هو ال wifi calling ؟

بسم الله الرحمن الرحيم
موضوعنا النهاردة عن

ما هو ال wifi calling ؟

ما هو ال wifi calling
كام مرة وانت فى البيت او الشغل او اماكن كتير مغلقة سيئة التغطية ملقتش شبكة ؟! طب خلاص هتفضل مستنى الشبكة تزود التغطية فى منطقتك !! يمكن لو انت فى القاهرة مش هتحس بيها اوي لكن لو فى الارياف خاصة هتلاقى ان التغطية سيئة للغاية طب هل ده ملهوش حل ؟! لا ليه وحله هو ال wifi calling .

كل يوم عن التانى الدنيا بتطور بشكل كبير وسريع واحنا كالعادة بيوصلنا التقنيات بعد ما تبقى موجودة فى كل حتة بفترات ! .. العالم كله بيسعى لحل المشاكل اما بالنسبالنا حتى لو الحل موجود مبنسعاش نوفره ! . شوف ال 4g متواجد فى لعالم من امتى ووصلنا هنا امتى .. لكن خلينا فى موضوعنا بما ان اثير كلام ان شركة المحمول الرابعة we بعد اطلاقها بشكل رسمي هتيح خدمة ال wifi calling فتعالوا نعرف ايه هى الخدمة ده مع بعض .

ما هو ال wifi calling ؟!

تقنية جديدة متوفرة من فترة فى حدود ال 4 سنوات بتعتمد فى الاساس على حل مشاكل المناطق الغير جيدة التغطية فى الشبكات والمناطق المنعزلة الى متوفر فيها خدمة ال wifi وبيتيح اجراء المكالمات واستقبالها "بخطك ورقمك" على الشبكة من خلال الاتصال بال wifi وبنفس الاسعار كان بالظبط ال wifi هو شبكتك فى اللحظة ده . وتقدر تستخدمه فى جميع خدمات الشبكة سواء رسائل او مكالمات .

ايه الفرق بين خدمة ال wifi calling وبرامج زي whatsapp وغيرها ؟!

فى كتير من البرامج الى بتيحلك عمل مكالمت صوتية زى ال messenger و ال whatsapp وال viber وال skype وغيرها كتير وبتادي نفس الغرض !!
الحقيقة فى عدة اختلافات مهمة للغاية وهنعرفها حال مع بعض

اهم الاختلافات بين برامج تقديم الخدمة الصوتية وال wifi calling :


  • انت هنا بتعمل المكالمات من خطك انت لكن نقلها فقط عن طريق ال wifi فحتى الى بتكلمه هيوصله كانها مكالمة عادية من الشبكة 
  •  فى برامج الخدمات الصوتية بتشترط ان انتو الاتنين تكونوا فاتحين انترنت وده مختلف تماما عن هنا لان فى ال wifi calling الشخص الى بتكلمه مش محتاج يفتح انترنت .
  •  مش بتحتاج تسجيل او غيره لتفعيل خدمة ال wifi calling لانك عميل عدى على الشبكة عكس البرامج الى بتطلب تسجيل البيانات وعمل اكونت عشان تكون متصل 


ما هو المطلوب للاشتراك فى خدمة ال wifi calling ؟!

الخدمة مجانية بشكل كامل " ده الطبيعي " لكن بيكون من متطلبات تشغيلها ان مشغل الشبكة يدعمها وان التليفون الخاص بيك يكون داعم ايضا لخدمة ال wifi calling وتكون سامح بتفعيل الخدمة فيه .

مين الشركات الى هتقدم خدمة ال wifi calling ده فى مصر ؟!

الشركة الوحيدة الى بيتم تناقل الاخبار فى تفعيل الخدمة بشدة هى شبكة wi المصرية للاتصالات وهى الشبكة الرابعة المنضمة حديثا فى مصر ويقال ان فى بعض الهواتف الى هيكون عليها عروض والتى تدعم خدمة ال wifi calling بالتعاون مع الشركات المصنعة
لمعلومات اكتر عن شركة المصرية للاتصالات اقرا المقال ده "الملف الشامل لاسعار شبكة المحمول الرابعة المصرية للاتصالات we وهل هى عروض حقيقية ؟!"

ايه هى الموبايلات او الهواتف الى بتدعم ال wifi calling ؟!

الهواتف التى تعمل بنظام ال ios من شركة apple  وتدعم خدمة ال wifi calling من بعد iPhone se وهم

iPhone SE
iPhone 6s Plus
iPhone 6s
iPhone 6
iPhone 6 Plus
iPhone 7
iPhone 7 Plus
iPhone 8
iPhone 8 Plus
iPhone x

اشهر الهوتف الى تدعم ال wifi calling و التى تعمل بنظام الاندرويد 

LG G4
LG G5
LG V10
LG K10
LG Phoenix 2
LG G Vista 2
Galaxy S5
Galaxy S5 active
Galaxy S6
Galaxy S6 edge
Galaxy S6 + edge
Galaxy S6 active
Galaxy S7 edge
Galaxy S7
Galaxy S7 active
 Galaxy S8
Galaxy S8 plus
Galaxy S8 active
Galaxy Note 4
Galaxy Note 5
Galaxy Note 8

تقدر ببساطة تعرف اسعار الهواتف ده وتشتريها من اللينك ده ببحثك عن اسم الهاتف " من هنا " او " من هنا "

مراجع : 1 2

كيفية شحن رصيد الهاتف ودفع الفواتير بال mastercard وال visa فى مصر

بسم الله الرحمن الرحيم
النهاردة موضوعنا مهم عن 

كيفية شحن رصيد الهاتف ودفع الفواتير بال mastercard وال visa فى مصر 

كيفية شحن رصيد الهاتف ودفع الفواتير بال mastercard وال visa فى مصر 

مع الاتجاه لرهيب فى العالم اجمع للانترنت البنكي وان كل شئ يتم فقط بضغطة زر بدون مشاوير او طوابير منذ زمن الا انه كالعادة بدا الاهتمام بهذه الخدمة فى مصر فقط منذ فترة قصيرة فهنا هنقولك اكتر من طريقة هتوفر عليك كتير جدا فى شحن الرصيد او الفواتير بالكريدت كارد او الفيزا بسهولة وامان ومن هنا نتكلم عن موضوعنا" كيفية شحن رصيد الهاتف ودفع الفواتير ب master card وال visa فى مصر ".
كمان احيانا بتحتاج تشحن فى اقات مبيكونش فى منافذ بيع فاتحة فيها وبيكون لشئ مهم زي لا قدر الله تعب شخص او غيره فده حل سهل وبسيط.
وهنقدم طرق الشحن من المنزل
ومنهم 3 طرق يعتمدو على الفيزا كارد او الماستر كارد فى الشحن
وطريقة واحدة لا تحتاج اي منهم

1- طرق شحن رصيد الهواتف من تطبيقات الشبكات بالفيزا والماستر كارد:

ممكن تشحن من خلال بعض التطبيقات الخاصة بمتابعة رصيدك من الشركات المتوفرة فى مصر زي كل من تطبيق

 تطبيق Ana Vodafone :

برنامج مقدم من شركة vodafone لمتابعة الرصيد اول باول يوميا ومعرفة تفاصيل الاستخدام واختيار الباقات واداءة حساب فودافون كاش وادار جميع خدمات الشركة تطبيق رائع وممتاز وبسيط للمستخدم وتم اضافة فى التحديث الاخير الشحن باستخدام البطاقة الائتمانية زتقدر تشحن باستخدام الخطوات الاتية
القائمة > رصيدي > شحن الخط > البطاقة الائتمانية
لتحميل التطبيق (من هنا)

شحن الرصيد بالبطاقة الائتمانية من خلال تطبيق انا فودافون

تطبيق My Etisalat :

برنامج يتيح تقريبا نفس خدمات برنامج ana vodafone ولكن يعيب تصميمه انه ليس بسيط مثل سابقه لمنه يؤدي نفس الاغراض من متابعة الرصيد ومتابعة جميع الخدمات واختيار الباقات فى اخر تحديث للبرنامج تم ايضا اضافة الدفع بالبطاقة الائتمانية بالطريقة التالية .
اعادة الشحن من الوجهة الرئيسية > اعادة الشحن باستخدام البطاقة الائتمانية 
Recharge > Recharge using credit card
لتحميل التطبيق (من هنا)

شحن الرصيد بالبطاقة الائتمانية من خلال تطبيق My Etisalat

تطبيق My Orange Egypt :

يعمل كسابقيه للشحن بالفيزا كارد والماستر كارد او البطاقات الائتمانية وكتابة الرصيد ولكن لم يكن لنا تجربة معه 
لتحميل التطبيق (من هنا)

شحن الرصيد بالبطاقة الائتمانية من خلال تطبيق My orange Egypt


موقع المصرية للاتصالات شبكة we :

يتيح خدمة شحن خطوط المصرية للاتصالات online عن طريق البطاقات الائتمانية visa card او master card ونظرا لان الشبكة حديثة العهد فهو يوفر خدمات الشحن فى حين عدم توافر كروت الشحن بالمحال التجارية وقد بدا توفرها اول باول من خلال خدمات الدفع مثل فوري و Bee و مصاري وممكن تشوق المقال ده لمعلومات اكتر عن الشبكة "الملف الشامل لاسعار شبكة المحمول الرابعة المصرية للاتصالات we وهل هى عروض حقيقية ؟!"

وممكن تشحن من خلال اللينك التالى (من هنا)
شحن الرصيد بالبطاقة الائتمانية من خلال موقع المصرية للاتصالات

تطبيقات الخدمات الكاملة :

 تطبيق Bee mobile eg :

هى لشركة الوحيدة الى وفرت خدماتها online لكل الناس ببساطة برغم منافستها من فورى و مصاري الا انها خرجت بره الصندوق .. التطبيق بيتيحلك جميع خدمات الى ممكن تعملها من مكنة bee وهنا انت بتاخد الخدمة بقيمتها الاصلية مش بيزيد عليك حاجة وكان الشركة بتحتفظ بالعمولة ليها لان مفيش تاجر وسيط .. متاح على التطبيق خدمات كتير جدا دفع فواتير التليفون الارضى وال adsl وكروت الشحن والتبرعات وخدمات online وغيرها ومتاح اضافة رصيد للتطبيق عن طريق البطاقة الائتمانية ولكن اثناء الشحن بيبقى فى عمولة على شحن الرصيد الاجمالى على المكنة متغير حسب القيمة وبيكون رسوم رمزية بشكل كبير وبمجر وجود الرصيد فى حسابك مبيكونش فى اى مصاريف اضافية عن سعر الخدمة .
كمان التطبيق سهل جدا وبسيط فى الاستخدام والتعامل عليه ممتاز وخدمة العملاء جيدة جدا .
لتحميل التطبيق (من هنا)
كمان فى اخر تحديث للبرنامج تم دعم الشحن لشركة الاتصالات الرابعة we والى ممكن تشوف مقال شامل عنها من هنا 

مش معاك بطاقة ائتمانية عادي الخدمة هنا برده متوفرالك .. ازاى ؟!
هتروح لاى فرع او موزع لشركة Bee فى مصر تطلب نه شح كارت Bee بالقيمة الى انت محتاجها وتاخد الكارت وتشحنه فى التطبيق وهيبقى معاك رصيد تستخدمه وقت ما تحتاجه
شحن الرصيد ودفع الفواتير عبر تطبيق Bee


محافظ البنوك :

خدمة تحويل بالتعاون مع فورى والبنوك وشركات المحمول بتوفر للبنوك المشتركة فى الخدمة تطبيقات لعملائها وكمان لشركت المحمول زي فودفون كاش وفلوسى و orange money بالنسبة لتطبيقات البنوك بيكون بالتعاون مع فوري لشحن الرصيد وبيكون بانتقال مباشر ما بين رصيد الحساب البنكي والمحفظة الخاصة بالبنك وبيكون متوفر خدمات الشحن وغيرها من الخدمات وتعد افضل من الخدمة السابقة فى كونها مرتبطة بالبنك فلا حاجة لمصاريف التحويل ولكن تمر فى الروتين المصر لتفعيل التطبيق بالرقم القومي ورقم الهاتف من خلال البنك نفسه 
يرجى العلم فى حالة ما كنت مشترك باحدى المحافظ الخاصة بشركات المحمول فلن يتم اشتراكك الا برقم مختلف .
المحافظ الالكترونية لكل بنك تمكنك من التحويل بينها يعنى ممكن تحول من محفظة بنك مصر لمحفظة qnb او لفودافون كاش او لفلوسي لان المحفظة مرتبطة برقم الموبايل

تطبيق BM wallet :

تطبيق مخصص لعملاء بنك مصر
لتحميل التطبيق (من هنا)
شحن الرصيد ودفع الفواتير عبر تطبيق BM wallet

تطبيق NBE-phonecash :

نفس المميزات السابقة ولكن لعملاء البنك الاهلي 
لتحميل التطبيق (من هنا)
شحن الرصيد ودفع الفواتير عبر تطبيق NBE Phonecash

 تطبيق CIB Smart Wallet :

تطبيق مخصص لعملاء بنك ال CIB
لتحميل التطبيق (من هنا)
شحن الرصيد ودفع الفواتير عبر تطبيق CIB smart wallet

 تطبيق ma7fazty :

تطبيق مخصص لعملاء بنك الاسكندرية
لتحميل التطبيق (من هنا)
شحن الرصيد ودفع الفواتير عبر تطبيق ma7fazty

تطبيق cashati :

تطبيق مخصص لعملاء بنك saib
لتحميل التطبيق (من هنا)
شحن الرصيد ودفع الفواتير عبر تطبيق cashati

تطبيق qahera cash :

تطبيق مخصص لعملاء بنك القاهرة 
لتحميل التطبيق (من هنا)
شحن الرصيد ودفع الفواتير عبر تطبيق qahera cash

تطبيق E-wallet :

تطبيق مخصص لعملاء qnb
لتحميل التطبيق (من هنا)


شحن الرصيد ودفع الفواتير عبر تطبيق QNB E-wallet


الملف الشامل لاسعار شبكة المحمول الرابعة المصرية للاتصالات we وهل هى عروض حقيقية ؟!

بسم الله الرحمن الرحيم
النهردة موضوعنا عن

الملف الشامل لاسعار شبكة المحمول الرابعة المصرية للاتصالات we وهل هى عروض حقيقية ؟!

الملف الشامل لاسعار شبكة المحمول الرابعة المصرية للاتصالات we وهل هى عروض حقيقية ؟!

زي ما تابعنا فى الفترة الى فاتت الضجة الى اثيرت حول المصرية للاتصالات  - we ووجودها والاسعار التى تبدو مميزة للوهلة الاولى من النظر فهل ده عروض حقيقية ولا لا وهل تستحق انك تشترى الخط ولا لا ده الى هنعرفه مع بعض النهاردة .

اسلوب تسعير شبكات الهواتف فى مصر:

التسعير مش بيكون من خلال الشركات فقط لكن بيتبع تنظيم من النترا او الجهاز القومي لتنظيم الاتصالات وفى قواعد عامة للموضوع ده لما بيكون فى شركة جديدة زى الحالة بتاعتنا هنا بيكون ليها صلاحيات مؤقتة باستقبال العروض الى يوافق عليها جهاز تنظيم الاتصالات والتسعيرات الجديدة قبل الشركات التانية بقترة وده لو تفتكروا كان بيحصل مع شركة اتصالات مع بدء وجوده فى مصر برده .. طبعا اساليب المنافسة ان كل الشركات فى حال وجود تسعيرة جديد هتضطر كل الشركات تلجالها عشان ميكونش فى عامل جذب لشركة على اخري لكن بيتم بقواعد معينة والطبيعى ان المصرية للاتصالات we تكون اولى الشبكات الى هتحصل على التسعيرات الجديدة والعروض والموافقة عليه قبل باقى الشركات .

اعلان شركة المصرية للاتصالات شبكة we :

قدمت شبكة المصرية للاتصالات الشبكة الرابعة التى تقدم خدمات الهاتف لتصبح اول مشغل متكامل حملة اعلانية على جميع القنوات الفضائية المصرية للاعلان عن شبكة we حيث يقوم الاعلان بعرض مقطع صوتي ببعض الفيديوهات المميزة للمصريين والاماكن المميزة لتاكيد على معنى كلمة we وهو ان الشبكة من والى  الشعب المصري

هل وجود شركة المصرية للاتصالات شبكة  we مفيد فى الفترة الحالية ؟

بالرغم من كل شئ وجود الشركة مفيد لزيادة شدة التنافس بين الاربع شركات وده فى النهاية فى صالح المستخدم خاصة بعد تطبيق الضرائب فى الفترة الى فاتت على خدمات المحمول

المميزات الى ممكن تخليك تشترك فى المصرية للاتصالات شبكة we ?!

- الاستفادة من عروض الشركة فى بدايتها
- احتمالية وجود باقات شاملة التليفون الارضى والموبايل وال adsl مجمعة لاول مرة فى مصر بسبب وجود الشركة فى جميع الخدمات .
- وجود ارقام مميزة متاحة فى بداية حجز الشركة حيث ان جميع الارقام متاحة
-الشركة تعمل على اتفاقات مع اكثر من شركة هواتف لاتاحة عروض على هواتف معينة بشكل حصرى منها شركة tecno


وجب الذكر ان خطوط الشركة تبدا ب 015
سعر الخط الجديد 15 جنيه

تابع باقى الموضوع لاستفادة اكثر .

التسعير الاساسي .. اسعار خدمات شبكة المصرية للاتصالات we : 


التسعير الاساسي .. اسعار خدمات شبكة المصرية للاتصالات 
الاسعار الاساسية هنا دائمة وموحدة بالنسبة لشركة المصرية للاتصالات شبكة we هتكون 12 قرش للدقيقة والرسالة والميجا بايت  وبما ان ده سعر ثابت فالطبيعى والمتوقع ان كل الشركات هتوصل للتسعير ده لكن بعد فترة وقيود معينة بحيث تجذب عملاء فى بداية الامر وبعدين تبدا تخش باقى الشركات بنفس السعر تحت تنظيم الجهاز القومى لتنظيم الاتصالات ..زى انظمة 14 قرش الى كل لشركات دخلتلها تدريجيا .

اسعار باقات الانترنت فى شبكة المصرية للاتصالات - we : 
اسعار باقات الانترنت فى شبكة المصرية للاتصالات - we 
كما واضخ ان بالفعل عروض شركة المصرية للاتصالات - we هى عروض مغرية جدا وتعد ارخص عروض للانترنت موجودة ومتاحة فى مصر بالعكس الاسعار مش بس ضعف الى بتيحه الشركات الاخري لا تعدى الضعف بنسبة بسيطة (ولكن) العروض هنا بنظام ضعف الباقة لمدة مؤقتة بعد كده هتكون الاسعار ده لنصف سعة التحميل فقط والى هيكون قريب من سعر باقى الشركات ده اذا مدخلتش باقى الشركات بنفس التسعير.

اسعار باقات المكالمات فى شبكة المصرية للاتصالات - we :
اسعار باقات المكالمات فى شبكة المصرية للاتصالات - we
كلامنا هنا بالنسبة لاسعار باقات المكالمات فى المصرية للاتصالات شبكة we بنطبق على نفس الكلام الى قولناه فى باقات الانترنت فهى عروض مؤقتة لضعف الباقة لدة 6 شهور وبعديت هتكون الاسعار لنصف الوحدات فقط الا ان الامر الى لازم تاخد بالك منه ان اغلب استخدامك فى باقات المكالمات مش هيكون بوحدة واحدة بل ب 5 وحدات وده نظرا لان عدد مشتركين فى المصرية للاتصالات شبكة we لسة قليل جدا فى بداية انتشار الشركة فمعتقدش هيكون اختيارك الامثل لنظام الباقات مع بداية وجود الشركة القيمة الفعلية للباقة الصغري قد تكون 320 دقيقة فقط بما ان معظم المكالمات لخارج الشبكة .


خدمات جديدة تقدمها الشرة لاول مرة فى مصر :
الشركة سوف تقدم خدة ال wifi calling لاول مرة فى مصر والى هتحل كتير من لمشاكل المتعلقة بالشبكة فى المناطق البعيدة عن التغطية لو عاوز تعرف اكتر عن الخدمة ده من هنا "ما هو ال wifi calling ؟"

تجربتنا فى شراء الخط الجديد لشركة المصرية للاتصالات شبكة we :              

ببساطة مكنتش التجربة الامثل نهائيا لسة الموضوع بتاريخ 25/ 9 مش منظم نهائيا ففى اليوم السابق توجهت الى سنترال مصر الجديدة وكان رقمي هو 695 فى حين ان الكاونتر شغال على رقم 300 وده قبل انتهاء مواعيد العمل الرسمية فى الشركة فقررت الودة مرة اخري .. شكاوي العملاء كثير بسبب عدم تفعيل بعض الخطوط ويوجد خطوط لا تفعل اصلا وتلجأ الى تغيير الخط باخر مدة التفعيل تصل الى 48 ساعة وبعض الاحيان تضطر للتوجه الى السنترال مرة اخري .. الخطوط غير متوفرة فى كامل السنترالات اما اليوم التالى توجهت الى فرع عين شمس الساعة ال 4 عصرا حيث وجدت تجمع للحديث مع مدير الفرع لافاجئ ان لا يوجد تسجيل خطوط بسبب ان السيستم واقع وينصح المتواجدين بالتوجه لفروع اخري !! وعندما استفسرت عن ميعاد وقوع السيستم قال من امباح الساعة 7 يعنى ما يقترب من 24 ساعة مع عدم حل مشكلة السيستم فى سنترال رئيسي !! من المتوقع حدوث بعض المشاكل فى بداية التشغيل لكن لا اعلم لماذا تزيد هذه المشاكل عندما يكون الموزع تابع للحكومة على الرغم من رغبتنا فى دعم شبكة وطنية !! وسنطلعكم على جديد التجربة .
تحديث بتاريخ 1/10/2017 :
سنترال عين شمس كالعادة الحجة السيستم واقع
 تم بفضل الله شراء الخطوط من فرع مصر الجديدة برده للاسف مكنش فى نظام وكان فى زحمة كبيرة لدرجة ان فى ناس من 12 الظهر ومستلمتش الخطوط حتى 12 مساء انا توجهت للسنترال الساعة السادسة وكنت حريص جدا على انى استلم الخطوط اليوم باى شكل من الاشكال لقيت قدامى 400 رقم روحت مشوار ورجعت الساعة 9 الا ربع قبل معاد غلق السنترال واستلمت الخط كاخر شخص يستلم فى السنترال الساعة 12 مساء .
الموظفين كانوا شغالين بصراحة مقدرش الومهم كانو قليلين لكن لما باقى الاقسام خلصت شغل ساعدوا فى تسجيل الخطوط .. والحقيقة مكسلوش وهربو من مسؤليتهم رغم ان كان ممكن ده يحصل وكانوا محترمين جدا فى التعامل مع الناس .
عقليات المصريين لاسف مشكلة كان بيحصل هجوم على الخطوط لدرجة ان كل شخص بيشترى بال 10 خطوط كاملين !!! وطبعا فترة التسجيل بتاخد معه فوق الساعة وهو لوحده !!
كمان الناس فكرة ان الوحدات لكل الشبكات يعنى ال 1600 هتستفيد بيهم كلهم وللاسف فى ناس متعرفش المعلومة وبتضلل الناس بمعلومات خطا ان المكالمة للخطوط التانية ب 2 وحدة من ال 1600 مش ب 5 !! حاولن نعدل المعلومة للناس .
اثناء تسجيل العقد الساعة عدت 12 فالسيستم مقبلش التفعيل لانه مرتبط بالسجل المدنى ففعلته بنفسي تانى يوم عن طريق تركيب الخط والاتصال بخدمة العملاء والى كانوا برده محترمين جدا الخط خد نص ساعة عشان يتفعل تقريبا وبيبقى في 50 قرش لاجراء المكالمات اول ما تستلم الخط .

ازاى تشحن خط المصرية للاتصالات الشبكة الرابعة we : 

ممكن تشحن خطك من السنترال نفسه لان لسة كروت الشبكة مش متوفرة بكثرة .
او ممكن تشحن من اى محل عنده فورى او bee او مصاري متواجد الشحن من خلالهم حاليا
او ممكن تشحن online بالبطاقة الائتمانية للمزيد من المعلومات اقري الموضوع ده "كيفية شحن رصيد الهاتف ودفع الفواتير بال mastercard وال visa فى مصر"

جدير بالذكر ان شركة المصرية للاتصالات we عاملة عرض مؤقت حاليا الاستفادة بكامل رصيد الشحن يعنى هتشحن ب 10 جنيه يديلك 7 جنيه و 3 جنيه كوحدات تستفاد بيها وده بعد ما للاسف اسعار الكروت اضاف عليها ضريبة تصل الى 36 % يعنى الكارت ب 10 هتستفاد ب7 جنيه فقط من قيمته .


من هى شركة DOOGEE

بسم الله الرحمن الرحيم
النهاردة موضوعنا مهم للغاية عن

من هى شركة DOOGEE

من هي شركة DOOGEE

شركة DOOGEE - دوجي احد الشركات الحديثة فى السوق المصرى والى ابتدى تواجدها الرسمي فى مصر خلال الشهر الحالى شهر 9 من عام 2017 وكثرت الاسالة عن هذه الشركة الحديثة على السوق المصري ولهذا نقدم لكم اجابة استفساراتكم 

من هي شركة DOOGEE ؟!

جاء فى تعيف الشركة : انها شركة DOOGEE  شركة تم انشائها فى عام 2013 كثالث شركة مملوكة لمبراطوية الهواتف KVD ولكن تعمل كشركة مستقلة بذاتها حيث تتولى الشركة كامل عملية التصنيع بدئا بالتصميم انتهائا بانتاج المنتج النهائي لتقديم خدمة مميزة للعميل خاصة من ناحية الجودة حيث تمر كل منتجات شركة DOOGEE بالعديد من مراحل الاختبار قبل وجود المنتج بصورته النهائية مع العميل وتامل الشركة دائما لتقديم كل ما هو جديد ساعية لارضاء العميل .

(( لو عاوز تعرف اكتر عن امبراطوريات صناعة الهواتف اقرا المقال التالى امبراطوريات الهواتف - شركات اصلها واحد ))

حيث تسعى الشركة لزيادة انتشارها فى جميع انحاء العالم وبشكل عام تسعى الشركة لتوفير منتج جيد بسعر قليل .

الشركة بشكل عام بسبب اسعارها الاقتصادية للغاية والجودة المعقولة خلى للبراند قوة واصبح براند معروف فى الاسواق الصينية يعنى نقدر نقول انها من ضمن شركات الصف الثانى او الثالث فى الصين الى فيها عدد كبير جدا جدا من شركات صناعة الهواتف الى سمعنا والى مسمعناش والى ممكن حتى منسمعش عنها نهائيا وشركات الصف الثانى والثالث هى شركات الى خلف اول 10 شركات هواتف مشهورة فى الصين بشكل عام هيقدمو جودة معقولة .

وابتدت الشركة بقى من عام 2013 لحد دلوقت فى انها تنشر منتجاتها والى كان بيميزها دائما وابدا ميزة السعر الرخيص ويمكن اكتر هاتف نال ضجة للشركة الفترة الى فاتت كن هاتف DOOGIE MIX والى هو هاتف بدون حواف فى كثير من التقليد من حيث  التصميم لهاتف xiaomi mi mix والى حقق نجح كبير ف الاسواق العالمية بسبب سعره الرخيص مقابل  التصميم المميز .

الى ماذا يشير اسم شركة  DOOGEE ؟!

حسب تعريف الشركة فحرف ال D الاول هو اختصار ل "do" اما الحرفين OO يعبرو عن رمز الما لا نهاية اما كلمة GEE فى الانجليزية زي كلمة Jia فى الصينية وده كلمة الناس دايما بتقولها لما بتكون راكبة حصان بمعنى تانى عاملة زي شي فى مصر :) الحقيقة حنا مستقدناش حاجة بعد معرفة الاسم . 

لكنهم بيعتبرو ان الاسم بيعبر عن اتجاه الشركة انهم هيحاولوا تحقيق اهدافهم بطقة لا نهائية حتى يكونوا المسيطيرين فى مجالهم .

كمان الاسم ممكن يترجم بطريقة تانية ك "Doa Gee" 
والى بيكون نصفه الاول معناه الثقة والعدل والنصف الثانى يعنى كل الاشكال والاحجم والى ممكن يعبر عن انهم بيقدموا تصميمات جديدة وبتمتاذ بالثقة من حيث الجودة .

هل ده اول مرة نشوف منتجات شركة DOOGEE فى مصر ؟!

الاجابة هى لا  المنتجات توفرت فى فترة قبل كده فى مصر فى نطاق محدود وبعدين انتهت وكان مع بداية وجود شركات تانية فى السوق زي انفينكس وقت ما ابتدت ... لكن ده اول مرة الشركة تاخد وضع رسمي بطريقة احترافية .
لكن منتجاتها برده مش بعيدة عن السوق فللى ميعرفش فى جهاز للشركة منتشر جدا فى مصر وهو oneclick pop 2 والى هو فى الاساس اسمه DOOGEE X5 Max ولكن بشكل او باخر قدمته شركة oneclick بطريقة ال rebrand وهى اعادة تسمية منتج معين واعدة طرحه فى الاسواق باسم مختلف ويمكن بفضل الله احنا اول من تكلمنا عن الموضوع ده فللمزيد من التفاصيل ممكن تقرا المقال التالى ايه الى تعرفه عن شركة oneclick وليه مش موجودة عالميا

وكيل شركة DOOGEE فى مصر :

وكيل الشركة فى مصر هى شركة ARD Group 
يقع المكتب الرئيسي للشركة في دبي وتمتلك الشركة مكتب في كلا من الاْردن والسعودية ومصر 
وتمتلك الشركة في مصر 3 شركات وهم:
1- شركة المحور
2- شركة هاي اوبشن
3- شركة AH
:: المقر الرئيسي في مصر ::
5 شارع طيبه من جامعة الدول المهندسين خلف اسماك قدورة
:: مراكز الصيانة ::
(الجيزة)
6 شارع المصانع الحديدية من شارع الفلاح ميدان لبنان المهندسين
الجيزة شارع خاتم المرسلين برج ج ابراج بنك مصر
(كفر الشيخ) 
سيدي سالم منشأة عباس
(قويسنا) 
بسور النادي امام مجلس المدينة
:: مراكز استلام معتمدة ::
(اسيوط) 
سنترال المحطة
(دمياط الجديدة) 
مركز آل فاروق
(الاسكندرية) 
المحمدية

منتجات واسعار شركة DOOGEE فى مصر :


اعلنت شركة دوجي - DOOGEE قامة اسعارها والتى لاقت هجوم فى بداية الطرح الا ان عدلت الشركة سعر منتجين من منتجاتها ليكون سعرهم اوقع من حيث بداية منافسة شرسة فى السوق المصري 
وها هى قائمة الاسعار 
اسعار شركة DOOGEE فى مصر


منين ممكن تشترى منتجات شركة DOOGEE ؟

تقدر تشترى كل منتجات الشركة online من خلال souq.com ((من هنا))
وكيل الشركة فى مصر بيبيع منتجاته حاليا online من خلال صفحته  ((من هنا))

موزعين شركة دوجي - DOOGEE المعتمدين فى مصر :

موزعين الشركة فى القاهرة والجيزة
1- سلسلة محلات العفاريت
2- هدايه بالجيزة
3- سلسلة محلات نصر ومحمد علي بشارع عبدالعزيز
4- راديو عزب بعين شمس
موزعن الشركة بالجيزة :
1- محل الجزار شارع السوق _ المنيب
2- محل خالد أبوالدهب شارع الجمهورية_ الحوامدية
3- محل بدران جروب شارع سعد زغلول_ الحوامدية
4- محل احمد حسني شارع جمال عبد الناصر_ الحوامدية
5- سلسلة محلات هدايه شارع مراد بالجيزة بجوار محل جاد
6- محل المحور بمنشأة عباس - كفر الشيخ
موزعين الشركة فى شبين الكوم
1- سلسلة محلات سيف
موزعين الشركة في دمياط الجديدة وفارسكو
1- سلسلة محلات آل فاروق
موزعين الشركة في كفر الشيخ
1- سلسلة محلات الاقصي
موزعين الشركة في قويسنا
1- المحور ماركت شوب


المصادر: 1 2 3

سعر ومواصفات ومميزات هاتف انفينكس نوت 4 برو - Infinix Note 4 pro

بسم الله الرحمن الرحيم 
النهاردة موضونا عن 

سعر ومواصفات ومميزات هاتف انفينكس نوت 4 برو - Infinix Note 4 pro


سعر ومواصفات ومميزات هاتف انفينكس نوت 4 برو - Infinix Note 4 pro

من جديد فى اطار اصدار اكثر من جهاز لشركة انفينكس فى الفترة السابقة وبعد اطلاق هاتف انفينكس هوت 5 والذى تحدثنا عنه سابقا واطلاق ايضا هاتف انفينكس نوت 4 النسخة العادية تعود الان بطلاق هاتف انفينكس نوت 4 برو - Infinix Note 4 pro والى بيدل بشكل كبير مرة اخرى على قدرة لشركة على معرفة متطلبات فئة الشباب الفئة المستهدفة من الشركة ليكون اول هاتف يحتوى على قلم حقيقي بممييزات اضافية شبيهة لسلسلة نوت من سامسونج ولكن بسعر رخيص . فهيا بنا نتعرف على اهم مواصفات الهاتف الجديد من شركة انفينكس .

مواصفات هاتف انفينكس نوت 4 برو - Infinix Note 4 pro :


  • ياتى الهاتف بشاشة 5.7 بوصة full hd من شركة sharp .
  • ياتى الهاتف بكاميرا خلفية 13 ميجا بيكسل ملحقة بفلاش ثنائي وكاميرا امامية 8 ميجا بيكسل .
  • ذاكرة داخلية 32 جيجا بايت ورام 3 جيجا بايت .
  • معالج ثمانى الانوية mt 6753 ومعالج رسومي mali t720 .
  • بطارية 4500 ملي امبير مع دعم خاصية الشحن السريع .
  • يدعم شبكات الجيل الرابع .
  • الهاتف ياتى بنظام تشغيل نوجا 7.0 وواجهة انفينكس xos .
  • الهاتف يحتوي على بصمة الاصبع .
  • الهاتف ياتى بقلم ذو مميزات اضافية xpen .

مواصفات هاتف انفينكس نوت 4 - Infinix Note 4 :


  • ياتى بنفس المواصفات بنسختين احدهما 3 جيجا رام و 32 ذاكرة داخلية واخري 2 جيجا رام و 16 جيجا ذاكرة داخلية .
  • ياتى بتصميم بلاستيكى وليس معدني
  • لا ياتى مصحوبا بالقلم ذو المميزات الاضافية xpen
  • بطاريقة اقل بنسبة طفيفة عن النسخة البرو

مميزات هاتف انفينكس نوت 4 برو - Infinix Note 4 pro :

الهاتف ياتى بتصميم مميز جدا شبيه بتصميم سلسلة النوت من شركة سامسونج .
  • الهاتف ياتى بكاميرا مميزة تعد من افضل الكاميرات فى فئته .
  • الهاتف يدعم الشحن السريع والتى حسب احصائيات الشركة بان 5 دقائق فقط من الشحن يمدوك ب 250 دقيقة مكالمات .
  • الميزة الرئيسية والاهم وجود القلم xpen والذى يحتوي على المزيد من المميزات الاضافية والمقاربة لمميزات ال spen من سامسونج.
  • ياتى مع الهاتف ايضا جراب ذكي للحفاظ على الجهاز .
مميزات قلم ال xpen فى هاتف انفينكس نوت 4 برو - infinix note 4 pro


      عيوب هاتف انفينكس نوت 4 - Infinix Note 4 :

      وكما يوجد العديد من المميزات كالعادة لا يخلو اى هاتف من العيوب ومنها 

      • كالعادة تصر انفينكس على استخدام معالجات ثابتة فتستخدم انفينكس معالج قديم نسبيا فى هذا الجهاز وتم استخدامه فى العديد من اجهزتها من قبل لذلك بالنسبة للاداء انت كنت ممن يمتلك الجيل السابق لا تنتظر الكثير .
      • الهاتف لا ينافس من حيث الاداء فى فئته السعرية بسبب استخدام المعالج الثابت من الشركة .
      • عدم وجود مكان للقلم بداخل الجهاز نفسه ومكانه المخصص داخل الجراب الذكي .

      تعليقنا على هاتف انفينكس نوت 4 برو - Infinix Note 4 pro :

      شركة انفينكس بشكل او باخر تفوقت على نفسها فى هذه النسخة من الهاتف فهى تفهم السوق المصري والاسواق التى تعمل بها بشكل كبير فحظيت بكونها اول شركة تضيف القلم وبسعر فى متناول المستخدم العادى على عكس سلسلة النوت من سامسونج التى تتوجه للفئة العليا وباسعار عالية جدا ليست بمقدرة الجميع ... بالتاكيد لا نتوقع الكثير من القلم ولا يقارن بجودة وحساسية ال spen من سامسونج لكنها تظل خطوة جيدة ورائعة ... بشكل كبير نتوقع نجاح ساحق لهذا الجهاز على رغم من ضعف الاداء امام المنفسين كشاومي نوت 4 مثلا لكن نجاح انفينكس فى الغالب باستهداف الكماليات المحببة لفئة الشباب كما ان انتشارها فى السوق المصرى ووجودها بالمركز الثالث خلف العملاقين سامسونج وهواوي يساهم فى وجود قاعدة جماهيرية تمهد الساحة لنجاح كبير لهاتف انفينكس نوت 4 برو ليكون احد اكثر الهواتف مبيعا لهذا العام فى السوق  المصري .

      ولكن التسعير للهاتف غير مرحب به نهائيا فبسعر 3800 جنيه لا يعد الخيار الانسب فهناك فارق بين النسخة ال 3 جيجا رام العادية والنسخة البرو والى الفارق بينهم وجود القلم فقط 800 جنيه مصرى وقد جاء السعر مخالف لكل التوقعات بان لا يتعدى سعر هذه النسخة 3500 جنيه

      كيفية شراء هاتف انفينكس نوت 4 برو - Infinix Note 4 pro  و نوت 4 النسخة العادية :

      يمكنك شراء هذه النسخ من خلال موقع جوميا 
      نوت 4 النسخة العادية بسعر 2900 جنيه
      من هنا 
      نوت 4 النسخة العادية ولكن 3 جيجا رام
      من هنا
      نوت 4 برو بسعر 3800 جنيه

      سعر ومواصفات ومميزات هاتف انفينكس هوت 5 - Infinix Hot 5

      بسم الله الرحمن الرحيم 
      النهاردة موضوعنا عن 

      سعر ومواصفات ومميزات هاتف انفينكس هوت 5 - Infinix Hot 5

      سعر ومواصفات ومميزات هاتف انفينكس هوت 5 - Infinix Hot 5

      تطل اليوم علينا شركة انفينكس بهاتف جديد فى السوق المصري من سلسلة الهوت - Hot احد سلاسل الهواتف الاكثر مبيعا فى السوق المصري مع الكثير من المميزات الجديدة التى لا تخلو احيانا من العيوب وهو هاتف هاتف انفينكس هوت 5 - Infinix Hot 5 .. وذلك فى اطار اطلاق اكثر من جهاز ديد من الشركة من ضمنهم ايضا هاتف انفينكس نوت 4 وانفينكس نوت 4 برو

      مواصفات هاتف انفينكس هوت 5 - Infinix Hot 5 :

      • ياتى الهاتف بشاشة 5.5 بوصة
      • كاميرا خلفية بدقة 8 ميجا بيكسل وامامية بدقة 5 ميجا بيكسل مصحوبين بفلاش امامى وخلفى .
      • ذاكرة داخلية 16 جيجا بايت ورام 2 جيجا بايت للنسخة العادية .
      • معالج رباعى النواة mt6580 .
      • بطارية 4000 ملى امبير .
      • يدعم حتى شبكات الجيل الثالث .
      • الهاتف ياتى بنظام تشغيل اندرويد نوجا 7.0 وواجهة xos الخاصة بشركة انفينكس.
      • الهاتف ياتى بالعديد من المستشعرات من ضمنم مستشعر البصمة .

      مواصفات هاتف انفينكس هوت 5 لايت - Infinix Hot 5 lite:

      تاتى النسخة الايت من الجهاز والاقل نسبيا فى السعر باختلافات كفيفة عن المواصفات السابقة فكل المواصفات ثابتة ما عدا 
      • عدم وجود مستشعر البصمة .
      • الرام 1 جيجا بايت فقط .

        مميزات هاتف انفينكس هوت 5 - infinix hot 5 :

        تاتى ابرز مميزات الهاتف فى الاضافات التى تجذب الفئة الشبابية فى مصر بشكل عام وكما تعودنا من الشركة بانها قادرة على اكتساب حصة كبيرة من السوق المصري حتى وان كان عكس اتجاه السوق العالمى وحتى ان لم يكن افضل امكانيات بشكل عام فى فئته السعرية بسبب الاضافات المميزة .
        • فلاش امامى فى كاميرا السلفى .
        • توفر مستشعر البصمة.
        • صوت مجسم streo حيث تعمل اثناء تشغيل مقاطع الفيديو او الصوت كلا السماعتين معا سماعة المكالمات والسماعة الخارجية كما انه من المميز ايضا وجود السماعة الخارجية فى الجهة الامامية مما يساعد على عدم كتمان الصوت فى الوضع العادي ويعطي صوت موجه بشكل اكبر.
        • سعة البطارية الكبيرة.
        السماعات المزدوجة فى هاتف انفينكس هوت 5 - infinix hot 5

        عيوب هاتف انفينكس هوت 5 - infinix hot 5 :

        لا يخلو اى هاتف من العيوب بشكل عام ولا يوجد هاتف ابدا يصل الى الكمال فى اى من فئات الاسعار يجب عليك التضحية بميزات مقابل مميزات اخري وتعد ابرز عيوب الهاتف هى .
        • المعالج القديم نسبيا فلك انت تتخيل ايها القارئ ان اول جهاز من سلسلة الهوت من انفينكس ياتى بنفس المعالج الذى ياتى به الجهاز الخامس .
        • بسبب المعالج ايضا اصبح الهاتف لا يجعم خدمات الجيل الرابع بعكس ابرز منافسيه.
        • ضعف الاداء مقابل المنافسين فى الفئة السعرية فعلى الرغم من تميز الهاتف فى الكماليات بشكل عام الا انه بالتاكيد يخسر فى الاجاء من منافسيه بسبب استخدام معالج قديم .

        مبيعات هاتف انفينكس هوت 5 - Infinix Hot 5 :

        مبيعات هاتف انفينكس هوت 5 - Infinix Hot 5

        اثار موضوع مبيعات هاتف Infinix Hot 5 الكثير من الضجة فى الفرة الى فاتت بسبب توارد اخبار من جهات ذات صلة فى الشركة بتحقيق مبيعات تصل الى 20 الف قطعة فى عدد قليل جدا من الساعات وابتدت تدور نقاشات ما بين مؤيد ومعارض  لان العدد ده يعد مهول بالنسبة لمبيعات سوق ال online قى مصر واحتمالية كونها مجرد فكر تسويقى لا اكثر .
        بالنسبة لرئيى انا لانى معنديش معلومات ثابتة بصدق العدد ده او لا الا انه عدد يكاد لا يصدق مقدرش اتقبله بسهولة اطلاقا الا وحركة نفاذ الجهاز ما هى الا حركة تسويقية تقوم بها اغلب الشركات مع الاجهزة الجديدة الا انى متاكد ان الجهاز باع بشكل كويس ايا كانت الارقام الحقيقية وده راجع لان الشركة بالفعل فاهمة خصوصيات السوق المصرى الى بعيد كل البعد عن الاحصائيات والتوجهات العالمية والى خلى شركة انفينكس تكون فى المركز الثالث فى مبيعات السوق المصرى والاول فى المبيعات online على الرغم ان مش بالضرورة تكون الاجهزة هى الافضل بشكل كامل فى فئتها الا انهم بيعرفو يحذبو انتباه الشباب المصرى بالكماليات والى بالنسبة لكتير من فئة الشباب فى مصر ممكن يستغنى عن حاجات تانية كتير فى مقابلها .

        كيفية شراء هاتف انفينكس هوت 5 - Infinix Hot 5 :

        الهاتف يتوفر بشكل حصري على موقع سوق . كوم بسعر بيع 2100 جنيه للنسخة العادية و 1775 للنسخة الاقل وتقدر تشتريه من اللينك التالى 


        اندرويد اوريو ما الجديد - Android Oreo

        بسم الله الرحمن الرحيم
        النهاردة موضوعنا عن اخر اصدارات الاندرويد الى تم الاعلان عنه رسميا يوم 21/8/2017

        اندرويد اوريو ما الجديد - Android Oreo


         ما الجديد فى اندرويد اوريو - Android Oreo
        اعلنت جوجل بشكل رسمي اليوم عن android 8 النسخة الثامنة من نظام اندرويد باسم اندرويد اوريو بتاريخ 21/8/2017 .
        لو عوز تعرف ليه كل اسماء الاندرويد باسماء حلوى وعاوز تعرف معلومات اكتر عن نظام ادرويد بشكل عام متنساش تشوف مقالتنا (يعنى ايه اندرويد - android)

        الذكاء فى اختيار موعد الاعلان عن اندرويد اوريو - oreo :

        مبدئيا قبل الحديث عن مميزات الاندرويد الجديد نتكلم عن الذكاء فى اعداد وترتيب ميعاد اطلاق اصدار الاندرويد فلم تترك شركة Google اقل التفاصيل الا وقد اهتمت بها فى الاعداد لاطلاق الاندرويد فتم اختيار موعد الاطلاق يوم 21/8/2017 وهو نفس المعاد الى كان موافق لكسوف الشمس والى فيه القمر بيكون فى النص ما بين الشمس والارض فبيبان كانه قرص دائري فى النص واستغلت Google ده افضل استغلال فى الاعلان عن الاندرويد على انه هو القرص الى فى الشمس ويتفاجئ الجميع بان القرص ده هو اندرويد اوريو فى لقطة ابداعية فى فيديو الاعلان الى هتلاقيه فى اخر المقال .
        الذكاء فى اختيار موعد اطلاق اندرويد اوريو  oreo
        الذكاء فى اختيار موعد اطلاق اندرويد اوريو  oreo

        ابرز مميزات اندرويد اوريو - Android Oreo :

        1- سرعة الجهز وسرعة وقلة زمن فتح الجهاز حيث تضاعفت سرعة فتح الجهاز حسب تجربة الشركة على هاتف Google pixel وكمان بيقلل العمليات الى بتقوم بيها البرامج المفتوحة فى فى ال background وده بيدى سلاسة اكتر فى الاداء
        2- باشتراط موافقتك بتضيف ميزة جديدة فى تذكر الباسورد والاسم لتطبيقات معينة بحيث يكون الدخول بسرعة وبدون تعطيل فى اعادة كتابة اسم الدخول وكلمة المرور فى التطبيقات !
        3-تقدر تعمل اكتر من حاجة فى نفس الوقت بخاصية اسمها picture-in-picture يعنى ممكن تعمل مكالمة فيديو وى نفس الوقت تكون بتتصفح حاجة او تفتح برنامج وانت شغال على حاجة تانية الفرق بينها وبين ال split screen ان ده مش لازم تاخد نصف كامل من الشاشة بتكون نافذة انت الى بتحدد حجمها 
        خاصية picture in picure فى اندرويد وريو
        4- مش لازم تنزل شريط الاشعارات من فوق عشان تشوف اشعارات تطبيق معين بمجرد ما هتضغط على دائرة الاشعارات فوق التطبيق هتعرف ايه هى الاشعارات الى جتلك فى التطبيق ده كمان لو نزلت قائمة الاشعارات هتلاقيها متقسمة اشعارات كل برنامج معين ورا بعضيها كمان ممكن تتحكم فى اشعارات كل برنامج لوحده من حيث منعها لفترة مؤقتة او تغيير نغمتها
        5- ممكن تحصل على بعض الاضافات الخاصة بتطبيقات معينة من خلال المتصفح حتى لو كانت التطبيقات ده اصلا متمش تنزيلها من المتجر فى خاصية اسمها instant apps 
        6- فى تحديث لنظام الامان وجود Google play protect app وده app مسؤليته فحص جميع التطبيقات حتى لو تطبيقات انت منزلتهاش اصلا بشكل متواصل وده بيزود الحماية الخاصة بنظام اندرويد عن السابق.
        7- جوجل بتوعد انك هتحس بفرق كبير فى اندرويد اوريو - Android Oreo من حيث التوفير فى البطارية واطالة فترة استخدام الهاتف خلال اليوم 
        8- للناس الى بتحب الوجوه التعبيرية Emoji فتم اضافة اكتر من 60 وجه تعبيرى جديد عشان تقدر تشاركهم مع اصدقائك 
        9- كمان المطورين ليهم نصيب فى العديد من الاضافات الجديدة الى هتساعدهم يطلعوا ال apps بطريقة افضل لرؤيتهم وللمستخدم

        متى ساحصل على اندرويد اوريو - Android Oreo:

        فى بادئ الامر هيكون اول الهوتف الى هتحصل على التحديث هى هواتف pixel وهواتف nexus الحديثة والتى تدعمها شركة Google مباشرة ثم يتم تباعا تحديث اجهزة الشركات الاخري تبعا لجدولها الخاص والهواتف الى هتحددها الشركات للحصول على التحديث .
        مش بالضرورة هنا ان اى تليفون هيوصلو اخر تحديث فللاسف الشركات غالبا ما بتكتفى بتحديث اخر اصدارات السنة فقط او الهواتف العليا لمدة سنتين باقصى تقدير لكن هنتابع معاكم فى مقال قادم بامر الله الهواتف الى متوقع وصول التحديث ليهم فى كل شركة .

        الفيديو الرسمي لاطلاق اندرويد اوريو - Android Oreo:



        وبكده نكون وصلنا لاخر المقال بنتمنى ان احنا نكون افدناكم وتابعونا فى مقالاتنا القادمة باذن الله وفى الاخير نسال هل تتمنى تجربة هذه النسخة على هاتفك وهل تشعر ان الشركة اضافات خصائص بعيدة عن المعتاد وترضى الطموحات ام لا ؟ نسعد بتلقى تعليقاتكم واجاباتكم .

        المصادر: 1

        شركات الهواتف الصينية فى مصر ومركزها العالمي

        بسم الله الرحمن الرحيم
        النهاردة باذن الله هنتكلم عن موضع مهم جدا وهو

        شركات الهواتف الصينية فى مصر ومركزها العالمي

        شركات الهواتف الصينية فى مصر

        شركات الهواتف الصينية فى السوق المصري :

        فى السوق المصرى الفترة الى فاتت شهد تواجد لكتير من الشركات الصينية الجديدة فى السوق المصرى زي
         Xiaomi , Meizu ,Gionee
        ده غير اصلا الشركات الى فى الاساس صينية موجودة قبل كده زي Huawei ,Tecno , Infinix
        وشركات فى توقع كبير لوجودها فى مصر زي vivo فى الفترة القادمة

        الشعب المصري وشركات الهواتف الصينية :

        مش كفاية صينى بقى ؟ وده شركات تحت بير السلم ! للاسف الكلام ده لسة بنسمعه واحنا فى سنة 2017
         فى ظل ما احنا لسة بنفكر مين الشركات ده وليه اشترى منها و مشتريش من براند ليه اسمه وان الشركات ده مش براند اصلا او بنفضل براند علي التانى ومش واخدين بالنا من كمية التغيرات الى حصلت وبتحصل بشكل غريب فى السوق العالمى فى الفترة الى فاتت .
         فى مجازر بتحصل حاليا فى السوق العالمي البراندات الى معشقة  فى الشعب المصري انها ملهاش منافس بتعانى حرفيا فى السوق العالمي قدام الشركات الصينية حاليا.

        المركز العالمية للهواتف والشركات الصينية :

        افضل ٥  براندات فى حصة السوق اخر ٢٠١٦ كانت بالترتيب الاتى:
        samsung
        apple
        huawei
        oppo
        vivo
         وفى الربع التانى من السنة فى ٢٠١٧ شاومي  خدت مكان فيفو ورجعت تانى فى افضل ٥ شركات الكلام ده مش جديد تقريبا اخر ٣ سنين سيطرة كاملة من الشركات الصينية على الماركت شير العالمي واحنا هنا لسة بنقول صينى تحت بير السلم !!!
        تخيل ان فى اول ٦ شركات مفيش غير شركتين بس برة الصين طب تعرف ان حتى فى اول ١٠ تقريبا مفيش غير ٣ او ٤ شركات بس برة السوق الصيني وبيعانو عشان يفضلوا فى المنافسة

        فى رئيي انا صعب اوي نفضل براند ع التانى فى ال ٥ براند الاعلى فى السوق مينفعش  نقول براند اقوي من التانى كافضلية مطلقة وسيادية لان خريطة السوق بتتغير تغيرات جذرية من الوقت للتانى

        ترتيب افضل شركات الهواتف عالميا فى الربع الثانى من 2017

        افضل شركات الهواتف عالميا ونموها فى عام 2017


        افضل شركات الهواتف مبيعا فى الصين

        فى السوق الصيني افضل ١٠ براندات فيه برده ليهم حصة كبيرة فى السوق العالمي  زي ميزو الى بتلاحق شاومي وفيفو ووراها جيوني.
          الى بتكلم فيه ان خريطة سوق الهواتف اتغيرت بالفعل مش لسة هتتغير وبرده لسة هتتغير تانى كتير فميكونش تصنيفنا واقف على حاجة عفا عليها الزمن من التصنيفات اه فى صينى درجات وشركات جودتها وحشة ومصانع فى اى حتة ومصانع للهاى كوبى بس مش دول . نفرق ازاى ؟! الاحصائيات العالمية كفيلة توضحلك الفرق .
        ولو مش صدق اسال فين blackberry و sony وهل مركزهم الحالى هو الى كان من 5 سنين ؟!
        افضل شركات الهواتف مبيعا فى السوق الصينى فى عام 2017

        للاسف فى النهاية  وفى كل الاحصائيات احنا برة المنافسة احنا بعاد اوى كمية البراندات الى موجودة فى السوق المعروفة والمسجلة والى حتى مش مصنفة عدد ضخم غير محدود لكن للاسف مفيش مصر او دول عربية ليها وجود تصنيعيا وان كان فى بعض البراندات الى اصلها ومجالس ادارتها عربية وتصنع فى الصين ولكنها براندات للاسف هشة بدون وجود فعلى .

        لو عاوز تعرف اكتر عن تكنو وانفينكس ووجودهم فى مصر وعالميا واهم قلاع صناعة الهواتف اقرا الموضوع ده امبراطوريات الهواتف - شركات اصلها واحد

        لو عاوز تعرف اكتر عن شركات زي xiaomi و oppo اضغط على اسم الشركة
        اتسالنا كتير عن وضع شركة meizu العالمي عشان كده ده مقال مفصل عن الشركة "من هى شركة meizu"
        لو عاوز تعرف اكتر على البراند هو الحكم على الهاتف ولا لا اقرا الموضوع ده ما هو افضل براند او ماركة موبايل ؟!


        المصادر: