مواصفات وسعر ومراجعة HUAWEI GR3 2017

بسم الله الرحمن الرحيم
مواصفات وسعر ومراجعة HUAWEI GR3 2017


اهم مواصفات الهاتف
شاشة 5.2 بوصة ips lcd بدقة 1920*1080 
معالج HiSilicon Kirin 655 ثمانى النواة (4x2.1 GHz Cortex-A53 & 4x1.7 GHz Cortex-A53)
معالج رسوميات Mali-T830MP2
16 جيجا ذاكرة داخلية و 3 جيجا بايت رام 
كاميرا خلفية 12 ميجا بيكسل بفلاش احادى وفتحة عدسة  f/2.0
وكاميرا امامية 8 ميجا بيكسل  بفتحة عدسة  f/2.0
يحتوى على مستشعر بصمة
عينات الصور
فتح الصندوق

المراجعة

ملخص المراجعة الكتابى لاصحاب الباقات
- التصميم : ببساطة فى اعتقادى افضل تصميم فى الفئة ده
- الشاشة ادائها ممتاز والوانها ممتازة وادائها جيد فى اشعة الشمس
-الجهاز هيديك اداء ممتاز فى السعر ده مع معالج من الفئة المتوسطة ورام 3 جيجا بايت متبقى ليك حوالى 2.2 جيجا بايت واداءه فى الالعاب المتوسطة ممتاز وحتى مع الالعاب الى بتحتاج جرافيك عالى نسبيا جيد 
البطارية : من 4 ل 5 ساعات screen on time وزمن الشحن من 2.45 ل 3 ساعات 
السماعات : سماعة ومايك المكالمات مفيهومش اى مشكلة من جهة الوضوح والسماعة الخارجية كونها من تحت ده مش بيخليها بتتكتم بسهولة لو اتحطت على سطح مستوى وصوتها جيد جدا
الكاميرا : تشبع الالوان فى الكاميرا كان ممتاز جدا وتقدر تشوف عينات الصور سواء للكاميرا الخلفية الى بدقة 12 ميجا بيكسل او الامامية الى بتديلك صور جيدة جدا فى السلفى .
الجهاز بييجى باندرويد 7 وواجهة EMUI 5 وفى بعض الاضافات الجيدة زى انك تقدر تضيف زر خاص للتطبيقات للناس الى مكنش بيعجبها عدم وجود ده فى اجهزة HUAWEI وفى برده اضافات جيدة على البصمة زي السحب من فوق لتحت هتنزل قائمة الاشعارات او من اليمين للشمال فى ال gallery عشان تقلب الصور وكمان تقدر تقسم الشاشة نصفين لبرنامجين مختلفين والجهاز بيدعم otg وبيدعم الجيروسكوب .
ملحوظتنا على الجهاز : 
تتمثل ملحوظتنا على الجهاز فى 3 حاجات لا غير 
1- الفلاش فى الكاميرا الخلفية احادى وليس ثنائي زى اغلب الاجهزة الى فى الفئة ده حاليا بالتالى الاجهزة الثانية ممكن توفرلك اداء افضل خاصة فى الاضائة الضعيفة لكن ده لا يعنى ان الكاميرا فى الاضائة الخفيفة وحشة .. اطلاقا
2- الذاكرة الداخلية 16 جيجا بايت ومتوفر منها 8 جيجا بايت فقط للمستخدم وانت تقدر تحط اما شريحتين او شريحة وكارت .. ببساطة لو هتحط شريحتين المساحة ممكن تتعبك فى المستقبل
3- على قد ما التصميم مميز على قد ما يجب انك تكون حريص جدا مع الجهاز وتشوف اكسسوارات تقدر تحمى الجهاز لان حتى الجراب الى موفراه الشركة مش بيوفرلك القدر الادنى من الحماية

لشراء الهاتف 
من جوميا بسعر 3640
من سوق بسعر 3895

ملخص ازمة انفينكس والتجار

بسم الله الرحمن الرحيم
ملخص ازمة انفينكس والتجار
تاريخ الخبر يوم 22/2/2017 

***********

شهدت الايام الماضية توتر ما بين شركة infinix والتجار بسبب قائمة الاسعار الجديدة التى نشرتها الشركة بتاريخ يوم 19/2/2017 والى نزل فيها اسعار هواتف الشركة استجابة لحركة الدولار بشكل جيد والى كانت بالاسعار ده

الفكرة ان التجار بيشتروا الاجهزة اول باول فالى كان شارى الجهاز بسعره القديم الى كان غالى وبعدين دلوقت رخص بيكون خسر فالشركات بتدفع تعويضات للتجار عن فرق السعر ده لكن الى حصل ان الشركة معوضتش التجار وده غلط . 
لكن فى نفس الوقت التجار فى احيانا كثيرة كانو بيكسبوا من نفس الظروف ونفس ازمة الدولار لما السعر بيعلى ده غير انهم كانو بيلموا الاجهزة الى بتنزل للسمتخدمين فى شكل تخفيضات قوية من مواقع التسوق الالكترونى .
فمحدش ملاك فى القصة بشكل او باخروده تسبب فى ان بعض المحلات يضغطوا على الشركة بتشويه صورة المنتج 

وكلاء البيع لمكتب الشركة حاولوا يحلوا الموضوع بانهم ينزلوا قائمة مختلفة باسعار لتعويض التجار من ارباح الوكلاء مش تعويضات من مكتب الشركة نفسه 

لكن القائمة الى نزلها الوكلاء محلتش حاجة لا التاجر رضي بيها ولا مكتب الشركة قبلها والتصرف ده ادى لعناد مسؤلى الشركة اكتر وحصل تهديد من الشركة انها هتنزل وكيل جديد هيبيع بالاسعار الرسمية غير الاربع وكلاء دول . ومكتب الشركة اعلن ان الاسعار الجديدة شغالة حاليا ومطبقة فى الفروع الرسمية فى سيتى سنتر و فرع الشركة بالمقطم وقريبا هيكون متوفر من خلال جوميا . 

وفى النهاية لا يهمنا الا مصلحة المستخدم ومصلحة المستخدم فى افضل سعر 

قصة امل مصرى VoxEra

قصة امل مصرى VoxEra



صعب اوى انك تشوف ابتكار مصرى .. ولكن فى قصة الامل ده فريق مصرى غير الفكرة ده بابتكاره VoxEra وهو حصيلة جهد شباب مخلص لعمله وحابب ينجح فكرته ابتداء من بداية الفكرة فى اكتوبر 2015 الى ان شاء الله اكتمال مرحلة الانتاج والتوصيل فى شهر يونيو 2017 .

ايه هو VoxEra ؟!
ببساطة هو جهاز بيساهم فى حل مشكلة مصاريف التجوال لاجراء الاتصالات الهاتفية اثناء السفر والى بتكون باهظة بشكل مبالغ فيه وهيتيحلك الخدمة ده بدون اى مصاريف اضافية .. طب ازاى هيعمل كده 

ببساطة قبل ما هتسافر هتسيب شريحة تليفونك فى الجهاز ده وتوصله بال power و ال internet وتسافر ... بعد ما توصل تقدر بكل بساطة تستخدمة شبكة ال wifi فى انك تنزل app خاص ب VoxEra وهتقعدر تعمل اتصال مع الجهاز الى انت سايبه اصلا قبل السفر وهتقدر من خلاله ترسل وتستقبل مكالماتك من خلال رقمك العادى بنفس سعر المكالمة العادية فى بلدك باعلى جودة ممكنة 

ليه استخدم VoxEra مش اى app تانى وخلاص ؟!
ببساطة لانه تقنية مختلفة عن اى app تانى بيتيحلك الخدمة ده وده لانه مبيشترطش ان يكون الطرف الاخر الى بتكلمه او بتستقبل منه عنده نفس ال app او انه معاه smartphone لانك اصلا بتستقبل من خلال شريحتك العادية بداخل البلد وبيتم بعد الخطوة ده فقط باستخدام تقنية ال voip فى اتصالك .
ولانه بيتيج الاتصال برقمك انت بشكل طبيعى كانك جوة بلدك بالظبط 
وده شرح لطريقة عمله



وده مقارنة بينه وبين البرامج الى بتادى خدمات مشابهة نوعا ما

الشباب الى بايده فكر ونفذ ومصر انه يحقق حلمه 


زى ما الشباب ده حاول يعمل حاجة انت كمان تقدر تساعد فى بنائها عن طريق انك تساهم بالمشاركة معاهم فى عملية الانتاج او تحجز منتجك من خلال اللينك ده 

التغطية الشاملة لحفل اطلاق هاتف viwa pro f6

بسم الله الرحمن الرحيم
التغطية الشاملة لحفل اطلاق هاتف viwa pro f6

بدء حفل اطلاق الهاتف بالحديث عن الشركة وعن وجودها فى السوق عالميا ومحليا وعن البلاد التى تتوفر منتجات الشركة بها والتى من المقرر وجود الشركة بها خلال العام القادم وتفاخر الشركة باسماء الشركات المعاونة والموردين الخاصين بيهم والى كان منهم عدد كبير من الشركات المحترمة 

وتم الانتقال للحديث عن الهاتف من قبل المتحدث باسم الشركة فى مصر والى كانت مواصفاته التقنية كالاتى
بروسيسور Mtk 6735
رام 3 GB
ذاكرة داخلية 32 
يدعم تقنية 4g
بطارية 2600 ma
شاشة 5.5 بوصة oled 
سمك جهاز صغير نسبيا 6.6 m
كاميرا خلفية13 ميجا وامامية 5 ميجا
بصمة
وسعره فى السوق هيكون 3500 ج مصري


وتم الانتقال للحديث عن مراكز الصيانة الخاصة بالشركة حيث تم  التاكيد على اهتمام الشركة التام بمراكز الصيانة بشكل كامل حيث تعهدت الشركة بالاتقان والسرعة والاهتمام بالمستخدم لتوفير اكبر قدر ممكن من الرضا للمستخدم .

وبعد ذلك تم السماح للمدعوين بتجربة الهاتف ونظرا لتجربتنا القليلة للهاتف كان باين جودة الخامات المستخدمة فى تصنيع الهاتف وسلاسة النظام ولكن بالطبع لم تكن المواصفات بقدر ما تتمناه الصفحة لهاتف فى هذه الفئة السعرية ولكن يعد الهاتف نقلة قوية لشركة viwa فى السوق المصري تم تجربة الكاميرا الخلفية والى كان ادائها جيد جدا الى حد كبير ولكن الكاميرا الامامية لم تكن بقدر المطلوب خلال تجربتنا . على كل حال فى ملخص تجربتنا كان الهاتف جيد ..

وانتهى برنامج الحفل باحياء الفنان محمود العسيلى الحفل 



متجدد : كوبونات خصم وعروض جوميا

بسم الله الرحمن الرحيم 

بما اننا فى مدونتنا مش بنسعى بس اننا نوصل المعلومات المفيدة لاعضائنا الكرام لا احنا كمان بنحاول نعرفهم الفرص المميزة للتسوق .. فالموضوع ده هيكون متجدد باستمرار لاتاحة كوبونات الخصم واخر العروض الخاصة بجوميا 





************اهم العروض*************
جميع عروض game of deals
شحن مجانى على جميع المنتجات فى الثاهرة والجيزة
من هنا
OneClick X-Music II Pro
السعر 999 ج
من هنا
Lenovo K6 Note  (من افضل ترشيحات هذه الفئة )
بسعر 3600 ج
من هنا 

**********
عروض شركة انفينكس
من هنا


متجدد : كوبونات خصم وعروض سوق.كوم

بسم الله الرحمن الرحيم 

بما اننا فى مدونتنا مش بنسعى بس اننا نوصل المعلومات المفيدة لاعضائنا الكرام لا احنا كمان بنحاول نعرفهم الفرص المميزة للتسوق .. فالموضوع ده هيكون متجدد باستمرار لاتاحة كوبونات الخصم واخر العروض الخاصة بسوق.كوم

كوبونات الخصم : 

غير متوفر حاليا كوبونات خصم تابعونا باستمرار وتابعو العروض بالاسفل


اهم العروض :
خصم 10 % عند الشراء من سوق . كوم
شاومي ريدمى نوت 3 برو بسعر 2800 ج بدلا من 3600 ج
من هنا

شاومي ريدمى نوت 2 بسعر 1850 ج بدلا من 2250 ج
https://goo.gl/GW8hgv


خصم 10 % عند الشراء من سوق . كوم

بسم الله الرحمن الرحيم
فى تغطية حصرية لافضل عروض التسوق نقدم لكم
خصم 10 % عند الشراء من سوق . كوم 
لجميع عملاء فودافون عند الشراء من خلال فودافون كاش 

الخدمة صالحة للاستخدام على جميع المنتجات بتاريخ 17/11/2016
وحتى انتهائه
تقدر تستفاد من العرض من خلال سوق . كوم من خلال اللينك التالى ومن ثم اتباع المعلومات
******معلومات الخدمة*****
ازاي استخدم الخدمة؟
- اشترك في خدمة ڤودافون كاش. زور اي فرع فودافون و سجل ببلاش بالرقم القومي

- اودع فلوس في حسابك من اي منفذ خدمة ڤودافون كاش. عشان تعرف اقرب مكان ليك اطلب #9*9*

- بعد كده استخرج رقم الدفع اونلاين. اطلب #10*9*

هيجيلك رسالة فيها رقم الكارت و تاريخ الانتهاء و الرقم التأمينيCVV
ازاي تدفع علي سوق من فودافون كاش
:
- استخرج رقم الدفع اونلاين عن طريق #10*9* او تطبيق "انا فودافون"

- من تطبيق"انا فودافون" اختار خدمة "الدفع اونلاين"

- دخل المبلغ اللي هتدفعه اونلاين

- اكد العملية بادخال الرقم السري
- اختار اللي هتشتريه

- اختار الدفع "بكارت الائتمان"

- ادخل البيانات الرقم ، تاريخ الانتهاء و رقم التأميني الCVV

- اكتب اسمك في مكان "الاسم كما يظهر علي البطاقة"

الخدمة ببلاش لفترة محدودة.
حدود العمليات:
- الحد الاقصي للعملية في اليوم 3000 جنيه

- ممكن تودع في حسابك في ڤودافون كاش حتي 10000جنيه في الشهر بحد اقصي 3000 جنيه في اليوم

“Ana Vodafone” متوفرة ل اندرويد و iOS خدمة عملاء فودافون كاش 7001
*********

ملحوظات مهمة كيفية حساب ثمن السلعة بعد الخصم
يجب وضع كامل المبلغ قبل الخصم وعمل الفيزا بالمبلغ كامل 
وبعدين هيتم الخصم من نفسه لكن الرقم لازم تتطلعه على المبلغ كامل

تقدر تستفاد من العرض من خلال سوق . كوم من خلال اللينك التالى ومن ثم اتباع المعلومات

مواصفات وسعر هاتف ون كليك بوب 2 - OneClick POP II

بسم الله الرحمن الرحيم
اهلا بيكم معانا فى النظرة الشاملة ل  OneClick POP II 
مواصفات وسعر هاتف ون كليك بوب 2 -  OneClick POP II 

فى فئة سعر 1000 جنيه مش بطال بالنسبة للاسعار الحالية
*****
بروسيسور رباعى النواة 1.3 جيجا هرتز
شاشة 5 بوصة hd
مساحة داخلية 8 جيجا بايت ورام 1 
لكن بيدعم بصمة 360 درجة
اندرويد مارشميلو 
كام خلفية 8 وامامية برده 8
معاه اكسسواراته وضمان 14 شهر 
بطارية 4000 ملى امبير 

الشراء 
من هنا
*********
فيديوهات القناة
تجربة بصمة الهاتف

فتح صندوق الهاتف

المراجعة الكاملة
*****
السعر 1050 ج
الشراء 

ليه اسعار الموبايلات بتزيد فى مصر ؟


ليه اسعار الموبايلات بتزيد فى مصر ؟

للنقاش :
******
ما بين الشركة والتاجر والمشتري والدولار !!
المشكلة احنا حاليا في وضع لا نحسد عليه اطلاقا ..
١- من وجهة نظر الشركات :
قبل التعويم :
بنبيع الموب للتاجر وليكن ب ١٠٠٠ ج والتاجر بيبيعه المستهلك ب ١١٠٠ .. وبنشتريه ب ٦٠ $ الي هو كان يعادل وقت ما اشتريناه ٨٤٠ ج ... للعلم الشركات بياخدو من البنوك بالسعر الرسمي ولكن جزء صغير من المبلغ المطلوب فبيروحوا للسوق السوداء .. طب حاليا الدولار وصل ١٦ ج يعني اصبح كان تكلفته ٩٦٠ ج فلازم اغلي ع التاجر والمستخدم ... ييجي حد ويقولي بس ده مخزون قديم يتباع بالقديم والجديد اما يستوردوا يغلي !! عندك حق بس الشركة بتبيع القديم عشان توفر راس مال الجديد .. واساس راس مال اي مستورد هو الدولار مش الجنيه . 😎😎
بعد التعويم :
 البنك اصلا بقى زيه زى السوق السوداء ده افضل نسبيا اننا ممكن ناخد دولار من البنك ونبعد عن استغلال السوق السوداء ولكن قيمته بقت عالية رسميا ومش كده بس لا ده الجمارك كنا بندفعها بالدولار الرسمى الى كان 9 لكن دلوقت بقى بنفس القيمة الى بتتغير يوميا والى كسرت ال 16 ج 
٢- من وجهة نظر التاجر : 
مش في ايدي غير اني العب في ال ١٠٠ ج الي معايا الي بكسبهم في الفون ممكن انزل عشان انافس الي قدامي فيهم بس كده كده مهما نزلت هيغلي علي المستهلك .. ثم انا من حقي اكسب اكتر من ال ١٠٠ ج اصلا .. هي مش المعيشة علي الكل ولا غليت علي المستهلك وانا بجيب السكر بسعر زمان مثلا 😑😑
٣-من وجهة نظر المستهلك : 
وانا هلاقيها منين ولا منين لما كله يغلي وبعدين انا عارف اتصرف في الاستهلاكات الاساسية لما اتحمل تمن الفون !! انا مش شاري خالص . 😣😣
او انا قدامي ايه اعمله انا في حالة احتياج هشتري اي حاجة تمشيني حتي لو اغلي من سعرها المفترض .. ما باليد حيلة 😔😔
٤-الدولار :
المتوفر مني قليل والمطلوب كتير .. عشان كده قيمتي بتزيد ومصادر الدخل ليا واقفة عشان كده محدش هيلاحقني 😁😁😁
*****"
من الاخر ده الي بيحصل .. ايه الحل وايه رئيك .. سيب تعليق .

يعنى ايه الرموز 4G,3G,H+,H,E,G ؟

يعنى ايه الرموز 4G,3G,H+,H,E,G ؟!
كلنا بنشوف الكلام ده وفى منا كثير ميعرفش ايه معناه 
ده ببساطة الرموز الى بتظهر قوة وسرعة اتصالك بشبكة الانترنت من خلال الداتا
طيب ايه رئيكم نتعرف على معنى كل حاجة فيهم واحدة واحدة 


بمناسبة وجود ال 4G فى مصر لازم تعرف الات
*******************
ملحوظات:
ال 4G مش مدعوم فى كافة الهواتف تقدر تتاكد هل مدعوم ولا لا فى هاتفك تقدر تتفقد مواصفات هاتفك .. ولو هاتفك من خارج مصر حاول تتاكد من انه بيدعم الترددات الى هيتم تطبيقها من خلال الشركات المصرية
ال 3G موجود فى اغلب الهواتف الموجودة حاليا بالفعل .. لكن فى كتير من الهواتف خاصة الى مش من ضمن الهواتف الذكية مبتدعمش الجيل الثالث 
الهواتف الى بتدعم لحد ال 4G مش معناه انها مش هتشتغل 4G فقط لكن بتشغل افضل المتاح حسب المنطقة والتغطية الى انت فيها 
********************

لما تلاقى الرمز الى ظاهرلك اثناء اتصالك بالشبكة G :

ده معناك انك متصل على ال GPRS او (General Packet Radio Service) وده مش حاجة هتعجبك اوى لان ده بيعتب من ضمن تكنولوجيا ال 2G واحد اقدم التكنولوجيا المستخدمة فى نقل الداتا فبالتالى هتكون على اقل سرعة نقل بيانات مستخدمة يعنى صعب جدا انه يفيدك غير مثلا اثناء استخدام ال WhatsApp مش اكثر مجرد مراسلات نصية

لما تلاقى الرمز الى ظاهرلك اثناء اتصالك بالشبكة E :

هيكون ساعتها حالتك افضل شوية من ال G لانك حاليا تقريبا بتستخدم تكنولوجيا بعض الناس بيقولو عليها 2.5G وده لانها اعلى من ال 2G ولكن اقل من ال 3G وال E هنا اختصار ل EDGE او (Enhanced Data Rates for GSM Evolution) طبعا السرعة هنا هتكون افضل من ال GPRS ولكن مش هتكون كافية بالنسبالك انك تاخد راحتك فى التصفح

لما تلاقى الرمز الى ظاهرلك اثناء اتصالك بالشبكة 3G :

كده انت متصل بتكنولوجيا الجيل الثالث او ال (third generation) انت كده اسرع اكيد من الى فات وهتقدر تتصفح بسهولة افضل من الى كان متاح ليك سواء فى ال G او ال E

لما تلاقى الرمز الى ظاهرلك اثناء اتصالك بالشبكة H :

ال H هنا المقصود بيها HSPA او (High Speed Packet Access) وهى تكنولوجيا ايضا من الجيل الثالث ولكنها تعطيك سرعة اكثر من العلامة 3G وانت كده السرعة عندك كويسة جدا وتقدر تسمع موسيقى او تتفرج على فيديوهات 

لما تلاقى الرمز الى ظاهرلك اثناء اتصالك بالشبكة +H :

كده ده افضل سرعة تقدر توصلها خلال الجيل الثالث ومش هتوصل لاكثر من كده الا لو عندنا جيل رابع وللاسف لسة مش متوفر فى مصر تكنولوجيا الجيل الرابع طبعا اسرع من الى فاتت اكيد وهتقدر تشتغل فيها من غير اى تهنيج

ملحوظة هناك ايضا ال 4G وده الى داخل مصر ان شاء الله قريبا ال 4g السرعات فيه اعلى من سرعات الجيل الثالث وتابع الجدول الى جاى عشان تعرف مقدار السرعات الى ممكن يوصلها

العالم حاليا ابتدى بالفعل فى تطوير خدمات ال 5g وده يديلك نبذة عن كم التطور الهائل الى بيحصل فى العالم حاليا 

الجدول التالى يوضح اقصى السرعات لكل رمز من الى تم ذكرهم فى هذا المقال 






مراجع 
1

اكتب اسم الهاتف لتعرف افضل سعر